Byubilo 3
3
Kubukwa kwa walemana maulu
1Ba Petelo ne Yoano bakanjijilenga mu nzubo ya Lesa pa kimye kya milombelo, po pa kulemba juba. 2Kabiji baleetele mwanamulume kasa bamupaapa, kilema maulu kufuma pa kusemwa kwanji, bamutujilenga pa juba pa juba ku kibelo kya nzubo ya Lesa, kyobatelele amba, “Kibelo kya Buya,” na kulomba bukwasho ku batwela mu nzubo ya Lesa. 3Aye pa kumona ba Petelo ne Yoano, ke basake kutwela mu nzubo ya Lesa, wibalombele amba bamupepo kya bupetu. 4Petelo wamutajijishe, ne Yoano pamo, ne kumwambila amba, “Talai kuno!” 5Ne aye wateeleko muchima kwi abo, na luketekelo lwa kutambula kintu kufuma kwi abo. 6Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”
7Ne aye wamukwachile pa kuboko kwa kilujo, ne kumwimanya; ponkapo maulu anji ne tupokoso twanji byakosele. 8Ne aye wakilukile, ne kwimana, ne kwenda kaende; ne kutwela watwelele naabo mu nzubo ya Lesa, kasa enda ne kukilauka, ne kutota Lesa. 9Ne bantu bonse bamumwene saenda na kutota Lesa, 10ne abo bamuyukile, amba, i ye waikajilenga na kulomba ku kibelo kya nzubo ya Lesa, ne abo bakuminye bingi na kyokya kyamumwekele.
Lusapwilo lwa Petelo mu nzubo ya Lesa
11Ne aye byo ebakakachile ba Petelo ne Yoano, bantu bonse bebanyemejile mu bukonde bo batelele amba, bwa Solomone, kasa bakumya bingi. 12Petelo byo ekimwene, wa ambijile bantu amba, “Anweba bena Isalela, mambo ka kyomwakuminya kino kintu, kabiji mubena kwitutajiisha atweba, nobe atweba bene twamwendesha ku bulume bwetu nangwa na kunemeka Lesa kwetu? 13#Lupu 3:15 Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula. 14#Mat 27:15-23; Mako 15:6-14; Lu 23:13-23; Yoa 19:12-15Pakuba anweba mwamukaine yenkaye Wazhila ne Waoloka, mwasakile amba bemupeeko mbanzhi, 15ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji. 16Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”
17“Byonkabyo anweba bakwetu nayuka namba, mwikyubile na bakulumpe benu pamo na mambo a kubula kuyuka. 18Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha. 19Byonkabyo lapilai, ne kwaluluka, mambo enu afuchiwe, 20amba kukeye myaka ya kubwezha michima ifuma ku meso a Nkambo, kabiji ukatuma ne Kilishitu, ye bemutongwela, yenkaye Yesu. 21Ye wafwainwa kwikala mwiulu poso ifike myaka ya kubwezha byonse, byo a ambile Lesa kala mu kanwa ka bangauzhi banji bazhila. 22#Mpitu 18:15,18Ne Mosesa kine wa ambile amba, Nkambo Lesa ukemwimenya ngauzhi wanji mu balongo benu, byonka biji amiwa, ne aye mukamumvwe mu byonse byo ake mwambila. 23#Mpitu 18:19 Kabiji bonse bakabula kumukookela awa ngauzhi, bake bonaunatu mu bantu, pelu! 24Kine ne bangauzhi bonse kufuma kwi Samwela, ne bamulondejile bonse mobavujila, ba ambilenga mambo a ano moba, 25#Nte 22:18Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa. 26Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”
Currently Selected:
Byubilo 3: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Byubilo 3
3
Kubukwa kwa walemana maulu
1Ba Petelo ne Yoano bakanjijilenga mu nzubo ya Lesa pa kimye kya milombelo, po pa kulemba juba. 2Kabiji baleetele mwanamulume kasa bamupaapa, kilema maulu kufuma pa kusemwa kwanji, bamutujilenga pa juba pa juba ku kibelo kya nzubo ya Lesa, kyobatelele amba, “Kibelo kya Buya,” na kulomba bukwasho ku batwela mu nzubo ya Lesa. 3Aye pa kumona ba Petelo ne Yoano, ke basake kutwela mu nzubo ya Lesa, wibalombele amba bamupepo kya bupetu. 4Petelo wamutajijishe, ne Yoano pamo, ne kumwambila amba, “Talai kuno!” 5Ne aye wateeleko muchima kwi abo, na luketekelo lwa kutambula kintu kufuma kwi abo. 6Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”
7Ne aye wamukwachile pa kuboko kwa kilujo, ne kumwimanya; ponkapo maulu anji ne tupokoso twanji byakosele. 8Ne aye wakilukile, ne kwimana, ne kwenda kaende; ne kutwela watwelele naabo mu nzubo ya Lesa, kasa enda ne kukilauka, ne kutota Lesa. 9Ne bantu bonse bamumwene saenda na kutota Lesa, 10ne abo bamuyukile, amba, i ye waikajilenga na kulomba ku kibelo kya nzubo ya Lesa, ne abo bakuminye bingi na kyokya kyamumwekele.
Lusapwilo lwa Petelo mu nzubo ya Lesa
11Ne aye byo ebakakachile ba Petelo ne Yoano, bantu bonse bebanyemejile mu bukonde bo batelele amba, bwa Solomone, kasa bakumya bingi. 12Petelo byo ekimwene, wa ambijile bantu amba, “Anweba bena Isalela, mambo ka kyomwakuminya kino kintu, kabiji mubena kwitutajiisha atweba, nobe atweba bene twamwendesha ku bulume bwetu nangwa na kunemeka Lesa kwetu? 13#Lupu 3:15 Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula. 14#Mat 27:15-23; Mako 15:6-14; Lu 23:13-23; Yoa 19:12-15Pakuba anweba mwamukaine yenkaye Wazhila ne Waoloka, mwasakile amba bemupeeko mbanzhi, 15ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji. 16Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”
17“Byonkabyo anweba bakwetu nayuka namba, mwikyubile na bakulumpe benu pamo na mambo a kubula kuyuka. 18Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha. 19Byonkabyo lapilai, ne kwaluluka, mambo enu afuchiwe, 20amba kukeye myaka ya kubwezha michima ifuma ku meso a Nkambo, kabiji ukatuma ne Kilishitu, ye bemutongwela, yenkaye Yesu. 21Ye wafwainwa kwikala mwiulu poso ifike myaka ya kubwezha byonse, byo a ambile Lesa kala mu kanwa ka bangauzhi banji bazhila. 22#Mpitu 18:15,18Ne Mosesa kine wa ambile amba, Nkambo Lesa ukemwimenya ngauzhi wanji mu balongo benu, byonka biji amiwa, ne aye mukamumvwe mu byonse byo ake mwambila. 23#Mpitu 18:19 Kabiji bonse bakabula kumukookela awa ngauzhi, bake bonaunatu mu bantu, pelu! 24Kine ne bangauzhi bonse kufuma kwi Samwela, ne bamulondejile bonse mobavujila, ba ambilenga mambo a ano moba, 25#Nte 22:18Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa. 26Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.