MATIUS 26
26
Nibou Yahudi nya yuhum yam nsi mem Yesus
(Mrk. 14:1-2; Luk. 22:1-2; Yoh. 11:45-53)
1Tirigi Yesus kes nihyet tut nipingok yokti hagom leu lene Noni pai bak yo di igya kui Noni, 2#Kel. 12:1-27 “Jikan tut bipia njap can bu ne tto bou dem mem ibon pesta kep Njap Ndig Paskah ri. Lene tungwagom mikes Munggwom Tungwatu Nipmot ei siceu nya indati leu api yoni mipek Noni ei biei salibti.”
3Mpe dima ne imam nindig nya kin nibou mben Yahudi nya induk yam kwei ei Kayafas di Imam Nibou Ndig de ig. 4Itindei ser biken tirigi bon nituti leu binhyepo ikat Yesus nyahan ba, ijem nimai gau Noni. 5Noro ipai biyam “Ma ikat Noni mem njap dino ibon pesta kep Njap Ndig Paskah au. Leu gi nok lene limwanya mibigen ser nye.”
Sop timiei minu mien Betania gom kiber mini mbris ei Yesus nibouti
(Mrk. 14:3-9; Luk. 7:36-50; Yoh. 12:1-8)
6Mpe dima ne Yesus ningat rin ei Betania bigwam bit Simon. Noni ne tungwagom di bras yem rin noro kei hanyen tu. 7#Luk. 7:37-38 Tirigi igyem kep njita bit yam lene sop gom bisau bikwei sut ampou mini mbris nuut gom di nibok kak bibor bikiber ei Yesus nibouti. 8Yo di igya kui Yesus ingat lo, misop dima bon nok rino ingon sibui sut ba, isrep bipai “Nggon rino noni bimangkrei mini mbris tug hon nisinati dima i? 9Ma itri mini dima bibou ibipek mitiei nindig bibor ba, ibitri yo di yuhui mbum nya!”
10Yesus kan tut ikan-kan nyenti dima bipai biyok “Nggon rino jisinsam sop dini i? Lewo noni bibon mun di kei biDani apino tungwatu nya minggei sut noni drek dip. 11#Ul. 15:11 Lewo yo di yuhui mbum nya ingat rin bit je kikau noro dingat rin bit je kikau bi. 12Noni tin ampou tut mini mbris bikiber ei dibouti leu binhyepo bitin ei dingut dini nipou tirigi itig bigyo. 13Ma jiyok ngon kep bipia Allah De Nihyet Di Kei mitibim bidem dihyei nisurti-nipekti tut misop dini niyai munti apino tungwatu nya yahagom miyok ngon kep noni.”
Yudas tug ndei mitiei mem nitri Yesusti
(Mrk. 14:10-11; Luk. 22:3-6)
14Gima ngwig lene igom leu ibou simnaibrimigcan di igya kui Yesus di ninyeng Yudas Iskariot ug ngat imam nindig nya, 15#Za. 11:12 bihig ser yok “Gino dikes Yesus ei jindati lene mijiyai mitiei pig bida i?” Gima rino igyai mitiei di buhun nitig ningot ningai bak. 16Hon kep njap dima bikui lene Yudas nggok nikwesti mem gima tri Yesus ei indati.
Yesus ya tut yo di igya kui nya bibon pesta kep Njap Ndig Paskah
(Mrk. 14:12-21; Luk. 22:7-14, 21-23; Yoh. 13:21-30)
17Ug ei njap gi nigom tirigi mben Yahudi ibon pesta kep Njap Nindig Roti Dwoi Bi lene yo di igya kui Yesus ikwei hig ser Noni “Ajoi sut nitin ei pesta Njap Ndig Paskah mem Na ei sirigitou i?”
18Noni buhup “Jug ba, jicoi ug ei minu ndig dima leu api mijuum tungwagom bijipai binoni ‘Nyende guru pai Nide jam dideu su. Noni kin yo di igya kui Noni ibon pesta kep Njap Ndig Paskah ei ade ig.’ ”
19Lene yo di igya kui Yesus igyai igbit nicuk yokti ba, itin ei mem ibon pesta kep Njap Ndig Paskah.
20Mmun tu rino Yesus kin yo di igya kui Noni igwam nyahan bigyem njita. 21Tirigi igyem njita lene Noni pai biyok “Ma jiyok ngon kep bipia jigom mitri Da ug ri.”
22Imiap nipaisi nok rino ingon buhun bibor leu api ihig ser Noni sindam bibikwop tungwagom-gom bipai “Tuhan e, ningat ne apai sut dani e?”
23 #
Mzm. 41:10
Yesus buhup “No di tur roti ei mokti bit Da rino mitri Dani. 24Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”
25Lene Yudas di mitri Yesus hig singgre Noni “Guru e, mpaba apai sut dani e?”
Yesus buhup “Angon kanti dima tibim ei nanti ahui him!”
Yesus ki roti
(Mrk. 14:22-26; Luk. 22:15-20; 1Kor. 11:23-25)
26Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”
27Lene Noni yai gi mokti leu api pai sigyo bak Allah kep. Leu api yai mok tut biyok sindam bipai “Jahagom jidut eisi. 28#Kel. 24:8; Yer. 31:31-34 Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar. 29Ma jiyok ngon kep bipia mididut ba anggur ngei dini bu bi kikau bipek njap dino didut ba anggur ngei nijep bu bit je ei Dicig Ninyeng Tak Kepti.”
30Lene yo dima ipai doia nibinggei sut Allahti leu api imbut biyuug ei Nungug Zaitun.
Yesus pai sut Petrus di om ser Noni
(Mrk. 14:27-31; Luk. 22:31-34; Yoh. 13:36-38)
31 #
Za. 13:7
Lene Yesus pai biyok “Himmun di ariman ne jahagom mijinang bijikes Da ei ri. Bit leu nok Allah Nihyet pai ‘Dani midiyai nimai bak gembala dima leu api domba nya mintek gimahap.’ 32#Mat. 28:16 Noro tirigi Allah kon Da leu dimai eisi lene midingkwei hanyen ug ei Galilea bibie mem je.”
33Petrus pai bak Yesus “Mbro nok gino nindigsi dini yok yahagom ikes Na ei lo, dangkom dikes Na ei bi sren!”
34Yesus buhup “Ma ayok ngon kep bipia himmun di ariman tirigino hacig yau bigyo ne aom ser Da mbiningai bipia akan tut Da bi ug ri.”
35Noro Petrus srep bipai “Mbro nok gino diyai nimai kin Nani lo, doom ser Na bi sren!”
Ba, yo di igya kui Yesus nindigsi nya yahagom ipai bram Petrus nipaisi dima.
Yesus ngat nadi ei Getsemani
(Mrk. 14:32-42; Luk. 22:39-46; Yoh. 18:1)
36Niabiti bu lene Yesus kin yo di igya kui Noni yuug ei mpia ttou nsi gom di ninyeng Getsemani leu api Noni kuk yok bipai “Jigwam nyahan ei mpia dini leu bibou duug ei mpia hiter bu bidingat nadi ug e.” 37Pai nok leu api Noni buwak Petrus kin Zebedeus nipmot bat cin bimbut mbigom kin bu. Mpe dima ne Yesus ningon ngguk ba, ningon buhun bibor cem. 38Gima rino Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”
39Leu api Noni ug ei pas poi leu yok bikuk No lene ba ningwak bikik dihyei bingat nadi bipai “Arig e, gino bit leu angon kanti ne ma abindei ba, ninghuisi wei di suar cut igkep Da jo minu ting leu Da hak ug. Noro dibit dingon kanti bi leu binhyepo dibit angon kanti.”
40Yesus ngat nadi nok leu lene kwei bittau kep yo di igya kui Noni ibou ningai hanyen bingat lo, ibong mai su. Noni hig ser Petrus “Nggon rino jiyai ngkiem ser Da mem jam gom ngat bi i? 41Ma jiyai ngkiem bijingat nadi ser nhyepo jingkwei hanyen tirigi jibiam mun di srou je bi. Lewo jingon llei sut jiyai kep mun di kei nya noro jindei bi lewo jinghuisi jet ser.”
42Yesus ngkwei hanyen bingat nadi bipai “Arig e, gino bit bon mok tut ninghuisi wei di suar cut igkep Dani jo minu ting leu Da kan bi bibou didut eisi ug e lene nna ba dikuk Da bak Nanti angon kanti hak ug.” 43Leu api Noni kwei hanyen bingat ibou ningai dima mbigom bu lo, ibong mai leu su lewo igyai nggrop buhun.
44Yesus kes yok ei bingkwei hanyen ba, ngat nadi nimbiningai bit leu nok nihyet gi nipou pima bu. 45Leu api Noni kwei ngat yok mbigom kin bu bihig ser yok “Jibong mai kep jinghuisi kikau e? Jingat i! Tto bou dem mem tungwatu nya itri Munggwom Tungwatu Nipmot ei yo di isibut nya indati tu. 46Jikiju ba, imbut ri. Jingat i! No di tri Da tau kep nye tu!”
Yo di isibut nya ikat Yesus
(Mrk. 14:43-50; Luk. 22:47-53; Yoh. 18:3-12)
47Tirigi Noni pai biyok nok rino Yudas di nggre kin ibou simnaibrimigcan dima tau kep yok bibuwak yo di isibut nya di ikwei sut ide simeda kin biap tindak. Imam nindig nya kin nibou mben Yahudi nya icuk yok kwei. 48No di tri Yesus pai bak yo di isibut nya bibie “Ma jitou kep! Gino dimei tungwagom ningyoi ne mijikan tut bipia No pima ri. Ma jikat Noni!”
49Yudas kwei krau mpia ttou nsi dima lene bisau ndam Yesus bipigo “Guru e, acem!” Lene noni mei Yesus ningyoia.
50Yesus buhup “Disut ndia, akwei yai mindei i?”#26:50: Nipas kep Disut ndia, akwei yai mindei i? cem kei lene nipas kep Disut ndia, abipbur ba, ayai igbit angon kanti hak ug. cem kei.
Leu api yo di ningot ndig dima ibisau bikat Yesus bingkiem. 51Tungwagom di ya kui Yesus hit nide simeda bitot Imam Nibou Ndig de awak hi bisriot nitingou meng bicut leu. 52Noro Yesus mbrua ser noni bipai “Ajus ade simeda hanyen ei nahamti hak ug. Lewo yo di iba simeda bikon pran yahagom mitug ndei nimai tug hon simeda hanyen. 53Angon kan bipia mbigom dahara Dicig bicuk malaikati nya nimpung simnaibrimigcan bidor njiriek kwei bimpu Da bi e? 54Noro gino diyai nok lene notou mun di Allah Nihyet preu kep nye tut mipek kep mem nye nogindini i?”
55 #
Luk. 19:47, 21:37 Lene Yesus hig ser yo di ningot ndig dima “Jiba jide simeda kin biap tindak kwei bikat Da bit leu nok jikat no di sibut e? Apo digwam ei Tuhan De Ig biditri tut dihyet bikwop njap lo, jikat Da bi e? 56Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.”
Leu api yo di igya kui Yesus yahagom ikes Noni binang leu.
Yesus ya ei Nikei Puig Yahudi nya yoho bei
(Mrk. 14:53-65; Luk. 22:54-55, 63-71; Yoh. 18:13-14, 19-24)
57Yo di ikat Yesus ibuwak Noni ug ei Kayafas di Imam Nibou Ndig de ig. Guru Puig Yahudi nicukti nya kin nibou mben Yahudi nya cem yo rinaha ei mpia dima. 58Petrus abia kep yok bitumbeu sut yok kikau ug bipek kin Imam Nibou Ndig de biyati. Noni coi ug ei biyati bigwam srig tentara di igya kui Imam Nibou Ndig bimem kep ser mun di mipek kep mem Yesus. 59Lene imam nindig nya bitut Nikei Puig Yahudi nya yahagom inggok tungwatu nya di imbres kep Yesus bikkin kep ninghapti leu binhyepo nibou nya ijem nimai gau Noni drek dip. 60Mbro nok gino tungwatu ningot ndig ikwei bicum lo, nibou nya ingat hi di mbres mun kep Yesus bikkin kep ninghapti bi. Nok rino ibou can ikiju bigya, 61#Yoh. 2:19 lene ibicum bipia “No dini pai ‘Dilet Tuhan De Ig leu api dingot hanyen biput ei njap ningai.’ ”
62Lene Imam Nibou Ndig kiju biya leu api hig ser Yesus “Abuhup yo di ipai kep Na ighyet bi e?” 63Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”
64 #
Dan. 7:13
Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat#26:64: Nipas kep gwam kui Allah Di Sindem Bibor ninda com: Angig ayai kep Mat. 22:44. Gi kwei hanyen ei bumbuhuiti leu mpia-bbed him kwei ri!”
65 #
Im. 24:16
Pai nok rino Imam Nibou Ndig bisinggre birik nide sinsun#26:65: Nipas kep bisinggre birik nide sinsun: mben Yahudi igyai kepti di ndo bipia igga bibor. bipai “Mei! No dini nihyet wer mpiahi tut Allah! Isuar yo di ikkin kep ninghapti bu bi. Nihyet di wer mpiahi tut Allah tibim ei jahagom jitingou nsi tu. 66Gima rino jipai igbit jingon kanti tut Noni.”
Nindigsi ibuhup “Ningon mui ba, suar ijem nimai gau Noni.”
67 #
Yes. 50:6
Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni, 68“Na di Nibou Ndig di teu tungwatu nya biyai niyaijo nijep biyok e, ando igbit no di bui Na i!”
Petrus om ser Yesus
(Mrk. 14:66-72; Luk. 22:56-62; Yoh. 18:15-18, 25-27)
69Petrus no gwam ei nisai ei biyati leu api awak sop hi tau ndam noni bindo noni bipai “Nani cem aya kui Yesus di timiei Galilea bi e?”
70Noro Petrus om ser ei yahagom yoho bei bipai “Dimiap ahyet dima bi.” 71Lene noni hei bigwam ei dimbou huigya. Noro awak sop gom kin bu ngat igbit noni lene pai bak nindigsi nya “No dini ya kui Yesus di nitimieisi leu Nazaret pima.”
72Lene Petrus om ser nihyet nghwak him hanyen bu beheng ser “Dipai nijit bipia dikan tut No dima bi!”
73Jei bi lene tungwatu nya di igya-ya nyen ei mpia dima ikwei pai kep Petrus “Nijit ne nani cem atti kin yo di igya kui Yesus lewo ambrap nihyet Galilea.”
74Leu api Petrus ba neheng bibuhup “Gino dipai dihyet di nijit-jau bi ne ma Allah mbriom da hak ug. Dikan tut no dima bi!”
Hammi tirigi noni pai nok rino hacig yau. 75Lene Petrus yok ngon kep Yesus nibuhupti “Ma ayok ngon kep bipia himmun di ariman tirigino hacig yau bigyo lene aom ser Da mbiningai bipia akan tut Da bi ug ri.” Leu api Petrus ug leu biyati bipim ba, niyai nggwei kibor drek dip ningon di ngguk biborti.
Currently Selected:
MATIUS 26: HAD
Highlight
Copy
Compare
Share
Want to have your highlights saved across all your devices? Sign up or sign in
MATIUS 26
26
Nibou Yahudi nya yuhum yam nsi mem Yesus
(Mrk. 14:1-2; Luk. 22:1-2; Yoh. 11:45-53)
1Tirigi Yesus kes nihyet tut nipingok yokti hagom leu lene Noni pai bak yo di igya kui Noni, 2#Kel. 12:1-27 “Jikan tut bipia njap can bu ne tto bou dem mem ibon pesta kep Njap Ndig Paskah ri. Lene tungwagom mikes Munggwom Tungwatu Nipmot ei siceu nya indati leu api yoni mipek Noni ei biei salibti.”
3Mpe dima ne imam nindig nya kin nibou mben Yahudi nya induk yam kwei ei Kayafas di Imam Nibou Ndig de ig. 4Itindei ser biken tirigi bon nituti leu binhyepo ikat Yesus nyahan ba, ijem nimai gau Noni. 5Noro ipai biyam “Ma ikat Noni mem njap dino ibon pesta kep Njap Ndig Paskah au. Leu gi nok lene limwanya mibigen ser nye.”
Sop timiei minu mien Betania gom kiber mini mbris ei Yesus nibouti
(Mrk. 14:3-9; Luk. 7:36-50; Yoh. 12:1-8)
6Mpe dima ne Yesus ningat rin ei Betania bigwam bit Simon. Noni ne tungwagom di bras yem rin noro kei hanyen tu. 7#Luk. 7:37-38 Tirigi igyem kep njita bit yam lene sop gom bisau bikwei sut ampou mini mbris nuut gom di nibok kak bibor bikiber ei Yesus nibouti. 8Yo di igya kui Yesus ingat lo, misop dima bon nok rino ingon sibui sut ba, isrep bipai “Nggon rino noni bimangkrei mini mbris tug hon nisinati dima i? 9Ma itri mini dima bibou ibipek mitiei nindig bibor ba, ibitri yo di yuhui mbum nya!”
10Yesus kan tut ikan-kan nyenti dima bipai biyok “Nggon rino jisinsam sop dini i? Lewo noni bibon mun di kei biDani apino tungwatu nya minggei sut noni drek dip. 11#Ul. 15:11 Lewo yo di yuhui mbum nya ingat rin bit je kikau noro dingat rin bit je kikau bi. 12Noni tin ampou tut mini mbris bikiber ei dibouti leu binhyepo bitin ei dingut dini nipou tirigi itig bigyo. 13Ma jiyok ngon kep bipia Allah De Nihyet Di Kei mitibim bidem dihyei nisurti-nipekti tut misop dini niyai munti apino tungwatu nya yahagom miyok ngon kep noni.”
Yudas tug ndei mitiei mem nitri Yesusti
(Mrk. 14:10-11; Luk. 22:3-6)
14Gima ngwig lene igom leu ibou simnaibrimigcan di igya kui Yesus di ninyeng Yudas Iskariot ug ngat imam nindig nya, 15#Za. 11:12 bihig ser yok “Gino dikes Yesus ei jindati lene mijiyai mitiei pig bida i?” Gima rino igyai mitiei di buhun nitig ningot ningai bak. 16Hon kep njap dima bikui lene Yudas nggok nikwesti mem gima tri Yesus ei indati.
Yesus ya tut yo di igya kui nya bibon pesta kep Njap Ndig Paskah
(Mrk. 14:12-21; Luk. 22:7-14, 21-23; Yoh. 13:21-30)
17Ug ei njap gi nigom tirigi mben Yahudi ibon pesta kep Njap Nindig Roti Dwoi Bi lene yo di igya kui Yesus ikwei hig ser Noni “Ajoi sut nitin ei pesta Njap Ndig Paskah mem Na ei sirigitou i?”
18Noni buhup “Jug ba, jicoi ug ei minu ndig dima leu api mijuum tungwagom bijipai binoni ‘Nyende guru pai Nide jam dideu su. Noni kin yo di igya kui Noni ibon pesta kep Njap Ndig Paskah ei ade ig.’ ”
19Lene yo di igya kui Yesus igyai igbit nicuk yokti ba, itin ei mem ibon pesta kep Njap Ndig Paskah.
20Mmun tu rino Yesus kin yo di igya kui Noni igwam nyahan bigyem njita. 21Tirigi igyem njita lene Noni pai biyok “Ma jiyok ngon kep bipia jigom mitri Da ug ri.”
22Imiap nipaisi nok rino ingon buhun bibor leu api ihig ser Noni sindam bibikwop tungwagom-gom bipai “Tuhan e, ningat ne apai sut dani e?”
23 #
Mzm. 41:10
Yesus buhup “No di tur roti ei mokti bit Da rino mitri Dani. 24Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”
25Lene Yudas di mitri Yesus hig singgre Noni “Guru e, mpaba apai sut dani e?”
Yesus buhup “Angon kanti dima tibim ei nanti ahui him!”
Yesus ki roti
(Mrk. 14:22-26; Luk. 22:15-20; 1Kor. 11:23-25)
26Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”
27Lene Noni yai gi mokti leu api pai sigyo bak Allah kep. Leu api yai mok tut biyok sindam bipai “Jahagom jidut eisi. 28#Kel. 24:8; Yer. 31:31-34 Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar. 29Ma jiyok ngon kep bipia mididut ba anggur ngei dini bu bi kikau bipek njap dino didut ba anggur ngei nijep bu bit je ei Dicig Ninyeng Tak Kepti.”
30Lene yo dima ipai doia nibinggei sut Allahti leu api imbut biyuug ei Nungug Zaitun.
Yesus pai sut Petrus di om ser Noni
(Mrk. 14:27-31; Luk. 22:31-34; Yoh. 13:36-38)
31 #
Za. 13:7
Lene Yesus pai biyok “Himmun di ariman ne jahagom mijinang bijikes Da ei ri. Bit leu nok Allah Nihyet pai ‘Dani midiyai nimai bak gembala dima leu api domba nya mintek gimahap.’ 32#Mat. 28:16 Noro tirigi Allah kon Da leu dimai eisi lene midingkwei hanyen ug ei Galilea bibie mem je.”
33Petrus pai bak Yesus “Mbro nok gino nindigsi dini yok yahagom ikes Na ei lo, dangkom dikes Na ei bi sren!”
34Yesus buhup “Ma ayok ngon kep bipia himmun di ariman tirigino hacig yau bigyo ne aom ser Da mbiningai bipia akan tut Da bi ug ri.”
35Noro Petrus srep bipai “Mbro nok gino diyai nimai kin Nani lo, doom ser Na bi sren!”
Ba, yo di igya kui Yesus nindigsi nya yahagom ipai bram Petrus nipaisi dima.
Yesus ngat nadi ei Getsemani
(Mrk. 14:32-42; Luk. 22:39-46; Yoh. 18:1)
36Niabiti bu lene Yesus kin yo di igya kui Noni yuug ei mpia ttou nsi gom di ninyeng Getsemani leu api Noni kuk yok bipai “Jigwam nyahan ei mpia dini leu bibou duug ei mpia hiter bu bidingat nadi ug e.” 37Pai nok leu api Noni buwak Petrus kin Zebedeus nipmot bat cin bimbut mbigom kin bu. Mpe dima ne Yesus ningon ngguk ba, ningon buhun bibor cem. 38Gima rino Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”
39Leu api Noni ug ei pas poi leu yok bikuk No lene ba ningwak bikik dihyei bingat nadi bipai “Arig e, gino bit leu angon kanti ne ma abindei ba, ninghuisi wei di suar cut igkep Da jo minu ting leu Da hak ug. Noro dibit dingon kanti bi leu binhyepo dibit angon kanti.”
40Yesus ngat nadi nok leu lene kwei bittau kep yo di igya kui Noni ibou ningai hanyen bingat lo, ibong mai su. Noni hig ser Petrus “Nggon rino jiyai ngkiem ser Da mem jam gom ngat bi i? 41Ma jiyai ngkiem bijingat nadi ser nhyepo jingkwei hanyen tirigi jibiam mun di srou je bi. Lewo jingon llei sut jiyai kep mun di kei nya noro jindei bi lewo jinghuisi jet ser.”
42Yesus ngkwei hanyen bingat nadi bipai “Arig e, gino bit bon mok tut ninghuisi wei di suar cut igkep Dani jo minu ting leu Da kan bi bibou didut eisi ug e lene nna ba dikuk Da bak Nanti angon kanti hak ug.” 43Leu api Noni kwei hanyen bingat ibou ningai dima mbigom bu lo, ibong mai leu su lewo igyai nggrop buhun.
44Yesus kes yok ei bingkwei hanyen ba, ngat nadi nimbiningai bit leu nok nihyet gi nipou pima bu. 45Leu api Noni kwei ngat yok mbigom kin bu bihig ser yok “Jibong mai kep jinghuisi kikau e? Jingat i! Tto bou dem mem tungwatu nya itri Munggwom Tungwatu Nipmot ei yo di isibut nya indati tu. 46Jikiju ba, imbut ri. Jingat i! No di tri Da tau kep nye tu!”
Yo di isibut nya ikat Yesus
(Mrk. 14:43-50; Luk. 22:47-53; Yoh. 18:3-12)
47Tirigi Noni pai biyok nok rino Yudas di nggre kin ibou simnaibrimigcan dima tau kep yok bibuwak yo di isibut nya di ikwei sut ide simeda kin biap tindak. Imam nindig nya kin nibou mben Yahudi nya icuk yok kwei. 48No di tri Yesus pai bak yo di isibut nya bibie “Ma jitou kep! Gino dimei tungwagom ningyoi ne mijikan tut bipia No pima ri. Ma jikat Noni!”
49Yudas kwei krau mpia ttou nsi dima lene bisau ndam Yesus bipigo “Guru e, acem!” Lene noni mei Yesus ningyoia.
50Yesus buhup “Disut ndia, akwei yai mindei i?”#26:50: Nipas kep Disut ndia, akwei yai mindei i? cem kei lene nipas kep Disut ndia, abipbur ba, ayai igbit angon kanti hak ug. cem kei.
Leu api yo di ningot ndig dima ibisau bikat Yesus bingkiem. 51Tungwagom di ya kui Yesus hit nide simeda bitot Imam Nibou Ndig de awak hi bisriot nitingou meng bicut leu. 52Noro Yesus mbrua ser noni bipai “Ajus ade simeda hanyen ei nahamti hak ug. Lewo yo di iba simeda bikon pran yahagom mitug ndei nimai tug hon simeda hanyen. 53Angon kan bipia mbigom dahara Dicig bicuk malaikati nya nimpung simnaibrimigcan bidor njiriek kwei bimpu Da bi e? 54Noro gino diyai nok lene notou mun di Allah Nihyet preu kep nye tut mipek kep mem nye nogindini i?”
55 #
Luk. 19:47, 21:37 Lene Yesus hig ser yo di ningot ndig dima “Jiba jide simeda kin biap tindak kwei bikat Da bit leu nok jikat no di sibut e? Apo digwam ei Tuhan De Ig biditri tut dihyet bikwop njap lo, jikat Da bi e? 56Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.”
Leu api yo di igya kui Yesus yahagom ikes Noni binang leu.
Yesus ya ei Nikei Puig Yahudi nya yoho bei
(Mrk. 14:53-65; Luk. 22:54-55, 63-71; Yoh. 18:13-14, 19-24)
57Yo di ikat Yesus ibuwak Noni ug ei Kayafas di Imam Nibou Ndig de ig. Guru Puig Yahudi nicukti nya kin nibou mben Yahudi nya cem yo rinaha ei mpia dima. 58Petrus abia kep yok bitumbeu sut yok kikau ug bipek kin Imam Nibou Ndig de biyati. Noni coi ug ei biyati bigwam srig tentara di igya kui Imam Nibou Ndig bimem kep ser mun di mipek kep mem Yesus. 59Lene imam nindig nya bitut Nikei Puig Yahudi nya yahagom inggok tungwatu nya di imbres kep Yesus bikkin kep ninghapti leu binhyepo nibou nya ijem nimai gau Noni drek dip. 60Mbro nok gino tungwatu ningot ndig ikwei bicum lo, nibou nya ingat hi di mbres mun kep Yesus bikkin kep ninghapti bi. Nok rino ibou can ikiju bigya, 61#Yoh. 2:19 lene ibicum bipia “No dini pai ‘Dilet Tuhan De Ig leu api dingot hanyen biput ei njap ningai.’ ”
62Lene Imam Nibou Ndig kiju biya leu api hig ser Yesus “Abuhup yo di ipai kep Na ighyet bi e?” 63Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”
64 #
Dan. 7:13
Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat#26:64: Nipas kep gwam kui Allah Di Sindem Bibor ninda com: Angig ayai kep Mat. 22:44. Gi kwei hanyen ei bumbuhuiti leu mpia-bbed him kwei ri!”
65 #
Im. 24:16
Pai nok rino Imam Nibou Ndig bisinggre birik nide sinsun#26:65: Nipas kep bisinggre birik nide sinsun: mben Yahudi igyai kepti di ndo bipia igga bibor. bipai “Mei! No dini nihyet wer mpiahi tut Allah! Isuar yo di ikkin kep ninghapti bu bi. Nihyet di wer mpiahi tut Allah tibim ei jahagom jitingou nsi tu. 66Gima rino jipai igbit jingon kanti tut Noni.”
Nindigsi ibuhup “Ningon mui ba, suar ijem nimai gau Noni.”
67 #
Yes. 50:6
Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni, 68“Na di Nibou Ndig di teu tungwatu nya biyai niyaijo nijep biyok e, ando igbit no di bui Na i!”
Petrus om ser Yesus
(Mrk. 14:66-72; Luk. 22:56-62; Yoh. 18:15-18, 25-27)
69Petrus no gwam ei nisai ei biyati leu api awak sop hi tau ndam noni bindo noni bipai “Nani cem aya kui Yesus di timiei Galilea bi e?”
70Noro Petrus om ser ei yahagom yoho bei bipai “Dimiap ahyet dima bi.” 71Lene noni hei bigwam ei dimbou huigya. Noro awak sop gom kin bu ngat igbit noni lene pai bak nindigsi nya “No dini ya kui Yesus di nitimieisi leu Nazaret pima.”
72Lene Petrus om ser nihyet nghwak him hanyen bu beheng ser “Dipai nijit bipia dikan tut No dima bi!”
73Jei bi lene tungwatu nya di igya-ya nyen ei mpia dima ikwei pai kep Petrus “Nijit ne nani cem atti kin yo di igya kui Yesus lewo ambrap nihyet Galilea.”
74Leu api Petrus ba neheng bibuhup “Gino dipai dihyet di nijit-jau bi ne ma Allah mbriom da hak ug. Dikan tut no dima bi!”
Hammi tirigi noni pai nok rino hacig yau. 75Lene Petrus yok ngon kep Yesus nibuhupti “Ma ayok ngon kep bipia himmun di ariman tirigino hacig yau bigyo lene aom ser Da mbiningai bipia akan tut Da bi ug ri.” Leu api Petrus ug leu biyati bipim ba, niyai nggwei kibor drek dip ningon di ngguk biborti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in