Myeelwe 23
23
Kusinsima kwakusaanguna kwa Balaamu
1Mpawo Balaamu wakaambila Balaki wakati, “Ndiyakila zipaililo zili ciloba, nkabela ulete bapoho bali ciloba abagutu bali ciloba.”
2Mpoonya Balaki wakacita mbuli mbwaakaambilwa, nkabela Balaki a Balaamu bakapaizya poho omwe amugutu omwe acipaililo comwe-comwe. 3Balaamu wakaambila Balaki kuti, “Koima kumbali azipaizyo zyako, ambweni Mwami Leza ulaza kulindime. Nkabela kufumbwa ncatindaambile ndilakwaambila.” Mpoonya wakainka atala aakalundu. 4Nkabela ooko Leza wakaza kuli Balaamu, eelyo Balaamu wakati, “Ndakayaka zipaililo zili ciloba, nkabela ndakapaizya poho amugutu ali comwe-comwe.”
5Lino Mwami Leza wakaambila Balaamu kuti, “Kobweeda kuli Balaki ukaambe boobu-boobu.” 6Aboobo wakajokela kuli Balaki waakujana uciimvwi kumbali aacipaizyo cakwe abasololi boonse ba Bamowabu.
7Lino Balaamu wakasinsima wakati,
“Ngu Balaki nguwakandiita mwami waku Mowabu wakandiita ku Alamu,
kuzwa kuzilundu zyakujwe. Wakati,
‘Koza uzoondisinganyizizye Jakobo,
boola unditapatilile Baisilayeli!
8Ani mbasinganye buti Leza mbaatasinganya?
Mbatapatile buti Leza mbaatapatila?
9Kuzwa amyaala ndibabwene,
kuzwa aalamfu mbabaya.
Mmbantu bazandukide balikke,
batalaamwi amisyobo imwi.
10Nguni uukonzya kubala lunyungu lwa Jakobo,
mbanji mbuli lusuko.
Mamanino aangu abe mbuli aabo,
mfwe mbuli mululami!’”
11Lino Balaki wakaambila Balaamu wakati, “Ino ncinzi ncoocita? Ndakakwiitila kuti uzoondisinganyizizye basinkondoma, pele yebo taakwe ncoocita, pele kubaleleka buyo.”
12Balaamu wakaingula kuti, “Sena nsyeelede kwaamba zeezyo zyandipa Mwami Leza?”
Kusinsima kwabili kwa Balaamu
13Alimwi Balaki wakaambila Balaamu kuti, “Atweende kubusena bumbi ooko nkokonzya kubona Baisilayeli bamwi buyo. Ndiyanda kuti kuzwa ooko ukandisinganyizizye Baisilayeli. 14Nkabela wakamutola kumuunda wa Zofimu atala aacilundu ca Pisiga. Ooko alimwi wakaakuyaka zipaililo zili ciloba akupaizya poho amugutu ali comwe-comwe.”
15Kuzwa waawo Balaamu wakaambila Balaki kuti, “Koima kumbali aazipaizyo zyako, mebo ndainka kuyooswaangana a Leza okuya.”
16Lino Mwami Leza wakaza kuli Balaamu akumwaambila kuti, “Kobweeda kuli Balaki ukaambe boobu-boobu.” 17Aboobo wakajokela kuli Balaki waakujana Balaki uciimvwi kumbali aacipaizyo cakwe abasololi ba Bamowabu. Lino Balaki wakamubuzya kuti,
“Ino Mwami Leza waamba buti?
18Mpawo Balaamu wakasinsima wati,
‘Koza Balaki, uswiilile,
ndimvwe omwana wa Zipoo!’
19Leza tali muntu kuti abeje pe,
tali muntu susu uusandula mizeezo.
Mwati waamba buyo kataciciti?
Mwati usyomezya buyo kacitabi?
20Ndalaililwa kuleleka,
waleleka nsikoocisandula pe.
21Kunyina mapenzi ku Bajakobo,
kunyina makatazyo ku Baisilayeli.
Mwami Leza wabo ulaabo,
balaambilizya kuti Mmwami wabo.
22Leza nguwakabagwisya ku Ijipiti,
balaanguzu mbuli munyati.
23Taakwe uukonzya kuvuma Bajakobo,
taakwe uukonzya kulowa Baisilayeli.
Bantu banooamba zya Bajakobo,
‘Amubone Leza nzyaabacitila Baisilayeli!’
24Bantu aabo bali mbuli syuumbwa, ulaanguzu mukali,
uutalyookezyi mane amaninizye ncaajaya,
amyankutule abulowa bwaco.”
25Amvwe boobo Balaki wakaambila Balaamu kuti, “Wakaka kubasinganya nkokuti utanoobaleleki.” 26Pele Balaamu wakaingula kuti, “Sena tiindakakwaambila kuti ndeelede kucita eeco coonse Mwami Leza ncaandaambila?”
Kusinsima kwatatu kwa Balaamu
27Lino Balaki wakaambila Balaamu kuti, “Atweende ndikutole kubusena bumbi. Ambweni Leza uyookuzuminzya undisinganyizizye bantu aaba kuzwa kooko.” 28Mpoonya wakatola Balaamu atala lyacilundu ca Peyo cilangene ankanda. 29Balaamu wakamwaambila kuti, “Yaka zipaililo zili ciloba alimwi upaizye bapoho bali ciloba abagutu bali ciloba.” 30Eelyo Balaki wakacita mbubonya mbuli mbwaakaambilwa, nkabela bakapaizya poho amugutu acipaililo comwe-comwe.
Currently Selected:
Myeelwe 23: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Myeelwe 23
23
Kusinsima kwakusaanguna kwa Balaamu
1Mpawo Balaamu wakaambila Balaki wakati, “Ndiyakila zipaililo zili ciloba, nkabela ulete bapoho bali ciloba abagutu bali ciloba.”
2Mpoonya Balaki wakacita mbuli mbwaakaambilwa, nkabela Balaki a Balaamu bakapaizya poho omwe amugutu omwe acipaililo comwe-comwe. 3Balaamu wakaambila Balaki kuti, “Koima kumbali azipaizyo zyako, ambweni Mwami Leza ulaza kulindime. Nkabela kufumbwa ncatindaambile ndilakwaambila.” Mpoonya wakainka atala aakalundu. 4Nkabela ooko Leza wakaza kuli Balaamu, eelyo Balaamu wakati, “Ndakayaka zipaililo zili ciloba, nkabela ndakapaizya poho amugutu ali comwe-comwe.”
5Lino Mwami Leza wakaambila Balaamu kuti, “Kobweeda kuli Balaki ukaambe boobu-boobu.” 6Aboobo wakajokela kuli Balaki waakujana uciimvwi kumbali aacipaizyo cakwe abasololi boonse ba Bamowabu.
7Lino Balaamu wakasinsima wakati,
“Ngu Balaki nguwakandiita mwami waku Mowabu wakandiita ku Alamu,
kuzwa kuzilundu zyakujwe. Wakati,
‘Koza uzoondisinganyizizye Jakobo,
boola unditapatilile Baisilayeli!
8Ani mbasinganye buti Leza mbaatasinganya?
Mbatapatile buti Leza mbaatapatila?
9Kuzwa amyaala ndibabwene,
kuzwa aalamfu mbabaya.
Mmbantu bazandukide balikke,
batalaamwi amisyobo imwi.
10Nguni uukonzya kubala lunyungu lwa Jakobo,
mbanji mbuli lusuko.
Mamanino aangu abe mbuli aabo,
mfwe mbuli mululami!’”
11Lino Balaki wakaambila Balaamu wakati, “Ino ncinzi ncoocita? Ndakakwiitila kuti uzoondisinganyizizye basinkondoma, pele yebo taakwe ncoocita, pele kubaleleka buyo.”
12Balaamu wakaingula kuti, “Sena nsyeelede kwaamba zeezyo zyandipa Mwami Leza?”
Kusinsima kwabili kwa Balaamu
13Alimwi Balaki wakaambila Balaamu kuti, “Atweende kubusena bumbi ooko nkokonzya kubona Baisilayeli bamwi buyo. Ndiyanda kuti kuzwa ooko ukandisinganyizizye Baisilayeli. 14Nkabela wakamutola kumuunda wa Zofimu atala aacilundu ca Pisiga. Ooko alimwi wakaakuyaka zipaililo zili ciloba akupaizya poho amugutu ali comwe-comwe.”
15Kuzwa waawo Balaamu wakaambila Balaki kuti, “Koima kumbali aazipaizyo zyako, mebo ndainka kuyooswaangana a Leza okuya.”
16Lino Mwami Leza wakaza kuli Balaamu akumwaambila kuti, “Kobweeda kuli Balaki ukaambe boobu-boobu.” 17Aboobo wakajokela kuli Balaki waakujana Balaki uciimvwi kumbali aacipaizyo cakwe abasololi ba Bamowabu. Lino Balaki wakamubuzya kuti,
“Ino Mwami Leza waamba buti?
18Mpawo Balaamu wakasinsima wati,
‘Koza Balaki, uswiilile,
ndimvwe omwana wa Zipoo!’
19Leza tali muntu kuti abeje pe,
tali muntu susu uusandula mizeezo.
Mwati waamba buyo kataciciti?
Mwati usyomezya buyo kacitabi?
20Ndalaililwa kuleleka,
waleleka nsikoocisandula pe.
21Kunyina mapenzi ku Bajakobo,
kunyina makatazyo ku Baisilayeli.
Mwami Leza wabo ulaabo,
balaambilizya kuti Mmwami wabo.
22Leza nguwakabagwisya ku Ijipiti,
balaanguzu mbuli munyati.
23Taakwe uukonzya kuvuma Bajakobo,
taakwe uukonzya kulowa Baisilayeli.
Bantu banooamba zya Bajakobo,
‘Amubone Leza nzyaabacitila Baisilayeli!’
24Bantu aabo bali mbuli syuumbwa, ulaanguzu mukali,
uutalyookezyi mane amaninizye ncaajaya,
amyankutule abulowa bwaco.”
25Amvwe boobo Balaki wakaambila Balaamu kuti, “Wakaka kubasinganya nkokuti utanoobaleleki.” 26Pele Balaamu wakaingula kuti, “Sena tiindakakwaambila kuti ndeelede kucita eeco coonse Mwami Leza ncaandaambila?”
Kusinsima kwatatu kwa Balaamu
27Lino Balaki wakaambila Balaamu kuti, “Atweende ndikutole kubusena bumbi. Ambweni Leza uyookuzuminzya undisinganyizizye bantu aaba kuzwa kooko.” 28Mpoonya wakatola Balaamu atala lyacilundu ca Peyo cilangene ankanda. 29Balaamu wakamwaambila kuti, “Yaka zipaililo zili ciloba alimwi upaizye bapoho bali ciloba abagutu bali ciloba.” 30Eelyo Balaki wakacita mbubonya mbuli mbwaakaambilwa, nkabela bakapaizya poho amugutu acipaililo comwe-comwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.