Yilan-Yilan Koe 3
3
Saraka-Masɔlɛnu Dɛnbɛnɛnu Yabɔ-Koe
1-3 #
Yilan-Yilan Koe 26.60
Mari kumara Musa ye wati min Sinayi kɔnkɛ kuma, Arunala den-kei bɛɛ dantɛgɛra Mari ma wo wati le tɔ ka ma saraka-masɔlɛnu na Marita Fani-Bɔn la. Arunala dan wonu tɔgɛ le kɛnu na, ala den-kei-sarɛ Nedabu wo, Abaihu wo, Ɛliyasa wo, anubɛ Itamarayi. Musa anubɛ Arunala denbayɛ le wonu na. 4#Saraka-Masɔlɛnuta Tɔnnu 10.1-2; Yilan-Yilan Koe 26.61 Kɔnɔ Sinayi wulɛ rɔ, Alla ma sɔn tɛ min na, Nedabu anubɛ Abaihu tara wo la saraka-bɔ-tinɛ. Mari ya anu faga nyɔ wola ko la. Anu ma dan sɔrɔn min kɛ, woletɔ Ɛliyasa ani Itamarayi tora saraka-masɔ-wɔlɛ kɛla Aruna fɛ a ye a kɛndɛ la tumɛ min.
5Mari ya a fɔ Musa ye ko, 6“Na Lifayi bɔnsɔnnu na Aruna wara alako anu ni ma Aruna dɛnbɛnɛnu na ka saraka-masɔ-wɔlɛ kɛ. 7-9Anu ni wɔlɛ kɛ nta bɔn la ka wɔlɛ bɛɛ kɛ Aruna anubɛ Isirɛla mɔgɛ bɛɛ ye ka nyɔ wɔli-kɛ-mirannu fɛ-bira. Lifayinuna wɔli ma fenfen na fɔ ka wɔli Aruna anubɛ ala dannu kɔrɔ. 10Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”
11Mari ya a fɔ Musa ye tun ko, 12-13#Bɔ-Koe-Iyipiti 13.2 “N bara Lifayi bɔnsɔn ma ntɛ la. N ya Iyipiti den-kei fɔlɔtɛ bɛɛ faga tumɛ min, n ya Isirɛla den-kei fɔlɔtɛ bɛɛ bi ka wonu ma ntɛ la anubɛ kolo-fen den fɔlɔtɛnu. Kɔnɔ kaka, n bara Lifayi bɔnsɔn sigi Isirɛla den fɔlɔtɛ wonu gbɛ rɔ ka anu ma ntɛ la. Nde le Mari la. Sɛnbɛ ye nde bolo ka wo bɛɛ kɛ.”
Lifayi Bɔnsɔnnu Tɔgɛ Sɛbɛ-Koe
14Mari ya a fɔ Musa ye Sinayi wulɛ rɔ tun ko, 15“I ni Lifayi keinu dan ka a dabira anuna kebilɛnu ma ka ta ke anuna denbayɛnu ma fɔ minnu sɔrɔn ma karɛ kelen bɔ wɛ.” 16Musa ya a ma wo nya. 17-20Den-kei sawa ye Lifayi bolo: Kɛrisɔn wo, Kohati wo, anubɛ Mɛrari. Kɛrisɔn ya den-kei mɔgɔ fila sɔrɔn, Libini anubɛ Simayi. Kohati ya den-kei nani sɔrɔn: Amiram wo, Yisihari wo, Hiburɔn wo, anubɛ Yusiyɛli. Mɛrari ya den-kei fila sɔrɔn: Mehali ani Muhusi.
21-22Kɛrisɔnta den-keinu Libini ani Simayi, wonuta denbayɛnu dama lakofunɛ bɛnta mɔgɔ waga wɔrɔnfila ani mɔgɔ kɛmɛ loli (7,500) ma, kei minnu sɔrɔn ara karɛ kelen bɔ, kɔni. 23Wonu si anuta fani-bɔnnu sɔ Marita Fani-Bɔn kɔma tele-yigi wara la. 24Leyɛlila dan Iliyasafu, wo mara denbayɛ kɛ bɛɛ kun-tigi la.
25-26Marita Fani-Bɔn wo, kurɛ min si sa a kuma wo, kurɛ min dunnɛ bonda-dɛ la wo, kata-masansan-kurɛnu, Bato-Bɔn anubɛ saraka-mintan-tinɛ lafoonɛ min na wo, kurɛ min bi a tenbi-bolɔn la wo, a yilinu anubɛ a fɛ-fannu wo, Kɛrisɔn kebilɛnuta wɔlɛ le ka wo bɛɛ lamara a kin na!
27-28Kohatila dannu Amiram wo, Yisihari wo, Hiburɔn wo, anubɛ Yusiyɛli, wonuta denbayɛ dama lakofunɛ bɛnta mɔgɔ waga segin ani mɔgɔ kɛmɛ wɔrɔ (8,600) ma, kei minnu sɔrɔn ara karɛ kelen bɔ, kɔni. 29Wonu si anuna fani-bɔnnu sɔ Marita Fani-Bɔn dugula wara la. 30Yusiyɛlila dan Ilaisefan, wo mara denbayɛ kɛ bɛɛ kun-tigi la. 31Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara. 32Saraka-masɔlɛ Aruna, wola den Ɛliyasa, kun-tigi le wo la Lifayi bɔnsɔn bɛɛ kuma. A ye kun-tigiyɛ la Kan-Tina-Sɛnimɛ wo wɔli-kɛlɛnu kun na.
33-34Mɛrarila dannu Mehali anubɛ Muhusi, wonuna denbayɛ dama lakofunɛ bɛnta mɔgɔ waga wɔrɔ ani mɔgɔ kɛmɛ fila (6,200) ma, kei minnu sɔrɔn ara karɛ kelen bɔ, kɔni. 35Wonu si anuna fani-bɔnnu sɔ Marita Fani-Bɔn kantɔ-wara la. Abihelila dan Suriyɛli, wo mara denbayɛ kɛ bɛɛ kun-tigi la. 36-37Mɛrarila denbayɛnuta wɔlɛ le ka Marita Fani-Bɔn fɛ-bira. A fɛrannu wo, a kɔlɔma-yannu wo, a bɔn kɔnnu wo, a wodi-gbɛnu fɛrannu anubɛ bon-kɔnnu si sɔ minnu kuma wo, a sansan-kɔlɔmanu si sɔ minnu kuma wo, a yili-kiri-kɔlɔmanu wo, anubɛ a yilinu, wonuta wɔlɛ le ka wonubɛ a fɛ-mirannu namara.
38Musa ani Aruna anubɛ ala dannu, wonu si anuna fani-bɔnnu sɔ Marita Fani-Bɔn yakɔrɔ tele-bɔɛ wara la. Anuta wɔlɛ le ka Marita Bɔn mumɛ bɛɛ fɛ-bira Isirɛla mɔgɛ bɛɛla ko la. Ni mɔgɔ-wo-mɔgɔ ya a gbɛrɛn Marita Bɔn wo ma anu kɔma, anu si wo tigi faga.
39Lifayi bɔnsɔn mumɛ bɛɛ lakofunɛ bɛnta mɔgɔ waga mogan-ni-fila ma, minnu sɔrɔn ara karɛ kelen bɔ, kɔni. Anu ya wo bɛɛ dan iko Mari ya a fɔ Musa ye nya min.
Den-Kei Fɔlɔtɛla Sɔ Tinɛ Bi-Koe Lifayi Bɔnsɔn Bolo
40Mari ya a fɔ Musa ye ko, “Isirɛlata den-kei fɔlɔtɛ bɛɛ min sɔrɔn ara karɛ kelen bɔ, i ni wonu tɔgɛ sɛbɛ. 41I ni Isirɛla den-kei fɔlɔtɛnu damasi kunka Lifayi bɔnsɔn keimɛ bɛɛ la. Anu si ma ntɛ la Isirɛla den-kei fɔlɔtɛnu gbɛ rɔ. Lifayi bɔnsɔnta ninki-den fɔlɔtɛ bɛɛ ni sigi Isirɛla mɔgɛnuta ninki-den fɔlɔtɛ gbɛ rɔ. Wonu si ma ntɛ la fanan. Wo ni nta kuman-kan bira kamasɔrɔn nde le Mari la.”
42Musa ya kumɛ wo bɛɛ bira ka den-kei fɔlɔtɛ bɛɛ tɔgɔ sɛbɛ min sɔrɔn ara tenbi karɛ kelen na. 43Anu dama lakofunɛ bɛnta mɔgɔ waga mogan, mɔgɔ waga fila, mɔgɔ kɛmɛ fila, mɔgɔ bi-wɔrɔnfila ani mɔgɔ sawa (22,273) ma.
44Mari ya a fɔ Musa ye tun ko, 45“I ni Lifayi bɔnsɔn bɛɛ dantɛgɛ n ma kamasɔrɔn Lifayi bɔnsɔn le ntɛ la Isirɛla den-kei fɔlɔtɛnu gbɛ rɔ. I ni Lifayi bɔnsɔnta ninkinu dantɛgɛ n ma Isirɛla ninki-den fɔlɔtɛnu gbɛ rɔ. 46-48Isirɛla den-kei fɔlɔtɛnu bara tenbi Lifayi bɔnsɔn la mɔgɔ kɛmɛ fila, mɔgɔ bi-wɔrɔnfila ani mɔgɔ sawa (273) la. Bawo Isirɛla den-kei fɔlɔtɛnu bara tenbi Lifayi bɔnsɔn la min kɛ, a mɔgɛ toe minnu tonɛ, wo ni wonu kunka wodi-gbɛ-gbu#3.46 Wodi-gbɛ: Ata wodi-gbɛ-gbu loli sumannɛ sikeli la wo manɛ le iko fɔlɔ sinin tan gbiliyɛ ye nya min. loli la iko wola wodi-gbɛ si suma nya min Marita Fani-Bɔn la. Isirɛla mɔgɛnu ni mɔgɔ kɛmɛ fila, mɔgɔ bi-wɔrɔnfila, mɔgɔ sawɛ wo kelen-kelen kunka wodi-gbɛ-gbu loli-loli la ka wodi-gbɛ wo di Aruna anubɛ ata dannu ma.” 49-51Musa ya kumɛ wo bɛɛ bira. A ya wodi-gbɛ wo makele Isirɛla mɔgɛnu bolo. Wodi-gbɛ wo bɛɛ lakofunɛ bɛnta wodi-gbɛ-gbu waga kelen, kɛmɛ sawa ani bi-wɔrɔ ani loli (1,365) le ma. Musa ya wo di Aruna anubɛ ala dannu ma.
Currently Selected:
Yilan-Yilan Koe 3: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Yilan-Yilan Koe 3
3
Saraka-Masɔlɛnu Dɛnbɛnɛnu Yabɔ-Koe
1-3 #
Yilan-Yilan Koe 26.60
Mari kumara Musa ye wati min Sinayi kɔnkɛ kuma, Arunala den-kei bɛɛ dantɛgɛra Mari ma wo wati le tɔ ka ma saraka-masɔlɛnu na Marita Fani-Bɔn la. Arunala dan wonu tɔgɛ le kɛnu na, ala den-kei-sarɛ Nedabu wo, Abaihu wo, Ɛliyasa wo, anubɛ Itamarayi. Musa anubɛ Arunala denbayɛ le wonu na. 4#Saraka-Masɔlɛnuta Tɔnnu 10.1-2; Yilan-Yilan Koe 26.61 Kɔnɔ Sinayi wulɛ rɔ, Alla ma sɔn tɛ min na, Nedabu anubɛ Abaihu tara wo la saraka-bɔ-tinɛ. Mari ya anu faga nyɔ wola ko la. Anu ma dan sɔrɔn min kɛ, woletɔ Ɛliyasa ani Itamarayi tora saraka-masɔ-wɔlɛ kɛla Aruna fɛ a ye a kɛndɛ la tumɛ min.
5Mari ya a fɔ Musa ye ko, 6“Na Lifayi bɔnsɔnnu na Aruna wara alako anu ni ma Aruna dɛnbɛnɛnu na ka saraka-masɔ-wɔlɛ kɛ. 7-9Anu ni wɔlɛ kɛ nta bɔn la ka wɔlɛ bɛɛ kɛ Aruna anubɛ Isirɛla mɔgɛ bɛɛ ye ka nyɔ wɔli-kɛ-mirannu fɛ-bira. Lifayinuna wɔli ma fenfen na fɔ ka wɔli Aruna anubɛ ala dannu kɔrɔ. 10Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”
11Mari ya a fɔ Musa ye tun ko, 12-13#Bɔ-Koe-Iyipiti 13.2 “N bara Lifayi bɔnsɔn ma ntɛ la. N ya Iyipiti den-kei fɔlɔtɛ bɛɛ faga tumɛ min, n ya Isirɛla den-kei fɔlɔtɛ bɛɛ bi ka wonu ma ntɛ la anubɛ kolo-fen den fɔlɔtɛnu. Kɔnɔ kaka, n bara Lifayi bɔnsɔn sigi Isirɛla den fɔlɔtɛ wonu gbɛ rɔ ka anu ma ntɛ la. Nde le Mari la. Sɛnbɛ ye nde bolo ka wo bɛɛ kɛ.”
Lifayi Bɔnsɔnnu Tɔgɛ Sɛbɛ-Koe
14Mari ya a fɔ Musa ye Sinayi wulɛ rɔ tun ko, 15“I ni Lifayi keinu dan ka a dabira anuna kebilɛnu ma ka ta ke anuna denbayɛnu ma fɔ minnu sɔrɔn ma karɛ kelen bɔ wɛ.” 16Musa ya a ma wo nya. 17-20Den-kei sawa ye Lifayi bolo: Kɛrisɔn wo, Kohati wo, anubɛ Mɛrari. Kɛrisɔn ya den-kei mɔgɔ fila sɔrɔn, Libini anubɛ Simayi. Kohati ya den-kei nani sɔrɔn: Amiram wo, Yisihari wo, Hiburɔn wo, anubɛ Yusiyɛli. Mɛrari ya den-kei fila sɔrɔn: Mehali ani Muhusi.
21-22Kɛrisɔnta den-keinu Libini ani Simayi, wonuta denbayɛnu dama lakofunɛ bɛnta mɔgɔ waga wɔrɔnfila ani mɔgɔ kɛmɛ loli (7,500) ma, kei minnu sɔrɔn ara karɛ kelen bɔ, kɔni. 23Wonu si anuta fani-bɔnnu sɔ Marita Fani-Bɔn kɔma tele-yigi wara la. 24Leyɛlila dan Iliyasafu, wo mara denbayɛ kɛ bɛɛ kun-tigi la.
25-26Marita Fani-Bɔn wo, kurɛ min si sa a kuma wo, kurɛ min dunnɛ bonda-dɛ la wo, kata-masansan-kurɛnu, Bato-Bɔn anubɛ saraka-mintan-tinɛ lafoonɛ min na wo, kurɛ min bi a tenbi-bolɔn la wo, a yilinu anubɛ a fɛ-fannu wo, Kɛrisɔn kebilɛnuta wɔlɛ le ka wo bɛɛ lamara a kin na!
27-28Kohatila dannu Amiram wo, Yisihari wo, Hiburɔn wo, anubɛ Yusiyɛli, wonuta denbayɛ dama lakofunɛ bɛnta mɔgɔ waga segin ani mɔgɔ kɛmɛ wɔrɔ (8,600) ma, kei minnu sɔrɔn ara karɛ kelen bɔ, kɔni. 29Wonu si anuna fani-bɔnnu sɔ Marita Fani-Bɔn dugula wara la. 30Yusiyɛlila dan Ilaisefan, wo mara denbayɛ kɛ bɛɛ kun-tigi la. 31Tɔn kenkirɛ wo, tebulu wo, lɛnpu wo, saraka-bɔ-tinɛnu wo, saraka-masɔlɛnu si wɔlɛ miran min bɛɛ la kan-tina-sɛnimɛ rɔ wo, yorolan min si Kan-Tina-Sɛnimɛ yamatogon wo, anubɛ wonu fɛ-fannu, anuna wɔlɛ le ka miran wo bɛɛ lamara. 32Saraka-masɔlɛ Aruna, wola den Ɛliyasa, kun-tigi le wo la Lifayi bɔnsɔn bɛɛ kuma. A ye kun-tigiyɛ la Kan-Tina-Sɛnimɛ wo wɔli-kɛlɛnu kun na.
33-34Mɛrarila dannu Mehali anubɛ Muhusi, wonuna denbayɛ dama lakofunɛ bɛnta mɔgɔ waga wɔrɔ ani mɔgɔ kɛmɛ fila (6,200) ma, kei minnu sɔrɔn ara karɛ kelen bɔ, kɔni. 35Wonu si anuna fani-bɔnnu sɔ Marita Fani-Bɔn kantɔ-wara la. Abihelila dan Suriyɛli, wo mara denbayɛ kɛ bɛɛ kun-tigi la. 36-37Mɛrarila denbayɛnuta wɔlɛ le ka Marita Fani-Bɔn fɛ-bira. A fɛrannu wo, a kɔlɔma-yannu wo, a bɔn kɔnnu wo, a wodi-gbɛnu fɛrannu anubɛ bon-kɔnnu si sɔ minnu kuma wo, a sansan-kɔlɔmanu si sɔ minnu kuma wo, a yili-kiri-kɔlɔmanu wo, anubɛ a yilinu, wonuta wɔlɛ le ka wonubɛ a fɛ-mirannu namara.
38Musa ani Aruna anubɛ ala dannu, wonu si anuna fani-bɔnnu sɔ Marita Fani-Bɔn yakɔrɔ tele-bɔɛ wara la. Anuta wɔlɛ le ka Marita Bɔn mumɛ bɛɛ fɛ-bira Isirɛla mɔgɛ bɛɛla ko la. Ni mɔgɔ-wo-mɔgɔ ya a gbɛrɛn Marita Bɔn wo ma anu kɔma, anu si wo tigi faga.
39Lifayi bɔnsɔn mumɛ bɛɛ lakofunɛ bɛnta mɔgɔ waga mogan-ni-fila ma, minnu sɔrɔn ara karɛ kelen bɔ, kɔni. Anu ya wo bɛɛ dan iko Mari ya a fɔ Musa ye nya min.
Den-Kei Fɔlɔtɛla Sɔ Tinɛ Bi-Koe Lifayi Bɔnsɔn Bolo
40Mari ya a fɔ Musa ye ko, “Isirɛlata den-kei fɔlɔtɛ bɛɛ min sɔrɔn ara karɛ kelen bɔ, i ni wonu tɔgɛ sɛbɛ. 41I ni Isirɛla den-kei fɔlɔtɛnu damasi kunka Lifayi bɔnsɔn keimɛ bɛɛ la. Anu si ma ntɛ la Isirɛla den-kei fɔlɔtɛnu gbɛ rɔ. Lifayi bɔnsɔnta ninki-den fɔlɔtɛ bɛɛ ni sigi Isirɛla mɔgɛnuta ninki-den fɔlɔtɛ gbɛ rɔ. Wonu si ma ntɛ la fanan. Wo ni nta kuman-kan bira kamasɔrɔn nde le Mari la.”
42Musa ya kumɛ wo bɛɛ bira ka den-kei fɔlɔtɛ bɛɛ tɔgɔ sɛbɛ min sɔrɔn ara tenbi karɛ kelen na. 43Anu dama lakofunɛ bɛnta mɔgɔ waga mogan, mɔgɔ waga fila, mɔgɔ kɛmɛ fila, mɔgɔ bi-wɔrɔnfila ani mɔgɔ sawa (22,273) ma.
44Mari ya a fɔ Musa ye tun ko, 45“I ni Lifayi bɔnsɔn bɛɛ dantɛgɛ n ma kamasɔrɔn Lifayi bɔnsɔn le ntɛ la Isirɛla den-kei fɔlɔtɛnu gbɛ rɔ. I ni Lifayi bɔnsɔnta ninkinu dantɛgɛ n ma Isirɛla ninki-den fɔlɔtɛnu gbɛ rɔ. 46-48Isirɛla den-kei fɔlɔtɛnu bara tenbi Lifayi bɔnsɔn la mɔgɔ kɛmɛ fila, mɔgɔ bi-wɔrɔnfila ani mɔgɔ sawa (273) la. Bawo Isirɛla den-kei fɔlɔtɛnu bara tenbi Lifayi bɔnsɔn la min kɛ, a mɔgɛ toe minnu tonɛ, wo ni wonu kunka wodi-gbɛ-gbu#3.46 Wodi-gbɛ: Ata wodi-gbɛ-gbu loli sumannɛ sikeli la wo manɛ le iko fɔlɔ sinin tan gbiliyɛ ye nya min. loli la iko wola wodi-gbɛ si suma nya min Marita Fani-Bɔn la. Isirɛla mɔgɛnu ni mɔgɔ kɛmɛ fila, mɔgɔ bi-wɔrɔnfila, mɔgɔ sawɛ wo kelen-kelen kunka wodi-gbɛ-gbu loli-loli la ka wodi-gbɛ wo di Aruna anubɛ ata dannu ma.” 49-51Musa ya kumɛ wo bɛɛ bira. A ya wodi-gbɛ wo makele Isirɛla mɔgɛnu bolo. Wodi-gbɛ wo bɛɛ lakofunɛ bɛnta wodi-gbɛ-gbu waga kelen, kɛmɛ sawa ani bi-wɔrɔ ani loli (1,365) le ma. Musa ya wo di Aruna anubɛ ala dannu ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.