KHURULA 36
36
1“Bezaleli, Oholiabu, nende vandu vandi voosi vu Mwami Nyasaye yali niyaha vucheli ni limanya, vali vamanya khulomba shia shindu shiosi shitushili khumbakha Liheemo Litakatifu; valomba vindu viosi, khuli Mwami Nyasaye yali navooli vakhole.”
Vandu Valera Vihanwa Vinyishi
2Musa yalaanga Bezaleli, Oholiabu, nende vandu vandi voosi vali ni limanya vu Mwami Nyasaye yali niyaha vucheli, khandi vavetsanga nu mwoyo ku khukhonya; ma Musa navavoolela varaanje khukhola muhinzilu. 3Vanyola khurula khuye, vihanwa viosi via Vaisraeli vali nivaleri viu khumbakha Liheemo Litakatifu. Navutswa Vaisraeli vatsililila khulerela Musa, vihanwa viavo shia mu mavwevwe. 4Vandu vali ni limanya vakholanga muhinzilu, vasimukha nivatsia 5khuvoolela Musa, “Vandu valeranga vihanwa hali khanyishi muno, khuvira vindu viu khukholela muhinzilu ku Mwami Nyasaye yavoola kukholwi.”
6Nalwo lwa Musa yahaana lilako mu maheemo ka vandu vamenyamu, shia havundu hosi ndi shia mundu wosi, avuli khuhaanakhu shihanwa shiosi shi Liheemo Litakatifu; vandu shivalerakhu, khali vihanwa viosi tawe. 7Navutswa vihanwa via vali nivalera khale, viali vinyishi muno khuvira vihanwa viali nivitushili khurweshitsa muhinzilu kwosi.
Khulombwa khwi Liheemo Litakatifu
(Khur 26:1-37)
8Vandu vali ni limanya liu khukhola muhinzilu, valomba Liheemo Litakatifu, valilomba khu tsimbala machoro malahi tsia naavwa ni tsimbusi tsia bulu, sambarau, nende tsimuuchi manivanava ni vindu viasasanga khuli vilombe vi tsimbaha. 9Shia luvaala lwali shilala, vuraambi tsimita 12 nende vukalamu tsimita 2. 10Vanava tsimbala tsiranu halala, manivanava khandi tsindi halala tsiranu. 11Valomba virimula vi tsinguvu tsia bulu khundulu khwa shia tsimbala tsia naavwa halala. 12Vavikha virimula makhomi karanu khu tsimbala tsia naavwa halala tsiranu tsiu khuraanga yetso, nende virimula makhomi karanu niviheenzana ni tsimbala tsia naavwa halala tsiranu tsia khavili yetso. 13Valomba tsingaka makhomi karanu khu itsahabu, tsiu khurumishila khuhambanyinya tsiosi tsivili halala.
14Valomba shindu shiu khukhunikha khu Liheemo Litakatifu, khurula khu vitonye vi tsinguvu likhomi na lilala vialombwa khu vwoyo vwi tsimbuli. 15Vatsilomba tsiosi khuva shindu shilala, vuraambi tsimita 13 nende vukalamu tsimita 2. 16Vanava tsiranu khutsio mu shituma shilala, khandi tsindi sita mu shituma shindi. 17Vavikha virimula makhomi karanu khundulu khu luvaala lukhumalilikha khu tsimbala tsiranu tsia naavwa halala tsiu khuraanga, khandi virimula vindi makhomi karanu khundulu khwi tsimbala tsindi tsia naavwa halala tsili havundu handi yetso. 18Valomba tsingaka makhomi karanu khu mukasa, tsiu khuhambanyinya Liheemo halala khulive shindu shilala vutswa. 19Valomba vindu vindi vivili viu khulikhunikha, shilala khu liseelo limuuchihilu li likondi limiiko, khandi shindi khu liseelo lindi li imbuli, vive khuli vindu viu khukhunikha ilwanyi.
20Valomba tsifulemu tsinunji tsi Liheemo Litakatifu khu musala ku munyenye. 21Shia lufulemu lwali nu vuraambi tsimita 4 nende vukalamu tsisentimita 66, 22ni misala chiasinjilitswa chivili nichili khulala, khu tsifulemu tsihambanyinywi halala. Tsifulemu tsiosi tsiali ni misala chiasinjilitswa chienecho. 23Valomba tsifulemu makhomi kavili khuluveka luli ikuvanda; 24nende vwalilu vwalombwa khu ifetsa makhomi kane, khuvirila hasi hatsio, vwalilu hali khavili khuvirila hasi ha shia lufulemu khutiila misala chiasinjiilitswa halala. 25Valomba tsifulemu makhomi kavili khuluveka luli ivuluka wi Liheemo Litakatifu 26nende vwalilu vwalombwa khu ifetsa makhomi kane, vwalilu vuvili hasi ha shia lufulemu. 27Valomba inyuma wi Liheemo Litakatifu, khuluveka luli imbo tsifulemu sita 28nende tsifulemu tsivili tsiu mu tsimbeka. 29Tsifulemu tsiu mu tsimbeka yitsi, tsiahambanyinywa khurula hasi manitsikumilanyinywa khutukha ikulu. Tsifulemu tsivili tsialomba tsimbeka tsivili tsienetso tsialombwa ndio. 30Khu khwali ni tsifulemu munane nende vwalilu likhomi na sita vwalombwa khu ifetsa, vwalilu vuvili hasi ha shia lufulemu.
31Valomba tsisheti likhomi na tsiranu khu musala munyenye, tsisheti tsiranu khuluveka lulala lwi Liheemo Litakatifu, 32tsiranu khu tsifulemu tsili khuluveka lundi, khandi tsindi tsiranu khuluveka luli imbo, inyuma wi Liheemo Litakatifu. 33Lusheti lwa hakari, lwasinjilitswa khutukha hakari hi tsifulemu, lwarulanga khuluveka lulala lwi Liheemo khutukha khuluveka lundi. 34Vakhunikha tsifulemu tsienetso ni itsahabu, khandi nivatsinjilitsa mu tsingara tsialombwa khu itsahabu khukumila tsisheti tsienetso, tsiali ni tsia khunikhwa khandi ni itsahabu.
35Vanava luvaala lulavu khu machoro malahi ku khunavakhu, nivanava ni tsimbusi tsia bulu, sambarau, nende tsimuuchi, khandi nivanavilakhu vindu viasasanga khuli vilombe vi tsimbaha. 36Valomba misala chine chiu munyenye khutiila luvaala, nivatsikhunikha ni itsahabu, khandi vatsikumila ni tsingaka tsialombwa khu itsahabu. Manivalomba vwalilu vune khurula khu ifetsa khutiila misala chienecho. 37Valomba luvaala khu machoro malahi ki tsimbusi tsia bulu, sambarau, nende tsimuuchi khandi tsiasiaywa ni tsimbusi lukanu na lukanu mu vwinjililu vwi Liheemo. 38Valomba khu luvaala lwenolo misala chiranu chia vikhwakhu tsingaka, tsia khunikhwa ni itsahabu ikulu watsio ni vivia, khandi vwalilu vuranu vwi misala, vwali nu vwavekhwa mukasa.
Currently Selected:
KHURULA 36: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 36
36
1“Bezaleli, Oholiabu, nende vandu vandi voosi vu Mwami Nyasaye yali niyaha vucheli ni limanya, vali vamanya khulomba shia shindu shiosi shitushili khumbakha Liheemo Litakatifu; valomba vindu viosi, khuli Mwami Nyasaye yali navooli vakhole.”
Vandu Valera Vihanwa Vinyishi
2Musa yalaanga Bezaleli, Oholiabu, nende vandu vandi voosi vali ni limanya vu Mwami Nyasaye yali niyaha vucheli, khandi vavetsanga nu mwoyo ku khukhonya; ma Musa navavoolela varaanje khukhola muhinzilu. 3Vanyola khurula khuye, vihanwa viosi via Vaisraeli vali nivaleri viu khumbakha Liheemo Litakatifu. Navutswa Vaisraeli vatsililila khulerela Musa, vihanwa viavo shia mu mavwevwe. 4Vandu vali ni limanya vakholanga muhinzilu, vasimukha nivatsia 5khuvoolela Musa, “Vandu valeranga vihanwa hali khanyishi muno, khuvira vindu viu khukholela muhinzilu ku Mwami Nyasaye yavoola kukholwi.”
6Nalwo lwa Musa yahaana lilako mu maheemo ka vandu vamenyamu, shia havundu hosi ndi shia mundu wosi, avuli khuhaanakhu shihanwa shiosi shi Liheemo Litakatifu; vandu shivalerakhu, khali vihanwa viosi tawe. 7Navutswa vihanwa via vali nivalera khale, viali vinyishi muno khuvira vihanwa viali nivitushili khurweshitsa muhinzilu kwosi.
Khulombwa khwi Liheemo Litakatifu
(Khur 26:1-37)
8Vandu vali ni limanya liu khukhola muhinzilu, valomba Liheemo Litakatifu, valilomba khu tsimbala machoro malahi tsia naavwa ni tsimbusi tsia bulu, sambarau, nende tsimuuchi manivanava ni vindu viasasanga khuli vilombe vi tsimbaha. 9Shia luvaala lwali shilala, vuraambi tsimita 12 nende vukalamu tsimita 2. 10Vanava tsimbala tsiranu halala, manivanava khandi tsindi halala tsiranu. 11Valomba virimula vi tsinguvu tsia bulu khundulu khwa shia tsimbala tsia naavwa halala. 12Vavikha virimula makhomi karanu khu tsimbala tsia naavwa halala tsiranu tsiu khuraanga yetso, nende virimula makhomi karanu niviheenzana ni tsimbala tsia naavwa halala tsiranu tsia khavili yetso. 13Valomba tsingaka makhomi karanu khu itsahabu, tsiu khurumishila khuhambanyinya tsiosi tsivili halala.
14Valomba shindu shiu khukhunikha khu Liheemo Litakatifu, khurula khu vitonye vi tsinguvu likhomi na lilala vialombwa khu vwoyo vwi tsimbuli. 15Vatsilomba tsiosi khuva shindu shilala, vuraambi tsimita 13 nende vukalamu tsimita 2. 16Vanava tsiranu khutsio mu shituma shilala, khandi tsindi sita mu shituma shindi. 17Vavikha virimula makhomi karanu khundulu khu luvaala lukhumalilikha khu tsimbala tsiranu tsia naavwa halala tsiu khuraanga, khandi virimula vindi makhomi karanu khundulu khwi tsimbala tsindi tsia naavwa halala tsili havundu handi yetso. 18Valomba tsingaka makhomi karanu khu mukasa, tsiu khuhambanyinya Liheemo halala khulive shindu shilala vutswa. 19Valomba vindu vindi vivili viu khulikhunikha, shilala khu liseelo limuuchihilu li likondi limiiko, khandi shindi khu liseelo lindi li imbuli, vive khuli vindu viu khukhunikha ilwanyi.
20Valomba tsifulemu tsinunji tsi Liheemo Litakatifu khu musala ku munyenye. 21Shia lufulemu lwali nu vuraambi tsimita 4 nende vukalamu tsisentimita 66, 22ni misala chiasinjilitswa chivili nichili khulala, khu tsifulemu tsihambanyinywi halala. Tsifulemu tsiosi tsiali ni misala chiasinjilitswa chienecho. 23Valomba tsifulemu makhomi kavili khuluveka luli ikuvanda; 24nende vwalilu vwalombwa khu ifetsa makhomi kane, khuvirila hasi hatsio, vwalilu hali khavili khuvirila hasi ha shia lufulemu khutiila misala chiasinjiilitswa halala. 25Valomba tsifulemu makhomi kavili khuluveka luli ivuluka wi Liheemo Litakatifu 26nende vwalilu vwalombwa khu ifetsa makhomi kane, vwalilu vuvili hasi ha shia lufulemu. 27Valomba inyuma wi Liheemo Litakatifu, khuluveka luli imbo tsifulemu sita 28nende tsifulemu tsivili tsiu mu tsimbeka. 29Tsifulemu tsiu mu tsimbeka yitsi, tsiahambanyinywa khurula hasi manitsikumilanyinywa khutukha ikulu. Tsifulemu tsivili tsialomba tsimbeka tsivili tsienetso tsialombwa ndio. 30Khu khwali ni tsifulemu munane nende vwalilu likhomi na sita vwalombwa khu ifetsa, vwalilu vuvili hasi ha shia lufulemu.
31Valomba tsisheti likhomi na tsiranu khu musala munyenye, tsisheti tsiranu khuluveka lulala lwi Liheemo Litakatifu, 32tsiranu khu tsifulemu tsili khuluveka lundi, khandi tsindi tsiranu khuluveka luli imbo, inyuma wi Liheemo Litakatifu. 33Lusheti lwa hakari, lwasinjilitswa khutukha hakari hi tsifulemu, lwarulanga khuluveka lulala lwi Liheemo khutukha khuluveka lundi. 34Vakhunikha tsifulemu tsienetso ni itsahabu, khandi nivatsinjilitsa mu tsingara tsialombwa khu itsahabu khukumila tsisheti tsienetso, tsiali ni tsia khunikhwa khandi ni itsahabu.
35Vanava luvaala lulavu khu machoro malahi ku khunavakhu, nivanava ni tsimbusi tsia bulu, sambarau, nende tsimuuchi, khandi nivanavilakhu vindu viasasanga khuli vilombe vi tsimbaha. 36Valomba misala chine chiu munyenye khutiila luvaala, nivatsikhunikha ni itsahabu, khandi vatsikumila ni tsingaka tsialombwa khu itsahabu. Manivalomba vwalilu vune khurula khu ifetsa khutiila misala chienecho. 37Valomba luvaala khu machoro malahi ki tsimbusi tsia bulu, sambarau, nende tsimuuchi khandi tsiasiaywa ni tsimbusi lukanu na lukanu mu vwinjililu vwi Liheemo. 38Valomba khu luvaala lwenolo misala chiranu chia vikhwakhu tsingaka, tsia khunikhwa ni itsahabu ikulu watsio ni vivia, khandi vwalilu vuranu vwi misala, vwali nu vwavekhwa mukasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013