Intembauzyo 122
122
Lwiimbo lwakutanta. Lwiimbo lwa Devedi
1Ndakakondwa nibakandaambila kuti, “Atweende kuŋanda ya Mwami Leza.”
2Tuliimvwi akati kamilyango, akati kamilyango yako O Jelusalemu.
3Jelusalemu munzi wakayakululwa, wakayakululwa bweelede.
4Nkonkuko ooko misyobo yabantu ba Mwami Leza nkwiiya, ooko balatembaula zina lya Mwami Leza,
balalitembaula kweendelana ambeta zyakapegwa Baisilayeli.
5Nkonkuko ooko kwakali kukkala bami, bami aabo baciinga ca Devedi.
6Amukombele Jelusalemu kuti abe muluumuno,
amukombe akuti, “Aabo bakuyanda O Jelusalemu, aabo zintu zibeendele kabotu.
7Akube luumuno mukati kako, mukati kamaanda aako aabwami akubatame.”
8Akaambo kabakwesu abeenzuma ndaamba kuti, “Luumuno lube mukati kako.”
9Akaambo kaŋanda ya Mwami Leza wesu, akaambo kanjiyo njookukombela kuti uzwidilile.
Currently Selected:
Intembauzyo 122: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
