Bɔ-Koe-Iyipiti 33
33
Anu Bɔ-Koe Sinayi Kɔnkɛ Kɔrɔ
1 #
Ko-Dabirɛnu 12.7; 26.3; 28.13 Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ. 2N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ. 3Wo ni ta nyamani-hakikɛ wo rɔ. Kɔnɔ wo kalabante min kɛ, woletɔ nde nyɛrɛ ti ta wo tɛma alako n kana wo halaki kilɛ la.”
4Mɔgɛnu ya kumɛ wo lamɔɛn tumɛ min, anu dira. Anu ma anuna sɛnɛ-toenu anubɛ anuna wodi-gbɛnu bila anu fɛrɛ ma tun. 5Mari ya a fɔ Musa ye ko, “A fɔ Isirɛla mɔgɛnu ye ko anu tengberenta kati! Ni n tara anu fɛ hali doni, n si anu halaki. Kɔnɔ ale le wo la. Hali wo ma wola sɛnɛ anubɛ wola wodi-gbɛ wonu bi tun. N bi nala min mala wo la, n si to n mirila wo ma.” 6Ka a bi wulɔn tele ma Sinayi kɔnkɛ kɔrɔ, Isirɛla mɔgɛnu ma anuna sɛnɛ anubɛ anuna wodi-gbɛ bila anu fɛrɛ ma tun.
Fani-Bɔn Sɔ-Koe Dagɛ Kɔma Mari Ye
7Mɔgɛnu ba daga makɛ kan-bo-kan, Musa taranta Fani-Bɔn do bila ka a sɔ dagɛ kɔma ka a tɔgɔ sa “Mari Labɛn Tinɛ.” Ni min bi a nyɛrɛ fɛ-koe lɔn-koe rɔ, wo si ta Mari manyinika a Labɛn Tinɛ wo rɔ. 8Musa wa wuli bɔla ka ta Mari Labɛn Tinɛ wo rɔ, Isirɛla mɔgɛ bɛɛ si sɔ anuna fani-bɔn don-dɛnu na ka to Musa mafɛlɛnna ha a si don Marita Fani-Bɔn wo burɔ. 9Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ. 10Mɔgɛnu ba banda-fin-gbɛ wo sɔnɛ yen Fani-Bɔn wo dɛ la tumɛ min, mɔgɔ kelen-kelennamɛ-bɛɛ si anu madu anuna fani-bɔnnu don-dɛ la. 11Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.
Alla Gbiliya-Koe
12Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ. 13Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”
14Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”
15Musa ya a fɔ a ye ko, “Ni i nyɛrɛ ti ta ma fɛ, nba, i kana ma labɔ yan de! 16Ni i ma ta ma fɛ, mɔgɛnu si a lɔn kama ko mabɛ ila mɔgɛnu di i ye? Kɔnɔ ni i tara ma fɛ, dan-nafarɛ si taran male Isirɛla mɔgɛnu anubɛ duninya-mɔgɛ bɛɛ tɛma.”
17Mari ya a fɔ Musa ye ko, “I wara min fɔ n ye, n si sɔn wo ma kamasɔrɔn i wara-koe ara n hɛnɛ. N ya i sɔn lɔn fanan.”
18Musa ko, “I yandi, i ni i nyɛrɛ wan-takanɛ yira n na.”
19 #
Romu 9.15
Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ#33.19 Sereka-tɔgɛ: Kurankɔɛ donu si a fɔ ko, “Tɔgɔ-bɛrɛ.” lawasa i ye bi. Mari le nde la. Minna kinikinɛ wa don n tɔ, n si kinikini wo ma. 20Kɔnɔ n ti sɔn i ni n yakɔrɛ yen bawo mɔgɔ-wo-mɔgɔ ti n yakɔrɛ yen ka to a niyi la.”
21Mari ko, “I yɛ lana yan. Na i sɔ farɛ kɛ kuma. 22Yanni nna gbiliyɛ ni tenbi i la, n si i layigi fara-woe rɔ. N si n bole burun i kuma ha n ni ban tenbila. 23N ba n bole bɔ i kuma tumɛ min, i si n kɔmɛ yen kɔnɔ i ti n yakɔrɛ yen.”
Currently Selected:
Bɔ-Koe-Iyipiti 33: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 33
33
Anu Bɔ-Koe Sinayi Kɔnkɛ Kɔrɔ
1 #
Ko-Dabirɛnu 12.7; 26.3; 28.13 Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ. 2N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ. 3Wo ni ta nyamani-hakikɛ wo rɔ. Kɔnɔ wo kalabante min kɛ, woletɔ nde nyɛrɛ ti ta wo tɛma alako n kana wo halaki kilɛ la.”
4Mɔgɛnu ya kumɛ wo lamɔɛn tumɛ min, anu dira. Anu ma anuna sɛnɛ-toenu anubɛ anuna wodi-gbɛnu bila anu fɛrɛ ma tun. 5Mari ya a fɔ Musa ye ko, “A fɔ Isirɛla mɔgɛnu ye ko anu tengberenta kati! Ni n tara anu fɛ hali doni, n si anu halaki. Kɔnɔ ale le wo la. Hali wo ma wola sɛnɛ anubɛ wola wodi-gbɛ wonu bi tun. N bi nala min mala wo la, n si to n mirila wo ma.” 6Ka a bi wulɔn tele ma Sinayi kɔnkɛ kɔrɔ, Isirɛla mɔgɛnu ma anuna sɛnɛ anubɛ anuna wodi-gbɛ bila anu fɛrɛ ma tun.
Fani-Bɔn Sɔ-Koe Dagɛ Kɔma Mari Ye
7Mɔgɛnu ba daga makɛ kan-bo-kan, Musa taranta Fani-Bɔn do bila ka a sɔ dagɛ kɔma ka a tɔgɔ sa “Mari Labɛn Tinɛ.” Ni min bi a nyɛrɛ fɛ-koe lɔn-koe rɔ, wo si ta Mari manyinika a Labɛn Tinɛ wo rɔ. 8Musa wa wuli bɔla ka ta Mari Labɛn Tinɛ wo rɔ, Isirɛla mɔgɛ bɛɛ si sɔ anuna fani-bɔn don-dɛnu na ka to Musa mafɛlɛnna ha a si don Marita Fani-Bɔn wo burɔ. 9Musa wa don Fani-Bɔn la tumɛ min, banda-fin-gbɛ si yigi ka sɔ Fani-Bɔn wo dɛ la. Fananta Mari anubɛ Musa ye kumala anu nyɔgɔn na, banda-fin-gbɛ wo ye nyɔ. 10Mɔgɛnu ba banda-fin-gbɛ wo sɔnɛ yen Fani-Bɔn wo dɛ la tumɛ min, mɔgɔ kelen-kelennamɛ-bɛɛ si anu madu anuna fani-bɔnnu don-dɛ la. 11Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.
Alla Gbiliya-Koe
12Musa ya a fɔ Mari ye ko, “I ye tola a fɔla n ye ko n ni ta mɔgɛ kɛnu na kɔnɔ min bi sɔla n yarɔ, i ma wo yira n na. Min sanɛ wo kuma, i ko i ya n sɔn lɔn. I ko n bara-koe ara i hɛnɛ. 13Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”
14Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”
15Musa ya a fɔ a ye ko, “Ni i nyɛrɛ ti ta ma fɛ, nba, i kana ma labɔ yan de! 16Ni i ma ta ma fɛ, mɔgɛnu si a lɔn kama ko mabɛ ila mɔgɛnu di i ye? Kɔnɔ ni i tara ma fɛ, dan-nafarɛ si taran male Isirɛla mɔgɛnu anubɛ duninya-mɔgɛ bɛɛ tɛma.”
17Mari ya a fɔ Musa ye ko, “I wara min fɔ n ye, n si sɔn wo ma kamasɔrɔn i wara-koe ara n hɛnɛ. N ya i sɔn lɔn fanan.”
18Musa ko, “I yandi, i ni i nyɛrɛ wan-takanɛ yira n na.”
19 #
Romu 9.15
Mari ko, “N si a ma, i ni nna gbiliyɛ yen tenbila i yakɔrɔ. N si n sereka-tɔgɛ#33.19 Sereka-tɔgɛ: Kurankɔɛ donu si a fɔ ko, “Tɔgɔ-bɛrɛ.” lawasa i ye bi. Mari le nde la. Minna kinikinɛ wa don n tɔ, n si kinikini wo ma. 20Kɔnɔ n ti sɔn i ni n yakɔrɛ yen bawo mɔgɔ-wo-mɔgɔ ti n yakɔrɛ yen ka to a niyi la.”
21Mari ko, “I yɛ lana yan. Na i sɔ farɛ kɛ kuma. 22Yanni nna gbiliyɛ ni tenbi i la, n si i layigi fara-woe rɔ. N si n bole burun i kuma ha n ni ban tenbila. 23N ba n bole bɔ i kuma tumɛ min, i si n kɔmɛ yen kɔnɔ i ti n yakɔrɛ yen.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.