Intembauzyo 128
128
Lwiimbo lwa kutanta
1Ooyo uulemeka Mwami Leza ulilelekedwe, ulilelekedwe ncobeni ooyo weenda munzila zyakwe.
2Kufumbwa ncaakabelekela amaanza aakwe uyoocilya, uyoolelekwa, uyoozwidilila.
3Mukaintu wako uyooba mbuli musaansa uuzyalisya muŋanda yako,
bana bako bayooba mbuli maoliva aasyuuka beengela atebule lyako.
4Muntu uulemeka Mwami Leza, mbwayoolelekwa oobo.
5Mwami Leza akuleleke kuzwa ku Ziyoni, mumazuba aabumi bwako boonse ubone kusumpuka kwa Jelusalemu.
6Kocipona kuti ukabone bazyukulu bako. Luumuno lube ku Baisilayeli.
Currently Selected:
Intembauzyo 128: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
