1 Makani 7

Balunyungu lwa Isakaa

1Bana ba Isakaa mbaa: Tola, Puwa, Jasyubu a Syimuloni, antoomwe bakali bone. 2Bana ba Tola mbaa: Uzi, Lefaiya, Jeliyeli, Jamayi, Ibusamu a Samuyeli, mbabapati bamikwasyi yabo. Ciindi Devedi naakali kulela balunyungu lwa Tola bakalembwa kuba basinkondo. Muzyalani lyabo bakali zyuulu zili makumi obilo azibili amyaanda iili cisambomwe.

3Mwana wa uzi ngu Izilahiya. Bana ba Izilahiya mbaa: Mikayeli, Obadiya, Joweli a Isyiya, boonse bosanwe bakali bamami 4kweendelana azyalani lyamukwasyi wabo bakajisi baalumi bakali kukonzya kulwana nkondo bali zyuulu zili makumi otatwe acisambomwe. Nkaambo kakuti bakajisi bakaintu abana banji.

5Banzubo zyaziinga zya Isakaa bali mbaasinkondo mbobalembedwe muzyalani lyabo bakali zyuulu zili makumi aali lusele aciloba.

Balunyungu lwa Benjamini a Dani

6Benjamini wakazyede bana balombe botatwe ba: Bela, Beka, a Jediyayeli.

7Bela wakazyede bana balombe bosanwe ba: Eziboni, Uzi, Uziyeli, Jelimoti a Ili, mbabakali bapati bamikwasyi muciinga alimwi bakali basilumamba badumide. Mulunyungu lwabo mwakali baalumi bali zyuulu zili makumi obilo aabili amakumi otatwe abane bakali kukonzya kulwana.

8Beka wakajisi bana balombe bali fuka ba Zemila, Jowasyi, Eliyazaa, Eleyoyenayi, Omuli, Jelemoti, Abija, Anatoti a Elemeti. 9Mundandanda wamazyalani aabo mumikwasyi wakajisi baalumi bali zyuulu zili makumi obilo amyaanda yobilo bakali kukonzya kulwana. 10Jediyayeli wakazyala Bilihani, Bilihani wakazyala bana balombe bali ciloba ba Jewusyi, Benjamini, Ehudi, Kenaana, Zetani, Tasyisyi a Ahishahaa. 11Mbabakali bapati bamikwasyi muciinga alimwi bakali basilumamba badumide. Bakali zyuulu zili kkumi aciloba amyaanda yobilo bakali kukonzya kulwana. 12Syupimu a Hupimu bakali bamusyobo ooyu. Dani wakazyede mwana mulombe omwe, Husyimu.

Balunyungu lwa Nafutali

13Nafutali wakazyede bana balombe bone ba: Jaziyeli, Guni, Jeze a Syalumu. Bakazwa kulunyungu lwa Biliha.

Balunyungu lwa Manase

14Kuzwida kuli mwanakasuwa wakwe Mualamu, Manase wakazyala bana balombe bobilo aaba, Asiliyeli a Makili. Makili nguwakazyala Giliyadi. 15Makii wakakwatila Hupimu a Syupimu. Mucizi wakwe wakali Maaka. Mwana mulombe wabili wa Makili ngu Zelofehadi. Kuzwa waawo wakajisi basimbi balo. 16Maaka muka Makili wakazyala bana balombe bobilo mbaakaulika kuti Pelesyi a Syelesyi. Pelesyi wakazyede bana balombe bobilo ba Ulamu a Lakemu, 17Ulamu wakazyala Bedani. Oolu ndolunyungu lwa Giliyadi mwanaa Makii mwanaa Manase. 18Mucizi wakwe Hamoleketi wakazyede bana balombe botatwe ba Isyihodi, Abiyeza a Mala. 19Syemida wakazyede bana balombe bone ba: Ahiyani, Syekemu, Liki a Aniyamu.

Balunyungu lwa Efulemu

20Balunyungu lwa Efulemu kuzwa kuzyalani azyalani mbaaba: Syetela mwanaa Beledi, Tahati mwana wa Eliyada, 21Tahati mwanaa Zabadi, mwanaa Syutela. Efulemu wakazyede abambi bana bobilo ba Eza a Eliyadi, aabo bakajaigwa kabasoleka kubba ŋombe zyabantu bakali kukkala mu Gati. 22Efulemu wakabalila kwamazuba aali mbwaabede. Nkabela bana bokwabo mbobakazyalwa da lyomwe bakasika kuzoomulizya. 23Bweende-bweende mukaintu wakwe wakamita eelyo wakazyala mwana mulombe. Bakamuulika kuti Beliya mukuyeeya penzi ndobakajisi.

24Efulemu wakazyede mwana musimbi wakali kutegwa Syeela. Musimbi ooyu nguwakayasya minzi yakunselelo ayamutala lya Betiholoni kubikkilizya awa Uzenisyeela.

25Efulemu wakazyede mwana mulombe uutegwa Lefa, sikale waba Lesyefu, Tela, Tahani, 26Ladani, Amihudi, Elishama, 27Nuni a Josyuwa.

28Nyika aminzi yabo yakalikujatikizya minzi ya Beteli, kubikkilizya atunzi twayo, a Naalani kujwe, Geza atunzi twayo kumbo, Syekemu atunzi twawo kuyoosika ku Aya atunzi twawo.

29Balunyungu lwa Manase bakajisi minzi ya Betisyeyani, Taanaki, Megido, Doo kubikkilizya atunzi twawo. Eeyi njeminzi njibakakkede balunyungu lwa Josefa mwana wa Isilayeli.

Balunyungu lwa Asya

30Aaya ngamazyalani aalunyungu lwa Asya. Wakazyede bana balombe bone, Imuna, Isyiva, Isyivi a Beliya alimwi amwana musimbi Sela.

31Beliya wakazyede bana balombe bobilo, Heba a Malikiyeli. Malikiyeli nguwakajana munzi mupati wa Bizaiti.

32Heba wakazyede bana balombe botatwe, Jafuleti, Syoma a Hotamu amucizi wabo Syuwa.

33Jafuleti wakajisi bana balombe botatwe, Pasaki, Bimuhali a Asyivati. 34Syoma wakazyede bana balombe bone, Ahi, Loga, Jehubba a Alamu. 35Bana bamunyina Helemu mbaa: Zofa, Imuna, Syelesyi a Amali. 36Bana balombe ba Zofa mbaa: Suwa, Haanefa, Syuwali, Beli, Imula, 37Beza, Hodi, Syama, Syilisya, Itulani a Beela. 38Bana ba Jetaa mbaa: Jefune, Pisipa, a Ala. 39Bana balombe ba Ula mbaa: Ala, Haniyeli, a Liziya. 40Boonse aaba bakali balunyungu lwa Asya. Bakali bapati bamikwasyi, basintanze basicamba munkondo, alimwi bakali basololi bazyandamene. Mweelwe wabaabo bakali kukonzya kuya kunkondo kweendelana azyalani lyabo bakali zyuulu zili makumi obilo acisambomwe.

Currently Selected:

1 Makani 7: Tonga96

Highlight

Copy

Compare