Byubilo 23
23
1Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.” 2Ponkapo aye ng'anga mukatampe, Ananyasa, wakambiizhe baimene ko ajinga amba, “Mupumai pa kanwa.” 3#Mat 23:27,28 Kumvwa aye Paulo amba, “Lesa usakukupuma ne obewa, obewa lubumbu washingwa mpemba! Waikala pa kije na kunchibila mambo monka mwayila Mizhilo, nangwa byonkabyo kechi wayuka amba wauba akya kyakanya mizhilo pa kukambizha amba, bampume!”
4Kumvwa baimene konka amba, “Olo, ke umuneene mwenga ng'anga mukatampe wa Lesa nyi?”
5 #
Lupu 22:28
Kumvwa Paulo amba, “Bakwetu, kechi naji kuyuka namba ye ng'anga mukatampe ne, mambo kyanembwa amba, kechi ukamwambila kyatama ndamakyalo wa bantu bobe ne.”
6 #
Byu 26:5; Fil 3:5 Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”
7Kabiji byo a ambiletu bino, mwabukile lupata mu Bafaliseo na Basadusea, ne jibumba ja abene. 8#Mat 22:23; Mako 12:18; Lu 20:27 (Mambo Basadusea bamba amba, lusanguko kafwako, nangwa bamalaika nangwa mupashi kafwako; bino Bafaliseo baitaba bino byonse.) 9Ponkapo kwabukile kiwowo kikatampe, ne bamo banembeshi bamu Bafaliseo baimene, ke bapachike amba, “Kechi twamonamo kibi mu ye uno muntu ne. Apo kampe mupashi nangwa malaika kine wa mwambila!”
10Kabiji byo pabuukile lupata lukatampe, aye mukulumpe mwine wa bashilikale byo achiine amba, basa kumutabaula Paulo, wakambiizhe bashilikale banji amba bekile bakebangataye na bulume, ne kumuleeta mu kamba.
11Bonkabwa bufuku Nkambo waimene pajinga Paulo ne kumwambila amba, “Kuuba moyo ne, mambo byonka byo wanshimuna mu Yelusalema byobyo ukanshimuna ne mu Loma.”
Byo basakile kumona mwa kumwipayila Paulo
12Byo bwakiile lukeelo, Bayudea bebungizhe pamo ne kuchipa amba, kechi baje nangwa kutomatu ne, poso Paulo bamwipaye. 13Bachipile luno luchipo bakijile makumi ana. 14Bayile ku bang'anga bakatampe ne bakulumpe amba, “Atweba twikasa pamo na luchipo, namba kechi tusume pa kajo ne poso tumwipaye Paulo. 15Pano byonkabyo anweba bena kije mutume jiwi ne kumwambila mukulumpe mwine wa bashilikale amba amulete Paulo ko muji, nobe musaka kuyukisha mambo anji bulongo. Ne atweba twinengezha kumwipaya kasa akyangye kufika kwipi.”
16Pakuba mwana nyenga yanji Paulo, wa umvwine mambo a kumubelamina kwabo, byonkabyo wayile na kutwela mu kamba, ne kumubula Paulo. 17Paulo waichile umo mukulumpe wa bashilikale ne kumwambila amba, “Mutwale uno nsongwalume ku mukulumpe mwine, mambo uji na bya kumubuula.” 18Kepo a mutwajile ne kumuleeta ku mwine mukulumpe wabo ne kwamba amba, “Paulo, kaili, wajikungita, wankunsaka amiwa kuleeta uno nsongwalume ko muji, byo aji na bintu bya kwimubuula.”
19Ne aye mwine mukulumpe wabo wamukwachile pa kuboko, wamutwajile kwa bunke ne kumwipuzha amba, Ng'anyi kintu kyo usaka kumbuula?
20Kumvwa aye amba, “Bayudea baumvwang'ana kwimulomba anweba amba mukamulete Paulo keesha ku kije, nobe basaka kwipuzha bulongo mambo anji. 21Mwane kechi mwibetabe ne mambo bamubelamina bantu bakila makumi ana, bonka bekasa pamo ne kuchipa amba kechi baje nangwa kutoma ne, poso bamwipaye. Ne pano babena kutengelatu jiwi kufuma kwi anweba.”
22Ponkapo aye mwine mukulumpe wamulekele nsongwalume amba, yanga, ne kumufunda amba, “Kechi ubuule nangwa muntu umo byo wambuula bino bintu ne.”
Paulo bamutuma kwi ndamakyalo Felikisa
23Ponkapo waichile bakulumpe babiji ba bashilikale ne kwibambila amba, “Nengezhezhai jimo bashilikale bitota bibiji, ne ba pa bambili makumi atanu na abiji ne ba mafumo bitota bibiji kuya ku Kesalea, bemane pa kimye#23:23 Kimye kya busatu, nangwa amba awala wa busatu. kya busatu bufuku. 24Kabiji mumwene jimo ne banyama ba kuyapo Paulo, mumufikizhe bulongo kwi Felikisa, ndamakyalo.” 25Kabiji wanembele ne nkalata ya byonka bino.
26“Amiwa Kaludiusa Lisiasa, kuji anweba ba Felikisa, ndamakyalo wa buneme bwine, mutende. 27Uno muntu bamukwachile ku Bayudea, kabiji byo basakilenga kumwipaya, amiwa naishile kobaji abo na bashilikale ne kumupokolola, byo naumvwine amba ye mwina Loma. 28Kabiji amiwa byo nasakile kuyuka mambo o bamushinawijile, na mutwajile ku kije kyabo. 29Nataine amba bamushiina na bya mu mizhilo yabo, kechi washiinwe na mambo afwainwa lufu nangwa kukaswa ne. 30Kabiji byo bajikumbula amba, bakamubelamina, byonkabyo namutuma ko muji, ne kukambizha bakumushiina amba bakamushiine ku meso enu.”
31Byonkabyo bashilikale, monka mo bebakambizhizhe, bamushikwile Paulo ne kumutwala bonkabwa bufuku kwi Antipatalisa. 32Kabiji byo bwakiile lukeelo balekele baji pa bambili kuya nanji, abo babwelele ku kamba. 33Abo, byo bafikile ku Kesalea ne kufikizha nkalata kwi aye ndamakyalo, bamufikizhe ne Paulo ku meso anji. 34Byo apwishishe kutanga nkalata, waipwizhe ku kyalo koafumine. Kabiji byo a umvwine amba, ye mwina Kilikya, 35wamwambijile amba, “Nkomvwa mambo obe onse byo bakafika bakukushiina.” Ponkapo wakambiizhe amba, alamwe mu nzubo ya mfumu, yajinga yakwa Heloda.
Currently Selected:
Byubilo 23: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Byubilo 23
23
1Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.” 2Ponkapo aye ng'anga mukatampe, Ananyasa, wakambiizhe baimene ko ajinga amba, “Mupumai pa kanwa.” 3#Mat 23:27,28 Kumvwa aye Paulo amba, “Lesa usakukupuma ne obewa, obewa lubumbu washingwa mpemba! Waikala pa kije na kunchibila mambo monka mwayila Mizhilo, nangwa byonkabyo kechi wayuka amba wauba akya kyakanya mizhilo pa kukambizha amba, bampume!”
4Kumvwa baimene konka amba, “Olo, ke umuneene mwenga ng'anga mukatampe wa Lesa nyi?”
5 #
Lupu 22:28
Kumvwa Paulo amba, “Bakwetu, kechi naji kuyuka namba ye ng'anga mukatampe ne, mambo kyanembwa amba, kechi ukamwambila kyatama ndamakyalo wa bantu bobe ne.”
6 #
Byu 26:5; Fil 3:5 Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”
7Kabiji byo a ambiletu bino, mwabukile lupata mu Bafaliseo na Basadusea, ne jibumba ja abene. 8#Mat 22:23; Mako 12:18; Lu 20:27 (Mambo Basadusea bamba amba, lusanguko kafwako, nangwa bamalaika nangwa mupashi kafwako; bino Bafaliseo baitaba bino byonse.) 9Ponkapo kwabukile kiwowo kikatampe, ne bamo banembeshi bamu Bafaliseo baimene, ke bapachike amba, “Kechi twamonamo kibi mu ye uno muntu ne. Apo kampe mupashi nangwa malaika kine wa mwambila!”
10Kabiji byo pabuukile lupata lukatampe, aye mukulumpe mwine wa bashilikale byo achiine amba, basa kumutabaula Paulo, wakambiizhe bashilikale banji amba bekile bakebangataye na bulume, ne kumuleeta mu kamba.
11Bonkabwa bufuku Nkambo waimene pajinga Paulo ne kumwambila amba, “Kuuba moyo ne, mambo byonka byo wanshimuna mu Yelusalema byobyo ukanshimuna ne mu Loma.”
Byo basakile kumona mwa kumwipayila Paulo
12Byo bwakiile lukeelo, Bayudea bebungizhe pamo ne kuchipa amba, kechi baje nangwa kutomatu ne, poso Paulo bamwipaye. 13Bachipile luno luchipo bakijile makumi ana. 14Bayile ku bang'anga bakatampe ne bakulumpe amba, “Atweba twikasa pamo na luchipo, namba kechi tusume pa kajo ne poso tumwipaye Paulo. 15Pano byonkabyo anweba bena kije mutume jiwi ne kumwambila mukulumpe mwine wa bashilikale amba amulete Paulo ko muji, nobe musaka kuyukisha mambo anji bulongo. Ne atweba twinengezha kumwipaya kasa akyangye kufika kwipi.”
16Pakuba mwana nyenga yanji Paulo, wa umvwine mambo a kumubelamina kwabo, byonkabyo wayile na kutwela mu kamba, ne kumubula Paulo. 17Paulo waichile umo mukulumpe wa bashilikale ne kumwambila amba, “Mutwale uno nsongwalume ku mukulumpe mwine, mambo uji na bya kumubuula.” 18Kepo a mutwajile ne kumuleeta ku mwine mukulumpe wabo ne kwamba amba, “Paulo, kaili, wajikungita, wankunsaka amiwa kuleeta uno nsongwalume ko muji, byo aji na bintu bya kwimubuula.”
19Ne aye mwine mukulumpe wabo wamukwachile pa kuboko, wamutwajile kwa bunke ne kumwipuzha amba, Ng'anyi kintu kyo usaka kumbuula?
20Kumvwa aye amba, “Bayudea baumvwang'ana kwimulomba anweba amba mukamulete Paulo keesha ku kije, nobe basaka kwipuzha bulongo mambo anji. 21Mwane kechi mwibetabe ne mambo bamubelamina bantu bakila makumi ana, bonka bekasa pamo ne kuchipa amba kechi baje nangwa kutoma ne, poso bamwipaye. Ne pano babena kutengelatu jiwi kufuma kwi anweba.”
22Ponkapo aye mwine mukulumpe wamulekele nsongwalume amba, yanga, ne kumufunda amba, “Kechi ubuule nangwa muntu umo byo wambuula bino bintu ne.”
Paulo bamutuma kwi ndamakyalo Felikisa
23Ponkapo waichile bakulumpe babiji ba bashilikale ne kwibambila amba, “Nengezhezhai jimo bashilikale bitota bibiji, ne ba pa bambili makumi atanu na abiji ne ba mafumo bitota bibiji kuya ku Kesalea, bemane pa kimye#23:23 Kimye kya busatu, nangwa amba awala wa busatu. kya busatu bufuku. 24Kabiji mumwene jimo ne banyama ba kuyapo Paulo, mumufikizhe bulongo kwi Felikisa, ndamakyalo.” 25Kabiji wanembele ne nkalata ya byonka bino.
26“Amiwa Kaludiusa Lisiasa, kuji anweba ba Felikisa, ndamakyalo wa buneme bwine, mutende. 27Uno muntu bamukwachile ku Bayudea, kabiji byo basakilenga kumwipaya, amiwa naishile kobaji abo na bashilikale ne kumupokolola, byo naumvwine amba ye mwina Loma. 28Kabiji amiwa byo nasakile kuyuka mambo o bamushinawijile, na mutwajile ku kije kyabo. 29Nataine amba bamushiina na bya mu mizhilo yabo, kechi washiinwe na mambo afwainwa lufu nangwa kukaswa ne. 30Kabiji byo bajikumbula amba, bakamubelamina, byonkabyo namutuma ko muji, ne kukambizha bakumushiina amba bakamushiine ku meso enu.”
31Byonkabyo bashilikale, monka mo bebakambizhizhe, bamushikwile Paulo ne kumutwala bonkabwa bufuku kwi Antipatalisa. 32Kabiji byo bwakiile lukeelo balekele baji pa bambili kuya nanji, abo babwelele ku kamba. 33Abo, byo bafikile ku Kesalea ne kufikizha nkalata kwi aye ndamakyalo, bamufikizhe ne Paulo ku meso anji. 34Byo apwishishe kutanga nkalata, waipwizhe ku kyalo koafumine. Kabiji byo a umvwine amba, ye mwina Kilikya, 35wamwambijile amba, “Nkomvwa mambo obe onse byo bakafika bakukushiina.” Ponkapo wakambiizhe amba, alamwe mu nzubo ya mfumu, yajinga yakwa Heloda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.