Intembauzyo 2
2
Musale wa Leza
1Ani bamasi bazangila nzi? Ino bayeeyela nzi zyabuyo?
2Bami babamasi balibambilila kulwana,
beendelezi balaambilana zyabuzangi
zyakulwana Leza a Musale wakwe.
3“Atudunsule nketani zyabo.
Tuzisowe zyaanzyo zyabo kuzwa kulindiswe.”
4Mwami Leza uuli acuuno cabwami kujulu ulaseka,
Mwami Leza ulabaweela.
5Wamana ulabatapatila cabukali, ulabapenzya mukunyema kwakwe.
6Ulati, “Ndime ndakabikka mwami wangu acilundu cisalala Caziyoni.”
7Mwami ooyo ulati, “Ndakanana makani aa Leza.
Wandaambila kuti, ‘Nduwe mwanaangu sunu ndakuzyala.
8Kondikumbila, ndilakupa masi lube lukono lwako,
magolelo aanyika ukaavube.
9Uyoobapwayaula amusako walubulo,
uyoobapwasyaula mbuli cibiya camubumbi.’”
10Nkaako amucenjele, nomami, amuswiilile nobabetesi baansi.
11Amumukombe Leza cakumuyoowa, mumufugamine cakumulemeka.
12Amulibombye kuti atakalali,
mukuti mulaba nomunyonyooka munzila zyanu.
Bukali bwakwe bulafwambaana kubuka.
Balilelekedwe aabo boonse bayubila mulinguwe.
Currently Selected:
Intembauzyo 2: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
