Jobo 8
8
Bilidadi
1Mpoonya Bilidadi Musyuwa wakaingula Jobo kuti,
2“Unookanana zintu eezi kwaciindi cilamfu cili buti,
kolabalika akwaamba majwi aabuyo mbuli luuwo luunga?
3Sena Leza ulanyonganya lubeta?
Singuzuzyoonse sena ulasandula ciluleme kuti cibe cibi?
4Ambweni bana bako bakamubisizya,
ncenciceeco ncaakaleka zibi kuti zibanyonyoone.
5Kuti naa kocita ziyanda Leza akukombelezya Singuzuzyoonse,
6kuti naa kosalala akululama ncobeni walo uyookugwasya.
Uyookupa bukkale bubotu mbuli bulumbu bwabululami bwako.
7Matalikilo aako ayooboneka mbuli kuti akali mace,
kweendelana amboyoovuba mumazuba aaboola.
8“Ndakukumbila, kobuzya maanu aabakaindi, koyeeya cakajana bamatata.
9Nkaambo swebo tuli bajilo, taakwe ncotuzi,
mazuba aansi aano ali mbuli cimvule buyo.
10Maanu aabakaindi alakuiisya, alalungulwida,
tee baamba kuti, ‘Mupati musiye kulubilo.’
11“Sena lubu lulakomena aatakwe mudumu?
Matete ma, sena alakomena aatakwe maanzi?
12Kuti taakwe maanzi eezi zilaneta cakufwambaana
kwiinda mweemvwe, zyalo kazitanasima kuti zibelesegwe zilayuma.
13Mbombuboobu mbozibede nzila zyaboonse baluba Leza,
lusyomo lwabantu batazi Leza luyooloba.
14Lusyomo lwakwe nduteteete, luli mbuli katali kasiluubilili.
15Ulayaama kuŋanda yakwe yamana ilawa, uliijatilila pele taiimiki pe.
16Uli mbuli citeyo cisyuuka muciindi camvula alimwi cibalilwa zuba,
mitabi yaco isyuukila mumuunda oonse.
17Miyanda yaco ilazambaila amabwe, ilakomena akati kamandomba.
18Pele cagonkwa kuzwa mpucabede,
taakwe uunga waziba kuti cali waawa pe.
19Bona eeyi njempindu yakumena kwaco,
zimwi ziyoomena mpoonya mpucabede.
20“Masimpe, Leza takakaki muntu uunyina kampenda,
nikuba kugwasya simucita zibi.
21Uyookupa kutangala kupati,
alimwi uyoosekelela cakukondwa.
22Aboobo bakusula bayoousigwa bweeme,
aalo maanda aabo taakabiwo pe.”
Currently Selected:
Jobo 8: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
