LEVI 12
12
Khunihitswa khu mundu Mukhali Niyakhivula Mwana
1Mwami Nyasaye yavoolela Musa, 2“Voolela Vaisraeli, Mundu mukhali waheelitsa mayivuli mwana wi shiyayi alava woneshe khumatukhu saba khulondokhana khu mulukha, khuli yonekhanga mumatukhu keke ku mu mweli. 3Mwana wi shiyayi mwenoyo alashevwa khulitukhu lia munane. 4Mukhali mwenoyo alalindilila khumatukhu makhomi kavaka na kavaka khutukha lwa kholwa khuva munihu khurula mukhuraatsa khwekhwe khwa masahi. Shialiitsa khutiilakhu shindu shiosi shitakatifu inoho khutsiakhu mu Liheemo Litakatifu matukhu keke kukhukholwa munihu ni kashili khuvwa tawe.
5“Niiva aliitsa khwivula mwana wi shikhana, mukhali mwenoyo alava woneshe khu masitsa kavili, khuli lwa yonekhanga mumatukhu keke ku mu mweli. Mukhali mwenoyo alalindilila khumatukhu makhomi sita na sita kukhukholwa khuva munihu khurula mukhuraatsa khwekhwe khwa masahi.
6“Lwa matukhu keke kukhukholwa khuva munihu kaliitsa khuva nikakhavwa, kave niyivula mwana wi shiyayi inoho mwana wi shikhana, alalerela musalisi vwi Liheemo Litakatifu mu vwinjililu shimeme shi likondi lili nu muhika mulala khuhaana khuli shihanwa shiu khusambwa nende shinamusotsi inoho shituti khuhaana khuli shihanwa shiu khurulitsaho vwoni. 7Musalisi alahaanila mukhali mwenoyo shihanwa shieshie khu Mwami Nyasaye makhole mulukha ku khurulitsaho vwoni vwevwe, mave munihu khulondokhana khu mulukha. Khu, yaka nako ku mundu mukhali katukhanga akhole niyakhivula mwana.
8“Niiva mundu mukhali mwenoyo anyala khukhaywa khunyola likondi, aliitsa khulera vituti vivili inoho vinamusotsi vivili; shilala shilitsa khuhaanwa khuli shihanwa shiu khusambwa na shindi khuhaanwa khuli shihanwa shiu khurulitsaho vwoni. Musalisi aliitsa khukhola mulukha ku khurulitsaho vwoni vwevwe, ma mukhali mwenoyo ave munihu khulondokhana khu mulukha.”
Currently Selected:
LEVI 12: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
LEVI 12
12
Khunihitswa khu mundu Mukhali Niyakhivula Mwana
1Mwami Nyasaye yavoolela Musa, 2“Voolela Vaisraeli, Mundu mukhali waheelitsa mayivuli mwana wi shiyayi alava woneshe khumatukhu saba khulondokhana khu mulukha, khuli yonekhanga mumatukhu keke ku mu mweli. 3Mwana wi shiyayi mwenoyo alashevwa khulitukhu lia munane. 4Mukhali mwenoyo alalindilila khumatukhu makhomi kavaka na kavaka khutukha lwa kholwa khuva munihu khurula mukhuraatsa khwekhwe khwa masahi. Shialiitsa khutiilakhu shindu shiosi shitakatifu inoho khutsiakhu mu Liheemo Litakatifu matukhu keke kukhukholwa munihu ni kashili khuvwa tawe.
5“Niiva aliitsa khwivula mwana wi shikhana, mukhali mwenoyo alava woneshe khu masitsa kavili, khuli lwa yonekhanga mumatukhu keke ku mu mweli. Mukhali mwenoyo alalindilila khumatukhu makhomi sita na sita kukhukholwa khuva munihu khurula mukhuraatsa khwekhwe khwa masahi.
6“Lwa matukhu keke kukhukholwa khuva munihu kaliitsa khuva nikakhavwa, kave niyivula mwana wi shiyayi inoho mwana wi shikhana, alalerela musalisi vwi Liheemo Litakatifu mu vwinjililu shimeme shi likondi lili nu muhika mulala khuhaana khuli shihanwa shiu khusambwa nende shinamusotsi inoho shituti khuhaana khuli shihanwa shiu khurulitsaho vwoni. 7Musalisi alahaanila mukhali mwenoyo shihanwa shieshie khu Mwami Nyasaye makhole mulukha ku khurulitsaho vwoni vwevwe, mave munihu khulondokhana khu mulukha. Khu, yaka nako ku mundu mukhali katukhanga akhole niyakhivula mwana.
8“Niiva mundu mukhali mwenoyo anyala khukhaywa khunyola likondi, aliitsa khulera vituti vivili inoho vinamusotsi vivili; shilala shilitsa khuhaanwa khuli shihanwa shiu khusambwa na shindi khuhaanwa khuli shihanwa shiu khurulitsaho vwoni. Musalisi aliitsa khukhola mulukha ku khurulitsaho vwoni vwevwe, ma mukhali mwenoyo ave munihu khulondokhana khu mulukha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013