Intembauzyo 46
46
Kumweendelezi wanyimbo, aimbye bwiimbwa lwiimbo lwabana ba Kola kweendelana anyimbo ya Alamoti
1Nguzu zyesu amayubilo ngu Leza, ngomugwasyi uuliwo muciindi camapenzi oonse.
2Nikuba kuti nyika izungaane inga tatuwi pe,
inga tatuwi nikuba kuti zilundu ziwide akati kalwizi.
3Pe, tatuwi, nikuba kuti maanzi afufuma akuvuuma,
nikuba kuti zilundu zitenkaane akuvuuma kwawo.
4Nkuuli mulonga uujisi tulonga tubotezya munzi wa Leza,
tubotezya busena busalala ooko nkwakkala Sijulu wamajulu.
5Munzi tuukooyoonyonyoonwa nkaambo Leza ulimukati kawo,
kakucili kubucedo Leza uyoougwasya.
6Misyobo ilazwangana, malelo alooleka, napozomoka ajwi nyika ilabomboloka.
7Ulaandiswe Mwami Leza Singuzuzyoonse, ncikwabilizyo cesu Leza wa Jakobo.
8Amuboole muzoobone bubede milimo ya Mwami Leza, waleta kunyonyooka ansi.
9Mane do kumagolelo aanyika nguulesya nkondo,
nguutyola mata akupandaula masumo, nguuumpa nkalaki amulilo.
10“Amuumune muzibe kuti ndime Leza,
kuti ndime Leza uuyootembaulwa akati kamisyobo,
ndime eeyootembaulwa munyika.”
11Ulaandiswe Mwami Leza Singuzuzyoonse, ncecikwabilizyo cesu Leza wa Jakobo.
Currently Selected:
Intembauzyo 46: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
