Intembauzyo 132
132
1O Mwami Leza, koyeeya Devedi, waayeeye amakatazyo ngaakayumina.
2Walo wakakonkezya ku Mwami Leza, wakasinizya kuli Singuzu wa Jakobo akuti,
3“Muŋanda yangu nsikoonjila, nsikoolala abulo bwangu,
4nsikooona, nsikoovululata,
5kusikila nnjane busena bwaŋanda ya Leza, busena bwayooyo Singuzu wa Jakobo.”
6Twakamvwa zya bbokesi lyacizuminano mu Efulata, twakaakulijana musokwe ku Jaali.
7“Atweende kubusena ooko kukkala Leza, munsi aacuuno cakwe cabwami tukakombe.
8Nyamuka, O Mwami Leza, uboole kubusena bwako bwakulyookezezya,
uboole abbokesi litondezya nguzu zyako.
9Bapaizi bako boonse basame bululami mbuli busamwa cisani,
abalo basalali bako baimbe cakutangala.”
10Akaambo ka Devedi mubelesi wako utakaki, utamukaki munanike wako, O Mwami Leza.
11Kasinizizye Mwami Leza wakakonkezya kuli Devedi, cikonke eeco taakwe nayoocisandula.
Mucikonke eeco wakati, “Umwi wabalunyungu lwako njoomubikka acuuno cabwami.
12Naa balunyungu lwako babambe malailile ambeta zyangu nnzyebalailila,
eezyo nnzyebaiisya abalo bana balunyungu lwabo bayookkala,
bayookkala acuuno cako cabwami mane kukabe kutamani.”
13Mwami Leza wakasala Ziyoni, wakuuyanda munzi ooyo kuti akkale mumo.
14Wakati, “Oobu mbusena bwangu mbwenoolyookezezya, mbwenoolyookezezya mane kukabe kutamani,
ndakkala mumunzi ooyu, ndakkala mulinguwo nkaambo nduuyanda.
15Njooupa zintu zinji ziyandika, bacete balimumo bayookkuta zilyo.”
16Muli zyoonse nzyobayoocita bapaizi bawo njoobaleleka, basalali bamumo banooimba cakutangala.
17“Ooko njookomezya nguzu zya Devedi, nkwenjookkazikila munanike wangu lambe.
18Njoobausya nsoni basinkondonyina, pele musini wakwe walo unooyoomweka.”
Currently Selected:
Intembauzyo 132: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
