Amosi 3
3
1Amumvwe majwi aa Mwami Leza ngaamba kulindinywe nobantu ba Isilayeli, waambila ndinywe nyoonse aabo Mwami Leza mbaakagwisya mu Ijipiti ulati, 2“Ndinywe buyo mbindakasala akati kamisyobo yoonse yaansi, nkaako ndamusubula akaambo kazinyonyoono zyanu.”
3Sena bantu bobilo balakonzya kweenda antoomwe kuti naa tiibazuminana?
4Sena syuumbwa ulatimba nali mucoonde kuti naa taakwe ncaajaya?
Sena mwanaa syuumbwa ulavuluma mubwina kuti naa kaatakwe ncaajata?
5Sena kayuni kalakonzya kujatwa mukakole katawo?
Sena kakole kalakonzya kufwisuka kakuli kunyina calyata?
6Kuti mweembo wasibwa mumunzi, sena bantu tabakankami?
Kuti kwasika cisubulo mumunzi, sena tali Mwami Leza wacileta?
7Kasimpe Mwami Leza takonzyi kucita cintu cimwi kakunyina kusaanguna
kuyubununa muzeezo wakwe kubabelesi bakwe basinsimi.
8Ciindi syuumbwa nalila, nguni uutayoowi?
Mwami Leza nakanana, nguni uutakonzyi kusinsima?
Kunyonyoonwa kwa Samaliya
9Ambila bantu bakkala munkwakwa zya Asyidodi ankwakwa zya Ijipiti kuti, “Amubungane azilundu zya Samaliya, amubone manyongwe mapati aali muli nguwo, akudyamininwa kwabantu bawo.
10“Tabazi kucita ziluleme, mbwaamba Mwami Leza, balundika zisaalo anzibakagwisya munkwakwa.” 11Nkaako, mboobu mbwaamba Mwami Leza ulati, “Sinkondo uyooizunda nyika. Uyooola makwabilizyo aanu Mayumu. Uyoosaala mayubilo aanu.”
12Mboobu mbwaamba Mwami Leza, “Mbubonya mbuli mweembezi mbwavukula kuzwa kumulomo wasyuumbwa zifuwa zyobilo zyamyeendo naa kutwi buyo, mbubonya oobo Baisilayeli bakkala Musamaliya mbobayoovunwa kabali kumpeto zyamalo aabo. Kabali kucooko kwini kwawaawo mpoboona. 13Teelela eeci alimwi waambilizye kuti cibe cisubulo kubantu Bajakobo.” Mbwaamba Mwami Leza Singuzu zyoonse. 14“Mubuzuba mbweyoosubula Baisilayeli akaambo kazinyonyoono zyabo, njoopwayaula zipaililo zyaku Beteli, meja aacipaililo ayootyoloolwa akusowelwa ansi. 15Ŋanda yamupeyo antoomwe ayamainza njoozyoola. Aalo maanda aabotezedwe ameja aabazovu ayookolomonwa. Maanda mapati ayoopwaigwa.” Mbwaamba Mwami Leza.
Currently Selected:
Amosi 3: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Amosi 3
3
1Amumvwe majwi aa Mwami Leza ngaamba kulindinywe nobantu ba Isilayeli, waambila ndinywe nyoonse aabo Mwami Leza mbaakagwisya mu Ijipiti ulati, 2“Ndinywe buyo mbindakasala akati kamisyobo yoonse yaansi, nkaako ndamusubula akaambo kazinyonyoono zyanu.”
3Sena bantu bobilo balakonzya kweenda antoomwe kuti naa tiibazuminana?
4Sena syuumbwa ulatimba nali mucoonde kuti naa taakwe ncaajaya?
Sena mwanaa syuumbwa ulavuluma mubwina kuti naa kaatakwe ncaajata?
5Sena kayuni kalakonzya kujatwa mukakole katawo?
Sena kakole kalakonzya kufwisuka kakuli kunyina calyata?
6Kuti mweembo wasibwa mumunzi, sena bantu tabakankami?
Kuti kwasika cisubulo mumunzi, sena tali Mwami Leza wacileta?
7Kasimpe Mwami Leza takonzyi kucita cintu cimwi kakunyina kusaanguna
kuyubununa muzeezo wakwe kubabelesi bakwe basinsimi.
8Ciindi syuumbwa nalila, nguni uutayoowi?
Mwami Leza nakanana, nguni uutakonzyi kusinsima?
Kunyonyoonwa kwa Samaliya
9Ambila bantu bakkala munkwakwa zya Asyidodi ankwakwa zya Ijipiti kuti, “Amubungane azilundu zya Samaliya, amubone manyongwe mapati aali muli nguwo, akudyamininwa kwabantu bawo.
10“Tabazi kucita ziluleme, mbwaamba Mwami Leza, balundika zisaalo anzibakagwisya munkwakwa.” 11Nkaako, mboobu mbwaamba Mwami Leza ulati, “Sinkondo uyooizunda nyika. Uyooola makwabilizyo aanu Mayumu. Uyoosaala mayubilo aanu.”
12Mboobu mbwaamba Mwami Leza, “Mbubonya mbuli mweembezi mbwavukula kuzwa kumulomo wasyuumbwa zifuwa zyobilo zyamyeendo naa kutwi buyo, mbubonya oobo Baisilayeli bakkala Musamaliya mbobayoovunwa kabali kumpeto zyamalo aabo. Kabali kucooko kwini kwawaawo mpoboona. 13Teelela eeci alimwi waambilizye kuti cibe cisubulo kubantu Bajakobo.” Mbwaamba Mwami Leza Singuzu zyoonse. 14“Mubuzuba mbweyoosubula Baisilayeli akaambo kazinyonyoono zyabo, njoopwayaula zipaililo zyaku Beteli, meja aacipaililo ayootyoloolwa akusowelwa ansi. 15Ŋanda yamupeyo antoomwe ayamainza njoozyoola. Aalo maanda aabotezedwe ameja aabazovu ayookolomonwa. Maanda mapati ayoopwaigwa.” Mbwaamba Mwami Leza.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.