Daniyeli 3
3
Nebukadineza mbwaakalailila bantu boonse kukomba mutuni wakwe
1Bumwi buzuba Nebukadineza wakapanga cibumbwa cangolida, kuya mujulu cakali kulampa tukokola tuli makumi aali cisambomwe, mubwamba cakali tukokola tuli cisambomwe, wakaciimika mucibanda ca Dula mucibeela cacisi ca Babuloni. 2Amane wakaita basilutwe, balangi, beendelezi, balailili, bayobozi bamali, babetesi, basinkuta, abaleli boonse, balupati-pati bacibeela eeco cacisi kuti baboole kuzoosekelela cibumbwa eeco ncaakaimika. 3Nkaako basilutwe, balangi, beendelezi, balailili, bayobozi bamali, babetesi, basinkuta abaleli boonse balupati-pati bacibeela eeco cacisi bakabungana kuti basekelele cibumbwa eeco mwami Nebukadineza ncaakabikka, bakaima kumbele lyaco.
4Mpoonya sikwaambilizya wakapozomoka kapati wakati, “Nceeci ncomwalaililwa nobantu boonse, nozisi anobantu bamisyobo yoonse ncakuti, 5mbumwamvwida buyo kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo, mweelede kuvuntama akukomba cibumbwa cangolida eeco mwami Nebukadineza ncaakaimika. 6Kufumbwa uutavuntami akukomba mpoonya-mpoonya uyoosowelwa mubbibi lyamulilo.”
7Nkaako mbubakamvwida buyo kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo zyoonse, bantu boonse, zisi, abantu bamisyobo yoonse bakavuntama akukomba cibumbwa cangolida eeco mwami Nebukadineza ncaakaimika.
8Ciindi eeco kwakasika Bakalodiya bamwi akubejelezya Bajuda twaambo. 9Bakaambila mwami Nebukadineza kuti, “Omwami, oongole! 10Wakapa malailile omwami aakuti kufumbwa uumvwa kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo weelede kuvuntama akukomba cibumbwa cangolida 11akuti kufumbwa ooyo uutavuntami akukomba uyoosowelwa mubbibi lyamulilo. 12Pele kuli Bajuda bamwi aabo mbookabikka mumilimo yamucibeela cacisi mu Babuloni, Syaduleki, Misyeki a Abedinego tabakuswiilili omwami. Bantu aaba tababelekeli baleza bako nokuba kukomba cibumbwa cangolida ncookaimika.”
13Mpawo mukukalala kupati, Nebukadineza wakaita Syaduleki, Misyeki a Abedinego. Nkaako aaba baalumi bakaletwa kumbele lyamwami, 14aawo Nebukadineza wakati kulimbabo, “Sena cili kasimpe Syaduleki, Misyeki a Abedinego kuti tamubelekeli baleza bangu nokuba kukomba cibumbwa cangolida ncindakaimika? 15Lino mwaakumvwa kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo zyoonse, lino kuti muvuntame akukomba cibumbwa ncindakapanga, ncibotu. Pele kuti naa mutacikombi, muyoosowelwa mubbibi lyamulilo mpoonya-mpoonya. Ino nguleza nzi ooyo uukonzya kumuvuna kuzwa kulindime?”
16Syaduleki, Misyeki a Abedinego bakaingula mwami kuti, “O Nebukadineza, taakwe swebo tatuyandi kulivuna mumakani aaya. 17Kuti naa twasowelwa mubbibi Leza ngotubelekela uyootuvuna kuzwa kulinduwe omwami. 18Pele nokuba kuti naa taciti boobo, tuyanda kuti uzibe omwami kuti tatukoobelekela cibumbwa cangolida eeco ncookaimika.”
19Lino Nebukadineza wakakalalila ba Syaduleki, Misyeki a Abedinego cakuti ciwa cakwe cakasanduka akaambo kakunyema. Wakalailila kuti bbibi lyamulilo liyungizigwe kwaziindi zili ciloba, kutegwa upisye kwiinda lyoonse, 20wakalailila basilumamba bamwi bampi yakwe banguzu kuti baange ba Syaduleki, Misyeki a Abedinego akubasowela mubbibi lyamulilo. 21Mbombuboobu baalumi aaba, kabasamide majansi aabo, malukwe, zingundu azisani zimwi mbubakaangwa, akuwaalwa mubbibi lyamulilo. 22Kulailila kwamwami ooku kwakafwambaana kucitwa alyalo bbibi lyakapisigwa kapati cakuti kuvwilima kwamulilo ooyo kwakajaya baalumi aabo bakatola ba Syaduleki, Misyeki a Abedinego, 23baalumi aaba botatwe kakaangidwe bakawida mubbibi lyamulilo wakali kuvwilima.
24Mpoonya mwami Nebukadineza wakagambwa, akubuzya balailili bakwe kuti, “Sena tiitwakaangide baalumi botatwe akubasowela mumulilo?” Bakaingula kuti, “Mbombubo omwami.”
25Mpawo wakati, “Amulange, ndibwene baalumi bone beendeenda mumulilo, tabaangidwe, taakwe nobaulubwa, wane umwi ulangika mbuli mwana wa baleza.”
26Nebukadineza wakaswena aafwiifwi amulomo wabbibi lyamulilo akuyooti, “Syaduleki, Misyeki a Abedinego nobabelesi ba Leza Sijulu wamajulu, amuzwe! Amuboole kuno!” Aboobo Syaduleki, Misyeki a Abedinego bakazwa mumulilo, 27nkabela basilutwe, balangi, beendelezi abalailili bamwami bakababunganina. Bakabona kuti mulilo taakwe niwakabatenta, majansi naaba masusu aabo, alimwi taakwe nibakali kununka luya lwa mulilo pe.
28Mpoonya Nebukadineza wakati, “Atembaulwe Leza wa Syaduleki, Misyeki a Abedinego ooyo watuma mungelo wakwe kuzoofutula babelesi bakwe! Bakasyoma mulinguwe akuvoolozya malailile aamwami, alimwi bakaliyandide kusweekelwa buumi bwabo kwiinda kuti babelekele nokuba kukomba mutuni kunze lya Leza wabo. 29Nkaako Nebukadineza wakalailila kuti bantu bazisi zyoonse nuuba musyobo uuli buti woonse ooyo uubisyaanya Leza wa Syaduleki, Misyeki a Abedinego anyonyoonwe aalo maanda aabo aolwe zibe zitantaala, nkaambo taakwe leza uumbi uukonzya kufutula munzila eeyi.”
30Mpoonya mwami wakasumpula ba Syaduleki, Misyeki a Abedinego mucibeela camu Babuloni.
Currently Selected:
Daniyeli 3: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Daniyeli 3
3
Nebukadineza mbwaakalailila bantu boonse kukomba mutuni wakwe
1Bumwi buzuba Nebukadineza wakapanga cibumbwa cangolida, kuya mujulu cakali kulampa tukokola tuli makumi aali cisambomwe, mubwamba cakali tukokola tuli cisambomwe, wakaciimika mucibanda ca Dula mucibeela cacisi ca Babuloni. 2Amane wakaita basilutwe, balangi, beendelezi, balailili, bayobozi bamali, babetesi, basinkuta, abaleli boonse, balupati-pati bacibeela eeco cacisi kuti baboole kuzoosekelela cibumbwa eeco ncaakaimika. 3Nkaako basilutwe, balangi, beendelezi, balailili, bayobozi bamali, babetesi, basinkuta abaleli boonse balupati-pati bacibeela eeco cacisi bakabungana kuti basekelele cibumbwa eeco mwami Nebukadineza ncaakabikka, bakaima kumbele lyaco.
4Mpoonya sikwaambilizya wakapozomoka kapati wakati, “Nceeci ncomwalaililwa nobantu boonse, nozisi anobantu bamisyobo yoonse ncakuti, 5mbumwamvwida buyo kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo, mweelede kuvuntama akukomba cibumbwa cangolida eeco mwami Nebukadineza ncaakaimika. 6Kufumbwa uutavuntami akukomba mpoonya-mpoonya uyoosowelwa mubbibi lyamulilo.”
7Nkaako mbubakamvwida buyo kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo zyoonse, bantu boonse, zisi, abantu bamisyobo yoonse bakavuntama akukomba cibumbwa cangolida eeco mwami Nebukadineza ncaakaimika.
8Ciindi eeco kwakasika Bakalodiya bamwi akubejelezya Bajuda twaambo. 9Bakaambila mwami Nebukadineza kuti, “Omwami, oongole! 10Wakapa malailile omwami aakuti kufumbwa uumvwa kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo weelede kuvuntama akukomba cibumbwa cangolida 11akuti kufumbwa ooyo uutavuntami akukomba uyoosowelwa mubbibi lyamulilo. 12Pele kuli Bajuda bamwi aabo mbookabikka mumilimo yamucibeela cacisi mu Babuloni, Syaduleki, Misyeki a Abedinego tabakuswiilili omwami. Bantu aaba tababelekeli baleza bako nokuba kukomba cibumbwa cangolida ncookaimika.”
13Mpawo mukukalala kupati, Nebukadineza wakaita Syaduleki, Misyeki a Abedinego. Nkaako aaba baalumi bakaletwa kumbele lyamwami, 14aawo Nebukadineza wakati kulimbabo, “Sena cili kasimpe Syaduleki, Misyeki a Abedinego kuti tamubelekeli baleza bangu nokuba kukomba cibumbwa cangolida ncindakaimika? 15Lino mwaakumvwa kulila kwamweembo, mutetele, kantimbwa, kankobela, kalumbu, nyeele azyakwiimbya zyamisyobo-misyobo zyoonse, lino kuti muvuntame akukomba cibumbwa ncindakapanga, ncibotu. Pele kuti naa mutacikombi, muyoosowelwa mubbibi lyamulilo mpoonya-mpoonya. Ino nguleza nzi ooyo uukonzya kumuvuna kuzwa kulindime?”
16Syaduleki, Misyeki a Abedinego bakaingula mwami kuti, “O Nebukadineza, taakwe swebo tatuyandi kulivuna mumakani aaya. 17Kuti naa twasowelwa mubbibi Leza ngotubelekela uyootuvuna kuzwa kulinduwe omwami. 18Pele nokuba kuti naa taciti boobo, tuyanda kuti uzibe omwami kuti tatukoobelekela cibumbwa cangolida eeco ncookaimika.”
19Lino Nebukadineza wakakalalila ba Syaduleki, Misyeki a Abedinego cakuti ciwa cakwe cakasanduka akaambo kakunyema. Wakalailila kuti bbibi lyamulilo liyungizigwe kwaziindi zili ciloba, kutegwa upisye kwiinda lyoonse, 20wakalailila basilumamba bamwi bampi yakwe banguzu kuti baange ba Syaduleki, Misyeki a Abedinego akubasowela mubbibi lyamulilo. 21Mbombuboobu baalumi aaba, kabasamide majansi aabo, malukwe, zingundu azisani zimwi mbubakaangwa, akuwaalwa mubbibi lyamulilo. 22Kulailila kwamwami ooku kwakafwambaana kucitwa alyalo bbibi lyakapisigwa kapati cakuti kuvwilima kwamulilo ooyo kwakajaya baalumi aabo bakatola ba Syaduleki, Misyeki a Abedinego, 23baalumi aaba botatwe kakaangidwe bakawida mubbibi lyamulilo wakali kuvwilima.
24Mpoonya mwami Nebukadineza wakagambwa, akubuzya balailili bakwe kuti, “Sena tiitwakaangide baalumi botatwe akubasowela mumulilo?” Bakaingula kuti, “Mbombubo omwami.”
25Mpawo wakati, “Amulange, ndibwene baalumi bone beendeenda mumulilo, tabaangidwe, taakwe nobaulubwa, wane umwi ulangika mbuli mwana wa baleza.”
26Nebukadineza wakaswena aafwiifwi amulomo wabbibi lyamulilo akuyooti, “Syaduleki, Misyeki a Abedinego nobabelesi ba Leza Sijulu wamajulu, amuzwe! Amuboole kuno!” Aboobo Syaduleki, Misyeki a Abedinego bakazwa mumulilo, 27nkabela basilutwe, balangi, beendelezi abalailili bamwami bakababunganina. Bakabona kuti mulilo taakwe niwakabatenta, majansi naaba masusu aabo, alimwi taakwe nibakali kununka luya lwa mulilo pe.
28Mpoonya Nebukadineza wakati, “Atembaulwe Leza wa Syaduleki, Misyeki a Abedinego ooyo watuma mungelo wakwe kuzoofutula babelesi bakwe! Bakasyoma mulinguwe akuvoolozya malailile aamwami, alimwi bakaliyandide kusweekelwa buumi bwabo kwiinda kuti babelekele nokuba kukomba mutuni kunze lya Leza wabo. 29Nkaako Nebukadineza wakalailila kuti bantu bazisi zyoonse nuuba musyobo uuli buti woonse ooyo uubisyaanya Leza wa Syaduleki, Misyeki a Abedinego anyonyoonwe aalo maanda aabo aolwe zibe zitantaala, nkaambo taakwe leza uumbi uukonzya kufutula munzila eeyi.”
30Mpoonya mwami wakasumpula ba Syaduleki, Misyeki a Abedinego mucibeela camu Babuloni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.