ගීතාවලිය 40
40
තුති පැසසුම් ගීතයක්
දාවිත්ගේ ගීතයකි.
1මම ඉවසිල්ලෙන් හිමිතුමාණන් ගැන බලාපොරොත්තුවෙන් සිටියෙමි, හිමිතුමාණෝ මාගේ දුක් ගැනවිලිවලට සවන් දුන් සේක.
2හිමිතුමාණෝ මා බියකරු වළකින්, මඩ වළකින් ගොඩට ගෙන, පර්වතයක් මත පිහිටුවා, මා සුරක්ෂිත කළ සේක.
3දෙවිඳුන් හට තුති පවසන, නව ගීයක් මා මුවේ තැබූ සේක.
මෙය දැක බොහෝ දෙනෙකු ගරුබියෙන් ඇලළී, සමිඳුන් කෙරේ අදහනු ඇත.
4පිළිම රූප නොනමදින, බොරු දෙවිවරුන් නොඅදහන, සමිඳුන් කෙරෙහි අදහන තැනැත්තේ ආසිරි ලද්දෙකි.
5දෙවි සමිඳුනි, ඔබ අප උදෙසා කර ඇති හාස්කම් කොපමණ ද?
ඔබ අප උදෙසා අදහස් කළ දේ කොපමණ ද?
ඔබට සම අන් කෙනෙක් සිටී ද?
ඒ සියල්ල පවසා නිම කරන්නට කිසි දා මට බැරි ය.
ඒවායේ ගණන ඉමහත් ය.
6 #
හෙබ්‍රෙ 10:5-7
ඔබ පුද පඬුරට ප්‍රසන්න නැත;
දවන යාග පූජා හා පාප පූජාවලින් ඔබට වැඩක් නැත.
ඒ වෙනුවට ඔබ වදන් අසන පිණිස මාගේ දෙසවන දුන් සේක.
7එවිට මම, “මෙන්න, මම මෙහි ය”යි කීවෙමි.
“මා පිළිබඳ අණපනත් ඔබේ ව්‍යවස්ථාවලියෙහි ලියා ඇත.
8මාගේ දෙවියෙනි, ඔබේ කැමැත්තට ප්‍රිය වෙමි, ඔබේ නීති මසිතෙහි නිදන් කරගතිමි.”
9සමිඳුනි, ඔබට වඳින පිරිස් මැද, ඔබේ ගැළවීමේ ක්‍රියා වර්ණනා කෙළෙමි.
නොනවත්වා එය තවත් වර්ණනා කරන බව ඔබ දන්න සේක.
10ඔබ දෙන ගැළවීම සිතෙහි රඳවා නිකම් නොසිටියෙමි;
ඔබේ ගැළවීම හා විශ්වාසවන්තකම ප්‍රකාශ කෙළෙමි;
මහ පිරිස් මැද ඔබේ කරුණාව ද විශ්වාසවන්තකම ද නොවළහා දන්වා සිටියෙමි.
11සමිඳුනි, ඔබේ දයානුකම්පාව මා කෙරෙන් නොවැළැක්වුව මැනව.
ඔබේ කරුණාව හා විශ්වාසවන්තකම නිරතුරු මා රකීවා.
පිහිට පතා යැදීම
(ගීතා 70)
12මම දහස් ගණන් උවදුරින් වට වී සිටිමි.
හිස එසවීමට බැරි තරම් මාගේ පව් මා පිට පැමිණ ඇත.
ඒවා මාගේ හිසකේවලට වඩා වැඩි ය.
මාගේ සිතට දිරියක් නැත.
13සමිඳුනි, මා මුදාගත මැනව.
අහෝ සමිඳුනි, මට සහාය වීමට කඩිනම් කළ මැනව.
14මා නැසීමට සොයන්නෝ ලජ්ජා වී, වියවුල් වෙත්වා.
මාගේ විනාශයට ආශා වූවෝ පසු බැස අපකීර්තියට පැමිණෙත් වා!
15හහා! හහා!
කියමින් මට සමච්චල් කරන්නෝ මෙවන් නින්දාව නිසා පසු බසිත් වා!
16ඔබ සොයා එන්නෝ ප්‍රීති ප්‍රමෝද වී සතුටු වෙත් වා!
ඔබේ විමුක්තියට ප්‍රේම කරන්නෝ “හිමි තුමෝ ශ්‍රේෂ්ඨ ය”යි නිරතුරු කියත් වා!
17මම දුගියෙක්මි, දිළිඳෙක්මි, එහෙත්, හිමිතුමාණෝ මා සිහි කරන සේක.
ඔබ මාගේ පිළිසරණ ය;
ඔබ මාගේ මිදුම්කරු ය.
මාගේ දෙවියෙනි, පමා නොවී වැඩිය මැනව.
Currently Selected:
ගීතාවලිය 40: SNRV
Highlight
Share
Copy
Want to have your highlights saved across all your devices? Sign up or sign in
ගීතාවලිය 40
40
තුති පැසසුම් ගීතයක්
දාවිත්ගේ ගීතයකි.
1මම ඉවසිල්ලෙන් හිමිතුමාණන් ගැන බලාපොරොත්තුවෙන් සිටියෙමි, හිමිතුමාණෝ මාගේ දුක් ගැනවිලිවලට සවන් දුන් සේක.
2හිමිතුමාණෝ මා බියකරු වළකින්, මඩ වළකින් ගොඩට ගෙන, පර්වතයක් මත පිහිටුවා, මා සුරක්ෂිත කළ සේක.
3දෙවිඳුන් හට තුති පවසන, නව ගීයක් මා මුවේ තැබූ සේක.
මෙය දැක බොහෝ දෙනෙකු ගරුබියෙන් ඇලළී, සමිඳුන් කෙරේ අදහනු ඇත.
4පිළිම රූප නොනමදින, බොරු දෙවිවරුන් නොඅදහන, සමිඳුන් කෙරෙහි අදහන තැනැත්තේ ආසිරි ලද්දෙකි.
5දෙවි සමිඳුනි, ඔබ අප උදෙසා කර ඇති හාස්කම් කොපමණ ද?
ඔබ අප උදෙසා අදහස් කළ දේ කොපමණ ද?
ඔබට සම අන් කෙනෙක් සිටී ද?
ඒ සියල්ල පවසා නිම කරන්නට කිසි දා මට බැරි ය.
ඒවායේ ගණන ඉමහත් ය.
6 #
හෙබ්‍රෙ 10:5-7
ඔබ පුද පඬුරට ප්‍රසන්න නැත;
දවන යාග පූජා හා පාප පූජාවලින් ඔබට වැඩක් නැත.
ඒ වෙනුවට ඔබ වදන් අසන පිණිස මාගේ දෙසවන දුන් සේක.
7එවිට මම, “මෙන්න, මම මෙහි ය”යි කීවෙමි.
“මා පිළිබඳ අණපනත් ඔබේ ව්‍යවස්ථාවලියෙහි ලියා ඇත.
8මාගේ දෙවියෙනි, ඔබේ කැමැත්තට ප්‍රිය වෙමි, ඔබේ නීති මසිතෙහි නිදන් කරගතිමි.”
9සමිඳුනි, ඔබට වඳින පිරිස් මැද, ඔබේ ගැළවීමේ ක්‍රියා වර්ණනා කෙළෙමි.
නොනවත්වා එය තවත් වර්ණනා කරන බව ඔබ දන්න සේක.
10ඔබ දෙන ගැළවීම සිතෙහි රඳවා නිකම් නොසිටියෙමි;
ඔබේ ගැළවීම හා විශ්වාසවන්තකම ප්‍රකාශ කෙළෙමි;
මහ පිරිස් මැද ඔබේ කරුණාව ද විශ්වාසවන්තකම ද නොවළහා දන්වා සිටියෙමි.
11සමිඳුනි, ඔබේ දයානුකම්පාව මා කෙරෙන් නොවැළැක්වුව මැනව.
ඔබේ කරුණාව හා විශ්වාසවන්තකම නිරතුරු මා රකීවා.
පිහිට පතා යැදීම
(ගීතා 70)
12මම දහස් ගණන් උවදුරින් වට වී සිටිමි.
හිස එසවීමට බැරි තරම් මාගේ පව් මා පිට පැමිණ ඇත.
ඒවා මාගේ හිසකේවලට වඩා වැඩි ය.
මාගේ සිතට දිරියක් නැත.
13සමිඳුනි, මා මුදාගත මැනව.
අහෝ සමිඳුනි, මට සහාය වීමට කඩිනම් කළ මැනව.
14මා නැසීමට සොයන්නෝ ලජ්ජා වී, වියවුල් වෙත්වා.
මාගේ විනාශයට ආශා වූවෝ පසු බැස අපකීර්තියට පැමිණෙත් වා!
15හහා! හහා!
කියමින් මට සමච්චල් කරන්නෝ මෙවන් නින්දාව නිසා පසු බසිත් වා!
16ඔබ සොයා එන්නෝ ප්‍රීති ප්‍රමෝද වී සතුටු වෙත් වා!
ඔබේ විමුක්තියට ප්‍රේම කරන්නෝ “හිමි තුමෝ ශ්‍රේෂ්ඨ ය”යි නිරතුරු කියත් වා!
17මම දුගියෙක්මි, දිළිඳෙක්මි, එහෙත්, හිමිතුමාණෝ මා සිහි කරන සේක.
ඔබ මාගේ පිළිසරණ ය;
ඔබ මාගේ මිදුම්කරු ය.
මාගේ දෙවියෙනි, පමා නොවී වැඩිය මැනව.
Currently Selected:
:
Highlight
Share
Copy
Want to have your highlights saved across all your devices? Sign up or sign in