Byubilo 13
13
Kusalululwa ne Kutumwa kwa Banabasa ne Saulo
1Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu#13:1 Heloda Heloda Antipasa, mfumu wa mu Ngalilea Luka 3:1, ne Saulo. 2Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”
3Ponkapo byo bazhikijilwe na nzala ne kulomba, be batentekele maboko ne kwibatuma.
Banabasa ne Paulo mu Kipilusa
4Abo byo bebatumine ku Mupashi Wazhila, Banabasa ne Saulo bayile ku Selukya, pa kufumako bayile na bwato ku Kipilusa. 5Byo bafikile ku Salamisa, batatwile kusapwila mambo a Lesa mu mashinagoga a Bayudea. Bajinga ne Yoano wibakwashishenga.
6Bapichile mu jikuji jonse kufika ne ku Pafosa, kobasambakene muyudea wa bingelekezha, ngauzhi wa bubela, jizhina janji Balayesu. 7Ye wajinga mulunda nanji mukulumpe wa kyalo, Seligiusa Paulosi, wajinga muntu wa maana. Mukulumpe wa kyalo waichile Banabasa ne Saulo, amba omvwe mambo a Lesa. 8Pakuba Elimasa uba bingelekezha (mo mwayila jizhina janji pa kwijilumbulula mu Kigiliki) waesekele kumusendula aye mukulumpe wa kyalo ku lwitabilo. 9Ponkapo aye Saulo, jikwabo Paulo, byo ayujile na Mupashi Wazhila wamutajijishe, 10ne kumwambila amba, “Obewa mwana Diabola, obewa mulwanyi wa bololoke bonse wayula na bujimbijimbi bonse ne bujimuku bonse bwa kuuba bibi, kechi ukaleka kuvulang'anya mashinda aoloka a Nkambo nenyi? 11Kabiji pano tala kuboko kwa Nkambo kwakufikila, kabiji usakwikala ke mpofu ka kimye, ne kumona mute ne.”
Ponkapotu kamfwa ne mfishi byamuponejile, kapupuute na kusaka wakumukwata ku kuboko na kumutangijila. 12Ponkapo aye mukulumpe wa kyalo, pa kumona kyaubilwe waitabijile, mambo wakuminye lufunjisho lwa Nkambo.
Banabasa ne Paulo mu Antioka wa mu Pisidya
13Kabiji Paulo ne boajinga naabo bafumine ku Pafosa mu bwato ne kuya ku Pelega mu Pamfilya. Kabiji Yoano Mako wibashiile ne kubwela ku Yelusalema. 14Bino abo bafumine ku Pelega ne kuya ku Antioka mu ntanda ya Pisidya, ne mu juba ja Sabado batwelele mu shinagoga ne kwikala baikajile panshi. 15Byo bapwishishe kutanga mu buku wa Mizhilo ya Mosesa ne wa bangauzhi, bakulumpe ba shinagoga batumine jiwi kwi abo amba, “Bakwetu, kana muji na byambo bya kutundaika bantu byambai.”
16Ponkapo Paulo waimene, ne pa kukebaula na kuboko kwanji wa ambile amba.
“Anweba bena Isalela ne anweba baakamwa Lesa, umvwai. 17#Lupu 1:7; Lupu 12:51Aye Lesa wa bano bantu bena Isalela wasalulwile bashakulu betu ke mukoka mukatampe byo bajinga benyi mu kyalo kya Ijipita. Ponkapo wibafumishemo na kuboko kwanji kwa kutanyika. 18#Bala 14:34; Mpitu 1:31Kabiji myaka pepi makumi ana wibalamine mungyetu. 19#Mpitu 7:1; Yosh 14:1Kabiji byo a onawine mikoka itanu na ibiji mu kyalo kya Kenana, wibapele kyalo kyabo ke buswanyi. 20#Mito 2:16; 1 Sam 3:20 Abye byonse byamwekele pakupita myaka bitota bina ne myaka makumi atanu.”
Ne pakupita bibye wibapele mitonyi, kufika ne kwi Samwela ngauzhi. 21#1 Sam 8:5; 1 Sam 10:21Kabiji palutwe byo balombele mfumu, aye Lesa wibapele Saulo mwana Kisha wa mu mukoka wa Benjamina, myaka makumi ana. 22#1 Sam 13:14; 1 Sam 16:12; Sala 89:20 Kabiji pa kumufumyapo, waimikile Davida amba ekale mfumu wabo, yenkaye ye a shimwine amba, “Namona Davida, mwana Yese, muntu wayila monka mwayila muchima wami, ye ukooba byonse byo nasaka.” 23Monka mu ba munkunwa ya Davida, aye Lesa wibemenyamo bena Isalela Mupulushi Yesu, monka mwayila mulaye wanji. 24#Mako 1:4; Lu 3:3Kabiji kasa akyangye kwiya, aye Yoano wasapwijile patanshi mambo a lubatizhilo lwa lulapilo, kubena Isalela bonsetu. 25#Yoa 1:20; Mat 3:11; Mako 1:7; Lu 3:16; Yoa 1:27Kabiji Yoano byo ayilenga na kupwisha kikonkwanyi kyanji, wibambijile amba, “Anweba mundanguluka amba, amiwa ne ng'anyi? Amiwa kechi yami iye ne. Pakuba talai, panyuma yami peya umo, makwabilo a ku maulu anji amiwa kechi nafwainwa kwiakasulula ne.”
26“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo! 27Mambo bekala mu Yelusalema ne bakulumpe babo kechi bamuyukile, nangwa kuyuka byambo bya bangauzhi byo batanga moba onse a Sabado ne. Nangwa byonkabyo balengejile byambo bya bangauzhi kufikizhiwa pa kumuzhachisha aye. 28#Mat 27:22,23; Mako 15:13,14; Lu 23:21-23; Yoa 19:15 Kabiji abo nangwa kechi bataine mambo mwi aye afwainwa lufu ne, abo balombele Pilato amba bamwipaye. 29#Mat 27:57-61; Mako 15:42-47; Lu 23:50-56; Yoa 19:38-42 Kabiji byo bafikizhe byonse byamunembejilwe, bamwikizhe kufuma ku kichi ne kumubika mu kilende. 30Pakuba Lesa wamusangwile mu bafu, 31#Byu 1:3ne aye wamwekele moba avula kuboba bo aishile naabo kufuma ku Ngalilea kwiya ku Yelusalema. Abo pano bo batumonyi banji ku bantu. 32#Sala 2:7 Kabiji atweba twimuletela anweba Mambo Awama amba, abya bintu byo alayile Lesa ku bashakulu betu, 33aye wibifikizha kwi atweba baana babo pa kumusangula Yesu mu bafu; namo monka mo kyanembelwa mu Salamo wa bubiji amba,”
“Obewa wi Mwanami,
jonka ja leelo jino jo nakusema.”
34 #
Isa 55:3
Kabiji mwayila mambo a kumusangula mu bafu, amba pano kechi akabwele ku bubole ne, mo a ambijile mo muno amba,
“Nkemupa bibusa byazhila ne bya kine
byo nalayile kwi Davida.”
35 #
Sala 16:10
Byonkabyo ne mu Salamo mukwabo namo aye amba,
“Kechi mukaswisha wenu Wazhila amba amone bubole ne.”
36Pakuba aye Davida, wafwile byo apwishishe kwingijila kisaka kyanji mwine monka mwayijile muchima wa Lesa, kabiji wazhikilwe pamo na bashakulu banji, ne mubiji wanji wamwene bubole mu kilende. 37Pakuba aye ye basangwile kwi Lesa kechi wamwene bubole ne. 38Byonkabyo anweba bakwetu, yukai amba mu ye uno muntu, lulekelo lwa mambo lubena kusapwilwa kwi anweba. Mambo mizhilo ya Mosesa kechi yakonsha kwi mukasulula ku bubi bwenu bonse ne. 39Kabiji mwi aye, bonse baitabila ba bingishiwa ku byonse byakankelwe kwibabingisha ku Mizhilo ya Mosesa. 40Byonkabyo jimukai, kuchiina amba akya kyo ba ambile bangauzhi kya kemufikila amba,
41 #
Hab 1:5
“Monai, anweba bamilengulwila! Kumyai ne konaika!
Mambo amiwa mbena kwingila mwingilo mu moba enu,
mwingilo ye mukabula kwitaba,
nangwa umo ukemubulaye!”
42Byo balupukilenga, bebasashijile amba, bino byambo muketubuule ne mu juba ja Sabado jikwabo jalondelapo. 43Kabiji pa kupalang'ana mu shinagoga, bavula Bayudea ne bealula ke Bayudea bapopwela Lesa balondejile ba Paulo ne Banabasa, ne abo bebambijile ne kwibasashijila amba, “Ikajikwai mu bupe bwa Lesa.”
44Kabiji muja Sabado jikwabo jalondejilepo pepi muzhi yense bapwijile na kumvwa mambo a Nkambo. 45Pakuba Bayudea pa kumona aa mabumba, baubile kichima, kabiji batatwile kwibilengulula bya ambilenga Paulo ne kumuba mwenga. 46Kabiji ba Paulo ne Banabasa ba ambilengatu na kuchinchika amba, “Kyaji kufwainwa mambo a Lesa asapwilwe kwi anweba patanshi. Pakuba byo mwiakana ne kwichibila mambo anweba bene amba, kechi mwafwainwa bumi bwa myaka ne, nanchi, pano twaalukila ku Bangentila. 47#Isa 42:6; 49:6Mambo mo moetukambizha Nkambo amba,
“Nakutongola namba wikale ke kyeya kya Bangentila,
amba ufikizhe lupulukilo konsetu ne kwapela ntanda.”
48Ne Bangentila byo ba umvwine bino basekejile bingi ne kwiatumbijika mambo a Nkambo, kabiji mo bavujile batongwejilwe bumi bwa myaka baitabijile.
49Ponkapo mambo a Nkambo akumbene amwa mu kyalo kyonse. 50Bino Bayudea bebakolomwene banabakazhi bashing'ama bapopwelanga Lesa, ne bakulumpe ba mu muzhi, babushishe lupato lwa kwibapata ba Paulo ne Banabasa, ne kwibapanga bebapangile mu kyalo kyabo. 51#Mat 10:14; Mako 6:11; Lu 9:5; 10:11 Batumwa bakunchile lukungu lwa ku maulu abo kabiji bayile ku Ikonyuma, 52Kabiji baana babwanga bayujile na lusekelo ne na Mupashi Wazhila.
Currently Selected:
Byubilo 13: KNTP
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Byubilo 13
13
Kusalululwa ne Kutumwa kwa Banabasa ne Saulo
1Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu#13:1 Heloda Heloda Antipasa, mfumu wa mu Ngalilea Luka 3:1, ne Saulo. 2Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”
3Ponkapo byo bazhikijilwe na nzala ne kulomba, be batentekele maboko ne kwibatuma.
Banabasa ne Paulo mu Kipilusa
4Abo byo bebatumine ku Mupashi Wazhila, Banabasa ne Saulo bayile ku Selukya, pa kufumako bayile na bwato ku Kipilusa. 5Byo bafikile ku Salamisa, batatwile kusapwila mambo a Lesa mu mashinagoga a Bayudea. Bajinga ne Yoano wibakwashishenga.
6Bapichile mu jikuji jonse kufika ne ku Pafosa, kobasambakene muyudea wa bingelekezha, ngauzhi wa bubela, jizhina janji Balayesu. 7Ye wajinga mulunda nanji mukulumpe wa kyalo, Seligiusa Paulosi, wajinga muntu wa maana. Mukulumpe wa kyalo waichile Banabasa ne Saulo, amba omvwe mambo a Lesa. 8Pakuba Elimasa uba bingelekezha (mo mwayila jizhina janji pa kwijilumbulula mu Kigiliki) waesekele kumusendula aye mukulumpe wa kyalo ku lwitabilo. 9Ponkapo aye Saulo, jikwabo Paulo, byo ayujile na Mupashi Wazhila wamutajijishe, 10ne kumwambila amba, “Obewa mwana Diabola, obewa mulwanyi wa bololoke bonse wayula na bujimbijimbi bonse ne bujimuku bonse bwa kuuba bibi, kechi ukaleka kuvulang'anya mashinda aoloka a Nkambo nenyi? 11Kabiji pano tala kuboko kwa Nkambo kwakufikila, kabiji usakwikala ke mpofu ka kimye, ne kumona mute ne.”
Ponkapotu kamfwa ne mfishi byamuponejile, kapupuute na kusaka wakumukwata ku kuboko na kumutangijila. 12Ponkapo aye mukulumpe wa kyalo, pa kumona kyaubilwe waitabijile, mambo wakuminye lufunjisho lwa Nkambo.
Banabasa ne Paulo mu Antioka wa mu Pisidya
13Kabiji Paulo ne boajinga naabo bafumine ku Pafosa mu bwato ne kuya ku Pelega mu Pamfilya. Kabiji Yoano Mako wibashiile ne kubwela ku Yelusalema. 14Bino abo bafumine ku Pelega ne kuya ku Antioka mu ntanda ya Pisidya, ne mu juba ja Sabado batwelele mu shinagoga ne kwikala baikajile panshi. 15Byo bapwishishe kutanga mu buku wa Mizhilo ya Mosesa ne wa bangauzhi, bakulumpe ba shinagoga batumine jiwi kwi abo amba, “Bakwetu, kana muji na byambo bya kutundaika bantu byambai.”
16Ponkapo Paulo waimene, ne pa kukebaula na kuboko kwanji wa ambile amba.
“Anweba bena Isalela ne anweba baakamwa Lesa, umvwai. 17#Lupu 1:7; Lupu 12:51Aye Lesa wa bano bantu bena Isalela wasalulwile bashakulu betu ke mukoka mukatampe byo bajinga benyi mu kyalo kya Ijipita. Ponkapo wibafumishemo na kuboko kwanji kwa kutanyika. 18#Bala 14:34; Mpitu 1:31Kabiji myaka pepi makumi ana wibalamine mungyetu. 19#Mpitu 7:1; Yosh 14:1Kabiji byo a onawine mikoka itanu na ibiji mu kyalo kya Kenana, wibapele kyalo kyabo ke buswanyi. 20#Mito 2:16; 1 Sam 3:20 Abye byonse byamwekele pakupita myaka bitota bina ne myaka makumi atanu.”
Ne pakupita bibye wibapele mitonyi, kufika ne kwi Samwela ngauzhi. 21#1 Sam 8:5; 1 Sam 10:21Kabiji palutwe byo balombele mfumu, aye Lesa wibapele Saulo mwana Kisha wa mu mukoka wa Benjamina, myaka makumi ana. 22#1 Sam 13:14; 1 Sam 16:12; Sala 89:20 Kabiji pa kumufumyapo, waimikile Davida amba ekale mfumu wabo, yenkaye ye a shimwine amba, “Namona Davida, mwana Yese, muntu wayila monka mwayila muchima wami, ye ukooba byonse byo nasaka.” 23Monka mu ba munkunwa ya Davida, aye Lesa wibemenyamo bena Isalela Mupulushi Yesu, monka mwayila mulaye wanji. 24#Mako 1:4; Lu 3:3Kabiji kasa akyangye kwiya, aye Yoano wasapwijile patanshi mambo a lubatizhilo lwa lulapilo, kubena Isalela bonsetu. 25#Yoa 1:20; Mat 3:11; Mako 1:7; Lu 3:16; Yoa 1:27Kabiji Yoano byo ayilenga na kupwisha kikonkwanyi kyanji, wibambijile amba, “Anweba mundanguluka amba, amiwa ne ng'anyi? Amiwa kechi yami iye ne. Pakuba talai, panyuma yami peya umo, makwabilo a ku maulu anji amiwa kechi nafwainwa kwiakasulula ne.”
26“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo! 27Mambo bekala mu Yelusalema ne bakulumpe babo kechi bamuyukile, nangwa kuyuka byambo bya bangauzhi byo batanga moba onse a Sabado ne. Nangwa byonkabyo balengejile byambo bya bangauzhi kufikizhiwa pa kumuzhachisha aye. 28#Mat 27:22,23; Mako 15:13,14; Lu 23:21-23; Yoa 19:15 Kabiji abo nangwa kechi bataine mambo mwi aye afwainwa lufu ne, abo balombele Pilato amba bamwipaye. 29#Mat 27:57-61; Mako 15:42-47; Lu 23:50-56; Yoa 19:38-42 Kabiji byo bafikizhe byonse byamunembejilwe, bamwikizhe kufuma ku kichi ne kumubika mu kilende. 30Pakuba Lesa wamusangwile mu bafu, 31#Byu 1:3ne aye wamwekele moba avula kuboba bo aishile naabo kufuma ku Ngalilea kwiya ku Yelusalema. Abo pano bo batumonyi banji ku bantu. 32#Sala 2:7 Kabiji atweba twimuletela anweba Mambo Awama amba, abya bintu byo alayile Lesa ku bashakulu betu, 33aye wibifikizha kwi atweba baana babo pa kumusangula Yesu mu bafu; namo monka mo kyanembelwa mu Salamo wa bubiji amba,”
“Obewa wi Mwanami,
jonka ja leelo jino jo nakusema.”
34 #
Isa 55:3
Kabiji mwayila mambo a kumusangula mu bafu, amba pano kechi akabwele ku bubole ne, mo a ambijile mo muno amba,
“Nkemupa bibusa byazhila ne bya kine
byo nalayile kwi Davida.”
35 #
Sala 16:10
Byonkabyo ne mu Salamo mukwabo namo aye amba,
“Kechi mukaswisha wenu Wazhila amba amone bubole ne.”
36Pakuba aye Davida, wafwile byo apwishishe kwingijila kisaka kyanji mwine monka mwayijile muchima wa Lesa, kabiji wazhikilwe pamo na bashakulu banji, ne mubiji wanji wamwene bubole mu kilende. 37Pakuba aye ye basangwile kwi Lesa kechi wamwene bubole ne. 38Byonkabyo anweba bakwetu, yukai amba mu ye uno muntu, lulekelo lwa mambo lubena kusapwilwa kwi anweba. Mambo mizhilo ya Mosesa kechi yakonsha kwi mukasulula ku bubi bwenu bonse ne. 39Kabiji mwi aye, bonse baitabila ba bingishiwa ku byonse byakankelwe kwibabingisha ku Mizhilo ya Mosesa. 40Byonkabyo jimukai, kuchiina amba akya kyo ba ambile bangauzhi kya kemufikila amba,
41 #
Hab 1:5
“Monai, anweba bamilengulwila! Kumyai ne konaika!
Mambo amiwa mbena kwingila mwingilo mu moba enu,
mwingilo ye mukabula kwitaba,
nangwa umo ukemubulaye!”
42Byo balupukilenga, bebasashijile amba, bino byambo muketubuule ne mu juba ja Sabado jikwabo jalondelapo. 43Kabiji pa kupalang'ana mu shinagoga, bavula Bayudea ne bealula ke Bayudea bapopwela Lesa balondejile ba Paulo ne Banabasa, ne abo bebambijile ne kwibasashijila amba, “Ikajikwai mu bupe bwa Lesa.”
44Kabiji muja Sabado jikwabo jalondejilepo pepi muzhi yense bapwijile na kumvwa mambo a Nkambo. 45Pakuba Bayudea pa kumona aa mabumba, baubile kichima, kabiji batatwile kwibilengulula bya ambilenga Paulo ne kumuba mwenga. 46Kabiji ba Paulo ne Banabasa ba ambilengatu na kuchinchika amba, “Kyaji kufwainwa mambo a Lesa asapwilwe kwi anweba patanshi. Pakuba byo mwiakana ne kwichibila mambo anweba bene amba, kechi mwafwainwa bumi bwa myaka ne, nanchi, pano twaalukila ku Bangentila. 47#Isa 42:6; 49:6Mambo mo moetukambizha Nkambo amba,
“Nakutongola namba wikale ke kyeya kya Bangentila,
amba ufikizhe lupulukilo konsetu ne kwapela ntanda.”
48Ne Bangentila byo ba umvwine bino basekejile bingi ne kwiatumbijika mambo a Nkambo, kabiji mo bavujile batongwejilwe bumi bwa myaka baitabijile.
49Ponkapo mambo a Nkambo akumbene amwa mu kyalo kyonse. 50Bino Bayudea bebakolomwene banabakazhi bashing'ama bapopwelanga Lesa, ne bakulumpe ba mu muzhi, babushishe lupato lwa kwibapata ba Paulo ne Banabasa, ne kwibapanga bebapangile mu kyalo kyabo. 51#Mat 10:14; Mako 6:11; Lu 9:5; 10:11 Batumwa bakunchile lukungu lwa ku maulu abo kabiji bayile ku Ikonyuma, 52Kabiji baana babwanga bayujile na lusekelo ne na Mupashi Wazhila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.