Myeelwe 25
25
Baisilayeli mbubakabisya ku Mowabu
1Ciindi Baisilayeli nibakacikkede ku Syitimu, baalumi bakatalika kuvuula a Bamowabu. 2Bakaintu aaba bakali kubatamba kukupaizya kumituni yabo. Bakalya akukotamina mituni eeyo. 3Munzila eeyi Baisilayeli abalo bakakomba Baali waku Peyo. Mwami Leza wakabanyemena kapati. 4Eelyo wakaambila Mozesi kuti, “Jata basololi boonse babaabo, ubajaye boonse antangalala kumbele lya Mwami Leza kuti bukali bwangu buyoosya butayi ku Baisilayeli.”
5Lino Mozesi wakaambila basololi ba Baisilayeli kuti, “Umwi aumwi mumusyobo wakwe ajaye baalumi aabo bakomba Baali waku Peyo.”
6Kuzwa waawo Muisilayeli umwi wakaleta mukaintu Mumidiyani, Mozesi ababuleya Baisilayeli kabacilila kumulyango watente lyakuswaanganina. 7Mpoonya Finihasi, mwana wa Eliyazaa muzyukulu wa Aloni mupaizi, naakabona eeci, wakazwa mubuleya waakubweza sumo. 8Wakatobela mwaalumi amukaintu ooyo mutente, nkabela wakabayasa cakubajatikizya aamwi boonse bobilo. Aboobo cuumo cakamana. 9Pele aabo bakafwide kale aacuumo bakali zyuulu zili makumi obilo azine.
10Lino Mwami Leza wakaambila Mozesi kuti, 11“Finihasi mwana wa Eliyazaa, muzyukulu wa Aloni nguwamana bukali bwangu ku Baisilayeli, nkaambo wasungwaala mbubonya mbuli ndime. Nikwataba boobo nindabanyonyoona. 12Nkaako umwaambile kuti lino ndapanga cizuminano anguwe. 13Walo abalunyungu lwakwe bayooba bapaizi akutamani, nkaambo kakuti wakasungwaalila bulemu bwangu akusalazya Baisilayeli.”
14Lino zina lya Muisilayeli wakajaigwa amukaintu Mumidiyani wakali Zimula mwanaa Salu, mupati wamukowa wa Simiyoni. 15Nkabela mukaintu ooyo wakali Kozibi, mwanaa Zuu waluzubo lwabwami mu Midiyani.
16Lino Mwami Leza wakalailila Mozesi kuti, 17“Bamidiyani mbaasinkondonyoko, amubajaye, 18Nkaambo bakali kumulanga mbuli basinkondonyina nibakamweena mumakani aaku Peyo, amucizi wabo Kozibi, mwana wamusololi waku Midiyani, wakajaigwa muciindi cacuumo cakaletwa amakani aaku Peyo.”
Currently Selected:
Myeelwe 25: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Myeelwe 25
25
Baisilayeli mbubakabisya ku Mowabu
1Ciindi Baisilayeli nibakacikkede ku Syitimu, baalumi bakatalika kuvuula a Bamowabu. 2Bakaintu aaba bakali kubatamba kukupaizya kumituni yabo. Bakalya akukotamina mituni eeyo. 3Munzila eeyi Baisilayeli abalo bakakomba Baali waku Peyo. Mwami Leza wakabanyemena kapati. 4Eelyo wakaambila Mozesi kuti, “Jata basololi boonse babaabo, ubajaye boonse antangalala kumbele lya Mwami Leza kuti bukali bwangu buyoosya butayi ku Baisilayeli.”
5Lino Mozesi wakaambila basololi ba Baisilayeli kuti, “Umwi aumwi mumusyobo wakwe ajaye baalumi aabo bakomba Baali waku Peyo.”
6Kuzwa waawo Muisilayeli umwi wakaleta mukaintu Mumidiyani, Mozesi ababuleya Baisilayeli kabacilila kumulyango watente lyakuswaanganina. 7Mpoonya Finihasi, mwana wa Eliyazaa muzyukulu wa Aloni mupaizi, naakabona eeci, wakazwa mubuleya waakubweza sumo. 8Wakatobela mwaalumi amukaintu ooyo mutente, nkabela wakabayasa cakubajatikizya aamwi boonse bobilo. Aboobo cuumo cakamana. 9Pele aabo bakafwide kale aacuumo bakali zyuulu zili makumi obilo azine.
10Lino Mwami Leza wakaambila Mozesi kuti, 11“Finihasi mwana wa Eliyazaa, muzyukulu wa Aloni nguwamana bukali bwangu ku Baisilayeli, nkaambo wasungwaala mbubonya mbuli ndime. Nikwataba boobo nindabanyonyoona. 12Nkaako umwaambile kuti lino ndapanga cizuminano anguwe. 13Walo abalunyungu lwakwe bayooba bapaizi akutamani, nkaambo kakuti wakasungwaalila bulemu bwangu akusalazya Baisilayeli.”
14Lino zina lya Muisilayeli wakajaigwa amukaintu Mumidiyani wakali Zimula mwanaa Salu, mupati wamukowa wa Simiyoni. 15Nkabela mukaintu ooyo wakali Kozibi, mwanaa Zuu waluzubo lwabwami mu Midiyani.
16Lino Mwami Leza wakalailila Mozesi kuti, 17“Bamidiyani mbaasinkondonyoko, amubajaye, 18Nkaambo bakali kumulanga mbuli basinkondonyina nibakamweena mumakani aaku Peyo, amucizi wabo Kozibi, mwana wamusololi waku Midiyani, wakajaigwa muciindi cacuumo cakaletwa amakani aaku Peyo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.