VAGALATIA 2
2
Paulu nende Varumwa Vandi
1Lwa mihika likhomi na chine chiavira, natikulukha ningalukha Yerusalemi, halala na Baranaba. Navukula khandi Tito ninzia naye. 2Nasimukha ninzia shichila Nyasaye yali umali khumanyinya malolo ku khutsia. Ninzi wavoolela vimilili vi shikhaalo shiu muvwivisi makhuva khulondokhana khu Ivanjeli ya nzilwatsanga khu vandu vi tsimbia tsindi. Nakhola ndio, nindi ni lienya ndi muhinzilu kwanje kwa nali ninakhola mumatukhu kavira, inoho mumatukhu kanu kuvuli khuva kwi shikhaya. 3Khali ndio, murumishi washianje Tito, khali niiva yali Muguriki, shiyanikwa khushevwa tawe; 4khali niiva khwaliho na vasuuvili valala vu vuvehi venyanga ashevwi. Vandu venavo vinjila mu mukaanda kweru, khuli vandu vu khwenya khurunishitsa kakholekhanga, manivikhola khola khuva khuli ni vandu vakhusanganga navo mu lisuuvila, khurunishitsa khwenya khumanya vuvoholole vwa khuli navwo mu Yesu Kristo; khali ni lienya liu khwenya khukhukhola khuva varukwa. 5Khwambakhana khuvaha vwiyangu khali hatititi hene, khu katoto karulanga khu Ivanjeli katsililile khuhindila mu munyi.
6Navutswa yavo vali nivavukulwa khuva vimilili -- mbolanga ndio, shichila ka vakhola shikanyala khumbenditsa mwoyo tawe. Nyasaye avulakhu mundu wa yihonelanga -- mbolanga ndi vimilili venavo vashili khumbolelakhu, khali shindu shiosi shinyala khukhonya. 7Khuluveka lundi, valola ndi Nyasaye yali umbeele muhinzilu ku khwilwatsa Ivanjeli khu vandu vi tsimbia tsindi, khuli Petro yali niyaheelwa muhinzilu ku khwilwatsa Ivanjeli khu Vayahudi. 8Nakholwa khuva murumwa wa vandu vi tsimbia tsindi khuvirila mu tsingulu tsia Nyasaye, khuli lwa Petro yakholwa khuva murumwa khu Vayahudi. 9Yakobo, Petro nende Yohana vali nivamanyikhana khuva vimilili, vamanya vulahi vwene ndi Nyasaye neye wali nambele muhinzilu mulahi kwene yuku. Khulwa yako, vakhukumila mu makhono keru inzi nende Baranaba, khumanyinya ndi voosi khukholanga muhinzilu mulala. Khwahuchilitsana ndi inzi nende Baranaba khulatsia khukhola mihinzilu mu vandu vi tsimbia tsindi, navo vatsi khukhola mihinzilu mu Vayahudi. 10Shindu shilala shionyene shia vakhureeva khukhole, nishili khwitsushitsa vamanani, shindu shia nikombanga khukhola nu mwoyo kwosi.
Paulu Yakaya Petro mu Litaala lia Antiokia
11Navutswa lwa Petro yatukha mu litaala lia Antiokia, namuhinjitsa havulavu, shichila ni kilikali, yali ukholi shindu shitamanu. 12Valala khu vandu va Yakobo yali niyaruma, nivashili khutukhaho, Petro yali naliilenje shiukhulia na vasuuvili vi tsimbia tsindi. Navutswa lwa vandu venavo vali nivakhatukha, yiyahula haluveka, niyambakhana khutsililila khulia navo, shichila yaria vandu vali ni tsinganakani tsiu khwenya ndi vandu vi tsimbia tsindi khushevwa. 13Vasuuvili Vayahudi vandi viyunga mu vwikhola kholitsi vwa Petro vu khuva wi likhola liu vulunji; khali kachila Baranaba nakoyanyinywa nu mwiima kwavo ku khwikhola kholitsa khuva valunji. 14Navutswa lwa nalola shindu shivulakhuho shiatoto shia vakholanga mu likhola liavo khulondokhana khu Ivanjeli, navoolela Petro imbeli wavo voosi, “Niiva yivi uli Muyahudi, khandi wumenyanga khuli mundu urulanga mu vandu vi tsimbia tsindi, navutswa khuli Vayahudi tawe; shichila shina unikanga vandu vi tsimbia tsindi khumenya khuli Vayahudi?”
Vandu Voosi Vahonyinyangwa Khuvirila mu Lisuuvila
15Ni kilikali, khutsi vene khuli Vayahudi khuvirila khu lwivulu, navutswa shiukhuli khuli vandu vi tsimbia tsindi vakholanga vwoni tawe. 16Navutswa khwamanya ndi mundu akholwangwa khuva wi likhola liu vulunji imbeli wa Nyasaye khuvirila mu lisuuvila mu Yesu Kristo; shikanyala khuva khukhola ka Malako kenyanga tawe. Khali khutsi khandi, khwasuuvila mu Yesu Kristo, khu khukholwi khuva valunji imbeli wa Nyasaye khuvirila mu lisuuvila lieru mu Kristo; shikanyala khuva nu khukhola ka Malako kenyanga tawe. Mundu avulakhuho unyala khukholwa khuva wi likhola liu vulunji imbeli wa Nyasaye, shichila akholanga ka Malako kenyanga. 17Navutswa niiva khuchelitsanga khukholwi khuva valunji imbeli wa Nyasaye khuvirila mu Kristo, khunyolekhanga khuva vooni, khuli vandu vi tsimbia tsindi vali -- yaka kanyala khuva kamanyinyanga ndi Kristo neye uchilanga vwoni nu vuvaho? Shikali kario tawe! 18Navutswa niiva ngalushilanga khumbakha vindu via nali ninasambula, kanyala khuva kamanyinyanga ni kilikali ndi ninzi mundu umenekanga Malako. 19Ndi khuli mundu wakhutsila Malako, khu khuvirila mu Malako nzililile khuva mwoyo shichila Nyasaye. 20Namala khuvambwa khu musalaba na Kristo; shikali ninzi uli mwoyo tawe, navutswa Kristo neye uli mwoyo mwinzi; limenya lia menyanga nunundi mu mmbili, menyanga khuvirila khu lisuuvila mu Mwana wa Nyasaye, wanyanza khandi nakhutsa shichila inzi. 21Shinyala khwambakhana tsimbavasi tsia Nyasaye tawe. Navutswa niiva mundu anyala khukholwa khuva wi likhola liu vulunji imbeli wa Nyasaye khuvirila mu malako, kamanyinyanga ndi khuvulakhuho shivune shiachila Kristo nakhutsa!
Currently Selected:
VAGALATIA 2: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
VAGALATIA 2
2
Paulu nende Varumwa Vandi
1Lwa mihika likhomi na chine chiavira, natikulukha ningalukha Yerusalemi, halala na Baranaba. Navukula khandi Tito ninzia naye. 2Nasimukha ninzia shichila Nyasaye yali umali khumanyinya malolo ku khutsia. Ninzi wavoolela vimilili vi shikhaalo shiu muvwivisi makhuva khulondokhana khu Ivanjeli ya nzilwatsanga khu vandu vi tsimbia tsindi. Nakhola ndio, nindi ni lienya ndi muhinzilu kwanje kwa nali ninakhola mumatukhu kavira, inoho mumatukhu kanu kuvuli khuva kwi shikhaya. 3Khali ndio, murumishi washianje Tito, khali niiva yali Muguriki, shiyanikwa khushevwa tawe; 4khali niiva khwaliho na vasuuvili valala vu vuvehi venyanga ashevwi. Vandu venavo vinjila mu mukaanda kweru, khuli vandu vu khwenya khurunishitsa kakholekhanga, manivikhola khola khuva khuli ni vandu vakhusanganga navo mu lisuuvila, khurunishitsa khwenya khumanya vuvoholole vwa khuli navwo mu Yesu Kristo; khali ni lienya liu khwenya khukhukhola khuva varukwa. 5Khwambakhana khuvaha vwiyangu khali hatititi hene, khu katoto karulanga khu Ivanjeli katsililile khuhindila mu munyi.
6Navutswa yavo vali nivavukulwa khuva vimilili -- mbolanga ndio, shichila ka vakhola shikanyala khumbenditsa mwoyo tawe. Nyasaye avulakhu mundu wa yihonelanga -- mbolanga ndi vimilili venavo vashili khumbolelakhu, khali shindu shiosi shinyala khukhonya. 7Khuluveka lundi, valola ndi Nyasaye yali umbeele muhinzilu ku khwilwatsa Ivanjeli khu vandu vi tsimbia tsindi, khuli Petro yali niyaheelwa muhinzilu ku khwilwatsa Ivanjeli khu Vayahudi. 8Nakholwa khuva murumwa wa vandu vi tsimbia tsindi khuvirila mu tsingulu tsia Nyasaye, khuli lwa Petro yakholwa khuva murumwa khu Vayahudi. 9Yakobo, Petro nende Yohana vali nivamanyikhana khuva vimilili, vamanya vulahi vwene ndi Nyasaye neye wali nambele muhinzilu mulahi kwene yuku. Khulwa yako, vakhukumila mu makhono keru inzi nende Baranaba, khumanyinya ndi voosi khukholanga muhinzilu mulala. Khwahuchilitsana ndi inzi nende Baranaba khulatsia khukhola mihinzilu mu vandu vi tsimbia tsindi, navo vatsi khukhola mihinzilu mu Vayahudi. 10Shindu shilala shionyene shia vakhureeva khukhole, nishili khwitsushitsa vamanani, shindu shia nikombanga khukhola nu mwoyo kwosi.
Paulu Yakaya Petro mu Litaala lia Antiokia
11Navutswa lwa Petro yatukha mu litaala lia Antiokia, namuhinjitsa havulavu, shichila ni kilikali, yali ukholi shindu shitamanu. 12Valala khu vandu va Yakobo yali niyaruma, nivashili khutukhaho, Petro yali naliilenje shiukhulia na vasuuvili vi tsimbia tsindi. Navutswa lwa vandu venavo vali nivakhatukha, yiyahula haluveka, niyambakhana khutsililila khulia navo, shichila yaria vandu vali ni tsinganakani tsiu khwenya ndi vandu vi tsimbia tsindi khushevwa. 13Vasuuvili Vayahudi vandi viyunga mu vwikhola kholitsi vwa Petro vu khuva wi likhola liu vulunji; khali kachila Baranaba nakoyanyinywa nu mwiima kwavo ku khwikhola kholitsa khuva valunji. 14Navutswa lwa nalola shindu shivulakhuho shiatoto shia vakholanga mu likhola liavo khulondokhana khu Ivanjeli, navoolela Petro imbeli wavo voosi, “Niiva yivi uli Muyahudi, khandi wumenyanga khuli mundu urulanga mu vandu vi tsimbia tsindi, navutswa khuli Vayahudi tawe; shichila shina unikanga vandu vi tsimbia tsindi khumenya khuli Vayahudi?”
Vandu Voosi Vahonyinyangwa Khuvirila mu Lisuuvila
15Ni kilikali, khutsi vene khuli Vayahudi khuvirila khu lwivulu, navutswa shiukhuli khuli vandu vi tsimbia tsindi vakholanga vwoni tawe. 16Navutswa khwamanya ndi mundu akholwangwa khuva wi likhola liu vulunji imbeli wa Nyasaye khuvirila mu lisuuvila mu Yesu Kristo; shikanyala khuva khukhola ka Malako kenyanga tawe. Khali khutsi khandi, khwasuuvila mu Yesu Kristo, khu khukholwi khuva valunji imbeli wa Nyasaye khuvirila mu lisuuvila lieru mu Kristo; shikanyala khuva nu khukhola ka Malako kenyanga tawe. Mundu avulakhuho unyala khukholwa khuva wi likhola liu vulunji imbeli wa Nyasaye, shichila akholanga ka Malako kenyanga. 17Navutswa niiva khuchelitsanga khukholwi khuva valunji imbeli wa Nyasaye khuvirila mu Kristo, khunyolekhanga khuva vooni, khuli vandu vi tsimbia tsindi vali -- yaka kanyala khuva kamanyinyanga ndi Kristo neye uchilanga vwoni nu vuvaho? Shikali kario tawe! 18Navutswa niiva ngalushilanga khumbakha vindu via nali ninasambula, kanyala khuva kamanyinyanga ni kilikali ndi ninzi mundu umenekanga Malako. 19Ndi khuli mundu wakhutsila Malako, khu khuvirila mu Malako nzililile khuva mwoyo shichila Nyasaye. 20Namala khuvambwa khu musalaba na Kristo; shikali ninzi uli mwoyo tawe, navutswa Kristo neye uli mwoyo mwinzi; limenya lia menyanga nunundi mu mmbili, menyanga khuvirila khu lisuuvila mu Mwana wa Nyasaye, wanyanza khandi nakhutsa shichila inzi. 21Shinyala khwambakhana tsimbavasi tsia Nyasaye tawe. Navutswa niiva mundu anyala khukholwa khuva wi likhola liu vulunji imbeli wa Nyasaye khuvirila mu malako, kamanyinyanga ndi khuvulakhuho shivune shiachila Kristo nakhutsa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013