TESALONIKA GI NICAN 3
3
Ma jingat nadi tindei nye
1Disut bat jen, nipingok jeti ningwigsi rinok gini. Ma jingat nadi tindei nye leu binhyepo Tuhan nihyet mbut sindem bikieng kep minu dini hagom ba, tungwatu nya ijoi sut nihyet bit leu nok gi pek kep mem je nipou su. 2Ma jingat nadi leu binhyepo Allah miteu nye leu yo di isibut bibor indati biningwes ngun. Lewo imang bibor ingon jo kep Tuhan nihyet bi.
3Noro Tuhan ningon gom. Noni misindem tut je binyohou je leu No Di Ba Nitok Bak Allah. 4Ide Tuhan bindei ba, niba ningon com je tut mun di nipingok je tut lewo no jiyai kep bijiyai kikau bu yo cem.
5Handei kon ba, Tuhan bie tut je leu binhyepo jingon dorti tut Allah ningon ngakei jeti kin ningon nddongti di Kristus yai bije.
Ningginausi tut ninda di jo kep midyaisi nya
6Disut bat jen, niba Tuhan Yesus Kristus ninyeng bisok kep je leu binhyepo jimbres jenti leu jisut bat yo di ibong biei nda dip kep ig he di ibit nyende nicuk yokti bi nya. 7Jikan tut mungkun bipia suar jibit leu bindo di nindo bije lewo tirigi ningat rin bit je lene nibong biei nda dip kep ig bi. 8Tirigi tungwatu nya iba njita bahati tut nye lene nirop hanyen biyok ba, ibipek mitiei leu nye. Nitindei kep jindati tut mun nyeng hi bi noro niyai kep midyai nya bikwop mmun-njap leu binhyepo nibuhun tak je bi. 9Mbro nok gino dem mem gima nibidip huk je tut niyemti lo, nibidip huk je tut bi. Niyai nok gima leu binhyepo nibindo bindo di kei bibor bije. 10Tirigi ningat rin bit je ne nitri tut nidimig sutti dini bije “Tungwa tou rino kou sut gima yai kep midyai nya lene ma jisindui sut noni biyem njita bit je au.”
11Nisok kep je nok lewo nimiap kep tut jinghapti bipia bihi di ibong biei nda dip kep ig yo risrig jikieti ba, yoni ihwou-hwou nyen mem gima ikwek dat yo di hiter ide munhyet. 12Niba Tuhan Yesus Kristus ninyeng bicuk yo dima leu binhyepo idimig ide niyaijoti bikimus ba, inda jo kep ide midyai hak tut inghopti cem.
13Disut bat jen, ma jinda kes leu jiyai munti di kei nya au. 14Lene gino tungwagom di bit nihyet di nipas hwou bije ei srat diniti bi srig jikieti ne suar jitindei noni bijimbres jenti leu noni leu binhyepo mimmai sut nonti. 15Ma jiba nitok binoni au. Noro jisok kep noni dem kep nok jisok kep jide adig-ajoi.
Paulus kes nihyet hon
16Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.
17Diba dinda ceti binut srat dini ‘Da di Paulus dipigo jahagom o!’ Gini ne dinda ceti rin ba, dibitak buk ser ditde srat nya hagom.
18Handei kon ba, ide Tuhan Yesus Kristus singat tut jahagom.
Nipigo leu dani, Paulus
Currently Selected:
TESALONIKA GI NICAN 3: HAD
Highlight
Copy
Compare
Share
Want to have your highlights saved across all your devices? Sign up or sign in
TESALONIKA GI NICAN 3
3
Ma jingat nadi tindei nye
1Disut bat jen, nipingok jeti ningwigsi rinok gini. Ma jingat nadi tindei nye leu binhyepo Tuhan nihyet mbut sindem bikieng kep minu dini hagom ba, tungwatu nya ijoi sut nihyet bit leu nok gi pek kep mem je nipou su. 2Ma jingat nadi leu binhyepo Allah miteu nye leu yo di isibut bibor indati biningwes ngun. Lewo imang bibor ingon jo kep Tuhan nihyet bi.
3Noro Tuhan ningon gom. Noni misindem tut je binyohou je leu No Di Ba Nitok Bak Allah. 4Ide Tuhan bindei ba, niba ningon com je tut mun di nipingok je tut lewo no jiyai kep bijiyai kikau bu yo cem.
5Handei kon ba, Tuhan bie tut je leu binhyepo jingon dorti tut Allah ningon ngakei jeti kin ningon nddongti di Kristus yai bije.
Ningginausi tut ninda di jo kep midyaisi nya
6Disut bat jen, niba Tuhan Yesus Kristus ninyeng bisok kep je leu binhyepo jimbres jenti leu jisut bat yo di ibong biei nda dip kep ig he di ibit nyende nicuk yokti bi nya. 7Jikan tut mungkun bipia suar jibit leu bindo di nindo bije lewo tirigi ningat rin bit je lene nibong biei nda dip kep ig bi. 8Tirigi tungwatu nya iba njita bahati tut nye lene nirop hanyen biyok ba, ibipek mitiei leu nye. Nitindei kep jindati tut mun nyeng hi bi noro niyai kep midyai nya bikwop mmun-njap leu binhyepo nibuhun tak je bi. 9Mbro nok gino dem mem gima nibidip huk je tut niyemti lo, nibidip huk je tut bi. Niyai nok gima leu binhyepo nibindo bindo di kei bibor bije. 10Tirigi ningat rin bit je ne nitri tut nidimig sutti dini bije “Tungwa tou rino kou sut gima yai kep midyai nya lene ma jisindui sut noni biyem njita bit je au.”
11Nisok kep je nok lewo nimiap kep tut jinghapti bipia bihi di ibong biei nda dip kep ig yo risrig jikieti ba, yoni ihwou-hwou nyen mem gima ikwek dat yo di hiter ide munhyet. 12Niba Tuhan Yesus Kristus ninyeng bicuk yo dima leu binhyepo idimig ide niyaijoti bikimus ba, inda jo kep ide midyai hak tut inghopti cem.
13Disut bat jen, ma jinda kes leu jiyai munti di kei nya au. 14Lene gino tungwagom di bit nihyet di nipas hwou bije ei srat diniti bi srig jikieti ne suar jitindei noni bijimbres jenti leu noni leu binhyepo mimmai sut nonti. 15Ma jiba nitok binoni au. Noro jisok kep noni dem kep nok jisok kep jide adig-ajoi.
Paulus kes nihyet hon
16Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.
17Diba dinda ceti binut srat dini ‘Da di Paulus dipigo jahagom o!’ Gini ne dinda ceti rin ba, dibitak buk ser ditde srat nya hagom.
18Handei kon ba, ide Tuhan Yesus Kristus singat tut jahagom.
Nipigo leu dani, Paulus
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in