Intembauzyo 148
148
Amumutembaule Mwami Leza
1Amumutembaule Mwami Leza, mumutembaule Mwami Leza nobakujulu,
amumutembaule nobakujulu kwini.
2Amumutembaule nyoonse nobangelo bakwe, nyoonse nomakamu aakwe amumutembaule.
3Amumutembaule nozuba amwezi, amumutembaule nyoonse nonyenyenzi zimweka.
4Mutembaule yebo ojulu lili aalaale, mutembaule omaanzi aali mujulu.
5Azitembaule zina lya Mwami Leza, nkaambo naakalailila kuti zibe zyakaba ncobeni.
6Wakazibikka mpaakayanda, mpampawaawo mpozibede kukabe kutamani,
wakazibikkila mulawo ngozitakonzyi kusotoka.
7Amumutembaule Mwami Leza nobaansi, amumutembaule nozilenge zipati
zyamulwizi, iimutembaule niiba mpisi yalwaanje yoonse.
8Amucite nzyalailila nondabo, civulamabwe, caanda, nomakumbi ayebo oguwo.
9Amucite nzyalailila nywebo nozilundu, tulundu-lundu toonse,
nomasamu aazyala micelo anywebo nomilombe nyoonse.
10Amucite nzyalailila nywebo nobanyama bamusokwe, nobanyama bavubwa boonse, nywebo nozikalaba abayuni bauluka.
11Amucite nzyalailila nobami bamunyika abantu boonse,
anywebo nobeendelezi abaleli boonse baansi.
12Amucite nzyalailila nywebo nobakubusi abanakalindu,
nobapati antoomwe abana baniini.
13Alitembaulwe zina lwa Mwami Leza, nkaambo zina lyakwe, zina lyakwe
lilikke buyo ndelitembaulika, bulemu bwakwe bwiinda julu anyika.
14Wabasumpula bantu bakwe, wabapa nguzu, nguzu zyakuti basalali bakwe
boonse batembaulwe, kuti Baisilayeli batembaulwe, Baisilayeli aabo bantu mbayandisya.
Currently Selected:
Intembauzyo 148: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
