Bɔ-Koe-Iyipiti 25
25
Marita Fani-Bɔn Burɔ-Mirannu
(Bɔ-Koe-Iyipiti 35.4-9)
1Mari ya a fɔ Musa ye ko, 2“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye. 3I si n kɔ-fan minnu bira anu bolo, wo le kɛnu na, sɛnɛ wo, wodi-gbɛ wo, anubɛ silɛɛ. 4Yesekari-bilolamɛ wo, yesekara-yalafinyɛ wo, yesekara-wulenmɛ wo, anubɛ kura-nyimɛ min tɔgɛ linɛn, i ni wonu fanan bira anu bolo. Baa siyi wo, 5saga-yigi gbolo-koloni-wulan wo, anubɛ gbolo-koloni-hakikɛ do, i si wonu bira anu bolo n ye. N makoe ye kɔlɔma do la min tɔgɛ akasiya 6anubɛ tuli do min si kɛ lɛnpu rɔ anubɛ fen-suma-diyamɛ do min si kɛ kun-tiginuna dantɛgɛ-tuli anubɛ isɛnti rɔ. 7Kuru-da-gbɛlɛ do min tɔgɛ ɔnikisi, i ni wonu bira anu bolo anubɛ kuru-da-gbɛlɛ sifa donu. Kuri kɛ donu si sa saraka-masɔla-wɛla kura-kundi-fugbɛ anubɛ a kɔgɔ-dala-kurɛ ma.
8“Wo kɔma, wo si Fani-Bon-sɛnimɛ do ladan n ye n si sigi wo tɛma kan min. 9Wo ni Fani-Bɔn wo ladan anubɛ a fɛ-mirannu iko n bi a yirala wo la nya min.”
Allata Tɔn-Kenkirɛ Wara-Koe
(Bɔ-Koe-Iyipiti 37.1-9)
10“Wo ni kɔlɔma do bi min tɔgɛ akasiya ka kenkirɛ ladan wo la. Ala yanyɛ ni ma nunkan-nya fila ani a tala. A kɔnɛ ni ma nunkan-nya kelen ani a tala. A sɔɛ ni ma nunkan-nya kelen ani a tala. 11Wo ni sɛnɛ sa a burɛ anubɛ a kɔmɛ ma. Wo ni a da-gbole kɔrɛ ladan sɛnɛ la. 12Wo ni sɛnɛ bolo-kalama-dɛɛn nani sɔ a kin nanɛ la. Fila si to a tɔnkɔn kelan ma, filɛ si to a tɔnkɔn doi rɔ. 13Wo ni akasiya kɔlɔma fila ladan ka sɛnɛ sa wonu ma ka wonu ma a bi-kɔlɔma la. 14Wo ni a bi-kɔlɔma wonu don bolo-kalama-dɛɛn wonu tɔ kenkirɛ tɔnkɔn filɛ bɛɛ rɔ alako kenkirɛ wo si bi nya min. 15A bi-kɔlɔma wonu ni to sɛnɛ bolo-kalama-dɛɛn wonu tɔ. 16N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.
17 #
Hiburunu 9.5
“Wo ni kenkirɛ wo da-latogɔn ma sɛnɛ la. A da-latogɔn wola yanyɛ ni ma nunkan-nya fila ani a tala. A kɔnɛ ni ma nunkan-nya kelen ani a tala. 18-20Wo ni sɛnɛ gbesi ka melika filala muninyɛ ladan minnu kanbannu si kenkirɛ kuma tuwa. Wonu si to a da-latogɔn kuma a kun da filɛ la. Wo ni anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! Wo ni melikala muninyɛ anubɛ kenkirɛ da-latogɔn wonu nadan nya-kun-kelen. 21N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.” 22Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”
Biredi-Sa-Tebulu Ladan-Koe
(Bɔ-Koe-Iyipiti 37.10-16)
23“I ni akasiya kɔlɔma bi ka tebulu ladan. A yanyɛ ni ma nunkan-nya fila la, a kɔnɛ ni ma nunkan-nya kelen. A kiannu ni ma nunkan-nya kelen ani a tala la. 24I ni sɛnɛ sa tebulu wo bɛɛ ma ka sɛnɛ-mɔlɔnɛ do ladan ka a sa tebulu wo da-gbengbe ma. 25I ni sɛnɛ-mɔlɔnɛ do ladan. Sɛnɛ wo sɔɛ ni ma bolo-nɔlɔnɛ-nya kelen na ka ta wo sɔla a da-gbole kuma tala. I ni sɛnɛ-mɔlɔnɛ do nɔrɔ wo ma tala. 26Wo ni sɛnɛ bolo-kalama-dɛɛnnu sɔ a kin nanɛ la anu natugun tinɛ. Filɛ si to a tɔnkɔn kelan rɔ, filɛ doi si to a tɔnkɔn doi rɔ. 27Wo ni bolo-kalama-dɛɛnnu sɔ tebulu kian wonu na san ma a da-gbengbe wo kɔrɔ ka wonu ma a bi-kɔlɔmanu don tinɛ la. 28Wo ni akasiya kɔlɔma fila ladan ka sɛnɛ sa wonu ma ka wonu ma tebulu wo bi-kɔlɔma la. 29Wo ni sɛnɛ do bi ka a ladan piletinu na anubɛ yi-lafɛnu anubɛ panɛnu, wo si minni-sarakɛ kɛ minnu tɔ. 30#Saraka-Masɔlɛnuta Tɔnnu 24.5-8 Biredi minnu dantɛgɛnɛ nde, Mari ma, wo si to wonu sala tebulu wo kuma n ye nyɔ tuma-wo-tuma.”
Lɛnpu Ladan-Nya
(Bɔ-Koe-Iyipiti 37.17-24)
31“I ni sɛnɛ gbesi a kin na ka a ma lɛnpu la. A kuri wo, a gbaga-kuru makɛ tinɛ wo, a gbuyi minnu bi mala a bolɔnnu na wo, a tuli-kɛ-tinɛ minnu bi sɔla a bolɔn wonu kuma wo, mɔlɔnɛ do minnu manɛ iko kɔn-ferela muninyɛ wo, wo ni wonu nadan ka anu kankan anu nyɔgɔn ma nya-kun-kelen. 32Wo ni a bolon sawɛ sɔ a gbagɛ tɔnkɔn kelan rɔ. A bolon sawɛ doi ni taran a tɔnkɔn doi rɔ. Wo bɛɛsi lakofunɛ bolon wɔrɔ. 33-35Wo ni sɛnɛ-gbu nani nadan min manɛ iko kɔn-fere do ka wonu tugun yɛlɛla anu nyɔgɔn na lɛnpu gbaga-kuru makɛ tinɛ wo kan tɔ ka a bolon wɔrɛ wonu sɔ kɔn-ferela muninyɛ wonu ma a latugun tinɛ wonu tɔ. Wo ni kɔn-fere wola muninyɛ ladan sawa sawa a bolon wɔrɛ wo dama ma. 36A fere anubɛ a gbuyi anubɛ a bolɔnnu anubɛ a kuri ni ma sɛnɛ-gbesinɛ la ka anu kankan anu nyɔgɔn ma nya-kun-kelen.
37“Wo ni bolon wɔrɛ wonu yi-lafɛnu nadan sɛnɛ la anubɛ a gbagɛnu. A lamalan tinɛ wo mumɛ ni bɛn wɔrɔnfila ma. Wo ni wonu tabɛn alako anu ni waan raka anu yarɔ kilɛ la. 38Wo ni lɛnpu wo saraba-tɛgɛ-fannu nadan sɛnɛ la anubɛ a pani-talɛɛnɛnu. 39Sɛnɛ minna gbiliyɛ anubɛ yi kalɔn wɔrɛ raken, wo ni wo gbesi ka a ma lɛnpu anubɛ a fɛ-mirannu nadan-fan la. 40#Kɛwɔlɛnu 7.44; Hiburunu 8.5 Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”
Currently Selected:
Bɔ-Koe-Iyipiti 25: KCLB
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 25
25
Marita Fani-Bɔn Burɔ-Mirannu
(Bɔ-Koe-Iyipiti 35.4-9)
1Mari ya a fɔ Musa ye ko, 2“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye. 3I si n kɔ-fan minnu bira anu bolo, wo le kɛnu na, sɛnɛ wo, wodi-gbɛ wo, anubɛ silɛɛ. 4Yesekari-bilolamɛ wo, yesekara-yalafinyɛ wo, yesekara-wulenmɛ wo, anubɛ kura-nyimɛ min tɔgɛ linɛn, i ni wonu fanan bira anu bolo. Baa siyi wo, 5saga-yigi gbolo-koloni-wulan wo, anubɛ gbolo-koloni-hakikɛ do, i si wonu bira anu bolo n ye. N makoe ye kɔlɔma do la min tɔgɛ akasiya 6anubɛ tuli do min si kɛ lɛnpu rɔ anubɛ fen-suma-diyamɛ do min si kɛ kun-tiginuna dantɛgɛ-tuli anubɛ isɛnti rɔ. 7Kuru-da-gbɛlɛ do min tɔgɛ ɔnikisi, i ni wonu bira anu bolo anubɛ kuru-da-gbɛlɛ sifa donu. Kuri kɛ donu si sa saraka-masɔla-wɛla kura-kundi-fugbɛ anubɛ a kɔgɔ-dala-kurɛ ma.
8“Wo kɔma, wo si Fani-Bon-sɛnimɛ do ladan n ye n si sigi wo tɛma kan min. 9Wo ni Fani-Bɔn wo ladan anubɛ a fɛ-mirannu iko n bi a yirala wo la nya min.”
Allata Tɔn-Kenkirɛ Wara-Koe
(Bɔ-Koe-Iyipiti 37.1-9)
10“Wo ni kɔlɔma do bi min tɔgɛ akasiya ka kenkirɛ ladan wo la. Ala yanyɛ ni ma nunkan-nya fila ani a tala. A kɔnɛ ni ma nunkan-nya kelen ani a tala. A sɔɛ ni ma nunkan-nya kelen ani a tala. 11Wo ni sɛnɛ sa a burɛ anubɛ a kɔmɛ ma. Wo ni a da-gbole kɔrɛ ladan sɛnɛ la. 12Wo ni sɛnɛ bolo-kalama-dɛɛn nani sɔ a kin nanɛ la. Fila si to a tɔnkɔn kelan ma, filɛ si to a tɔnkɔn doi rɔ. 13Wo ni akasiya kɔlɔma fila ladan ka sɛnɛ sa wonu ma ka wonu ma a bi-kɔlɔma la. 14Wo ni a bi-kɔlɔma wonu don bolo-kalama-dɛɛn wonu tɔ kenkirɛ tɔnkɔn filɛ bɛɛ rɔ alako kenkirɛ wo si bi nya min. 15A bi-kɔlɔma wonu ni to sɛnɛ bolo-kalama-dɛɛn wonu tɔ. 16N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.
17 #
Hiburunu 9.5
“Wo ni kenkirɛ wo da-latogɔn ma sɛnɛ la. A da-latogɔn wola yanyɛ ni ma nunkan-nya fila ani a tala. A kɔnɛ ni ma nunkan-nya kelen ani a tala. 18-20Wo ni sɛnɛ gbesi ka melika filala muninyɛ ladan minnu kanbannu si kenkirɛ kuma tuwa. Wonu si to a da-latogɔn kuma a kun da filɛ la. Wo ni anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! Wo ni melikala muninyɛ anubɛ kenkirɛ da-latogɔn wonu nadan nya-kun-kelen. 21N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.” 22Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”
Biredi-Sa-Tebulu Ladan-Koe
(Bɔ-Koe-Iyipiti 37.10-16)
23“I ni akasiya kɔlɔma bi ka tebulu ladan. A yanyɛ ni ma nunkan-nya fila la, a kɔnɛ ni ma nunkan-nya kelen. A kiannu ni ma nunkan-nya kelen ani a tala la. 24I ni sɛnɛ sa tebulu wo bɛɛ ma ka sɛnɛ-mɔlɔnɛ do ladan ka a sa tebulu wo da-gbengbe ma. 25I ni sɛnɛ-mɔlɔnɛ do ladan. Sɛnɛ wo sɔɛ ni ma bolo-nɔlɔnɛ-nya kelen na ka ta wo sɔla a da-gbole kuma tala. I ni sɛnɛ-mɔlɔnɛ do nɔrɔ wo ma tala. 26Wo ni sɛnɛ bolo-kalama-dɛɛnnu sɔ a kin nanɛ la anu natugun tinɛ. Filɛ si to a tɔnkɔn kelan rɔ, filɛ doi si to a tɔnkɔn doi rɔ. 27Wo ni bolo-kalama-dɛɛnnu sɔ tebulu kian wonu na san ma a da-gbengbe wo kɔrɔ ka wonu ma a bi-kɔlɔmanu don tinɛ la. 28Wo ni akasiya kɔlɔma fila ladan ka sɛnɛ sa wonu ma ka wonu ma tebulu wo bi-kɔlɔma la. 29Wo ni sɛnɛ do bi ka a ladan piletinu na anubɛ yi-lafɛnu anubɛ panɛnu, wo si minni-sarakɛ kɛ minnu tɔ. 30#Saraka-Masɔlɛnuta Tɔnnu 24.5-8 Biredi minnu dantɛgɛnɛ nde, Mari ma, wo si to wonu sala tebulu wo kuma n ye nyɔ tuma-wo-tuma.”
Lɛnpu Ladan-Nya
(Bɔ-Koe-Iyipiti 37.17-24)
31“I ni sɛnɛ gbesi a kin na ka a ma lɛnpu la. A kuri wo, a gbaga-kuru makɛ tinɛ wo, a gbuyi minnu bi mala a bolɔnnu na wo, a tuli-kɛ-tinɛ minnu bi sɔla a bolɔn wonu kuma wo, mɔlɔnɛ do minnu manɛ iko kɔn-ferela muninyɛ wo, wo ni wonu nadan ka anu kankan anu nyɔgɔn ma nya-kun-kelen. 32Wo ni a bolon sawɛ sɔ a gbagɛ tɔnkɔn kelan rɔ. A bolon sawɛ doi ni taran a tɔnkɔn doi rɔ. Wo bɛɛsi lakofunɛ bolon wɔrɔ. 33-35Wo ni sɛnɛ-gbu nani nadan min manɛ iko kɔn-fere do ka wonu tugun yɛlɛla anu nyɔgɔn na lɛnpu gbaga-kuru makɛ tinɛ wo kan tɔ ka a bolon wɔrɛ wonu sɔ kɔn-ferela muninyɛ wonu ma a latugun tinɛ wonu tɔ. Wo ni kɔn-fere wola muninyɛ ladan sawa sawa a bolon wɔrɛ wo dama ma. 36A fere anubɛ a gbuyi anubɛ a bolɔnnu anubɛ a kuri ni ma sɛnɛ-gbesinɛ la ka anu kankan anu nyɔgɔn ma nya-kun-kelen.
37“Wo ni bolon wɔrɛ wonu yi-lafɛnu nadan sɛnɛ la anubɛ a gbagɛnu. A lamalan tinɛ wo mumɛ ni bɛn wɔrɔnfila ma. Wo ni wonu tabɛn alako anu ni waan raka anu yarɔ kilɛ la. 38Wo ni lɛnpu wo saraba-tɛgɛ-fannu nadan sɛnɛ la anubɛ a pani-talɛɛnɛnu. 39Sɛnɛ minna gbiliyɛ anubɛ yi kalɔn wɔrɛ raken, wo ni wo gbesi ka a ma lɛnpu anubɛ a fɛ-mirannu nadan-fan la. 40#Kɛwɔlɛnu 7.44; Hiburunu 8.5 Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kuranko Common Language Bible © The Bible Society in Sierra Leone, 2006.