Joweli 3
3
Mwami Leza mbwayoobeteka
1Mumazuba aayo akuciindi eeco ndaakuboozya bubotu ku Juda a Jelusalemu,
2njoobunganya bamasi boonse kukkuti lya Jehosyafati.
Ooko njoobapa mulandu, akaambo kazeezyo nzibakacita ku Baisilayeli basale bangu.
Nkaambo bakamwaya bantu bangu kumanyika aambi, bamane baabana nyika yangu.
3Bakauma cisolo mukwaabana bantu bangu.
Bakauzya balombe abasimbi mubuzike kuti bajane basibwaamu awaini.
4“Ani ncinzi ncimuyanda kundicita nywebo nobamu Taya, Sidoni anywebo noba Filisiti? Sena kuli ncomundibikkilide? Naa mbuboobo, njoomusubula cakufwambaana akaambo kankoto yanu. 5Nkaambo mwakatola nsiliva angolida zyangu, mwakanjizya lubono lwangu muzikombelo zyanu. 6Mwakatola bantu bamu Juda abamu Jelusalemu akubauzya kulaale ku Gilisi. 7Masimpe njoobaboozya kuzwa kumasena ooko nkumwakabauzya. Njoomucita mbuli mbomwakabacita. 8Njoouzya bana banu balombe abasimbi kubantu bamu Juda. Abalo bayoobauzya kulaale ku Basabeya.” Ndime nde Mwami Leza ndaamba.
9“Amwaambilizye makani aaya kumasi oonse. Amulibambilile nkondo.
Amwiite basinkondo banu. Basilumamba boonse babungane kuti basaale.
10Amufule milomo yamaamba, ibe mapanga, tukwezuzyo twanu tube masumo. Abalo balenga baleelede kuya kunkondo.
11Amuboole cakufwambaana nomisyobo iizingulukide amubungane ooko.”
O Mwami Leza, basinkondo bako abasaale!
12“Misyobo yoonse iboole kukkuti lya Jehosyafati.
Nkaambo ooko nkwenookkalila kubeteka misyobo yoonse.
13Mbaasizibi, amubagonke mbuli maila litebulwa, nkaambo ciindi casika.
Amufwanyaune mbuli nsaansa mucikandilo! Nkaambo mbaasizibi loko!”
14Zyuulu zyuulu zili mukkuti lyakubetekwa. Nkaambo buzuba bwalubeta lwa Mwami Leza buli aafwiifwi.
15Zuba amwezi ziyoobaya, azyalo nyenyezi tazicinooyoomweki.
Mwami Leza mbwaleleka bantu bakwe
16Mwami Leza uyoovuluma kuzwa ku Ziyoni, uyoozuma kuzwida ku Jelusalemu,
nkaako julu anyika ziyootenkaana.
Nikuba boobo Mwami Leza uyookwabilila bantu bakwe, ncecilivunyo ca Baisilayeli.
17Ndendilyo eelyo nimuyooziba kuti mebo ndime Mwami Leza wanu
ncobeni, ooyo uukkala mu Ziyoni, mucilundu cangu cisalala.
Jelusalemu uyoosalala ncobeni. Taakwe limbi nuuyoosaalwa abamasi.
18Mumazuba aayo zilundu zinooyoongwenga waini, tulundu tunooyoosoomoka mukupa,
makkuti anooyookunka maanzi. Kasensa kanooyookunka kuzwa kuŋanda ya Mwami Leza, kayootilila kkuti lya Syitimu.
19“Pele Ijipiti iyooba tongo, ayalo Edomu iyooba nkanda,
nkaambo bakasaala cisi ca Juda akujaya batakwe mulandu.
20Bantu banookkede mu Juda a Jelusalemu lyoonse.
21Njoobweedezezya bakajaigwa. Nsikooyoolekelela bajayi.
Ndime Mwami Leza neenkkala mu Ziyoni!”
Currently Selected:
Joweli 3: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Joweli 3
3
Mwami Leza mbwayoobeteka
1Mumazuba aayo akuciindi eeco ndaakuboozya bubotu ku Juda a Jelusalemu,
2njoobunganya bamasi boonse kukkuti lya Jehosyafati.
Ooko njoobapa mulandu, akaambo kazeezyo nzibakacita ku Baisilayeli basale bangu.
Nkaambo bakamwaya bantu bangu kumanyika aambi, bamane baabana nyika yangu.
3Bakauma cisolo mukwaabana bantu bangu.
Bakauzya balombe abasimbi mubuzike kuti bajane basibwaamu awaini.
4“Ani ncinzi ncimuyanda kundicita nywebo nobamu Taya, Sidoni anywebo noba Filisiti? Sena kuli ncomundibikkilide? Naa mbuboobo, njoomusubula cakufwambaana akaambo kankoto yanu. 5Nkaambo mwakatola nsiliva angolida zyangu, mwakanjizya lubono lwangu muzikombelo zyanu. 6Mwakatola bantu bamu Juda abamu Jelusalemu akubauzya kulaale ku Gilisi. 7Masimpe njoobaboozya kuzwa kumasena ooko nkumwakabauzya. Njoomucita mbuli mbomwakabacita. 8Njoouzya bana banu balombe abasimbi kubantu bamu Juda. Abalo bayoobauzya kulaale ku Basabeya.” Ndime nde Mwami Leza ndaamba.
9“Amwaambilizye makani aaya kumasi oonse. Amulibambilile nkondo.
Amwiite basinkondo banu. Basilumamba boonse babungane kuti basaale.
10Amufule milomo yamaamba, ibe mapanga, tukwezuzyo twanu tube masumo. Abalo balenga baleelede kuya kunkondo.
11Amuboole cakufwambaana nomisyobo iizingulukide amubungane ooko.”
O Mwami Leza, basinkondo bako abasaale!
12“Misyobo yoonse iboole kukkuti lya Jehosyafati.
Nkaambo ooko nkwenookkalila kubeteka misyobo yoonse.
13Mbaasizibi, amubagonke mbuli maila litebulwa, nkaambo ciindi casika.
Amufwanyaune mbuli nsaansa mucikandilo! Nkaambo mbaasizibi loko!”
14Zyuulu zyuulu zili mukkuti lyakubetekwa. Nkaambo buzuba bwalubeta lwa Mwami Leza buli aafwiifwi.
15Zuba amwezi ziyoobaya, azyalo nyenyezi tazicinooyoomweki.
Mwami Leza mbwaleleka bantu bakwe
16Mwami Leza uyoovuluma kuzwa ku Ziyoni, uyoozuma kuzwida ku Jelusalemu,
nkaako julu anyika ziyootenkaana.
Nikuba boobo Mwami Leza uyookwabilila bantu bakwe, ncecilivunyo ca Baisilayeli.
17Ndendilyo eelyo nimuyooziba kuti mebo ndime Mwami Leza wanu
ncobeni, ooyo uukkala mu Ziyoni, mucilundu cangu cisalala.
Jelusalemu uyoosalala ncobeni. Taakwe limbi nuuyoosaalwa abamasi.
18Mumazuba aayo zilundu zinooyoongwenga waini, tulundu tunooyoosoomoka mukupa,
makkuti anooyookunka maanzi. Kasensa kanooyookunka kuzwa kuŋanda ya Mwami Leza, kayootilila kkuti lya Syitimu.
19“Pele Ijipiti iyooba tongo, ayalo Edomu iyooba nkanda,
nkaambo bakasaala cisi ca Juda akujaya batakwe mulandu.
20Bantu banookkede mu Juda a Jelusalemu lyoonse.
21Njoobweedezezya bakajaigwa. Nsikooyoolekelela bajayi.
Ndime Mwami Leza neenkkala mu Ziyoni!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.