Jona 4
4
Kunyema kwa Jona alweengelelo lwa Leza
1Pele Jona wakabijilwa kapati, wakakalala. 2Wakakomba ku Mwami Leza wakati, “O Mwami Leza sena eeci tacili ncindakaamba nkecili kwesu? Ncenciceeco ncindakatijilide ku Taasyisyi. Ndakalizi kuti yebo uli Leza siluse sikweetelela, ulamuka kunyema, uli siluyando, uli Leza uutaleteli bantu mapenzi. 3Nkaako lino O Mwami Leza, ndijaya buyo, nkaambo ncibotu kulindime kufwa kwiinda kupona.”
4Pele Mwami Leza wakaingula kuti, “Sena uleelede kunyema boobu?”
5Jona wakazwa mumunzi waakukkala kujwe kuntumba lyamunzi. Ooko wakaliyakila cilawo, wakkala mucimvule caco, kalindila kuti abone naa ncinzi citicitike kumunzi. 6Mpawo Mwami Leza wakameneka musaansa kutegwa Jona ayuse aleke kubijilwa, Jona wakabotelwa kapati akaambo kamusaansa ooyu. 7Pele kubucedo buzuba bwakatobela Leza wakabamba syaanyungwa wakaluma musaansa ooyo cakuti wakapusama. 8Lino zuba nilyakazwa, Leza wakaleta luuwo lupya lwakujwe, eelyo zuba lyakamuumpa amutwe Jona cakuti wakawizauka. Wakali kuyanda kufwa, aawo wakati, “Ncibotu kuti ndifwe kwiinda kuti nkepona.”
9Pele Leza wakati kuli Jona, “Sena uleelede kunyema boobu akaambo kamusaansa?” Walo wakati, “Iiyi, ndanyema, ndinyemede kapati cakuti ncibotu kufwa.”
10Pele Mwami Leza wakati, “Tee wabona mboyandisya musaansa ooyu nokuba kuti tookali kuubambila-bambila nokuba kuukomezya. Wakamena mubusiku bomwe akufwa mubusiku bomwe. 11Pele munzi wa Nineva ulijisi bantu bainda kuzyuulu zili mwaanda amakumi obilo batakonzyi kuziba cibi acibotu alimwi balijisi ŋombe zinji. Sena nsyeelede kuuengelela munzi mupati uuli mbuli bayooyu?”
Currently Selected:
Jona 4: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
