Romu Kuma-Kunyɛ
Kuma-Kunyɛ
Yanni Pɔli ni ta ke Romu soe ma, a ya kɛdi kɛ sɛbɛ anu ma alako anu ni ko-rabɛn-kɛ a yarɔ. A sɔgɛ ye a la, a ni wɔli dɛnkɛninya-mɔgɛnu tɛma wati-ni kɔrɔ. Wo kɔma, a sɔgɛ ye a la fanan, Romu kɛnu ni a dɛnbɛ ka ta ke Sipaini nyamanɛ rɔ. Kɛdi kɛ rɔ, ale Pɔli ya dɛnkɛninyɛ lɔn nya min, katarala anu kɛ-nya si yɛlɛma nya min, a ya wo rakaran Romu kɛnu ye. Pɔlita kɛdi bɛɛ rɔ, kɛdi kɛ le ya ala kawandili labɔ gbɛ ma a nya-bɛrɛbɛrɛ ma.
A ban anu kɔndɔnna, a ya a sɛbɛ ko a ye Alla madiyala anu ye tuma-wo-tuma. Wo kɔma, a ya a sɛbɛ-kuri rakaran anu ye. A ko, “Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, ‘Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.’ ” (1.17)
Wo kɔma, Pɔli ya karan wo fɛsɛfɛsɛ kɛdi kɛ toe rɔ. Hadama-den-mumɛ makoe ye latelan la, a mara Yahudiya la wo, a mara sibolo-gbɛrɛ la wo, bawo bɛɛ ye yɔɔnyɛ rɔ hakɛ bolo. Mɔgɛ la si telen Alla ye dɛnkɛninyɛ fɛ Yisa ma. Wo kɔma, mɔgɛ si ni-kurɛ sɔrɔn nya min dɛnkɛninyɛ fɛ Yisa ma, a ya wo wara-koe fɔ. Mɔgɔ-kurɛ wo ara yisi-kimɛ sɔrɔn Alla wara la, ado a ara hɔrɔya ka bɔ ata sɔn-kɔrɛnu da kun tɔ Allata Ni-Sɛnimɛ baraka rɔ. Hakɛ anubɛ sayɛ ti nɔ-ko sɔrɔn a ma tun! Ka a dabira sura loli ma ha a sura segin nyɔgɛ ma, Pɔli ya Allata tɔn-kitabu anubɛ ata Ni-Sɛnimɛta sɛnbɛ rakaran mɔgɔ-kurɛ wonu ye. Min tugunnɛ wo la, Yahudiya anubɛ sibolo-gbɛrɛnu na si sigi anu nyɔgɔn fɛ nya min, a ya wo yira anu na. Tɔ-a-la, Yahudiyanu ya anu ban Yisa la min kɛ, wo mara sibolo-gbɛrɛnu sebu la alako anu fanan si Allata hinɛ sɔrɔn nya min, ado Pɔli ma la a la ko Yahudiyanu si to anu banna Yisa la burubukai! Ala kuma-kundon ye min na, dɛnkɛninya-mɔgɛnu ni ma nya min, katarala anu ni anu nyɔgɔn keni nya min, a ya wo le sɛbɛ anu ye. Mata wɔli-nya Alla ye wo, mata wɔli-nya duninya-kun-tiginu ye wo, ma si ma nya min ma ta-nyɔgɛ dɛnkɛninya-mɔgɛnu ye wo, anubɛ ma sɔn ye nya min, a ya wonu denu faranfasi ma ye. Tɔ-a-la, a ya a sara donu bara ka Alla tanto.
Kɛdi Kɛ Fara-Nya
Kuma-Kunyɛ 1.1-17
Hadama-Dannu Tonɛ-A-Rɔ 1.18–3.20
Allata Kisi-Koe Wara-Koe 3.21–4.25
Ni-Kurɛ Kirasiti Baraka Rɔ 5.1–8.39
Allata Miriya Yahudiyanuna Ko La 9.1–11.36
Dɛnkɛninya-Mɔgɔ Kɛ-Nya-Nyimɛ 12.1–15.13
Kuma-Kundon anubɛ Kɔndɔlinu 15.14–16.27
Currently Selected:
Romu Kuma-Kunyɛ: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Romu Kuma-Kunyɛ
Kuma-Kunyɛ
Yanni Pɔli ni ta ke Romu soe ma, a ya kɛdi kɛ sɛbɛ anu ma alako anu ni ko-rabɛn-kɛ a yarɔ. A sɔgɛ ye a la, a ni wɔli dɛnkɛninya-mɔgɛnu tɛma wati-ni kɔrɔ. Wo kɔma, a sɔgɛ ye a la fanan, Romu kɛnu ni a dɛnbɛ ka ta ke Sipaini nyamanɛ rɔ. Kɛdi kɛ rɔ, ale Pɔli ya dɛnkɛninyɛ lɔn nya min, katarala anu kɛ-nya si yɛlɛma nya min, a ya wo rakaran Romu kɛnu ye. Pɔlita kɛdi bɛɛ rɔ, kɛdi kɛ le ya ala kawandili labɔ gbɛ ma a nya-bɛrɛbɛrɛ ma.
A ban anu kɔndɔnna, a ya a sɛbɛ ko a ye Alla madiyala anu ye tuma-wo-tuma. Wo kɔma, a ya a sɛbɛ-kuri rakaran anu ye. A ko, “Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, ‘Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.’ ” (1.17)
Wo kɔma, Pɔli ya karan wo fɛsɛfɛsɛ kɛdi kɛ toe rɔ. Hadama-den-mumɛ makoe ye latelan la, a mara Yahudiya la wo, a mara sibolo-gbɛrɛ la wo, bawo bɛɛ ye yɔɔnyɛ rɔ hakɛ bolo. Mɔgɛ la si telen Alla ye dɛnkɛninyɛ fɛ Yisa ma. Wo kɔma, mɔgɛ si ni-kurɛ sɔrɔn nya min dɛnkɛninyɛ fɛ Yisa ma, a ya wo wara-koe fɔ. Mɔgɔ-kurɛ wo ara yisi-kimɛ sɔrɔn Alla wara la, ado a ara hɔrɔya ka bɔ ata sɔn-kɔrɛnu da kun tɔ Allata Ni-Sɛnimɛ baraka rɔ. Hakɛ anubɛ sayɛ ti nɔ-ko sɔrɔn a ma tun! Ka a dabira sura loli ma ha a sura segin nyɔgɛ ma, Pɔli ya Allata tɔn-kitabu anubɛ ata Ni-Sɛnimɛta sɛnbɛ rakaran mɔgɔ-kurɛ wonu ye. Min tugunnɛ wo la, Yahudiya anubɛ sibolo-gbɛrɛnu na si sigi anu nyɔgɔn fɛ nya min, a ya wo yira anu na. Tɔ-a-la, Yahudiyanu ya anu ban Yisa la min kɛ, wo mara sibolo-gbɛrɛnu sebu la alako anu fanan si Allata hinɛ sɔrɔn nya min, ado Pɔli ma la a la ko Yahudiyanu si to anu banna Yisa la burubukai! Ala kuma-kundon ye min na, dɛnkɛninya-mɔgɛnu ni ma nya min, katarala anu ni anu nyɔgɔn keni nya min, a ya wo le sɛbɛ anu ye. Mata wɔli-nya Alla ye wo, mata wɔli-nya duninya-kun-tiginu ye wo, ma si ma nya min ma ta-nyɔgɛ dɛnkɛninya-mɔgɛnu ye wo, anubɛ ma sɔn ye nya min, a ya wonu denu faranfasi ma ye. Tɔ-a-la, a ya a sara donu bara ka Alla tanto.
Kɛdi Kɛ Fara-Nya
Kuma-Kunyɛ 1.1-17
Hadama-Dannu Tonɛ-A-Rɔ 1.18–3.20
Allata Kisi-Koe Wara-Koe 3.21–4.25
Ni-Kurɛ Kirasiti Baraka Rɔ 5.1–8.39
Allata Miriya Yahudiyanuna Ko La 9.1–11.36
Dɛnkɛninya-Mɔgɔ Kɛ-Nya-Nyimɛ 12.1–15.13
Kuma-Kundon anubɛ Kɔndɔlinu 15.14–16.27
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.