LEVI 6
6
1Mwami Nyasaye yavoolela Musa, 2“Niiva mundu aliitsa khukhola vwoni, nu khuva musuuvilwa khu Mwami Nyasaye, lwakaata mureende wewe khulondokhana khu vindu via yaheelwa asinjilile, inoho via yavoolelwa alinde inoho vihuuvwi, inoho niiva aliitsa khumuveha, 3inoho niiva aliitsa khunyola miandu chiakora, nu khuvoola vuvehi khulondokhana khuchio, inoho niiva aliitsa khwisuuha khuvirila mu vuvehi, inoho niiva aliitsa khukhola vwoni vundi, vwa vandu vakholanga -- 4lwa mundu mwenoyo, aliitsa khuva nakholi vwoni mamanye ukholi vutamanu, aliitsa khukalushitsa, shindu shiosi, shia yahuuva inoho shia yavukula, khuvirila munjila yu vuvehi; inoho shia yali niyaheelwa asinjilile, inoho shindu shia yanyola, shiali ni shiakora; 5inoho shindu shindi shiosi shia yanyola, khuvirila mu lisuuha liu vuvehi. Aliitsa khurunga murungu kwosi, vuchila khuchehitsa. Aliitsa khumeetakhu shilala mu vindu viranu vwashio, mahaane khu mwene shio, khulitukhu lia aliitsa khuva narunganga shihanwa shiu khuvasa. 6Aliitsa khulera khu musalisi limiiko inoho imbuli vuchila imbala yosi, khuli shihanwa shiu khuvasa khu Mwami Nyasaye. Vukuuli vwayo vuliitsa khumanyikhana khulondokhana khu shipimu shiahuchililwa shia matukhu kenako. 7Musalisi aliitsa khukhola musango, shichila vwoni vu mundu mwenoyo; ma mundu mwenoyo asemehwi khurula mu vwoni vwevwe.”
Shihanwa shiu Khusambwa
8Mwami Nyasaye yavoolela Musa: 9“Ha Haruni nende vaana veve lilako yili: Yaka nako malako khulondokhana khu vihanwa viu khusambwa: Shihanwa shiu khusambwa shilatsililila khuva khu vwaali vutukhu vwosi, khutukha mu mavwevwe; khandi mulilu kulatsililila khwakha khu vwaali. 10Musalisi aliitsa khufwala ikaanzu yeye indavu, tsisuruhali tsindavu, marulitsiho likooshe li shihanwa shiu khusambwa shiu mulilu kumali khusambila khu vwaali nu khuhila khuluveka lundi lu vwaali. 11Musalisi alanavula tsinguvu tsienetso, mayifwale tsindi, nu khurulitsayo likooshe lienelo khulihila havundu hanihu hene hali ihale wene khurula mu maheemo ka vandu vamenyamu. 12Mulilu kwakhanga khu vwaali kuliitsa khutsililila khwakha; kuliitsa khuvula khutsiminywa. Musalisi aliitsa khumeeta tsikhuyi khukwo shia mu mavwevwe, ma yachishi khukwo shihanwa shiu khusambwa; nu khusambilakhu shivana shi shihanwa shiu khulera milembe. 13Mulilu kuliitsa khutsililila khwakha shia khase khosi khu vwaali vuchila khutsiminywa.
Vihanwa vi Imu
14“Yaka nako malako khulondokhana khu vihanwa vi imu. Vaana va Haruni valiitsa khuhaana shihanwa shi imu khu Mwami Nyasaye, nivali imbeli wu vwaali. 15Musalisi aliitsa khuvukula mu mukhono kwekwe vusi nende makura, halala nu vubani; masambile khu vwaali, khuli shihanwa shiu khuhaana khu Mwami Nyasaye. Mwayu kuhunyang nu kurula khu shihanwa shienesho, kuyaanzitsanga Mwami Nyasaye. 16Haruni nende vaana veve valiitsa khuliakhu shihanwa shiva nishirikale; navutswa valiitsa khulia vuchila mamela Havundu Hatakatifu; valiitsa khulia shihanwa shienesho, nivali mu lwanyi mwi Liheemo Litakatifu. 17Shiliitsa khuvula khutekhwa na mamela. Vaheele khuli shitonye shi vihanwa vi viukhulia khwinzi; ni shitakatifu, khuli vihanwa viu khurulitsaho vwoni nende vihanwa viu khuvasa. 18Khumatukhu koosi kaliitsa khuvaho, vitsukhulu vasatsa va Haruni valiitsa khuliakhu shihanwa shienesho, khuli shitonye shiu khutsililila khwavo khwi shihanwa shi shiukhulia khu Mwami Nyasaye. Mundu uliitsa khutiila khu shihanwa shi shiukhulia shienesho, aliitsa khusalilitswa ni tsingulu tsiu vutakatifu vwashio.”
19Mwami Nyasaye yavoolela khandi Musa, 20“Yishi nashio shihanwa shia Haruni nende vaana veve, valiitsa khuhaana khwinzi Mwami Nyasaye, khulitukhu liu khukholwa khuva musalisi: ikilo indala yu vusi khuli shihanwa shi imu shia khase khosi; aliitsa khuhaana inusu mu mavwevwe khandi inusu yindi halukolovo. 21Iliitsa khutsukanywa na makura nu khukandwa khu luchio. Shiliitsa khutong'olwa mu vitonye, khuli shihanwa shi imu, khandi khuhaanwa khuli mwayu kuhuunyanga nu kunyanzitsa inzi Mwami Nyasaye. 22Shihanwa yishi shilitsa khulombwa khumatukhu koosi kaliitsa khuvaho, na shia mwitsukhulu wosi wa Haruni urumikhanga, khuli Mukali wa vasalisi voosi. Shiliitsa khulaalitswa khukwa likooshe, khuli musango kwa vakholanga khu Mwami Nyasaye. 23Shia shihanwa shi imu, shiu musalisi ahaananga shilitsa khulaalitswa khukwa likooshe. Muliitsa khuvula khulia shihanwa shienesho.”
Vihanwa viu Khurulitsaho vwoni
24Mwami Nyasaye yavoolela Musa, 25“Voolela Haruni nende vaana veve, yaka nako malako khulondokhana khu vihanwa viu khurulitsaho vwoni. Havundu ha vasinzilanga miruku chi vihanwa viu khusambwa naho ha musinzila miruku chi vihanwa viu khurulitsaho vwoni khu vwaali; ni shihanwa shitakatifu muno. 26Musalisi wu kholanga musango ku muruku kwenoko aliitsa khulia inyama yakwo Havundu Hatakatifu, mu lwanyi mwi Liheemo Litakatifu. 27Mundu wosi inoho shindu shiosi nishitiila khu inyama yu muruku kwenoko shilitsa khusalilitswa ni tsingulu tsiu vutakatifu vwakwo. Niiva masahi koosi kaliitsa khuroonya khu inguvu yosi, muliitsa khuchifuyila Havundu Hatakatifu. 28Inyungu yosi ya valiitsa khuteshelamu inyama yu muruku kwenoko, iliitsa khwaraanyinywa. Navutswa niiva valiitsa khuteshela mu inyungu yalombwa khu mukasa, muliitsa khuchisung'usula nu khwochitsa na matsi. 29Shia mundu musatsa wosi khurula mu inzu yu musalisi, aliitsa khulia inyama yu muruku kwenoko; ni inyama indakatifu muno. 30Navutswa niiva masahi malala kanyala khulerwa mu Liheemo Litakatifu nu khurumishilwa khukhola mulukha ku khurulitsaho vwoni, muliitsa khuvula khulia muruku kwenoko. Kuliitsa khusambwa nu mulilu.
Currently Selected:
LEVI 6: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
LEVI 6
6
1Mwami Nyasaye yavoolela Musa, 2“Niiva mundu aliitsa khukhola vwoni, nu khuva musuuvilwa khu Mwami Nyasaye, lwakaata mureende wewe khulondokhana khu vindu via yaheelwa asinjilile, inoho via yavoolelwa alinde inoho vihuuvwi, inoho niiva aliitsa khumuveha, 3inoho niiva aliitsa khunyola miandu chiakora, nu khuvoola vuvehi khulondokhana khuchio, inoho niiva aliitsa khwisuuha khuvirila mu vuvehi, inoho niiva aliitsa khukhola vwoni vundi, vwa vandu vakholanga -- 4lwa mundu mwenoyo, aliitsa khuva nakholi vwoni mamanye ukholi vutamanu, aliitsa khukalushitsa, shindu shiosi, shia yahuuva inoho shia yavukula, khuvirila munjila yu vuvehi; inoho shia yali niyaheelwa asinjilile, inoho shindu shia yanyola, shiali ni shiakora; 5inoho shindu shindi shiosi shia yanyola, khuvirila mu lisuuha liu vuvehi. Aliitsa khurunga murungu kwosi, vuchila khuchehitsa. Aliitsa khumeetakhu shilala mu vindu viranu vwashio, mahaane khu mwene shio, khulitukhu lia aliitsa khuva narunganga shihanwa shiu khuvasa. 6Aliitsa khulera khu musalisi limiiko inoho imbuli vuchila imbala yosi, khuli shihanwa shiu khuvasa khu Mwami Nyasaye. Vukuuli vwayo vuliitsa khumanyikhana khulondokhana khu shipimu shiahuchililwa shia matukhu kenako. 7Musalisi aliitsa khukhola musango, shichila vwoni vu mundu mwenoyo; ma mundu mwenoyo asemehwi khurula mu vwoni vwevwe.”
Shihanwa shiu Khusambwa
8Mwami Nyasaye yavoolela Musa: 9“Ha Haruni nende vaana veve lilako yili: Yaka nako malako khulondokhana khu vihanwa viu khusambwa: Shihanwa shiu khusambwa shilatsililila khuva khu vwaali vutukhu vwosi, khutukha mu mavwevwe; khandi mulilu kulatsililila khwakha khu vwaali. 10Musalisi aliitsa khufwala ikaanzu yeye indavu, tsisuruhali tsindavu, marulitsiho likooshe li shihanwa shiu khusambwa shiu mulilu kumali khusambila khu vwaali nu khuhila khuluveka lundi lu vwaali. 11Musalisi alanavula tsinguvu tsienetso, mayifwale tsindi, nu khurulitsayo likooshe lienelo khulihila havundu hanihu hene hali ihale wene khurula mu maheemo ka vandu vamenyamu. 12Mulilu kwakhanga khu vwaali kuliitsa khutsililila khwakha; kuliitsa khuvula khutsiminywa. Musalisi aliitsa khumeeta tsikhuyi khukwo shia mu mavwevwe, ma yachishi khukwo shihanwa shiu khusambwa; nu khusambilakhu shivana shi shihanwa shiu khulera milembe. 13Mulilu kuliitsa khutsililila khwakha shia khase khosi khu vwaali vuchila khutsiminywa.
Vihanwa vi Imu
14“Yaka nako malako khulondokhana khu vihanwa vi imu. Vaana va Haruni valiitsa khuhaana shihanwa shi imu khu Mwami Nyasaye, nivali imbeli wu vwaali. 15Musalisi aliitsa khuvukula mu mukhono kwekwe vusi nende makura, halala nu vubani; masambile khu vwaali, khuli shihanwa shiu khuhaana khu Mwami Nyasaye. Mwayu kuhunyang nu kurula khu shihanwa shienesho, kuyaanzitsanga Mwami Nyasaye. 16Haruni nende vaana veve valiitsa khuliakhu shihanwa shiva nishirikale; navutswa valiitsa khulia vuchila mamela Havundu Hatakatifu; valiitsa khulia shihanwa shienesho, nivali mu lwanyi mwi Liheemo Litakatifu. 17Shiliitsa khuvula khutekhwa na mamela. Vaheele khuli shitonye shi vihanwa vi viukhulia khwinzi; ni shitakatifu, khuli vihanwa viu khurulitsaho vwoni nende vihanwa viu khuvasa. 18Khumatukhu koosi kaliitsa khuvaho, vitsukhulu vasatsa va Haruni valiitsa khuliakhu shihanwa shienesho, khuli shitonye shiu khutsililila khwavo khwi shihanwa shi shiukhulia khu Mwami Nyasaye. Mundu uliitsa khutiila khu shihanwa shi shiukhulia shienesho, aliitsa khusalilitswa ni tsingulu tsiu vutakatifu vwashio.”
19Mwami Nyasaye yavoolela khandi Musa, 20“Yishi nashio shihanwa shia Haruni nende vaana veve, valiitsa khuhaana khwinzi Mwami Nyasaye, khulitukhu liu khukholwa khuva musalisi: ikilo indala yu vusi khuli shihanwa shi imu shia khase khosi; aliitsa khuhaana inusu mu mavwevwe khandi inusu yindi halukolovo. 21Iliitsa khutsukanywa na makura nu khukandwa khu luchio. Shiliitsa khutong'olwa mu vitonye, khuli shihanwa shi imu, khandi khuhaanwa khuli mwayu kuhuunyanga nu kunyanzitsa inzi Mwami Nyasaye. 22Shihanwa yishi shilitsa khulombwa khumatukhu koosi kaliitsa khuvaho, na shia mwitsukhulu wosi wa Haruni urumikhanga, khuli Mukali wa vasalisi voosi. Shiliitsa khulaalitswa khukwa likooshe, khuli musango kwa vakholanga khu Mwami Nyasaye. 23Shia shihanwa shi imu, shiu musalisi ahaananga shilitsa khulaalitswa khukwa likooshe. Muliitsa khuvula khulia shihanwa shienesho.”
Vihanwa viu Khurulitsaho vwoni
24Mwami Nyasaye yavoolela Musa, 25“Voolela Haruni nende vaana veve, yaka nako malako khulondokhana khu vihanwa viu khurulitsaho vwoni. Havundu ha vasinzilanga miruku chi vihanwa viu khusambwa naho ha musinzila miruku chi vihanwa viu khurulitsaho vwoni khu vwaali; ni shihanwa shitakatifu muno. 26Musalisi wu kholanga musango ku muruku kwenoko aliitsa khulia inyama yakwo Havundu Hatakatifu, mu lwanyi mwi Liheemo Litakatifu. 27Mundu wosi inoho shindu shiosi nishitiila khu inyama yu muruku kwenoko shilitsa khusalilitswa ni tsingulu tsiu vutakatifu vwakwo. Niiva masahi koosi kaliitsa khuroonya khu inguvu yosi, muliitsa khuchifuyila Havundu Hatakatifu. 28Inyungu yosi ya valiitsa khuteshelamu inyama yu muruku kwenoko, iliitsa khwaraanyinywa. Navutswa niiva valiitsa khuteshela mu inyungu yalombwa khu mukasa, muliitsa khuchisung'usula nu khwochitsa na matsi. 29Shia mundu musatsa wosi khurula mu inzu yu musalisi, aliitsa khulia inyama yu muruku kwenoko; ni inyama indakatifu muno. 30Navutswa niiva masahi malala kanyala khulerwa mu Liheemo Litakatifu nu khurumishilwa khukhola mulukha ku khurulitsaho vwoni, muliitsa khuvula khulia muruku kwenoko. Kuliitsa khusambwa nu mulilu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013