MATAYO 24
24
Yesu Yalomoloma khu Lipomolwa li Litempeli
(Mk 13:1-2; Luka 21:5-6)
1Lwa Yesu yali narulanga mu Litempeli, veechi veve vamumanyinya miumbakho chi Litempeli. 2Navutswa yavavoolela, “Mulolanga vindu yivi viosi? Muvoolelanga kilikali ndi khali lichina livulakhuho lilala khu machina yaka liliitsa khurikala nilicheleshe khu lindi. Kosi kaliitsa khusiuvwa hasi.”
Vutiinyu nende Litambitswa
(Mk 13:3-13; Luka 21:7-19)
3Lwa Yesu yali niyikhale khu Shikulu shia Misayituni, veechi veve vatsia khuye muvwivisi; nivareeva, “Khuvoolele, inyinga ya vindu yivi viliitsa khwikholekha. Ni shina shiliitsa khuva shimanyilu shiu khwitsa khwokhwo nende matukhu ki shiheeli?” 4Yesu yavachipa, “Muve vacheli; muvuli khukaatwa nu mundu. 5Vandu vanyishi valiitsa khwitsa khuvirila mu lira lianje, nivavoola, ‘Ninzi Masiha,’ khandi valiitsa khukoritsa vanyishi. 6Muliitsa khuhulila maahe khandi makhuva khulondokhana khu liihe ihale wene; navutswa muvuli khunyakhana mu mwoyo. Vindu khuli vienevo khutukha viliitsa khuraanga khwikholekha; navutswa shikamanyinyanga shiheeli shiliitsa khuva nishili himbi khutukha tawe. 7Luhia luliitsa khukwana luhia lundi; khandi vwami vuliitsa khwinjilila vwami vundi. Khuliitsa khuva ni inzala nende khutechela khwi shivala shia havundu hosi. 8Vindu yivi viosi viliitsa khuva khuli isalila yu mukhali wenyanga khwivula mwana wu khuraanga ahulilanga.
9“Valiitsa khumukumila, mamuhaanwi khu vandu valiitsa khumusalilitsa nu khumwiira. Vandu voosi mu shivala valiitsa khumuhima, shichila lira lianje. 10Vandu vanyishi valiitsa khulekha khulonda lisuuvila liavo mumatukhu kenako. Valiitsa khutsamana nu khuhimana vene khuvene. 11Vaprofeti vanyishi vu vuvehi valiitsa khulolekha khandi valiitsa khukoyanyinya vanyishi. 12Vandu vanyishi valiitsa khutsililila khukhola vindu vinyishi vitamanu shia havundu hosi; khandi vanyishi valiitsa khuvula khuyaanza veshie khuli kenyekhanga. 13Navutswa mundu uliitsa khwitsumishitsa khutukha khulitukhu liukhumalilikha, neye uliitsa khuhonyinywa. 14Ivanjeli khulondokhana khu Vwami iliitsa khuva ya yilwatswa shia havundu hosi, khuva khuli vushiahidi khu vandu voosi mu shivala; ma matukhu ki shiheeli kalitukha.
Shindu Shitamanu Muno shiu Khutechelitsa
(Mk 13:14-23; Luka 21:20-24)
15“Muliitsa khulola ‘Shindu Shitamanu Muno shiu khutechelitsa’ shiu Muprofeti Danieli yavoola, nishisinjile Havundu Hatakatifu.” (Usoma amanye shia kavoolanga) 16“Yavo vali mu lusomo lwa Yudeya valiitsa khwilukha khutsia mu vikulu. 17Mundu uli khu shisechese shi inzu yeye, akhikha khutsia khuvukula vindu vili munzu mwemwe tawe; 18mundu uli mu mulimi akhakalukha khuvukula inguvu yeye tawe. 19Vuliitsa khuva vutiinyu muno mumatukhu kenako khu vakhali vaheelitsa nende vanunyinyanga vaana vatoro! 20Musaale khu Nyasaye muvuli khwilukha mumatukhu ku vushindu, inoho khulitukhu li Lisabato. 21Mumatukhu kenako, khuliitsa khuva nu vutiinyu vunyishi muno khuvira vutamanu vwosi vwalikhuho, khurula shivala nishiloongwa khutukha nunundi. Inoho shiukhuliitsa khuvakhuho nu vutiinyu khuli vwo khandi tawe. 22Navutswa Nyasaye wamala khuchehitsa matukhu kenako; niiva yakhavuli khukachehitsa, mundu avulakhuho wakhahonyinywi. Navutswa shichila vandu veve va yarovola, matukhu kenako kaliitsa khuchehitswa.
23“Niiva mundu aliitsa khumuvoolela, ‘Lola, Masiha ali hanu!’ Inoho ‘Ali yeyo!’ Muvuli khumusuuvila. 24Masiha vu vuvehi nende vaprofeti vu vuvehi valiitsa khulolekha; khandi valiitsa khukhola viloleshitsu nende vindu viu khuchenyinya khu vakoritsi vandu va Nyasaye yarovola, niiva kalanyalikhana. 25Loli! Mali khumuvoolela makhuva kenako matukhu kenako nikashili khutukha.
26“Khulwa yako, niiva vandu valiitsa khumuvoolela, ‘Loli, ali mu shiangalangwi!’—muvuli khutsiayo; inoho nivavoola, ‘Loli, wivisi isiisi munzu!’—muvuli khuvasuuvila. 27Mwana wu Mundu aliitsa khwitsa khuli luheni luhemukhanga mu malesi khurula ivukwi khutukha imbo. 28Wa mmbili kwi shindu shiakhutsa shili, naho wi vilitsa viakanilanga halala.
Khwitsa khu Mwana wu Mundu
(Mk 13:24-27; Luka 21:25-28)
29“Nukhumali vwangu vutiinyu vwa matukhu kenako, liuva liliitsa khumwama, khandi mweli kuliitsa khutsima khwakha; tsinyining'ini tsiliitsa khwakukha khurula mu malesi khandi tsingulu tsiu mwikulu tsiliitsa khunuyanyinywa mu makono katsio. 30Mumatukhu kenako, shimanyilu shiu Mwana wa Mundu shilitsa khulolekha mu malesi; khandi vandu vi tsimbia tsiosi khulilova valiitsa khulila, lwa valiitsa khulola Mwana wu Mundu niyitsanga mu malesi ku mwikulu ni tsingulu nende vukhumi vu khuchenyinya. 31Aliitsa khuruma tsingelosi tsietsie nu mulaango kwi shisiliva; natsio tsiliitsa khuvunjelitsa halala vandu veve va yarovola khurula mu tsimbeka tsiosi tsine tsiu khulilova.
Liechitso khu Musala ku Mukhuyu
(Mk 13:28-31; Luka 21:29-33)
32“Yechi nunundi liechitso yili khu musala ku mukhuyu. Lwa tsisia tsiakwo tsivetsanga nitsili tsimbisi khandi tsinyelele, musala kwenoko kuraanganga khwamulukha masambu khandi mumanya shimiyu shili himbi khutukha. 33Munjila indala yeneyo, lwa muliitsa khulola vindu yivi viosi nivikholekhanga, nalwo lwa muliitsa khumanya ndi inyinga yakhava himbi khutukha. 34Muvoolelanga kilikali ndi vindu yivi viosi viliitsa khwikholekha likhula yili liosi lia vandu vali mwoyo nunundi nilishili khurulaho. 35Likulu nende lilova viliitsa khurulaho, navutswa makhuva kaanje kaliitsa khuvula khurulaho.
Mundu Avulakhuho Wamanya Litukhu Inoho Isaa
(Mk 13:32-37; Luka 17:26-30,34-36)
36“Mundu avulakhuho wamanya litukhu, inoho isaa, khali tsinjelosi tsiu mwikulu, inoho Mwana; navutswa Tata wonyene neye wamanya. 37Khuli kikholekha mumatukhu ka Nuhu, nindio khandi Mwana wu Mundu aliitsa khwitsa. 38Mumatukhu ka imbula yi michelelo chia matsi yali nishili khukhuva, vandu valia nivang'wa. Vandu vasatsa nende vakhali vahilana, khutukha khulitukhu lia Nuhu yinjila mu liaro; 39khandi vali vakorwa katsitsanga khwikholekha michelelo chia matsi nichishili khwitsa khuvahilana. Nindio khandi kaliitsa khwikholekha lwa Mwana wu Mundu aliitsa khwitsa. 40Vandu vavili valiitsa khuva nivahinzilanga mu mulimi; mulala aliitsa khuvukulwa na wundi khulekhwa inyuma. 41Vakhali vavili valiitsa khuva nivasietsanga vusi khu lichina liu khusielelakhu; mulala aliitsa khuvukulwa na wundi khulekhwa inyuma.
42“Khulwa yako, muheenzeshitsi, shichila mwakorwa litukhu liu Mwami wenyu aliitsa khwitsa. 43Navutswa khutukha mumanye ndi niiva mwene inzu yakhamanyi isaa shina ya shihuuvi shitsanga, yakhaheenzeshitsi vuchila khulekha inzu yeye khupomolwa. 44Khulwa yako, mwirecheshe, shichila Mwana wu Mundu aliitsa khwitsa isaa yamwakorwa.
Murumishi Musuuvilwa Inoho Wambakhana khuva Musuuvilwa
(Luka 12:41-48)
45“Ni viina murumishi uli musuuvilwa khandi uli nu vusitsa? Nu murumishi wu muruchi wewe yaha vunyali vu khusinjilila vandu vi inzu yeye, khuvaha shia valia mumatukhu kenyekhanga. 46Niiva muruchi aliitsa khukalukha khandi anyole murumishi nakholanga ndio, murumishi mwenoyo alanyola murungu. 47Muvoolelanga kilikali ndi muruchi woyo aliitsa khumuha vunyali vu khusinjilila miandu chiechie chiosi. 48Navutswa niiva murumishi mwenoyo nu mutamanu, khandi akanakane navoola, ‘Muruchi wanje ucheleve khukalukha,’ 49maraanje khushuta varumishi veshie, khandi khulia nu khung'wa halala na vatandi; 50muruchi wu murumishi mwenoyo aliitsa khukalukha khulitukhu liu murumishi mwenoyo yakorwa khandi isaa ya yakorwa. 51Muruchi mwenoyo aliitsa khumusalilitsa, khandi amure havundu halala na vandu vikhola kholanga khuva valunji. Vandu valiitsa khulililayo nu khwikhula.
Currently Selected:
MATAYO 24: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MATAYO 24
24
Yesu Yalomoloma khu Lipomolwa li Litempeli
(Mk 13:1-2; Luka 21:5-6)
1Lwa Yesu yali narulanga mu Litempeli, veechi veve vamumanyinya miumbakho chi Litempeli. 2Navutswa yavavoolela, “Mulolanga vindu yivi viosi? Muvoolelanga kilikali ndi khali lichina livulakhuho lilala khu machina yaka liliitsa khurikala nilicheleshe khu lindi. Kosi kaliitsa khusiuvwa hasi.”
Vutiinyu nende Litambitswa
(Mk 13:3-13; Luka 21:7-19)
3Lwa Yesu yali niyikhale khu Shikulu shia Misayituni, veechi veve vatsia khuye muvwivisi; nivareeva, “Khuvoolele, inyinga ya vindu yivi viliitsa khwikholekha. Ni shina shiliitsa khuva shimanyilu shiu khwitsa khwokhwo nende matukhu ki shiheeli?” 4Yesu yavachipa, “Muve vacheli; muvuli khukaatwa nu mundu. 5Vandu vanyishi valiitsa khwitsa khuvirila mu lira lianje, nivavoola, ‘Ninzi Masiha,’ khandi valiitsa khukoritsa vanyishi. 6Muliitsa khuhulila maahe khandi makhuva khulondokhana khu liihe ihale wene; navutswa muvuli khunyakhana mu mwoyo. Vindu khuli vienevo khutukha viliitsa khuraanga khwikholekha; navutswa shikamanyinyanga shiheeli shiliitsa khuva nishili himbi khutukha tawe. 7Luhia luliitsa khukwana luhia lundi; khandi vwami vuliitsa khwinjilila vwami vundi. Khuliitsa khuva ni inzala nende khutechela khwi shivala shia havundu hosi. 8Vindu yivi viosi viliitsa khuva khuli isalila yu mukhali wenyanga khwivula mwana wu khuraanga ahulilanga.
9“Valiitsa khumukumila, mamuhaanwi khu vandu valiitsa khumusalilitsa nu khumwiira. Vandu voosi mu shivala valiitsa khumuhima, shichila lira lianje. 10Vandu vanyishi valiitsa khulekha khulonda lisuuvila liavo mumatukhu kenako. Valiitsa khutsamana nu khuhimana vene khuvene. 11Vaprofeti vanyishi vu vuvehi valiitsa khulolekha khandi valiitsa khukoyanyinya vanyishi. 12Vandu vanyishi valiitsa khutsililila khukhola vindu vinyishi vitamanu shia havundu hosi; khandi vanyishi valiitsa khuvula khuyaanza veshie khuli kenyekhanga. 13Navutswa mundu uliitsa khwitsumishitsa khutukha khulitukhu liukhumalilikha, neye uliitsa khuhonyinywa. 14Ivanjeli khulondokhana khu Vwami iliitsa khuva ya yilwatswa shia havundu hosi, khuva khuli vushiahidi khu vandu voosi mu shivala; ma matukhu ki shiheeli kalitukha.
Shindu Shitamanu Muno shiu Khutechelitsa
(Mk 13:14-23; Luka 21:20-24)
15“Muliitsa khulola ‘Shindu Shitamanu Muno shiu khutechelitsa’ shiu Muprofeti Danieli yavoola, nishisinjile Havundu Hatakatifu.” (Usoma amanye shia kavoolanga) 16“Yavo vali mu lusomo lwa Yudeya valiitsa khwilukha khutsia mu vikulu. 17Mundu uli khu shisechese shi inzu yeye, akhikha khutsia khuvukula vindu vili munzu mwemwe tawe; 18mundu uli mu mulimi akhakalukha khuvukula inguvu yeye tawe. 19Vuliitsa khuva vutiinyu muno mumatukhu kenako khu vakhali vaheelitsa nende vanunyinyanga vaana vatoro! 20Musaale khu Nyasaye muvuli khwilukha mumatukhu ku vushindu, inoho khulitukhu li Lisabato. 21Mumatukhu kenako, khuliitsa khuva nu vutiinyu vunyishi muno khuvira vutamanu vwosi vwalikhuho, khurula shivala nishiloongwa khutukha nunundi. Inoho shiukhuliitsa khuvakhuho nu vutiinyu khuli vwo khandi tawe. 22Navutswa Nyasaye wamala khuchehitsa matukhu kenako; niiva yakhavuli khukachehitsa, mundu avulakhuho wakhahonyinywi. Navutswa shichila vandu veve va yarovola, matukhu kenako kaliitsa khuchehitswa.
23“Niiva mundu aliitsa khumuvoolela, ‘Lola, Masiha ali hanu!’ Inoho ‘Ali yeyo!’ Muvuli khumusuuvila. 24Masiha vu vuvehi nende vaprofeti vu vuvehi valiitsa khulolekha; khandi valiitsa khukhola viloleshitsu nende vindu viu khuchenyinya khu vakoritsi vandu va Nyasaye yarovola, niiva kalanyalikhana. 25Loli! Mali khumuvoolela makhuva kenako matukhu kenako nikashili khutukha.
26“Khulwa yako, niiva vandu valiitsa khumuvoolela, ‘Loli, ali mu shiangalangwi!’—muvuli khutsiayo; inoho nivavoola, ‘Loli, wivisi isiisi munzu!’—muvuli khuvasuuvila. 27Mwana wu Mundu aliitsa khwitsa khuli luheni luhemukhanga mu malesi khurula ivukwi khutukha imbo. 28Wa mmbili kwi shindu shiakhutsa shili, naho wi vilitsa viakanilanga halala.
Khwitsa khu Mwana wu Mundu
(Mk 13:24-27; Luka 21:25-28)
29“Nukhumali vwangu vutiinyu vwa matukhu kenako, liuva liliitsa khumwama, khandi mweli kuliitsa khutsima khwakha; tsinyining'ini tsiliitsa khwakukha khurula mu malesi khandi tsingulu tsiu mwikulu tsiliitsa khunuyanyinywa mu makono katsio. 30Mumatukhu kenako, shimanyilu shiu Mwana wa Mundu shilitsa khulolekha mu malesi; khandi vandu vi tsimbia tsiosi khulilova valiitsa khulila, lwa valiitsa khulola Mwana wu Mundu niyitsanga mu malesi ku mwikulu ni tsingulu nende vukhumi vu khuchenyinya. 31Aliitsa khuruma tsingelosi tsietsie nu mulaango kwi shisiliva; natsio tsiliitsa khuvunjelitsa halala vandu veve va yarovola khurula mu tsimbeka tsiosi tsine tsiu khulilova.
Liechitso khu Musala ku Mukhuyu
(Mk 13:28-31; Luka 21:29-33)
32“Yechi nunundi liechitso yili khu musala ku mukhuyu. Lwa tsisia tsiakwo tsivetsanga nitsili tsimbisi khandi tsinyelele, musala kwenoko kuraanganga khwamulukha masambu khandi mumanya shimiyu shili himbi khutukha. 33Munjila indala yeneyo, lwa muliitsa khulola vindu yivi viosi nivikholekhanga, nalwo lwa muliitsa khumanya ndi inyinga yakhava himbi khutukha. 34Muvoolelanga kilikali ndi vindu yivi viosi viliitsa khwikholekha likhula yili liosi lia vandu vali mwoyo nunundi nilishili khurulaho. 35Likulu nende lilova viliitsa khurulaho, navutswa makhuva kaanje kaliitsa khuvula khurulaho.
Mundu Avulakhuho Wamanya Litukhu Inoho Isaa
(Mk 13:32-37; Luka 17:26-30,34-36)
36“Mundu avulakhuho wamanya litukhu, inoho isaa, khali tsinjelosi tsiu mwikulu, inoho Mwana; navutswa Tata wonyene neye wamanya. 37Khuli kikholekha mumatukhu ka Nuhu, nindio khandi Mwana wu Mundu aliitsa khwitsa. 38Mumatukhu ka imbula yi michelelo chia matsi yali nishili khukhuva, vandu valia nivang'wa. Vandu vasatsa nende vakhali vahilana, khutukha khulitukhu lia Nuhu yinjila mu liaro; 39khandi vali vakorwa katsitsanga khwikholekha michelelo chia matsi nichishili khwitsa khuvahilana. Nindio khandi kaliitsa khwikholekha lwa Mwana wu Mundu aliitsa khwitsa. 40Vandu vavili valiitsa khuva nivahinzilanga mu mulimi; mulala aliitsa khuvukulwa na wundi khulekhwa inyuma. 41Vakhali vavili valiitsa khuva nivasietsanga vusi khu lichina liu khusielelakhu; mulala aliitsa khuvukulwa na wundi khulekhwa inyuma.
42“Khulwa yako, muheenzeshitsi, shichila mwakorwa litukhu liu Mwami wenyu aliitsa khwitsa. 43Navutswa khutukha mumanye ndi niiva mwene inzu yakhamanyi isaa shina ya shihuuvi shitsanga, yakhaheenzeshitsi vuchila khulekha inzu yeye khupomolwa. 44Khulwa yako, mwirecheshe, shichila Mwana wu Mundu aliitsa khwitsa isaa yamwakorwa.
Murumishi Musuuvilwa Inoho Wambakhana khuva Musuuvilwa
(Luka 12:41-48)
45“Ni viina murumishi uli musuuvilwa khandi uli nu vusitsa? Nu murumishi wu muruchi wewe yaha vunyali vu khusinjilila vandu vi inzu yeye, khuvaha shia valia mumatukhu kenyekhanga. 46Niiva muruchi aliitsa khukalukha khandi anyole murumishi nakholanga ndio, murumishi mwenoyo alanyola murungu. 47Muvoolelanga kilikali ndi muruchi woyo aliitsa khumuha vunyali vu khusinjilila miandu chiechie chiosi. 48Navutswa niiva murumishi mwenoyo nu mutamanu, khandi akanakane navoola, ‘Muruchi wanje ucheleve khukalukha,’ 49maraanje khushuta varumishi veshie, khandi khulia nu khung'wa halala na vatandi; 50muruchi wu murumishi mwenoyo aliitsa khukalukha khulitukhu liu murumishi mwenoyo yakorwa khandi isaa ya yakorwa. 51Muruchi mwenoyo aliitsa khumusalilitsa, khandi amure havundu halala na vandu vikhola kholanga khuva valunji. Vandu valiitsa khulililayo nu khwikhula.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013