Intembauzyo 140
140
Kumweendelezi wanyimbo. Lwiimbo lwa Devedi
1Ndivune, O Mwami Leza kuzwa kubantu babi, ndikwabilile kuzwa kubantu balupyopyongano.
2Bakanza zibyaabi mumyoyo yabo, mazuba oonse mbakubusya nkondo.
3Milaka yabo mibi mbuli buyoka bwanzoka, milomo yabo ilaabuyoka mbuli bwacipile.
4Ndivune, O Mwami Leza kuzwa kubabi,
ndikwabilile kuzwa kubantu balupyopyongano, balupyopyongano aabo bakanza kundileba.
5Banditeya kakole basikulisumpula, bakwapamika kazambe akuteya tukole munzila yangu.
6O Mwami Leza ndati, “Nduwe Leza wangu,
komvwa nkwekulilila kuti undeengelele, O Mwami Leza.”
7O Mwami Leza wangu, omuvuni wangu wanguzu, nduwe oondikwabilila mubuzuba bwankondo.
8Utabazumizyi kucita ziyanda myoyo yabo basizibi,
O Mwami Leza, batazwidilili mumakanze aabo.
9Cita kuti aabo bandizingulukide basongomeke mitwe, kuti kusinganya kwabo kubabweedele.
10Makala aanyeka abawide, basowelwe mumulilo, abasowelwe mumalindi aantimba kuti batakabuki limbi pe.
11Aabo babejelezya batabi nobakkalilila munyika pe, bantu balupyopyongano banyonyooke.
12Ndizi kuti Mwami Leza nguuvuna bacete, kuti mubululami ulaiminina babulide.
13Masimpe baluleme bayootembaula zina lyako, baluleme bayookkala kumbele lyako.
Currently Selected:
Intembauzyo 140: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
