Bɔ-Koe-Iyipiti 28
28
Saraka-Masɔlɛnuna Makiri-Fannu Nadan-Nya
(Bɔ-Koe-Iyipiti 39.1-7)
1“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye. 2-3Mɔgɛ minnu kusan kurɛ karala a kilɛ fɛ, i ni wonu kele ko anu ni makiri-kura-sɛnimɛnu nadan i kɔrɔ-kei Aruna ye alako mɔgɛnu yɛ ni bɔ a la ka a gbiliya. 4Mɔgɛ wonu bi kurɛ minnu nadanna, wo le kɛnu na, kɔgɔ-dala-kurɛ wo, kura-kundi-fugbɛ wo, duruku-ba-wɛ wo, duruku-kɔrɔ-donyɛ min sɔgɔnɛ wo, saraka-masɔla-wɛta fulɛ wo, anubɛ a butɛ-kiri-fan. Anu ni kura-sɛnimɛ wonu kara Aruna anubɛ ala den-keinu ye alako anu ni saraka-masɔ-wɔlɛ kɛ n ye. 5Anu bi kura-hakikɛ min kelela linɛn, wo ni wo ma saraka-masɔlɛnuna makiri-kurɛ kɛnu na. Mɔgɛ minnu kusan, yesekara-yalafinyɛ wo, yesekara-bilolamɛ wo, a yesekara-wulan wo, anubɛ sɛnɛ-yesekari wo, wonu ni wo bi ka wo ma kurɛ kɛnu sɔgɔ-fan#28.5 Sɔgɔ-fan: Kurankɔɛ donu si a fɔ ko “ka a rakara,” iko mɔgɛ si banbadɛ sɔgɔ nya min. la.
Kura-Kundi-Fugbɛ Ladan-Nya
6“Anu bi kura-hakikɛ min kelela linɛn, wo ni wo ma kura-kundi-fugbɛ la. Mɔgɛ minnu kusan, wonu ni yesekara-yalafinyɛ wo, yesekara-bilolamɛ wo, yesekara-wulan wo, anubɛ sɛnɛ-yesekari bi ka wo ma kura-kundi-fugbɛ wo sɔgɔ-fan la. 7Wo ni kura-yili fila sɔ kura-kundi-fugbɛ wo tɔnkɔn filɛ la a si min kiri a kɛɛ kuma. 8Buta-kiri-fan min nadannɛ iko kura-kundi-fugbɛ wo, wo ni wo tugun kura-kundi-fugbɛ wo la. Wo ni linɛn-kurɛ ladan buta-kiri-fan wo la. Anu ni yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari sɔgɔ wo ma.
9“Wo ni kuru-da-gbɛlɛ fila bi minnu tɔgɛ ɔnikisi ka Isirɛla bɔnsɔn-mɔgɔ tan-ni-fila tɔgɛ sɛbɛ wonu ma. 10-11Kuru-lɛsɛlɛ min kusan, wo si bɔnsɔn wɔrɛ tɔgɛ sɛbɛ kuru kelan ma. Wo kɔma, a si bɔnsɔn wɔrɛ doi tɔgɛ sɛbɛ kuri doi ma iko anu sɔrɔnta nya min. Wo ni na wonu sa sɛnɛ-mɔlɔni fila tɛma. 12Wo ni kuru filɛ wonu sa saraka-masɔla-wɛta kura-kundi-fugbɛ kɛɛ filɛ kuma. Anu si ma tamasere-kurinu na alako nde, Mari yili ni to Isirɛla mɔgɛnu ko. Aruna si kura-kundi-fugbɛ wo don a kan na. Wo si ma yili to kurinu na a kanban kun filɛ kuma nde, Mari ye. 13Wo ni kuri wonu sigi tinɛ ladan sɛnɛ-mɔlɔnɛ rɔ. 14Wo ni sɛnɛ-yɔlɔkɔ fila ladan ka anu dɛbɛ. Wo ni sɛnɛ-yɔlɔkɔ-dɛbɛni filɛ wonu sɔ a makiri-fan wonu na.”
Kɔgɔ-Dala-Kurɛ Ladan-Koe
(Bɔ-Koe-Iyipiti 39.8-21)
15“Wo ni linɛn-kurɛ bi ka a ma kɔgɔ-dala-kurɛ la. Wo si ma nde, Alla sako-lɔn-fan la. Wo ni a ladan iko saraka-masɔlɛta kura-kundi-fugbɛ la si dan nya min. Wo ni a sɔgɔ yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari la. 16Wo ni a rakunbɛn. A tɔnkɔn nanɛ bɛɛsi ra ni kɛnya. A kɔnɛ ni ma bira kelen, a yanyɛ ni ma bira kelen. 17Wo ni kuru-da-gbɛlɛ gbaranda nani kankan a ma. A gbarandɛ fɔlɔtɛ wo kurinu tɔgɛ le kɛnu na, rubi wo, topasi wo, anubɛ ɛmarɔdi. 18A gbaranda fila nyɔgɛ wo kurinu tɔgɛ le kɛnu na, tukɔsi wo, safaira wo, anubɛ daimon. 19A gbaranda sawa nyɔgɛ wo kurinu tɔgɛ le kɛnu na, opɛli wo, agati wo, anubɛ amɛtisi. 20A gbaranda nani nyɔgɛ wo kurinu tɔgɛ le kɛnu na, bɔrɔ wo, ɔnikisi wo, anubɛ yasipa. Wo ni sɛnɛ-mɔlɔnɛ do ladan kuru-da-gbɛlɛ kɛnu si sa min tɔ ka anu kankan kɔgɔ-dala-kurɛ kɛ ma. 21Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.
22“Wo ni sɛnɛ-yɔlɔkɔ-dɛbɛnɛ wonu sɔ kɔgɔ-dala-kurɛ wo la. 23Wo ni sɛnɛ-dɛɛn-kɔlɔni fila ladan ka wonu sɔ kɔgɔ-dala-kurɛ tɔnkɔn filɛ la a kan tɔ. 24Wo kɔma, wo ni sɛnɛ-yɔlɔkɔ-dɛbɛni filɛ wonu sɔ dɛɛn-kɔlɔni filɛ wonu na. 25Wo ni sɛnɛ-yɔlɔkɔ-dɛbɛnɛ wo kun filɛ fanan sɔ sɛnɛ-mɔlɔni filɛ wonu na minnu bi saraka-masɔlɛta kura-kundi-fugbɛ wo kanban kun filɛ kuma. 26Wo ni sɛnɛ-dɛɛn-kɔlɔni fila sɔ kɔgɔ-dala-kurɛ dugu la tɔnkɔn filɛ la a ya-yoge ma. 27Wo ni sɛnɛ-dɛɛn-kɔlɔni fila dogbɛrɛ sɔ saraka-masɔlɛta kura-kundi-fugbɛ la a kɔrɔ buta-kiri-fan kan tɔ ka wonu sɔ a yili filɛ la minnu bi bɔla kanban kun filɛ kuma. 28Wo ni kɔgɔ-dala-kurɛ dɛɛn-kɔlɔni filɛ doi fanan kiri saraka-masɔlɛta kura-kundi-fugbɛ la. Wo ni a kiri anu nyɔgɔn na yili-kolo-bilolamɛ la wo nya alako kɔgɔ-dala-kurɛ ni to a butɛ-kiri-fan kan tɔ. Wo le si a ma, kɔgɔ-dala-kurɛ ti bɔ saraka-masɔla-wɛta kura-kundi-fugbɛ wo la.
29“Aruna tenbi Kan-Tina-Sɛnimɛ rɔ tumɛ min, a ni a makiri-miran don a kan na Isirɛla bɔnsɔn tan-ni-filɛ tɔgɔ sɛbɛnɛ min ma. A kiri kura-kundi-fugbɛ ma, woletɔ nde, Alla si n hɛnkili to anu ko tuma-wo-tuma, ni a yogoma ma. 30#Yilan-Yilan Koe 27.21; Tɔn-Fɔɛ-Fila-Nyɔgɛ 33.8; Ɛsira 2.63; Nihɛmaya 7.65 Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”
Saraka-Masɔlɛ Makiri-Miran Donu
(Bɔ-Koe-Iyipiti 39.22-31)
31“Wo ni kura-bilolamɛ do bi ka a ma saraka-masɔlɛta duruku-ba-wɛ la min bi donna kura-kundi-fugbɛ kɔrɔ. 32Wo ni duruki wo kan tɛgɛ ka saraba sa duruki wo kan ma woletɔ nyɔ ti fara yona. 33-34Kɔlɔma-gbɔɛ min tɔgɛ pamakarani, wo ni wola muninyɛnu nadan duruki wo da-gbole la. Wo ni wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la. Wo ni sɛnɛ-tɛlan-dɔgɔmanɛnu kiri tala pamakaranila muninyɛ wonu tɛma duruki wo da-gbole la. 35Aruna si to duruki wo donna a kan na nta wɔlɛla ko la alako a kana faga. A tenbi don-ni-bɔɛ la Sɛnima-Sɛnima-Tinɛ rɔ tumɛ min duruki wo la a kan na, tɛlan wonu kan la si to bɔla nyɔ. Fananta a ye ata wɔlɛ kɛla, tɛlan wo kan si to bɔla nyɔ.
36“Wo ni sɛnɛ ladan ka a ma fagbatara! Wo ni a sɛbɛ sɛnɛ wo ma ko, ‘Mɔgɛ Kɛ Dantɛgɛnɛ Mari Le Ma.’ 37I ni yesekara-bilolamɛ sɔ a la alako a ni kiri saraka-masɔlɛta fulɛ yarɔ. 38Wo ni to kirinɛ fulɛ wo ma Aruna telɛ ma woletɔ hali Isirɛla mɔgɛnu ma nta kɔ-fan di n ma a kilɛ fɛ, nde, Alla nyɛrɛ si sɔn kɔ-fan wonu na Arunala ko la.
39“Wo ni kura-hakikɛ do bi min tɔgɛ linɛn ka a ma duruku-kɔrɔ-donyɛ la. Wo ni linɛn-kurɛ do bi ka saraka-masɔlɛta fulɛ ladan. Kura-sɔgɔlɛ min bi buta-kiri-fan ladanna, wo ni a sɔgɔ a kin na!
40“Wo ni saraka-masɔ-durukinu nadan Arunala den-keinu ye. A ni buta-kiri-fannu nadan anu ye anubɛ a fulɛnu woletɔ mɔgɛnu yɛ si bɔ anu na ka saraka-masɔlɛnu gbiliya. 41I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.
42“Wo ni linɛn-kura-nyimɛ ma anuta kurusi-kundi la. Wonu dan si ma anu wore la woletɔ mɔgɔ ti anu nakolɔn yen. 43Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ.
“Wo ni ma habadan-tɔn la Aruna anubɛ a kebila-mɔgɛnu ye.”
Currently Selected:
Bɔ-Koe-Iyipiti 28: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 28
28
Saraka-Masɔlɛnuna Makiri-Fannu Nadan-Nya
(Bɔ-Koe-Iyipiti 39.1-7)
1“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye. 2-3Mɔgɛ minnu kusan kurɛ karala a kilɛ fɛ, i ni wonu kele ko anu ni makiri-kura-sɛnimɛnu nadan i kɔrɔ-kei Aruna ye alako mɔgɛnu yɛ ni bɔ a la ka a gbiliya. 4Mɔgɛ wonu bi kurɛ minnu nadanna, wo le kɛnu na, kɔgɔ-dala-kurɛ wo, kura-kundi-fugbɛ wo, duruku-ba-wɛ wo, duruku-kɔrɔ-donyɛ min sɔgɔnɛ wo, saraka-masɔla-wɛta fulɛ wo, anubɛ a butɛ-kiri-fan. Anu ni kura-sɛnimɛ wonu kara Aruna anubɛ ala den-keinu ye alako anu ni saraka-masɔ-wɔlɛ kɛ n ye. 5Anu bi kura-hakikɛ min kelela linɛn, wo ni wo ma saraka-masɔlɛnuna makiri-kurɛ kɛnu na. Mɔgɛ minnu kusan, yesekara-yalafinyɛ wo, yesekara-bilolamɛ wo, a yesekara-wulan wo, anubɛ sɛnɛ-yesekari wo, wonu ni wo bi ka wo ma kurɛ kɛnu sɔgɔ-fan#28.5 Sɔgɔ-fan: Kurankɔɛ donu si a fɔ ko “ka a rakara,” iko mɔgɛ si banbadɛ sɔgɔ nya min. la.
Kura-Kundi-Fugbɛ Ladan-Nya
6“Anu bi kura-hakikɛ min kelela linɛn, wo ni wo ma kura-kundi-fugbɛ la. Mɔgɛ minnu kusan, wonu ni yesekara-yalafinyɛ wo, yesekara-bilolamɛ wo, yesekara-wulan wo, anubɛ sɛnɛ-yesekari bi ka wo ma kura-kundi-fugbɛ wo sɔgɔ-fan la. 7Wo ni kura-yili fila sɔ kura-kundi-fugbɛ wo tɔnkɔn filɛ la a si min kiri a kɛɛ kuma. 8Buta-kiri-fan min nadannɛ iko kura-kundi-fugbɛ wo, wo ni wo tugun kura-kundi-fugbɛ wo la. Wo ni linɛn-kurɛ ladan buta-kiri-fan wo la. Anu ni yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari sɔgɔ wo ma.
9“Wo ni kuru-da-gbɛlɛ fila bi minnu tɔgɛ ɔnikisi ka Isirɛla bɔnsɔn-mɔgɔ tan-ni-fila tɔgɛ sɛbɛ wonu ma. 10-11Kuru-lɛsɛlɛ min kusan, wo si bɔnsɔn wɔrɛ tɔgɛ sɛbɛ kuru kelan ma. Wo kɔma, a si bɔnsɔn wɔrɛ doi tɔgɛ sɛbɛ kuri doi ma iko anu sɔrɔnta nya min. Wo ni na wonu sa sɛnɛ-mɔlɔni fila tɛma. 12Wo ni kuru filɛ wonu sa saraka-masɔla-wɛta kura-kundi-fugbɛ kɛɛ filɛ kuma. Anu si ma tamasere-kurinu na alako nde, Mari yili ni to Isirɛla mɔgɛnu ko. Aruna si kura-kundi-fugbɛ wo don a kan na. Wo si ma yili to kurinu na a kanban kun filɛ kuma nde, Mari ye. 13Wo ni kuri wonu sigi tinɛ ladan sɛnɛ-mɔlɔnɛ rɔ. 14Wo ni sɛnɛ-yɔlɔkɔ fila ladan ka anu dɛbɛ. Wo ni sɛnɛ-yɔlɔkɔ-dɛbɛni filɛ wonu sɔ a makiri-fan wonu na.”
Kɔgɔ-Dala-Kurɛ Ladan-Koe
(Bɔ-Koe-Iyipiti 39.8-21)
15“Wo ni linɛn-kurɛ bi ka a ma kɔgɔ-dala-kurɛ la. Wo si ma nde, Alla sako-lɔn-fan la. Wo ni a ladan iko saraka-masɔlɛta kura-kundi-fugbɛ la si dan nya min. Wo ni a sɔgɔ yesekara-yalafinyɛ anubɛ yesekara-bilolamɛ anubɛ yesekara-wulan anubɛ sɛnɛ-yesekari la. 16Wo ni a rakunbɛn. A tɔnkɔn nanɛ bɛɛsi ra ni kɛnya. A kɔnɛ ni ma bira kelen, a yanyɛ ni ma bira kelen. 17Wo ni kuru-da-gbɛlɛ gbaranda nani kankan a ma. A gbarandɛ fɔlɔtɛ wo kurinu tɔgɛ le kɛnu na, rubi wo, topasi wo, anubɛ ɛmarɔdi. 18A gbaranda fila nyɔgɛ wo kurinu tɔgɛ le kɛnu na, tukɔsi wo, safaira wo, anubɛ daimon. 19A gbaranda sawa nyɔgɛ wo kurinu tɔgɛ le kɛnu na, opɛli wo, agati wo, anubɛ amɛtisi. 20A gbaranda nani nyɔgɛ wo kurinu tɔgɛ le kɛnu na, bɔrɔ wo, ɔnikisi wo, anubɛ yasipa. Wo ni sɛnɛ-mɔlɔnɛ do ladan kuru-da-gbɛlɛ kɛnu si sa min tɔ ka anu kankan kɔgɔ-dala-kurɛ kɛ ma. 21Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.
22“Wo ni sɛnɛ-yɔlɔkɔ-dɛbɛnɛ wonu sɔ kɔgɔ-dala-kurɛ wo la. 23Wo ni sɛnɛ-dɛɛn-kɔlɔni fila ladan ka wonu sɔ kɔgɔ-dala-kurɛ tɔnkɔn filɛ la a kan tɔ. 24Wo kɔma, wo ni sɛnɛ-yɔlɔkɔ-dɛbɛni filɛ wonu sɔ dɛɛn-kɔlɔni filɛ wonu na. 25Wo ni sɛnɛ-yɔlɔkɔ-dɛbɛnɛ wo kun filɛ fanan sɔ sɛnɛ-mɔlɔni filɛ wonu na minnu bi saraka-masɔlɛta kura-kundi-fugbɛ wo kanban kun filɛ kuma. 26Wo ni sɛnɛ-dɛɛn-kɔlɔni fila sɔ kɔgɔ-dala-kurɛ dugu la tɔnkɔn filɛ la a ya-yoge ma. 27Wo ni sɛnɛ-dɛɛn-kɔlɔni fila dogbɛrɛ sɔ saraka-masɔlɛta kura-kundi-fugbɛ la a kɔrɔ buta-kiri-fan kan tɔ ka wonu sɔ a yili filɛ la minnu bi bɔla kanban kun filɛ kuma. 28Wo ni kɔgɔ-dala-kurɛ dɛɛn-kɔlɔni filɛ doi fanan kiri saraka-masɔlɛta kura-kundi-fugbɛ la. Wo ni a kiri anu nyɔgɔn na yili-kolo-bilolamɛ la wo nya alako kɔgɔ-dala-kurɛ ni to a butɛ-kiri-fan kan tɔ. Wo le si a ma, kɔgɔ-dala-kurɛ ti bɔ saraka-masɔla-wɛta kura-kundi-fugbɛ wo la.
29“Aruna tenbi Kan-Tina-Sɛnimɛ rɔ tumɛ min, a ni a makiri-miran don a kan na Isirɛla bɔnsɔn tan-ni-filɛ tɔgɔ sɛbɛnɛ min ma. A kiri kura-kundi-fugbɛ ma, woletɔ nde, Alla si n hɛnkili to anu ko tuma-wo-tuma, ni a yogoma ma. 30#Yilan-Yilan Koe 27.21; Tɔn-Fɔɛ-Fila-Nyɔgɛ 33.8; Ɛsira 2.63; Nihɛmaya 7.65 Wo si nde, Alla sako-lɔn-fen filɛ minnu fɛ minnu tɔgɛ Yurim anubɛ Tumin, i ni wonu sa kɔgɔ-dala-kurɛ wo yifɛ rɔ. Aruna wa don nde, Marita Fani-Bɔn la tumɛ min, wonu ni to a kɔgɔ dɛ rɔ ka nde sako lɔn Isirɛla mɔgɛnuna ko la.”
Saraka-Masɔlɛ Makiri-Miran Donu
(Bɔ-Koe-Iyipiti 39.22-31)
31“Wo ni kura-bilolamɛ do bi ka a ma saraka-masɔlɛta duruku-ba-wɛ la min bi donna kura-kundi-fugbɛ kɔrɔ. 32Wo ni duruki wo kan tɛgɛ ka saraba sa duruki wo kan ma woletɔ nyɔ ti fara yona. 33-34Kɔlɔma-gbɔɛ min tɔgɛ pamakarani, wo ni wola muninyɛnu nadan duruki wo da-gbole la. Wo ni wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la. Wo ni sɛnɛ-tɛlan-dɔgɔmanɛnu kiri tala pamakaranila muninyɛ wonu tɛma duruki wo da-gbole la. 35Aruna si to duruki wo donna a kan na nta wɔlɛla ko la alako a kana faga. A tenbi don-ni-bɔɛ la Sɛnima-Sɛnima-Tinɛ rɔ tumɛ min duruki wo la a kan na, tɛlan wonu kan la si to bɔla nyɔ. Fananta a ye ata wɔlɛ kɛla, tɛlan wo kan si to bɔla nyɔ.
36“Wo ni sɛnɛ ladan ka a ma fagbatara! Wo ni a sɛbɛ sɛnɛ wo ma ko, ‘Mɔgɛ Kɛ Dantɛgɛnɛ Mari Le Ma.’ 37I ni yesekara-bilolamɛ sɔ a la alako a ni kiri saraka-masɔlɛta fulɛ yarɔ. 38Wo ni to kirinɛ fulɛ wo ma Aruna telɛ ma woletɔ hali Isirɛla mɔgɛnu ma nta kɔ-fan di n ma a kilɛ fɛ, nde, Alla nyɛrɛ si sɔn kɔ-fan wonu na Arunala ko la.
39“Wo ni kura-hakikɛ do bi min tɔgɛ linɛn ka a ma duruku-kɔrɔ-donyɛ la. Wo ni linɛn-kurɛ do bi ka saraka-masɔlɛta fulɛ ladan. Kura-sɔgɔlɛ min bi buta-kiri-fan ladanna, wo ni a sɔgɔ a kin na!
40“Wo ni saraka-masɔ-durukinu nadan Arunala den-keinu ye. A ni buta-kiri-fannu nadan anu ye anubɛ a fulɛnu woletɔ mɔgɛnu yɛ si bɔ anu na ka saraka-masɔlɛnu gbiliya. 41I ni wonu don i kɔrɔ-kei Aruna anubɛ ala den-keinu kan na. I ni dantɛgɛ-tuli kɛ anu kunyɛ rɔ ka anu dantɛgɛ nde, Alla ma alako anu ni wɔlɛ kɛ nde ye saraka masɔ tinɛ.
42“Wo ni linɛn-kura-nyimɛ ma anuta kurusi-kundi la. Wonu dan si ma anu wore la woletɔ mɔgɔ ti anu nakolɔn yen. 43Aruna anubɛ ala den-keinu wa don Fani-Bɔn la tumɛ min, anu si kurusi wonu don. Fananta anu bi nta wɔli kɛla kata burɔ, kurusi wonu ni to anu na. Ni anu ma kurusi-kundi wonu don kan-tina-sɛnimɛ wo rɔ, nde, Alla si anu faga bawo anu nakolɔn le n yala worɔ.
“Wo ni ma habadan-tɔn la Aruna anubɛ a kebila-mɔgɛnu ye.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.