Jona 2
2
Kukomba kwa Jona
1Lino Jona kacili mwida lyanswi wakakomba ku Mwami Leza wakwe.
2Wakati, “Mumapenzi aangu ndakakomba ku Mwami Leza, walo wakandiingula.
Kandili mwacivumwe ndakaita kuti ndigwasigwe, walo wakaswiilila kulila kwangu.
3Wakandiwaala mumpisi, akati katinti lyalwizi, maanzi, akandizinguluka,
a mayuwe aakapaika zyakandiinda atala.
4Ndakati, ‘Ndatandwa kuzwa kulinduwe,
nikuba boobo njoolanga alimwi kuŋanda yako iisalala.’
5Maanzi akandizingulukide akandisinka amoyo,
mpisi yakalindizingulukide, bwizu bwamulwizi bwakandizambaila munsingo.
6Ndakainka kuntalisyo zyazilundu, ndakasinkilizigwa kwalyoonse alyoonse kunsi aanyika.
Pele kovuna buumi bwangu kuzwa kwacivumwe O Mwami Leza wangu.
7Buumi bwangu nibwakayanda kuzimaana ndakakuyeeya O Mwami Leza,
kukomba kwangu kwakazoosika kulinduwe, kuŋanda yako iisalala.
8Kuli baabo bazumanana kumituni yabuyo bakasweekelwa luse lwakweetelelwa kwabo.
9Pele mebo njoopaizya kulinduwe anyimbo yakulumba.
Eelyo nzindakakonkezya njoozicita ncobeni.
Lufutuko luzwa ku Mwami Leza.”
10Mpawo Mwami Leza wakalailila nswi eeyo, nkabela yakaluka Jona anyika njumu.
Currently Selected:
Jona 2: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
