Intembauzyo 101
101
Lwiimbo lwa Devedi
1Njooimba zyaluyando azyabululami, njootembaula nduwe, O Mwami Leza.
2Njoolibamba kuti nkabule kampenda mubuumi bwangu.
Ino uyooboola lili kulindime? Njookkala muŋanda yangu nkenyina kampenda.
3Nsikooyoolekela cintu cibi cili coonse mumoyo wangu,
milimo yabaabo batasyomi ndiisulide, nsiyanzani ambabo pe.
4Nsikakkali abantu bamyoyo mibi, nsibayandi pe.
5Uubejelezya mweenzinyina kaambo cakusisikizya njoomuumuzya,
uulisumpula, uulibikka aantu, nsikooyoomulekelela.
6Njoocita baabo basyomeka kulindime kuti bakkale andime,
ooyo uuenda kanyina kampenda nguuyoondikutaukila.
7Muntu uucenga takakkali muŋanda yangu,
taakwe waamba zyakubeja uuyooima kumbele lya Leza.
8Bamunyika boonse ndinoobalobya buzuba abuzuba,
njoonyonyoona boonse bacita zibi mumunzi wa Mwami Leza.
Currently Selected:
Intembauzyo 101: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
