MARIKO 2
2
Yesu Yahonyinya Mundu Wafwokoya
(Mat 9:1-8; Luka 5:17-26)
1Matukhu mati nikakhavira, Yesu yakalukha mu litaala lia Kaperenamu, ma makhuva nikalanda ali hango. 2Vandu vanyishi vakanila halala, ma vwiyangu nuvuvula khurikalakhu khali ha muliango. Yesu yali navilwatsilanga likhuva. 3Vandu vane vitsa, nivachinji mundu wafwokoya, nivamuleranga khu Yesu. 4Lwa vakhaywa khutukha himbi khu Yesu, shichila shituma shia vandu, vasambula induhu ingali mushisechese ha Yesu yali nali. Lwa vali nivakhasambula, vishitsilaho mundu mwenoyo, nakoni khu shiseelo shieshie. 5Lwa Yesu yalola lisuuvila lia vandu venavo vali nalio, yavoolela mundu wafwokoya, “Mwana wanje! Umali khusemehwa khurula mu vwoni vwovwo.”
6Valala khu veechitsi va Malako vali nivikhaleho varaanga khukanakana vene khuvene, nivareevana, 7“Shichila shina mundu uyu alomolomanga ndio? Yili ni linyeko khu Nyasaye! Mundu avulakhuho unyala khusemeha vwoni, nikakhali Nyasaye wonyene.”
8Yesu yamanya ka vali ni vakanakananga, navareeva, “Shichila shina mukanakananga vindu khuli vienevo? 9Nu vutoro khuvoolela mundu wafwokoya uyu, ‘Umali khusemehwa khurula mu vwoni vwovwo,’ inoho khumuvoolela, ‘Sinjila, vukula shiseelo shioshio, uchende’? 10Navutswa nyenyanga khumumanyinya ndi Mwana wu Mundu ali nu vunyali mu shivala vu khusemeha vandu khurula mu vwoni.” Khulwa yako, Yesu yavoolela mundu wafwokoya mwenoyo, 11“Khuvoolelanga, sinjila, vukula shiseelo shioshio, utsi ingo!”
12Lwa vali nivashiheenzanga, mundu mwenoyo yasinjila, navukula shiseelo shieshie natsia vwangu. Vandu voosi vali nilichenya nivitsominya Nyasaye, nivavoola, “Khushili khulolakhu shindu khuli yishi!”
Yesu Yalaanga Levi Amulonde
(Mat 9:9-13; Luka 5:27-32)
13Yesu yakalukha khandi khuluchinga lwi Inyanza ya Galilaya. Shituma shia vandu vatsia khuye, naraanga khuveechitsa. 14Lwa Yesu yali nachendanga, yalola musololi wu vushuru walaangwangwa Levi, mwana wa Alufayo, niyikhale mu inzu ya vasololelamu vushuru. Yesu yamuvoolela, “Nonda.” Levi yasinjila namulonda.
15Lwa Yesu yali naliitsanga shiukhulia mu inzu ya Levi, shituma shikali shia vasololi vu vushuru nende vooni valala vamulonda; ma vandu vanyishi khuvo nivasanga khulia halala na Yesu nende veechi veve. 16Vechitsi va Malako valala nivali Vafarisayo, valola Yesu naliitsanga shiukhulia na vooni nende vasololi vu vushuru, nivareeva veechi veve, “Shichila shina aliitsanga shiukhulia, halala na vandu khuli yava?”
17Lwa Yesu yahulila ndio, yavavoolela, “Vandu valamu shivanyala khwenya mushilishi tawe, navutswa yavo valwalanga vonyene. Shikali niitsa khulaanga vandu vi likhola liu vulunji tawe, navutswa vandu vooni.”
Lireevo khu Lihonga Vuchila Khulia
(Mat 9:14-17; Luka 5:33-39)
18Litukhu lindi, veechi va Yohana Mubatisi nende Vafarisayo vahonga vuchila khulia. Valala khu vandu venavo vatsia khu Yesu, nivamureeva, “Shichila shina veechi va Yohana Mubatisi nende veechi va Vafarisayo vahonganga vuchila khulia, navutswa vovo vambakhananga khuhonga vuchila khulia?”
19Yesu yavachipa, “Musuuvilanga vacheni vali mushiselelo vanyala khuhonga vuchila khulia, musatsa uselelanga mwiiha nali navo? Valiitsa khuvula khuhonga vuchila khulia, lwa musatsa uselelanga mwiiha ali navo. 20Navutswa litukhu liliitsa khutukha, lwa musatsa uselelanga mwiiha aliitsa khurulitswa khuvo; mavalihonga vuchila khulia.
21“Mundu avulakhuho unyala khuvukula shilaka shiyia khunavila khu inguvu ikhulu, shichila shilaka shiyia shinyala khwilinga khurandula inguvu ikhulu, khandi shilalomba vuranduli vukali. 22Mundu avulakhuho unyala khutsukha idivai impia mu maseelo makhulu ki idivai, shichila idivai impia ilarulaka maseelo makhulu kenako; ma viosi idivai nende maseelo viononyinywi. Nikhali, idivai impia itsukhwangwa mu maseelo ki idivai kashili mayia.”
Lireevo Khulitukhu li Lisabato
(Mat 12:1-8; Luka 6:1-5)
23Litukhu lindi, Yesu yali nachendanga nakhalakanyila mu milimi chia vali nivaraakamu inganu khulitukhu li Lisabato. Lwa vali nivachendanga, veechi veve varaanga khwamula imu khurula mu milimi chienecho. 24Khulwa yako, Vafarisayo vareeva Yesu, “Lola, veechi vovo vakholanga ka Malako keru kavoolanga kavuli khukholwa khulitukhu li Lisabato!”
25Yesu yavachipa, “Mushili khusomakhu ku Mwami Daudi yakhola mumatukhu ka ye halala na vandu va yali navo vali ni inzala nivenya shia valia? 26Daudi yinjila mu inzu ya Nyasaye nalia mukati mutakatifu. Yaka kikholekha lwa Abiatsari yali nali Mukali wa vasalisi voosi. Khulondokhana khu Malako keru, ni vasalisi vonyene vanyala khulia mukati kwenoko; navutswa Daudi yakulia khandi nahaakhu vandu va yali nali navo.”
27Yesu yavavoolela, “Litukhu li Lisabato lialombwa khukhonya mundu; navutswa mundu shiyalombwa, shichila litukhu li Lisabato tawe. 28Khulwa yako, khali Mwana wu Mundu nu Mwami wi litukhu li Lisabato.”
Currently Selected:
MARIKO 2: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MARIKO 2
2
Yesu Yahonyinya Mundu Wafwokoya
(Mat 9:1-8; Luka 5:17-26)
1Matukhu mati nikakhavira, Yesu yakalukha mu litaala lia Kaperenamu, ma makhuva nikalanda ali hango. 2Vandu vanyishi vakanila halala, ma vwiyangu nuvuvula khurikalakhu khali ha muliango. Yesu yali navilwatsilanga likhuva. 3Vandu vane vitsa, nivachinji mundu wafwokoya, nivamuleranga khu Yesu. 4Lwa vakhaywa khutukha himbi khu Yesu, shichila shituma shia vandu, vasambula induhu ingali mushisechese ha Yesu yali nali. Lwa vali nivakhasambula, vishitsilaho mundu mwenoyo, nakoni khu shiseelo shieshie. 5Lwa Yesu yalola lisuuvila lia vandu venavo vali nalio, yavoolela mundu wafwokoya, “Mwana wanje! Umali khusemehwa khurula mu vwoni vwovwo.”
6Valala khu veechitsi va Malako vali nivikhaleho varaanga khukanakana vene khuvene, nivareevana, 7“Shichila shina mundu uyu alomolomanga ndio? Yili ni linyeko khu Nyasaye! Mundu avulakhuho unyala khusemeha vwoni, nikakhali Nyasaye wonyene.”
8Yesu yamanya ka vali ni vakanakananga, navareeva, “Shichila shina mukanakananga vindu khuli vienevo? 9Nu vutoro khuvoolela mundu wafwokoya uyu, ‘Umali khusemehwa khurula mu vwoni vwovwo,’ inoho khumuvoolela, ‘Sinjila, vukula shiseelo shioshio, uchende’? 10Navutswa nyenyanga khumumanyinya ndi Mwana wu Mundu ali nu vunyali mu shivala vu khusemeha vandu khurula mu vwoni.” Khulwa yako, Yesu yavoolela mundu wafwokoya mwenoyo, 11“Khuvoolelanga, sinjila, vukula shiseelo shioshio, utsi ingo!”
12Lwa vali nivashiheenzanga, mundu mwenoyo yasinjila, navukula shiseelo shieshie natsia vwangu. Vandu voosi vali nilichenya nivitsominya Nyasaye, nivavoola, “Khushili khulolakhu shindu khuli yishi!”
Yesu Yalaanga Levi Amulonde
(Mat 9:9-13; Luka 5:27-32)
13Yesu yakalukha khandi khuluchinga lwi Inyanza ya Galilaya. Shituma shia vandu vatsia khuye, naraanga khuveechitsa. 14Lwa Yesu yali nachendanga, yalola musololi wu vushuru walaangwangwa Levi, mwana wa Alufayo, niyikhale mu inzu ya vasololelamu vushuru. Yesu yamuvoolela, “Nonda.” Levi yasinjila namulonda.
15Lwa Yesu yali naliitsanga shiukhulia mu inzu ya Levi, shituma shikali shia vasololi vu vushuru nende vooni valala vamulonda; ma vandu vanyishi khuvo nivasanga khulia halala na Yesu nende veechi veve. 16Vechitsi va Malako valala nivali Vafarisayo, valola Yesu naliitsanga shiukhulia na vooni nende vasololi vu vushuru, nivareeva veechi veve, “Shichila shina aliitsanga shiukhulia, halala na vandu khuli yava?”
17Lwa Yesu yahulila ndio, yavavoolela, “Vandu valamu shivanyala khwenya mushilishi tawe, navutswa yavo valwalanga vonyene. Shikali niitsa khulaanga vandu vi likhola liu vulunji tawe, navutswa vandu vooni.”
Lireevo khu Lihonga Vuchila Khulia
(Mat 9:14-17; Luka 5:33-39)
18Litukhu lindi, veechi va Yohana Mubatisi nende Vafarisayo vahonga vuchila khulia. Valala khu vandu venavo vatsia khu Yesu, nivamureeva, “Shichila shina veechi va Yohana Mubatisi nende veechi va Vafarisayo vahonganga vuchila khulia, navutswa vovo vambakhananga khuhonga vuchila khulia?”
19Yesu yavachipa, “Musuuvilanga vacheni vali mushiselelo vanyala khuhonga vuchila khulia, musatsa uselelanga mwiiha nali navo? Valiitsa khuvula khuhonga vuchila khulia, lwa musatsa uselelanga mwiiha ali navo. 20Navutswa litukhu liliitsa khutukha, lwa musatsa uselelanga mwiiha aliitsa khurulitswa khuvo; mavalihonga vuchila khulia.
21“Mundu avulakhuho unyala khuvukula shilaka shiyia khunavila khu inguvu ikhulu, shichila shilaka shiyia shinyala khwilinga khurandula inguvu ikhulu, khandi shilalomba vuranduli vukali. 22Mundu avulakhuho unyala khutsukha idivai impia mu maseelo makhulu ki idivai, shichila idivai impia ilarulaka maseelo makhulu kenako; ma viosi idivai nende maseelo viononyinywi. Nikhali, idivai impia itsukhwangwa mu maseelo ki idivai kashili mayia.”
Lireevo Khulitukhu li Lisabato
(Mat 12:1-8; Luka 6:1-5)
23Litukhu lindi, Yesu yali nachendanga nakhalakanyila mu milimi chia vali nivaraakamu inganu khulitukhu li Lisabato. Lwa vali nivachendanga, veechi veve varaanga khwamula imu khurula mu milimi chienecho. 24Khulwa yako, Vafarisayo vareeva Yesu, “Lola, veechi vovo vakholanga ka Malako keru kavoolanga kavuli khukholwa khulitukhu li Lisabato!”
25Yesu yavachipa, “Mushili khusomakhu ku Mwami Daudi yakhola mumatukhu ka ye halala na vandu va yali navo vali ni inzala nivenya shia valia? 26Daudi yinjila mu inzu ya Nyasaye nalia mukati mutakatifu. Yaka kikholekha lwa Abiatsari yali nali Mukali wa vasalisi voosi. Khulondokhana khu Malako keru, ni vasalisi vonyene vanyala khulia mukati kwenoko; navutswa Daudi yakulia khandi nahaakhu vandu va yali nali navo.”
27Yesu yavavoolela, “Litukhu li Lisabato lialombwa khukhonya mundu; navutswa mundu shiyalombwa, shichila litukhu li Lisabato tawe. 28Khulwa yako, khali Mwana wu Mundu nu Mwami wi litukhu li Lisabato.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013