Myeelwe 11
11
Zyamulilo uuzwa ku Mwami Leza
1Lino bantu bakatalika kutongookela Mwami Leza akaambo kamapenzi aabo. Leza naakamvwa eezi wakakalala kapati, wakatuma mulilo wakutenta zivuka zili kumagolelo. 2Bacibona oobo bantu bakalilila Mozesi, Mozesi wakakomba ku Mwami Leza, mpoonya mulilo wakazima. 3Nkankakaako busena oobo ncobwakaitwa kuti Tabela nkaambo mulilo wa Mwami Leza wakatenta ooko.
Mozesi mbwaakasala basololi bali makumi aali ciloba
4Lino kwakali bamasi mbubakali aabo. Aaba bakafwa nkosya, abalo Baisilayeli bakatalika kutongooka bakati, “Akaka nikwali nyama! 5Inswi ziya nzitwakali kulya buyo ku Ijipiti, makowa, banamunywa, tubbandula-myeendo, hanyesi, azitungulu! 6Okuno twiide kulya mana, aalo ngaaya atunsunkwida!”
7Lino mana akali mbuli nseke zyanzembwe, alimwi akali kulangika mbuli bulimbo. 8Bantu bakali kubweza mana, baaziya nikuba kwaatwa. Bakali kwaajika akupanga tunkwa. Akali kunona mbuli tunkwa twakakangizigwa mumafuta aaoliva. 9Lume nilwakali kuwa ciindi camasiku kuzivuka, amana akawidilizya.
10Lino Mozesi wakabamvwa bantu boonse kabatongooka kumatente aabo. Nkaako Mwami Leza wakakalala kapati. Nkabela Mozesi wakausa kapati. 11Eelyo wakaambila Mwami Leza kuti, “Ino nkaambo nzi wandipenzya boobu, ndemutwanga wako? Ncinzi ncindacita citakubotezyi kuti ulekele bantu boonse aaba kulindime? 12Sena ndime ndakabamita bantu boonse aaba? Sena ndime ndakabazyala? Ncinzi ncotimbemuleli wabo uubanyamuna mumaanza mbuli bavwanda kunyika eeyo njookasyomezya acikonke kumawisi? 13Ani inga nyama ndiijana kuli yabantu boonse aaba? Baide kundililila kabati, tupe nyama, tulye! 14Nsikonzyi kuyumuna dwi lyabantu aaba endikke pe. Ndalema! 15Kuti naa mbocibede oobu, ani ndijaye buyo ono. Ee, kuti wandibeda aaluse, ndijaye kuti nketacipenzegwi kwiinda waawa!”
16Lino Mwami Leza wakaambila Mozesi kuti, “Ndiletela bapati ba Baisilayeli bali makumi aali ciloba, aabo mbozi kuti mbasololi, alimwi mbeendelezi babo. Bazooime anduwe kutente lyakuswaanganina. 17Ndilaboola nzooambaule anduwe ooko, nkabela nzooabanya Muuya ngwindakakupa abalo. Bayookugwasya kubweza mukuli wakulanga bantu kutegwa utabi noubweza olikke buyo.
18“Lino ambila bantu kuti, ‘Amulilondole, juunza muzoojana nyama yakulya.’ Nkaambo Mwami Leza wakumvwa kulila kwanu kwakuyanda nyama akwaamba kwanu kuti, ‘Swebo twakali kabotu mu Ijipiti.’ Iiyi Mwami Leza uyoomupa nyama, muzoolye. 19Tamukooilya buyo buzuba bomwe naa obilo, naa osanwe, naa aali kkumi, naa mazuba aali makumi obilo.” 20Munoolya mwezi oonse uuzwide kusikila ikamusunkwide, nkaambo mwakamukaka Mwami Leza uuli akati kanu, ngomwakatongookela nimwakati, “Twakazwida nzi ku Ijipiti!”
21Pele Mozesi wakaambila Mwami Leza kuti, “Bona baalumi mbendili aabo bali zyuulu zili myaanda iili cisambomwe, wamana waamba kuti uyoobapa nyama mwezi oonse! 22Nikuba kuti twajaya ŋombe ambelele zyoonse naa kuzuba nswi zyoonse zyamulwizi tabakoozulila pe!”
23Aawo Mwami Leza wakaingula Mozesi kuti, “Sena nguzu zya Mwami Leza nzisyoonto? Lino ulabona naa ncindaamba cilacitika naa pe.”
24Aboobo Mozesi wakainka wakwaambila bantu makani oonse Mwami Leza ngaakamwaambila. Wakaita basololi bali makumi aali ciloba kubaimika kuzinguluka tente lyakukombela. 25Mpoonya aawo Mwami Leza wakasika mukkumbi waambaula a Mozesi, eelyo wakabapa Muuya abalo aabo basololi bali makumi aali ciloba. Ciindi Muuya nuwakabakkala, boonse bakasinsima, pele teebakakonzya kusinsima limbi alimwi pe.
26Lino bobilo akati kabasololi baya, Elidadi a Medadi bakasyaala kuzivuka, teebakainka kutente pe. Nikuba boobo nkukonya ooko Muuya wakabakkala, eelyo abalo bakasinsima. 27Mpawo umwi mulombe wakazuzaanina kuli Mozesi waakuti, “Ba Elidadi a Medadi basinsima.”
28Lino Josyuwa, mwanaa Nuni, wakali mugwasyi wa Mozesi, kuzwa naakacili mukubusi, wakapozomoka akwaambila Mozesi kuti, “Simalelo wangu, balesye!”
29Mozesi wakamwiingula kuti, “Ino cakunjila buti kutali ndime? Ndalikulombozya kuti Mwami Leza ape Muuya kubantu bakwe boonse kuti basinsime!”
30Kuzwaawo Mozesi antoomwe abasololi baya bakabweeda kuzivuka.
Mwami Leza mbwaakatuma bakancele
31Lino Mwami Leza wakatuma muuwo wakaleta bakancele kuzwa kumusanza kabauluka caansaansi. Bakakkala kumbali aazivuka kukkwanya busena bulampa musinzo wabuzuba bomwe kumabazu oonse. 32Nkabela bantu bakaluujisi buzuba abusiku boonse mane abwakatobela kabaya bujata bakancele. Kunyina wakalela masaka obilo. Bakabaandula akubayanika kuzivuka.
33Lino kabacilya kabatana mana, Mwami Leza wakabanyemena, wakabaletela bulwazi. 34Nkabela busena oobo bakabuulika kuti Kibulotihataava nkokuti namaumbwe wabasibusa nkaambo ooko nkubakazikkila basibusa. 35Kuzwa kooko bantu bakalongela ku Hazeloti baakuyakila nkuko.
Currently Selected:
Myeelwe 11: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Myeelwe 11
11
Zyamulilo uuzwa ku Mwami Leza
1Lino bantu bakatalika kutongookela Mwami Leza akaambo kamapenzi aabo. Leza naakamvwa eezi wakakalala kapati, wakatuma mulilo wakutenta zivuka zili kumagolelo. 2Bacibona oobo bantu bakalilila Mozesi, Mozesi wakakomba ku Mwami Leza, mpoonya mulilo wakazima. 3Nkankakaako busena oobo ncobwakaitwa kuti Tabela nkaambo mulilo wa Mwami Leza wakatenta ooko.
Mozesi mbwaakasala basololi bali makumi aali ciloba
4Lino kwakali bamasi mbubakali aabo. Aaba bakafwa nkosya, abalo Baisilayeli bakatalika kutongooka bakati, “Akaka nikwali nyama! 5Inswi ziya nzitwakali kulya buyo ku Ijipiti, makowa, banamunywa, tubbandula-myeendo, hanyesi, azitungulu! 6Okuno twiide kulya mana, aalo ngaaya atunsunkwida!”
7Lino mana akali mbuli nseke zyanzembwe, alimwi akali kulangika mbuli bulimbo. 8Bantu bakali kubweza mana, baaziya nikuba kwaatwa. Bakali kwaajika akupanga tunkwa. Akali kunona mbuli tunkwa twakakangizigwa mumafuta aaoliva. 9Lume nilwakali kuwa ciindi camasiku kuzivuka, amana akawidilizya.
10Lino Mozesi wakabamvwa bantu boonse kabatongooka kumatente aabo. Nkaako Mwami Leza wakakalala kapati. Nkabela Mozesi wakausa kapati. 11Eelyo wakaambila Mwami Leza kuti, “Ino nkaambo nzi wandipenzya boobu, ndemutwanga wako? Ncinzi ncindacita citakubotezyi kuti ulekele bantu boonse aaba kulindime? 12Sena ndime ndakabamita bantu boonse aaba? Sena ndime ndakabazyala? Ncinzi ncotimbemuleli wabo uubanyamuna mumaanza mbuli bavwanda kunyika eeyo njookasyomezya acikonke kumawisi? 13Ani inga nyama ndiijana kuli yabantu boonse aaba? Baide kundililila kabati, tupe nyama, tulye! 14Nsikonzyi kuyumuna dwi lyabantu aaba endikke pe. Ndalema! 15Kuti naa mbocibede oobu, ani ndijaye buyo ono. Ee, kuti wandibeda aaluse, ndijaye kuti nketacipenzegwi kwiinda waawa!”
16Lino Mwami Leza wakaambila Mozesi kuti, “Ndiletela bapati ba Baisilayeli bali makumi aali ciloba, aabo mbozi kuti mbasololi, alimwi mbeendelezi babo. Bazooime anduwe kutente lyakuswaanganina. 17Ndilaboola nzooambaule anduwe ooko, nkabela nzooabanya Muuya ngwindakakupa abalo. Bayookugwasya kubweza mukuli wakulanga bantu kutegwa utabi noubweza olikke buyo.
18“Lino ambila bantu kuti, ‘Amulilondole, juunza muzoojana nyama yakulya.’ Nkaambo Mwami Leza wakumvwa kulila kwanu kwakuyanda nyama akwaamba kwanu kuti, ‘Swebo twakali kabotu mu Ijipiti.’ Iiyi Mwami Leza uyoomupa nyama, muzoolye. 19Tamukooilya buyo buzuba bomwe naa obilo, naa osanwe, naa aali kkumi, naa mazuba aali makumi obilo.” 20Munoolya mwezi oonse uuzwide kusikila ikamusunkwide, nkaambo mwakamukaka Mwami Leza uuli akati kanu, ngomwakatongookela nimwakati, “Twakazwida nzi ku Ijipiti!”
21Pele Mozesi wakaambila Mwami Leza kuti, “Bona baalumi mbendili aabo bali zyuulu zili myaanda iili cisambomwe, wamana waamba kuti uyoobapa nyama mwezi oonse! 22Nikuba kuti twajaya ŋombe ambelele zyoonse naa kuzuba nswi zyoonse zyamulwizi tabakoozulila pe!”
23Aawo Mwami Leza wakaingula Mozesi kuti, “Sena nguzu zya Mwami Leza nzisyoonto? Lino ulabona naa ncindaamba cilacitika naa pe.”
24Aboobo Mozesi wakainka wakwaambila bantu makani oonse Mwami Leza ngaakamwaambila. Wakaita basololi bali makumi aali ciloba kubaimika kuzinguluka tente lyakukombela. 25Mpoonya aawo Mwami Leza wakasika mukkumbi waambaula a Mozesi, eelyo wakabapa Muuya abalo aabo basololi bali makumi aali ciloba. Ciindi Muuya nuwakabakkala, boonse bakasinsima, pele teebakakonzya kusinsima limbi alimwi pe.
26Lino bobilo akati kabasololi baya, Elidadi a Medadi bakasyaala kuzivuka, teebakainka kutente pe. Nikuba boobo nkukonya ooko Muuya wakabakkala, eelyo abalo bakasinsima. 27Mpawo umwi mulombe wakazuzaanina kuli Mozesi waakuti, “Ba Elidadi a Medadi basinsima.”
28Lino Josyuwa, mwanaa Nuni, wakali mugwasyi wa Mozesi, kuzwa naakacili mukubusi, wakapozomoka akwaambila Mozesi kuti, “Simalelo wangu, balesye!”
29Mozesi wakamwiingula kuti, “Ino cakunjila buti kutali ndime? Ndalikulombozya kuti Mwami Leza ape Muuya kubantu bakwe boonse kuti basinsime!”
30Kuzwaawo Mozesi antoomwe abasololi baya bakabweeda kuzivuka.
Mwami Leza mbwaakatuma bakancele
31Lino Mwami Leza wakatuma muuwo wakaleta bakancele kuzwa kumusanza kabauluka caansaansi. Bakakkala kumbali aazivuka kukkwanya busena bulampa musinzo wabuzuba bomwe kumabazu oonse. 32Nkabela bantu bakaluujisi buzuba abusiku boonse mane abwakatobela kabaya bujata bakancele. Kunyina wakalela masaka obilo. Bakabaandula akubayanika kuzivuka.
33Lino kabacilya kabatana mana, Mwami Leza wakabanyemena, wakabaletela bulwazi. 34Nkabela busena oobo bakabuulika kuti Kibulotihataava nkokuti namaumbwe wabasibusa nkaambo ooko nkubakazikkila basibusa. 35Kuzwa kooko bantu bakalongela ku Hazeloti baakuyakila nkuko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.