KHURULA 8
8
Tsing'alo
1Nalwo lwa Mwami Nyasaye yavoolela Musa, “Simukha utsi khu Mwami wa Misri, umuvoolele Mwami Nyasaye avoolanga, ‘Lekha vandu vaanje vatsi, nikanyalikha vandumishile. 2Navutswa niiva uliitsa khwambakhana khuvalekha vatsi, nzitsanga khusalilitsa shivala shioshio shiosi, nimbikhanga tsing'alo shia havundu hosi. 3Muchela kwa Naili kuliitsa khwitsula tsing'alo tsinyishi. Tsiliitsa khutsia mu inzu yoyo yu vwami, isiisi wowo wa ukonanga khu shitali shioshio, mu tsinzu tsia varumishi vovo nende vandu vovo, mu majiko koko ku mulilu nende mu shindu shiuteshelamu mikati. 4Tsing'alo tsiliitsa khusilasila khu yivi, khandi khu vandu vovo, khandi khu varumishi vovo voosi.’ ”
5Mwami Nyasaye yavoolela Musa, “Voolela Haruni, ‘Chinguula ikulu indovoshi yoyo urumule khu matsi kali mu michela, mitaalo chia matsi, nende khu mativwi, khandi ulombe tsing'alo khusalane shia havundu hosi mu shivala shia Misri.’ ” 6Nalwo lwa Haruni yachinguula ikulu indovoshi yeneyo, narumula khu matsi kali mu shivala shia Misri; tsing'alo tsiarulamu, manitsisalana shia havundu hosi mu shivala shia Misri. 7Navutswa vakhumu vakhola malala mele, khuvirila mu vucheli vwa makhumu kavo. Khali vo vachila tsing'alo, nitsisalana shia havundu hosi mu shivala shia Misri.
8Nalwo lwa Mwami wa Misri yalaanga Musa nende Haruni, navavoolela, “Musaale khu Mwami Nyasaye arulitsiho tsing'alo khurula khwinzi, khandi khurula khu vandu vaanje. Numukhola ndio, niiitsa khulekha vandu venyu vatsi khukholela Mwami Nyasaye misango.”
9Musa yavoolela Mwami wa Misri, “Niitsa khuva nu vuyaanzi vunyisi muno khukhusaalila yivi. Voola isaa ya wenyanga khusaalilwa, khali saalilikhu varumishi vovo nende vandu vovo. Nalwo lwi tsing'alo tsiliitsa khurulaho, khali indala ilivula khuvaho, navutswa tsiosi tsiliitsa khuva mu Muchela kwa Naili kwonyene.”
10Mwami wa Misri yamuvoolela, “Usaalile litukhu lia mukamba.”
Musa yamuvoolela, “Nzitsanga khukhukholela khuli lwa yivi mwene wenyanga, khu umanye ndi nyasaye wundi avulakhuho, khuli Mwami Nyasaye, uli Nyasaye weru. 11Tsing'alo tsiliitsa khukhulekha yivi halala ni tsinzu tsiotsio, varumishi vovo nende vandu vovo. Tsiliitsa khurikala mu Muchela kwa Naili kwonyene vutswa.” 12Nalwo lwa Musa nende Haruni vasimukha, nivalekha Mwami wa Misri. Musa yasaala khu Mwami Nyasaye, arulitsiho tsing'alo tsia yali naleri khu Mwami wa Misri. 13Mwami Nyasaye yakhola, khuli Musa yali namureevi. Tsing'alo tsiakhutsila mu tsinzu, mu lwanyi khandi mu milimi. 14Vamisri vatsivunjelitsa halala mu vituma vikali, ma shivala nishihuunya likuundu. 15Lwa Mwami wa Misri yalola ndi tsing'alo tsimali khukhutsa, yali khandi muhaaka, khali niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.
Tsindaha
16Mwami Nyasaye yavoolela Musa, “Voolela Haruni atuuye hasi ni indovoshi yeye, khu lukuushi lukalukhane khukwa tsindaha, shia havundu hosi mu shivala shia Misri.” 17Khu, Haruni yatuuya hasi ni indovoshi yeye, khandi lukuushi lwosi lu mu shivala shia Misri nulukwa tsindaha, tsiama khu vandu nende miruku. 18Navutswa lwa vakhumu vachelitsa khulomba tsindaha, khuvirila mu vukhumu vwavo, vakhaywa. Tsindaha tsiali khu vandu nende miruku. 19Vakhumu vavoolela Mwami wa Misri, “Nyasaye neye ukholi yaka!” Navutswa Mwami wa Misri yali muhaaka, khandi niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.
Tsinji
20Mwami Nyasaye yavoolela Musa, “Vukha mu mavwevwe litukhu lilondakhu, utsi khwakanila Mwami wa Misri, lwa aliitsa khuva natsitsanga mu muchela, umuvoolele ndi Mwami Nyasaye avoolanga, ‘Lekha vandu vaanje vatsi, khu vandumishile. 21Niiva uliitsa khulekha khuhuchilila vandu vaanje khutsia, nzitsanga khuruma tsinji khu yivi, halala na varumishi va vandu vovo, khu vandu vovo nende mu tsinzu tsiotsio. Tsinzu tsia Vamisri tsiliitsa khwitsula tsinji tsinyishi, khali shia havundu hosi ha valiitsa khuva nivasinjile. 22Navutswa khulitukhu lienelo, niitsa khwahula haluveka lusomo lwa Gosheni, havundu ha vandu vaanje vamenyanga. Tsinji tsiliitsa khuvula khunyolekha mu lusomo lwenolo, khu vamanye ndi inzi, Mwami Nyasaye kholanga mihinzilu mu shivala shinu. 23Niitsa khwahukhanyinya vandu vovo nende vaanje. Shiloleshitsu yishi, shiliitsa khwikholekha khulitukhu lia mukamba.’ ” 24Mwami Nyasaye yakhola ndio. Vituma vinyishi vi tsinji vinjila mu inzu yu Mwami wa Misri, yu vwami halala nu mu tsinzu tsia varumishi va vandu veve. Havundu hosi mu shivala shia Misri, hononyinywa shichila tsinji.
25Mwami wa Misri yalaanga Musa nende Haruni, navavoolela, “Tsi, mukholele Nyasaye wenyu misango mu shivala shinu.”
26Navutswa Musa yamuvoolela, “Shiuvuli vulahi khukhola kenako tawe; shichila khulakholela Mwami Nyasaye, uli Nyasaye weru, musango kwa Vamisri vakhenyanga tawe. Niiva khuliitsa khukhola musango kwa Vamisri valolanga nu kwi shifwavi, ni kilikali, valiitsa khukhulesa na machina. 27Khutukha khuchende khumatukhu kavaka, khutsia mwichendanyama khukholela Mwami Nyasaye, uli Nyasaye weru musango, khuli yakhuvoolela khukhole.”
28Mwami wa Misri yavoola “Nzitsanga khumuhuchilila khutsia khukholela Mwami Nyasaye, uli Nyasaye wenyu musango mwichendanyama; nikava shiumuliitsa khutsia ihale wene tawe. Khali musaalilikhu inzi.”
29Musa yavoolela Mwami wa Misri, “Lwa mba ninakharula hanu, nasaala khu Mwami Nyasaye tsinji khurula khu yivi, varumishi va vandu vovo, nende vandu vovo. Navutswa uleshe khukhukaata nu khwikalila vandu, khuvula khutsia khukholela Mwami Nyasaye musango.”
30Musa yalekha Mwami wa Misri, nasaala khu Mwami Nyasaye, 31ma Mwami Nyasaye, nakhola khuli Musa yali namureevi. Tsinji tsiarula khu Mwami wa Misri, varumishi veve, halala na vandu veve; inji khali indala ivulakhuho, yarikalaho. 32Navutswa khali isaa yeneyo, Mwami wa Misri yali muhaaka, niyambakhana khandi khuhuchilila Vaisraeli khutsia.
Currently Selected:
KHURULA 8: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 8
8
Tsing'alo
1Nalwo lwa Mwami Nyasaye yavoolela Musa, “Simukha utsi khu Mwami wa Misri, umuvoolele Mwami Nyasaye avoolanga, ‘Lekha vandu vaanje vatsi, nikanyalikha vandumishile. 2Navutswa niiva uliitsa khwambakhana khuvalekha vatsi, nzitsanga khusalilitsa shivala shioshio shiosi, nimbikhanga tsing'alo shia havundu hosi. 3Muchela kwa Naili kuliitsa khwitsula tsing'alo tsinyishi. Tsiliitsa khutsia mu inzu yoyo yu vwami, isiisi wowo wa ukonanga khu shitali shioshio, mu tsinzu tsia varumishi vovo nende vandu vovo, mu majiko koko ku mulilu nende mu shindu shiuteshelamu mikati. 4Tsing'alo tsiliitsa khusilasila khu yivi, khandi khu vandu vovo, khandi khu varumishi vovo voosi.’ ”
5Mwami Nyasaye yavoolela Musa, “Voolela Haruni, ‘Chinguula ikulu indovoshi yoyo urumule khu matsi kali mu michela, mitaalo chia matsi, nende khu mativwi, khandi ulombe tsing'alo khusalane shia havundu hosi mu shivala shia Misri.’ ” 6Nalwo lwa Haruni yachinguula ikulu indovoshi yeneyo, narumula khu matsi kali mu shivala shia Misri; tsing'alo tsiarulamu, manitsisalana shia havundu hosi mu shivala shia Misri. 7Navutswa vakhumu vakhola malala mele, khuvirila mu vucheli vwa makhumu kavo. Khali vo vachila tsing'alo, nitsisalana shia havundu hosi mu shivala shia Misri.
8Nalwo lwa Mwami wa Misri yalaanga Musa nende Haruni, navavoolela, “Musaale khu Mwami Nyasaye arulitsiho tsing'alo khurula khwinzi, khandi khurula khu vandu vaanje. Numukhola ndio, niiitsa khulekha vandu venyu vatsi khukholela Mwami Nyasaye misango.”
9Musa yavoolela Mwami wa Misri, “Niitsa khuva nu vuyaanzi vunyisi muno khukhusaalila yivi. Voola isaa ya wenyanga khusaalilwa, khali saalilikhu varumishi vovo nende vandu vovo. Nalwo lwi tsing'alo tsiliitsa khurulaho, khali indala ilivula khuvaho, navutswa tsiosi tsiliitsa khuva mu Muchela kwa Naili kwonyene.”
10Mwami wa Misri yamuvoolela, “Usaalile litukhu lia mukamba.”
Musa yamuvoolela, “Nzitsanga khukhukholela khuli lwa yivi mwene wenyanga, khu umanye ndi nyasaye wundi avulakhuho, khuli Mwami Nyasaye, uli Nyasaye weru. 11Tsing'alo tsiliitsa khukhulekha yivi halala ni tsinzu tsiotsio, varumishi vovo nende vandu vovo. Tsiliitsa khurikala mu Muchela kwa Naili kwonyene vutswa.” 12Nalwo lwa Musa nende Haruni vasimukha, nivalekha Mwami wa Misri. Musa yasaala khu Mwami Nyasaye, arulitsiho tsing'alo tsia yali naleri khu Mwami wa Misri. 13Mwami Nyasaye yakhola, khuli Musa yali namureevi. Tsing'alo tsiakhutsila mu tsinzu, mu lwanyi khandi mu milimi. 14Vamisri vatsivunjelitsa halala mu vituma vikali, ma shivala nishihuunya likuundu. 15Lwa Mwami wa Misri yalola ndi tsing'alo tsimali khukhutsa, yali khandi muhaaka, khali niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.
Tsindaha
16Mwami Nyasaye yavoolela Musa, “Voolela Haruni atuuye hasi ni indovoshi yeye, khu lukuushi lukalukhane khukwa tsindaha, shia havundu hosi mu shivala shia Misri.” 17Khu, Haruni yatuuya hasi ni indovoshi yeye, khandi lukuushi lwosi lu mu shivala shia Misri nulukwa tsindaha, tsiama khu vandu nende miruku. 18Navutswa lwa vakhumu vachelitsa khulomba tsindaha, khuvirila mu vukhumu vwavo, vakhaywa. Tsindaha tsiali khu vandu nende miruku. 19Vakhumu vavoolela Mwami wa Misri, “Nyasaye neye ukholi yaka!” Navutswa Mwami wa Misri yali muhaaka, khandi niyambakhana khuhulila makhuva ka Musa nende Haruni vamuvoolela, khulondokhana khuli Mwami Nyasaye yali navooli.
Tsinji
20Mwami Nyasaye yavoolela Musa, “Vukha mu mavwevwe litukhu lilondakhu, utsi khwakanila Mwami wa Misri, lwa aliitsa khuva natsitsanga mu muchela, umuvoolele ndi Mwami Nyasaye avoolanga, ‘Lekha vandu vaanje vatsi, khu vandumishile. 21Niiva uliitsa khulekha khuhuchilila vandu vaanje khutsia, nzitsanga khuruma tsinji khu yivi, halala na varumishi va vandu vovo, khu vandu vovo nende mu tsinzu tsiotsio. Tsinzu tsia Vamisri tsiliitsa khwitsula tsinji tsinyishi, khali shia havundu hosi ha valiitsa khuva nivasinjile. 22Navutswa khulitukhu lienelo, niitsa khwahula haluveka lusomo lwa Gosheni, havundu ha vandu vaanje vamenyanga. Tsinji tsiliitsa khuvula khunyolekha mu lusomo lwenolo, khu vamanye ndi inzi, Mwami Nyasaye kholanga mihinzilu mu shivala shinu. 23Niitsa khwahukhanyinya vandu vovo nende vaanje. Shiloleshitsu yishi, shiliitsa khwikholekha khulitukhu lia mukamba.’ ” 24Mwami Nyasaye yakhola ndio. Vituma vinyishi vi tsinji vinjila mu inzu yu Mwami wa Misri, yu vwami halala nu mu tsinzu tsia varumishi va vandu veve. Havundu hosi mu shivala shia Misri, hononyinywa shichila tsinji.
25Mwami wa Misri yalaanga Musa nende Haruni, navavoolela, “Tsi, mukholele Nyasaye wenyu misango mu shivala shinu.”
26Navutswa Musa yamuvoolela, “Shiuvuli vulahi khukhola kenako tawe; shichila khulakholela Mwami Nyasaye, uli Nyasaye weru, musango kwa Vamisri vakhenyanga tawe. Niiva khuliitsa khukhola musango kwa Vamisri valolanga nu kwi shifwavi, ni kilikali, valiitsa khukhulesa na machina. 27Khutukha khuchende khumatukhu kavaka, khutsia mwichendanyama khukholela Mwami Nyasaye, uli Nyasaye weru musango, khuli yakhuvoolela khukhole.”
28Mwami wa Misri yavoola “Nzitsanga khumuhuchilila khutsia khukholela Mwami Nyasaye, uli Nyasaye wenyu musango mwichendanyama; nikava shiumuliitsa khutsia ihale wene tawe. Khali musaalilikhu inzi.”
29Musa yavoolela Mwami wa Misri, “Lwa mba ninakharula hanu, nasaala khu Mwami Nyasaye tsinji khurula khu yivi, varumishi va vandu vovo, nende vandu vovo. Navutswa uleshe khukhukaata nu khwikalila vandu, khuvula khutsia khukholela Mwami Nyasaye musango.”
30Musa yalekha Mwami wa Misri, nasaala khu Mwami Nyasaye, 31ma Mwami Nyasaye, nakhola khuli Musa yali namureevi. Tsinji tsiarula khu Mwami wa Misri, varumishi veve, halala na vandu veve; inji khali indala ivulakhuho, yarikalaho. 32Navutswa khali isaa yeneyo, Mwami wa Misri yali muhaaka, niyambakhana khandi khuhuchilila Vaisraeli khutsia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013