Loma 6
6
Kufwa ku bundengamambo bino kwikala na bumi mwi Kilishitu
1Nanchi tusa kwamba amba ka? Tutwajijilengatu na kulenga mambo amba bupe buvule nyi? 2Ine kabiji, akyo ne! Atweba twafwile ku bundengamambo tukikalemo byepi? 3Nanchi kechi mwayuka nenyi amba, atweba bonse twabatizhilwe mwi Kilishitu Yesu, twabatizhilwe mu lufu lwanji nyi? 4#Kolo 2:12Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.
5Mambo umvwe twanungankana nanji mu kipasha kya lufu lwanji, kabiji byonkabyo tukekala ne mu kipasha kya lusanguko lwanji. 6Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne. 7Mambo awa wafwa wakasululwa kala ku bundengamambo. 8Kabiji umvwe twafwile pamo ne Kilishitu, twaitaba namba tukekala nanji pamo. 9Kasa twayuka namba Kilishitu, byo asangulwa mu bafu, kechi ukafwa jibiji ne, lufu pano kechi luji na luusa pe aye ne. 10Mambo alwa lufu loafwile, wibufwila bundengamambo jimotu kwapwa, pakuba abwa bumi bo aikala naabo, waikala naabo mwi Lesa. 11Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.
12Byonkabyo kechi muleke bundengamambo bwikale na bunkambo mu mibiji yenu ya lufu ne, mwakakookela lwiso lwayo. 13Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke. 14Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.
Bazha ba bololoke
15Pakuba pano byepi? Byo twabula kwikala bamu Mizhilo ne, bino twaikala pano mu bupe tulengengatu mambo nyi? Ine kabiji, akyo ne! 16Nanchi kechi mwayuka amba ko mwipana anweba bene buzha mu kumukookela, kwapwa mwi bazha banji ye mukookela, nangwa mwi ba bundengamambo bwa kumwenamo lufu, nangwa mwi ba lukookelo lwa kumwenamo bololoke? 17Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile. 18Kabiji pa kukasululwa ku bundengamambo mwa aluka ke bazha ba bololoke. 19(Naambatu mwambila bantu na mambo a kunekena kwa buntunshi bwenu.) Mambo byo mwapaine bya mibiji yenu nobe bazha ku bubipisho ne ku bubi mukuuba bubi. Byonkabyo pano panai bya mibiji yenu nobe bazha ku bololoke mu kuzhijikwa. 20Mambo byo mwajinga bazha ba bundengamambo, mwajinga bakasuluka ku bololoke. 21Lelo mu akya kimye ng'anyi bipangwa byo mwamwenejilemo mu byobya bintu? Bimulengesha bumvu pano mambo kumpelo ya byobya bintu ke lufu! 22Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka. 23Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.
Currently Selected:
Loma 6: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Loma 6
6
Kufwa ku bundengamambo bino kwikala na bumi mwi Kilishitu
1Nanchi tusa kwamba amba ka? Tutwajijilengatu na kulenga mambo amba bupe buvule nyi? 2Ine kabiji, akyo ne! Atweba twafwile ku bundengamambo tukikalemo byepi? 3Nanchi kechi mwayuka nenyi amba, atweba bonse twabatizhilwe mwi Kilishitu Yesu, twabatizhilwe mu lufu lwanji nyi? 4#Kolo 2:12Byonkabyo twazhiikilwe nanji mu lufu monka mu lubatizhilo, amba byonka byo a sangwilwe Kilishitu mu bafu ku lukumo lwa Shanji, byonkabyo ne atweba twendenga mu bumi bupya.
5Mambo umvwe twanungankana nanji mu kipasha kya lufu lwanji, kabiji byonkabyo tukekala ne mu kipasha kya lusanguko lwanji. 6Kasa twayuka kino, amba buntu bwetu bwakala bwapopelwe nanji, amba mubiji wa bundengamambo angatwe bulume, kabiji amba kechi tukikale mu buzha bwa bundengamambo ne. 7Mambo awa wafwa wakasululwa kala ku bundengamambo. 8Kabiji umvwe twafwile pamo ne Kilishitu, twaitaba namba tukekala nanji pamo. 9Kasa twayuka namba Kilishitu, byo asangulwa mu bafu, kechi ukafwa jibiji ne, lufu pano kechi luji na luusa pe aye ne. 10Mambo alwa lufu loafwile, wibufwila bundengamambo jimotu kwapwa, pakuba abwa bumi bo aikala naabo, waikala naabo mwi Lesa. 11Byonkabyo ne anweba mwafwainwa kulanguluka amba, mwi bafu ku bundengamambo, kabiji mwi bomi kwi Lesa mwi Kilishitu Yesu.
12Byonkabyo kechi muleke bundengamambo bwikale na bunkambo mu mibiji yenu ya lufu ne, mwakakookela lwiso lwayo. 13Nangwa kupanapana bya mibiji yenu ku bundengamambo amba bikale bya kwingilako bya bubi ne. Poso mwipane kwi Lesa nobe bomi basanguka mu bafu, ne bya mibiji yenu nabyo mwibipane kwi Lesa bikale bya kwingilako bya bololoke. 14Mambo bundengamambo kechi bwafwainwa kwimunonka buzha ne, mambo kechi muji mu Mizhilo ne, muji mu bupe.
Bazha ba bololoke
15Pakuba pano byepi? Byo twabula kwikala bamu Mizhilo ne, bino twaikala pano mu bupe tulengengatu mambo nyi? Ine kabiji, akyo ne! 16Nanchi kechi mwayuka amba ko mwipana anweba bene buzha mu kumukookela, kwapwa mwi bazha banji ye mukookela, nangwa mwi ba bundengamambo bwa kumwenamo lufu, nangwa mwi ba lukookelo lwa kumwenamo bololoke? 17Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile. 18Kabiji pa kukasululwa ku bundengamambo mwa aluka ke bazha ba bololoke. 19(Naambatu mwambila bantu na mambo a kunekena kwa buntunshi bwenu.) Mambo byo mwapaine bya mibiji yenu nobe bazha ku bubipisho ne ku bubi mukuuba bubi. Byonkabyo pano panai bya mibiji yenu nobe bazha ku bololoke mu kuzhijikwa. 20Mambo byo mwajinga bazha ba bundengamambo, mwajinga bakasuluka ku bololoke. 21Lelo mu akya kimye ng'anyi bipangwa byo mwamwenejilemo mu byobya bintu? Bimulengesha bumvu pano mambo kumpelo ya byobya bintu ke lufu! 22Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka. 23Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.