ZAKARIA 8
8
Mwami Nyasaye Yalaaka Alakasitsa Yerusalemi
1Mwami Nyasaye wi Mikaanda Chiliihe yambolela, 2“Nzikombanga nu mwoyo kwosi khukhonya litaala likali lia Sayoni, shichila nayaanza muno vandu vamenya mulio, vuyaanzi vuchilanga nimbukulila vurima vatsiku veve. 3Niitsa khukalukha Sayoni khandi menye mu Yerusalemi. Litaala likali lia Yerusalemi liliitsa khulaangwa Litaala likali liu Vusuuvilwa, khandi shikulu shiu Mwami Nyasaye wi Mikaanda Chiliihe shilitsa khulaangwa Shikulu Shitakatifu. 4Vandu vasakhula, vasatsa nende vashele valiitsa khwikhala khandi mu tsinjila tsi litaala likali lia Yerusalemi, shia mulala nachendelanga indovoshi shichila vusakhulu. 5Vaana vi shiyayi nende vi shikhana valiitsa khwitsula mu tsinjila tsi litaala likali, nivakholelamu mivaayo.
6“Khali niiva shikaliitsa khuva matoro khu vandu valiitsa khuva nivarikale mumatukhu kenako, kaliitsa khuvula khuva matoro khwinzi Mwami Nyasaye wi Mikaanda Chiliihe. 7Niitsa khuhonyinya vandu vaanje khurula mu vivala khuluveka luli ivukwi nende imbo, 8nu khuvakalushitsa khumenya mu Yerusalemi. Valiitsa khuva vandu vaanje, ninzi mbe Nyasaye wavo, khuvirila mu vusuuvilwa khandi mu likhola liu vulunji.”
9Mwami Nyasaye wi Mikaanda Chiliihe avoolanga, “Muve ni ikholo munyi voosi va mwahulilakhu vwangu yuvu makhuva ka vaprofeti valomoloma khulondokhana khuli musinji kwi Litempeli, nili inzu yu Mwami Nyasaye wi Mikaanda Chiliihe kwalwa. 10Matukhu kenako nikashili khutukha, vandu shivakholanga muhinzilu khulu khurungwa inoho mirungu shichialiho khu tsinyama tawe. Khali mundu avulakhuho wali wamenya mu milembe khurula khu mutsiku wewe. 11Navutswa nunundi shinzitsanga khukhola vandu varikala mu vandu vaanje, ka navakholakhu muliraanga tawe. 12Valiitsa khuraaka viraakwa viavo mu milembe; musabibu kuliitsa khwama matunda kako, viraakwa viliitsa khumeela mu malova, khandi imbula ilikhuva khurula mwikulu; niitsa khukasitsa vandu vaanje varikala ni vindu yivi viosi. 13Munyi vandu va Yuda nende Israeli, lwa mwakwa khuli shimanyilu shi shilaamo khu vandu vi tsimbia tsindi, nzitsanga khumuhonyinya, khandi mulilerela vandi tsikhaavi. Muvuli khuria, navutswa mutinyi ikholo.”
14Mwami Nyasaye wi Mikaanda Chiliihe avoolanga, “Lwa nali ninaviritsa khumulerela matiinyu, lwa vakuuka venyu vachila nimbukula vurima, navutswa nimbula khumusemeha, 15mbiritsi nunundi khukhola malahi khu Yerusalemi khandi khu vandu vi inzu ya Yuda. Muvuli khuria. 16Yivi navio vindu via mwenyekhanga mukhole: Muvoolele veshie katoto, khuvula khwivihonela, lwa muvayaalanga mushiina, navutswa vamenye mu milembe. 17Muvuli khukanakanila veshie vutamanu inoho khwisuuha mu vuvehi; shichila nako ka nambakhana. Inzi Mwami Nyasaye mali khuvoola.”
18Mwami Nyasaye wi Mikaanda Chiliihe yambolela, 19“Matukhu ku khuhonga vuchila khulia khu mweli kwa khane, kwa kharanu, kwa saba, nende kwi likhomi. Nachio chitsitsanga khukwa tsinyinga tsi milukha chiu vuyaanzi nende lisangala khu vandu vi inzu ya Yuda. Khulwa yako, muyaanze katoto nende milembe.”
20Mwami Nyasaye wi Mikaanda Chiliihe avoolanga, “Vandu vanyishi halala na yavo vamenyanga mu mataala manyishi valiitsa khandi khwitsa; 21khandi vandu vi litaala lilala valiitsa khuhamila mu litaala lindi, nivavoola, ‘Hambi khutsi khureeva inganakani khurula khu Mwami Nyasaye, khandi khukhava Mwami Nyasaye wi Mikaanda Chiliihe; khali inzi mwene nzitsayo.’ 22Vandu vanyishi nende tsimbia tsi tsingulu valiitsa khukhava Mwami Nyasaye wi Mikaanda Chiliihe mu Yerusalemi, nu khureeveshitsa tsikhaavi khurula khu Mwami Nyasaye wi Mikaanda Chiliihe. 23Mumatukhu kenako, vandu likhomi khurula mu vandu vi tsimbia tsiosi tsilomolomanga tsinomonomo tsinyishi lukanu valiitsa khuvuuna ikaanzu indala yu Muyahudi mulala nivavoola, ‘Chendi khumuheeleshitsi, shichila khumali khuhulila ndi Nyasaye ali na munyi.’ ”
Currently Selected:
ZAKARIA 8: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
ZAKARIA 8
8
Mwami Nyasaye Yalaaka Alakasitsa Yerusalemi
1Mwami Nyasaye wi Mikaanda Chiliihe yambolela, 2“Nzikombanga nu mwoyo kwosi khukhonya litaala likali lia Sayoni, shichila nayaanza muno vandu vamenya mulio, vuyaanzi vuchilanga nimbukulila vurima vatsiku veve. 3Niitsa khukalukha Sayoni khandi menye mu Yerusalemi. Litaala likali lia Yerusalemi liliitsa khulaangwa Litaala likali liu Vusuuvilwa, khandi shikulu shiu Mwami Nyasaye wi Mikaanda Chiliihe shilitsa khulaangwa Shikulu Shitakatifu. 4Vandu vasakhula, vasatsa nende vashele valiitsa khwikhala khandi mu tsinjila tsi litaala likali lia Yerusalemi, shia mulala nachendelanga indovoshi shichila vusakhulu. 5Vaana vi shiyayi nende vi shikhana valiitsa khwitsula mu tsinjila tsi litaala likali, nivakholelamu mivaayo.
6“Khali niiva shikaliitsa khuva matoro khu vandu valiitsa khuva nivarikale mumatukhu kenako, kaliitsa khuvula khuva matoro khwinzi Mwami Nyasaye wi Mikaanda Chiliihe. 7Niitsa khuhonyinya vandu vaanje khurula mu vivala khuluveka luli ivukwi nende imbo, 8nu khuvakalushitsa khumenya mu Yerusalemi. Valiitsa khuva vandu vaanje, ninzi mbe Nyasaye wavo, khuvirila mu vusuuvilwa khandi mu likhola liu vulunji.”
9Mwami Nyasaye wi Mikaanda Chiliihe avoolanga, “Muve ni ikholo munyi voosi va mwahulilakhu vwangu yuvu makhuva ka vaprofeti valomoloma khulondokhana khuli musinji kwi Litempeli, nili inzu yu Mwami Nyasaye wi Mikaanda Chiliihe kwalwa. 10Matukhu kenako nikashili khutukha, vandu shivakholanga muhinzilu khulu khurungwa inoho mirungu shichialiho khu tsinyama tawe. Khali mundu avulakhuho wali wamenya mu milembe khurula khu mutsiku wewe. 11Navutswa nunundi shinzitsanga khukhola vandu varikala mu vandu vaanje, ka navakholakhu muliraanga tawe. 12Valiitsa khuraaka viraakwa viavo mu milembe; musabibu kuliitsa khwama matunda kako, viraakwa viliitsa khumeela mu malova, khandi imbula ilikhuva khurula mwikulu; niitsa khukasitsa vandu vaanje varikala ni vindu yivi viosi. 13Munyi vandu va Yuda nende Israeli, lwa mwakwa khuli shimanyilu shi shilaamo khu vandu vi tsimbia tsindi, nzitsanga khumuhonyinya, khandi mulilerela vandi tsikhaavi. Muvuli khuria, navutswa mutinyi ikholo.”
14Mwami Nyasaye wi Mikaanda Chiliihe avoolanga, “Lwa nali ninaviritsa khumulerela matiinyu, lwa vakuuka venyu vachila nimbukula vurima, navutswa nimbula khumusemeha, 15mbiritsi nunundi khukhola malahi khu Yerusalemi khandi khu vandu vi inzu ya Yuda. Muvuli khuria. 16Yivi navio vindu via mwenyekhanga mukhole: Muvoolele veshie katoto, khuvula khwivihonela, lwa muvayaalanga mushiina, navutswa vamenye mu milembe. 17Muvuli khukanakanila veshie vutamanu inoho khwisuuha mu vuvehi; shichila nako ka nambakhana. Inzi Mwami Nyasaye mali khuvoola.”
18Mwami Nyasaye wi Mikaanda Chiliihe yambolela, 19“Matukhu ku khuhonga vuchila khulia khu mweli kwa khane, kwa kharanu, kwa saba, nende kwi likhomi. Nachio chitsitsanga khukwa tsinyinga tsi milukha chiu vuyaanzi nende lisangala khu vandu vi inzu ya Yuda. Khulwa yako, muyaanze katoto nende milembe.”
20Mwami Nyasaye wi Mikaanda Chiliihe avoolanga, “Vandu vanyishi halala na yavo vamenyanga mu mataala manyishi valiitsa khandi khwitsa; 21khandi vandu vi litaala lilala valiitsa khuhamila mu litaala lindi, nivavoola, ‘Hambi khutsi khureeva inganakani khurula khu Mwami Nyasaye, khandi khukhava Mwami Nyasaye wi Mikaanda Chiliihe; khali inzi mwene nzitsayo.’ 22Vandu vanyishi nende tsimbia tsi tsingulu valiitsa khukhava Mwami Nyasaye wi Mikaanda Chiliihe mu Yerusalemi, nu khureeveshitsa tsikhaavi khurula khu Mwami Nyasaye wi Mikaanda Chiliihe. 23Mumatukhu kenako, vandu likhomi khurula mu vandu vi tsimbia tsiosi tsilomolomanga tsinomonomo tsinyishi lukanu valiitsa khuvuuna ikaanzu indala yu Muyahudi mulala nivavoola, ‘Chendi khumuheeleshitsi, shichila khumali khuhulila ndi Nyasaye ali na munyi.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013