ZAKARIA 1
1
Vaisraeli Vavoolelwa Vikanile
1Khu mweli kwa munane, khumuhika kwa khavili, lwa Dario yali nali Mwami wa Perisia, Mwami Nyasaye yavoolela Muprofeti Zakaria mwana wa Berekia, nali mukuuka wa Ido, 2“Inzi Mwami Nyasaye ndi nu vurima na vakuuka venyu. 3Navutswa muvoolelanga: Mukalushi khwinzi Mwami Nyasaye wi Mikaanda Chiliihe, ninzi niitsa khukalukha khu munyi.” 4Muvuli khulonda mwiima kwa vakuuka venyu, va vaprofeti vavoolela, “Mulekhane ni likhola lienyu litamanu nende miima mitamanu. Navutswa vambakhana khumbulishitsa inoho khulonda malako kaanje. 5Ni hena ha vakuuka venyu vali? Khali vaprofeti, vanyala khuva vali mwoyo mihika ni mihika? 6Navutswa vakuuka venyu vambakhana khulonda mechitso nende malako kaanje, ka vavoolelwa na varumishi vaanje, nivali vaprofeti. Vikanila nivavoola havulavu ndi inzi Mwami Nyasaye wi Mikaanda Chiliihe neye wa vasalilitsa khuli kenyekhananga.”
Malolo khu Tsifarasi
7Khulitukhu lia makhomi kavili na kane liu mweli kwi likhomi nu mulala, nu kuli mweli kwa Shebati, khumuhika kwa khavili muliamiha liu Mwami Dario, Mwami Nyasaye yambolela likhuva mu malolo ningoni. 8Nalola mu vutukhu malolo ningoni mundu nahilanga ifarasi imuuchi. Yali nasinjile mu misala chi mihatasi mu luhoongo. Tsifarasi tsimuuchi, tsiu vutavala nende tsindavu tsiali inyuma wewe. 9Namureeva, “Yivi mwami, ni shina shi tsifarasi yitsi tsimanyinyanga?”
Injelosi yalomoloma khwinzi yanjipa, “Nzitsanga khukhumanyinya shi tsifarasi yitsi tsimanyinyanga.” 10Nalwo lwa mundu wali nasinjile mu misala chi mihatasi yavoola, “Natsio tsiu Mwami Nyasaye yaruma khwitsa khurunishitsa kikholekhanga khulilova.”
11Nalwo lwi tsifarasi tsienetso tsialomoloma ni injelosi yu Mwami Nyasaye yali nisinjile mu misala chi mihatasi, “Khuchendi shia havundu hosi nu khurunishitsa kikholekhanga khulilova, makhunyoli ndi milembe chili shia havundu hosi khulilova.”
12Nalwo lwa injelosi yu Mwami Nyasaye yavoola, “Mwami Nyasaye wi Mikaanda Chiliihe, nu luhono shina lwa utsitsanga khuvula khuvela tsimbavasi litaala likali lia Yerusalemi nende mataala ka Yuda, ka walolela vurima khumihika saba yichi?”
13Mwami Nyasaye yavoolela injelosi yali nilomolome khwinzi makhuva malahi kukhuchileminya mwoyo. 14Khulwa yako, injelosi yeneyo yambolela, “Mwami Nyasaye wi Mikaanda Chiliihe avoolanga, ‘Ndi nu vuyaanzi mu mwoyo kwanje shichila Yerusalemi khandi shichila Sayoni. 15Navutswa ndi nu vurima khu vandu vi tsimbia tsimenyanga mu milembe; shichila lwa nali nindi nu vurima hati vutswa, vatsililila khumeeta matiinyu. 16Khulwa yako, mali khukalukha ni tsimbavasi mu Yerusalemi; Litempeli lianje liliitsa khumbakhwamu; ikavilo iliitsa khupimwa khuraanjitsa vumbashi vuyia mu Yerusalemi.’ ”
17Injelosi yambolela khandi mbole, “Mwami Nyasaye wi Mikaanda Chiliihe avoolanga: Mataala kaanje kaliitsa khuva khandi nu vuhinda vunyishi; Inzi Mwami Nyasaye niitsa khuleminya mwoyo litaala likali lia Sayoni, mandovole khandi mwene Yerusalemi khuva litaala likali lianje.”
Malolo khu Tsinzika
18Naheenza ikulu nindola tsinzika tsine! 19Nareeva injelosi yali nilomolome khwinzi, “Ni vindu shina yivi?”
Injelosi yeneyo yanjipa, “Ni tsinzika tsiasalanyinya vandu va Yuda, Israeli, nende Yerusalemi.”
20Nalwo lwa Mwami Nyasaye yamanyinya vandu vane, nivali viraanyi vi vivia. 21Nalwo lwa nareeva, “Ni shina shia vitsi khukhola?”
Mwami Nyasaye yachipa, “Vitsi khutechelitsa nu khutivitsa vandu vi tsimbia tsiativitsa shivala shia Yuda, nivasalanyinya vandu vamenyanga mushio.”
Currently Selected:
ZAKARIA 1: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
ZAKARIA 1
1
Vaisraeli Vavoolelwa Vikanile
1Khu mweli kwa munane, khumuhika kwa khavili, lwa Dario yali nali Mwami wa Perisia, Mwami Nyasaye yavoolela Muprofeti Zakaria mwana wa Berekia, nali mukuuka wa Ido, 2“Inzi Mwami Nyasaye ndi nu vurima na vakuuka venyu. 3Navutswa muvoolelanga: Mukalushi khwinzi Mwami Nyasaye wi Mikaanda Chiliihe, ninzi niitsa khukalukha khu munyi.” 4Muvuli khulonda mwiima kwa vakuuka venyu, va vaprofeti vavoolela, “Mulekhane ni likhola lienyu litamanu nende miima mitamanu. Navutswa vambakhana khumbulishitsa inoho khulonda malako kaanje. 5Ni hena ha vakuuka venyu vali? Khali vaprofeti, vanyala khuva vali mwoyo mihika ni mihika? 6Navutswa vakuuka venyu vambakhana khulonda mechitso nende malako kaanje, ka vavoolelwa na varumishi vaanje, nivali vaprofeti. Vikanila nivavoola havulavu ndi inzi Mwami Nyasaye wi Mikaanda Chiliihe neye wa vasalilitsa khuli kenyekhananga.”
Malolo khu Tsifarasi
7Khulitukhu lia makhomi kavili na kane liu mweli kwi likhomi nu mulala, nu kuli mweli kwa Shebati, khumuhika kwa khavili muliamiha liu Mwami Dario, Mwami Nyasaye yambolela likhuva mu malolo ningoni. 8Nalola mu vutukhu malolo ningoni mundu nahilanga ifarasi imuuchi. Yali nasinjile mu misala chi mihatasi mu luhoongo. Tsifarasi tsimuuchi, tsiu vutavala nende tsindavu tsiali inyuma wewe. 9Namureeva, “Yivi mwami, ni shina shi tsifarasi yitsi tsimanyinyanga?”
Injelosi yalomoloma khwinzi yanjipa, “Nzitsanga khukhumanyinya shi tsifarasi yitsi tsimanyinyanga.” 10Nalwo lwa mundu wali nasinjile mu misala chi mihatasi yavoola, “Natsio tsiu Mwami Nyasaye yaruma khwitsa khurunishitsa kikholekhanga khulilova.”
11Nalwo lwi tsifarasi tsienetso tsialomoloma ni injelosi yu Mwami Nyasaye yali nisinjile mu misala chi mihatasi, “Khuchendi shia havundu hosi nu khurunishitsa kikholekhanga khulilova, makhunyoli ndi milembe chili shia havundu hosi khulilova.”
12Nalwo lwa injelosi yu Mwami Nyasaye yavoola, “Mwami Nyasaye wi Mikaanda Chiliihe, nu luhono shina lwa utsitsanga khuvula khuvela tsimbavasi litaala likali lia Yerusalemi nende mataala ka Yuda, ka walolela vurima khumihika saba yichi?”
13Mwami Nyasaye yavoolela injelosi yali nilomolome khwinzi makhuva malahi kukhuchileminya mwoyo. 14Khulwa yako, injelosi yeneyo yambolela, “Mwami Nyasaye wi Mikaanda Chiliihe avoolanga, ‘Ndi nu vuyaanzi mu mwoyo kwanje shichila Yerusalemi khandi shichila Sayoni. 15Navutswa ndi nu vurima khu vandu vi tsimbia tsimenyanga mu milembe; shichila lwa nali nindi nu vurima hati vutswa, vatsililila khumeeta matiinyu. 16Khulwa yako, mali khukalukha ni tsimbavasi mu Yerusalemi; Litempeli lianje liliitsa khumbakhwamu; ikavilo iliitsa khupimwa khuraanjitsa vumbashi vuyia mu Yerusalemi.’ ”
17Injelosi yambolela khandi mbole, “Mwami Nyasaye wi Mikaanda Chiliihe avoolanga: Mataala kaanje kaliitsa khuva khandi nu vuhinda vunyishi; Inzi Mwami Nyasaye niitsa khuleminya mwoyo litaala likali lia Sayoni, mandovole khandi mwene Yerusalemi khuva litaala likali lianje.”
Malolo khu Tsinzika
18Naheenza ikulu nindola tsinzika tsine! 19Nareeva injelosi yali nilomolome khwinzi, “Ni vindu shina yivi?”
Injelosi yeneyo yanjipa, “Ni tsinzika tsiasalanyinya vandu va Yuda, Israeli, nende Yerusalemi.”
20Nalwo lwa Mwami Nyasaye yamanyinya vandu vane, nivali viraanyi vi vivia. 21Nalwo lwa nareeva, “Ni shina shia vitsi khukhola?”
Mwami Nyasaye yachipa, “Vitsi khutechelitsa nu khutivitsa vandu vi tsimbia tsiativitsa shivala shia Yuda, nivasalanyinya vandu vamenyanga mushio.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013