KHURULA 28
28
Tsinguvu tsia Vasalisi
(Khur 39:1-7)
1“Laanga halala amwavo wowo Haruni nende vaana veve, nivali Nadabu, Abihu, Eliazari, nende Itsamari. Vahule haluveka khurula mu Vaisraeli, khu vakholele muhinzilu khuli vasalisi. 2Uliitsa khunavila amwavo wowo Haruni tsinguvu tsiu vusalisi, tsinyala khumulomba anyole vukhumi nende luyali. 3Uliitsa khulomoloma khu vandu voosi vechela mihinzilu, vanaha vusitsa vu khukhola mihinzilu, nu khuvavoolela vanavile Haruni tsinguvu, khukholwa khuva mutakatifu khukhola muhinzilu kwanje khuli musalisi. 4Vavoolele vamunavile inguvu yu mu shiliru, shiambala, ikaanzu, lishiati lia naavwa ni tsimbusi lukanu, ikofia, nende lukhanda lu khwivoha mu shisiindi. Valiitsa khunavila amwavo wowo Haruni nende vaana veve tsinguvu tsiu vusalisi, vandumishile khuli vasalisi. 5Vanavi venavo valiitsa khurumishila tsimbusi tsia bulu, sambarau, tsimuuchi, tsimbusi tsialombwa khu itsahabu, nende vitambaya vilavu.
6“Valiitsa khunava shiambala khu tsimbusi tsia bulu, sambarau, nende tsimuuchi, shi tsimbusi tsialombwa khu itsahabu, nende machoro malahi, tsiasiaywa ni tsimbusi lukanu. 7Shiliitsa khuva ni mikoye chivili chiu mu maveeka chia naavwa mu tsimbeka tsiayo tsivili, khu chivoheelwi vutinyu. 8Lukhanda lwa naavwa vulahi vwene khu machoro malala mele, luliitsa khunaavwa khu shiambala khu luve shilaka shilala nashio. 9Valiitsa khuvukula machina ku vulimu vuvisi, nu khuhandika khuko mira ka vaana likhomi na vavili va Yakobo, 10khulondokhana khuli lwa vivulwa; mira ka vaana sita khu lichina lilala, khandi vandi sita khu lichina lindi. 11Uliitsa khuhandika mira ka vaana va Yakobo khu machina kavili kenako, khuli mundu wamanya khulomba muhuuli alombanga mihuuli. Uliitsa khuvikha machina kenako mu itsahabu. 12Uliitsa khuvikha mu mikoye chiu mu maveeka chi shiambala, khuva khuli shimanyilu shia vandu vi tsimbia likhomi na tsivili tsia Israeli. Haruni aliitsa khuchinga mira kavo khu maveeka keke munjila yeneyo, khu inzi Mwami Nyasaye, nzililile khwitsushitsa vandu vaanje. 13Uliitsa khulomba vivumba vivili khu itsahabu 14ni minyololo chivili chialombwa khu itsahabu inyukhu, khuli mukoye, ma uvoheele minyololo chienecho khu vivumba vienevo.
Inguvu yu Mushiliru
(Khur 39:8-21)
15“Uliitsa khunavila Mukali wa vasalisi voosi inguvu yu mu shiliru, khuchirumishila khumanya lienya lia Nyasaye. Iliitsa khunaavwa khu machoro malala mele, khuli shiambala, khandi iliitsa khunaavwa ni tsimbusi lukanu. 16Iliitsa mu tsimbeka tsiosi tsine, khandi iliitsa khulinganyinywa khavili, vuraambi tsisentimita 22 nende vukalamu tsisentimita 22. 17Uliitsa khuvikha tsimbaso tsine tsia machina ku vukuuli vululu khulio; muluvaso lukhuraanga, uliitsa khuvikhamu machina ka akiki, machina ka mayayi, nende machina ka baharamanu; 18muluvaso lwa khavili, uliitsa khuvikhamu lichina lia zumaridi, lichina lia bulu na mayayi, nende alumasi; 19muluvaso lwa khavaka, uliitsa khuvikhamu lichina lia hiakinzo, liakiki limuuchi, nende lia ametsisito; 20muluvaso lwa khane, uliitsa khuvikhamu lichina liu vulimu liu vukuuli vululu, lia shohamu, nende lichina lia mayayi liu vukuuli vululu. Kaliitsa khuvikhwa mu vivumba vialombwa khu itsahabu. 21Shia lichina khu machina likhomi na kavili kenako, liliitsa khuhandikwakhu lira liu mwana mulala khu vaana va Yakobo. Nako kaliitsa khumanyinya vandu vi tsimbia tsia Israeli. 22Uliitsa khulomba inguvu yu mu shiliru khu minyololo chialombwa khu itsahabu inyukhu, chialinganyinywa, khuli mukoye; 23uliitsa khulombela inguvu yu mu shiliru tsingara tsivili khu itsahabu, khandi utsivohe mu tsimbeka tsivili tsinguvu mu shiliru; 24khandi muvohe mikoye khu itsahabu chialombwa chivili khu tsingara tsivili. 25Uliitsa khuvoha tsindulu tsivili tsi mikoye khu vivumba vivili khandi munjila yeneyo, mutsinavili imbeli wi mikoye chiu mu maveeka ki shiambala. 26Uliitsa khulomba tsingara tsivili khu itsahabu, ma unavili khundulu khu tsimbeka tsindi tsivili tsinguvu yu mu shiliru khundulu khu mukari himbi khu shiambala. 27Uliitsa khulomba tsingara tsindi tsivili khu itsahabu, ma mutsivohe hasi hi mikoye chivili chiu mu maveeka ki shiambala, himbi khu shifungu shiayo ikulu wu lukhanda, lwa naavwa vulahi vwene. 28Muliitsa khuvoha tsingara tsi tsinguvu yu mu shiliru khu tsingara tsi shiambala nu mukoye kwa bulu, khu inguvu mu shiliru yeleli ikulu wu lukhanda vuchila khulekhanakhu.
29“Lwa Haruni yinjila Havundu Hatakatifu, aliitsa khwifwala inguvu yu mu shiliru yahandikwakhu mira ka vandu vi tsimbia tsia Israeli khu inzi, Mwami Nyasaye, nzitsushitse vandu vaanje shia khase khosi. 30Uliitsa khuvikha Urimu nende Tumimu mu inguvu yu mu shiliru yeneyo, khu Haruni avichinji lwa aliitsa khuva niyitsanga havundu hanje hatakatifu. Mu tsisaa tsienetso, aliitsa khwifwala inguvu yu mu shiliru yeneyo, khu amanye vulahi lienya lianje khulondokhana khu Vaisraeli.
Tsinguvu Tsindi tsiu Vusalisi
(Khur 39:22-31)
31“Mukoye kuvirilanga hasi hi shiambala, kuliitsa khulombwa vutswa khu tsimbusi tsia bulu. 32Kuliitsa khuva nu vwiyangu havundu ha murwi kuliitsa khuvirila, khandi lupindo lwa naavwa ni shilaka shitinyu khu luvuli khurandukha. 33Muliitsa khulomba vindu via bulu, sambarau nende vi imuuchi visasanga matunda ka pomenguraneti khundulu khu mukoye, ni tsikengele tsialombwa khu itsahabu hakari havio. 34Tsikengele tsialombwa khu itsahabu nende vindu vialombwa khu pomenguraneti, viliitsa khuheenzana khundulu khu mukoye. 35Haruni aliitsa khwifwala mukoye kwenoko, lwa aliitsa khuva nakholanga muhinzilu khuli musalisi. Lwa aliitsa khuva niyitsanga havundu ha mbetsanga nindi Havundu Hatakatifu, inoho lwa arulamu, ikengele iliitsa khuhulilikhana nikhuvanga; ma avuli khwiirwa.
36“Uliitsa khulomba shindu khu itsahabu inyukhu nu khuhandikakhu: ‘Shitakatifu khu Mwami Nyasaye.’ 37Uliitsa khuvoha imbeli wi shilemba nu mukoye kwa bulu. 38Haruni aliitsa khushifwala mu vweni vwevwe, khu inzi Mwami Nyasaye, mbuchilile vihanwa viosi, via Vaisraeli vakholanga khuva vitakatifu khwinzi; khali niiva vandu vanavo vakholanga vindu vitamanu lwa vavileranga khwinzi.
39“Uliitsa khunava lishati lia Haruni khurula khu machoro malahi khandi ulombe shilemba khurula khu machoro malahi halala nu lukhanda khurula khu machoro malahi shilala shienesho shiasiaywa ni tsimbusi lukanu na lukanu.
40“Uliitsa khunava mashati, tsikhanda, nende tsikofia tsia vaana va Haruni, khuvaha luyali nende likoondo lilahi. 41Uliitsa khufwala amwavo wowo Haruni nende vaana veve tsinguvu tsienetso, nu khuvakhola khuva vasalisi nu khuvakhola khuva vatakatifu, khuvavekha na makura, vandumishile khuli vasalisi. 42Uliitsa khuvalombela tsisulwali khurula khu machoro malahi, tsia valiitsa khufwala khurula mu shisiindi nu khutukha khu masikamo, vavuli khumanyinya vandu shekenye shiavo. 43Haruni nende vaana veve, valiitsa khwifwala shia khase khosi, lwa vinjilanga mu Liheemo Litakatifu inoho lwa vatsitsanga khu vwaali khukhola muhinzilu khuli vasalisi Havundu Hatakatifu, vavuli khwiirwa lwa vanyolekhana valiho. Yili liliitsa khuva lilako lia Haruni nende vitsukhulu veve, valiitsa khutsililila khulonda khumatukhu koosi.
Currently Selected:
KHURULA 28: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 28
28
Tsinguvu tsia Vasalisi
(Khur 39:1-7)
1“Laanga halala amwavo wowo Haruni nende vaana veve, nivali Nadabu, Abihu, Eliazari, nende Itsamari. Vahule haluveka khurula mu Vaisraeli, khu vakholele muhinzilu khuli vasalisi. 2Uliitsa khunavila amwavo wowo Haruni tsinguvu tsiu vusalisi, tsinyala khumulomba anyole vukhumi nende luyali. 3Uliitsa khulomoloma khu vandu voosi vechela mihinzilu, vanaha vusitsa vu khukhola mihinzilu, nu khuvavoolela vanavile Haruni tsinguvu, khukholwa khuva mutakatifu khukhola muhinzilu kwanje khuli musalisi. 4Vavoolele vamunavile inguvu yu mu shiliru, shiambala, ikaanzu, lishiati lia naavwa ni tsimbusi lukanu, ikofia, nende lukhanda lu khwivoha mu shisiindi. Valiitsa khunavila amwavo wowo Haruni nende vaana veve tsinguvu tsiu vusalisi, vandumishile khuli vasalisi. 5Vanavi venavo valiitsa khurumishila tsimbusi tsia bulu, sambarau, tsimuuchi, tsimbusi tsialombwa khu itsahabu, nende vitambaya vilavu.
6“Valiitsa khunava shiambala khu tsimbusi tsia bulu, sambarau, nende tsimuuchi, shi tsimbusi tsialombwa khu itsahabu, nende machoro malahi, tsiasiaywa ni tsimbusi lukanu. 7Shiliitsa khuva ni mikoye chivili chiu mu maveeka chia naavwa mu tsimbeka tsiayo tsivili, khu chivoheelwi vutinyu. 8Lukhanda lwa naavwa vulahi vwene khu machoro malala mele, luliitsa khunaavwa khu shiambala khu luve shilaka shilala nashio. 9Valiitsa khuvukula machina ku vulimu vuvisi, nu khuhandika khuko mira ka vaana likhomi na vavili va Yakobo, 10khulondokhana khuli lwa vivulwa; mira ka vaana sita khu lichina lilala, khandi vandi sita khu lichina lindi. 11Uliitsa khuhandika mira ka vaana va Yakobo khu machina kavili kenako, khuli mundu wamanya khulomba muhuuli alombanga mihuuli. Uliitsa khuvikha machina kenako mu itsahabu. 12Uliitsa khuvikha mu mikoye chiu mu maveeka chi shiambala, khuva khuli shimanyilu shia vandu vi tsimbia likhomi na tsivili tsia Israeli. Haruni aliitsa khuchinga mira kavo khu maveeka keke munjila yeneyo, khu inzi Mwami Nyasaye, nzililile khwitsushitsa vandu vaanje. 13Uliitsa khulomba vivumba vivili khu itsahabu 14ni minyololo chivili chialombwa khu itsahabu inyukhu, khuli mukoye, ma uvoheele minyololo chienecho khu vivumba vienevo.
Inguvu yu Mushiliru
(Khur 39:8-21)
15“Uliitsa khunavila Mukali wa vasalisi voosi inguvu yu mu shiliru, khuchirumishila khumanya lienya lia Nyasaye. Iliitsa khunaavwa khu machoro malala mele, khuli shiambala, khandi iliitsa khunaavwa ni tsimbusi lukanu. 16Iliitsa mu tsimbeka tsiosi tsine, khandi iliitsa khulinganyinywa khavili, vuraambi tsisentimita 22 nende vukalamu tsisentimita 22. 17Uliitsa khuvikha tsimbaso tsine tsia machina ku vukuuli vululu khulio; muluvaso lukhuraanga, uliitsa khuvikhamu machina ka akiki, machina ka mayayi, nende machina ka baharamanu; 18muluvaso lwa khavili, uliitsa khuvikhamu lichina lia zumaridi, lichina lia bulu na mayayi, nende alumasi; 19muluvaso lwa khavaka, uliitsa khuvikhamu lichina lia hiakinzo, liakiki limuuchi, nende lia ametsisito; 20muluvaso lwa khane, uliitsa khuvikhamu lichina liu vulimu liu vukuuli vululu, lia shohamu, nende lichina lia mayayi liu vukuuli vululu. Kaliitsa khuvikhwa mu vivumba vialombwa khu itsahabu. 21Shia lichina khu machina likhomi na kavili kenako, liliitsa khuhandikwakhu lira liu mwana mulala khu vaana va Yakobo. Nako kaliitsa khumanyinya vandu vi tsimbia tsia Israeli. 22Uliitsa khulomba inguvu yu mu shiliru khu minyololo chialombwa khu itsahabu inyukhu, chialinganyinywa, khuli mukoye; 23uliitsa khulombela inguvu yu mu shiliru tsingara tsivili khu itsahabu, khandi utsivohe mu tsimbeka tsivili tsinguvu mu shiliru; 24khandi muvohe mikoye khu itsahabu chialombwa chivili khu tsingara tsivili. 25Uliitsa khuvoha tsindulu tsivili tsi mikoye khu vivumba vivili khandi munjila yeneyo, mutsinavili imbeli wi mikoye chiu mu maveeka ki shiambala. 26Uliitsa khulomba tsingara tsivili khu itsahabu, ma unavili khundulu khu tsimbeka tsindi tsivili tsinguvu yu mu shiliru khundulu khu mukari himbi khu shiambala. 27Uliitsa khulomba tsingara tsindi tsivili khu itsahabu, ma mutsivohe hasi hi mikoye chivili chiu mu maveeka ki shiambala, himbi khu shifungu shiayo ikulu wu lukhanda, lwa naavwa vulahi vwene. 28Muliitsa khuvoha tsingara tsi tsinguvu yu mu shiliru khu tsingara tsi shiambala nu mukoye kwa bulu, khu inguvu mu shiliru yeleli ikulu wu lukhanda vuchila khulekhanakhu.
29“Lwa Haruni yinjila Havundu Hatakatifu, aliitsa khwifwala inguvu yu mu shiliru yahandikwakhu mira ka vandu vi tsimbia tsia Israeli khu inzi, Mwami Nyasaye, nzitsushitse vandu vaanje shia khase khosi. 30Uliitsa khuvikha Urimu nende Tumimu mu inguvu yu mu shiliru yeneyo, khu Haruni avichinji lwa aliitsa khuva niyitsanga havundu hanje hatakatifu. Mu tsisaa tsienetso, aliitsa khwifwala inguvu yu mu shiliru yeneyo, khu amanye vulahi lienya lianje khulondokhana khu Vaisraeli.
Tsinguvu Tsindi tsiu Vusalisi
(Khur 39:22-31)
31“Mukoye kuvirilanga hasi hi shiambala, kuliitsa khulombwa vutswa khu tsimbusi tsia bulu. 32Kuliitsa khuva nu vwiyangu havundu ha murwi kuliitsa khuvirila, khandi lupindo lwa naavwa ni shilaka shitinyu khu luvuli khurandukha. 33Muliitsa khulomba vindu via bulu, sambarau nende vi imuuchi visasanga matunda ka pomenguraneti khundulu khu mukoye, ni tsikengele tsialombwa khu itsahabu hakari havio. 34Tsikengele tsialombwa khu itsahabu nende vindu vialombwa khu pomenguraneti, viliitsa khuheenzana khundulu khu mukoye. 35Haruni aliitsa khwifwala mukoye kwenoko, lwa aliitsa khuva nakholanga muhinzilu khuli musalisi. Lwa aliitsa khuva niyitsanga havundu ha mbetsanga nindi Havundu Hatakatifu, inoho lwa arulamu, ikengele iliitsa khuhulilikhana nikhuvanga; ma avuli khwiirwa.
36“Uliitsa khulomba shindu khu itsahabu inyukhu nu khuhandikakhu: ‘Shitakatifu khu Mwami Nyasaye.’ 37Uliitsa khuvoha imbeli wi shilemba nu mukoye kwa bulu. 38Haruni aliitsa khushifwala mu vweni vwevwe, khu inzi Mwami Nyasaye, mbuchilile vihanwa viosi, via Vaisraeli vakholanga khuva vitakatifu khwinzi; khali niiva vandu vanavo vakholanga vindu vitamanu lwa vavileranga khwinzi.
39“Uliitsa khunava lishati lia Haruni khurula khu machoro malahi khandi ulombe shilemba khurula khu machoro malahi halala nu lukhanda khurula khu machoro malahi shilala shienesho shiasiaywa ni tsimbusi lukanu na lukanu.
40“Uliitsa khunava mashati, tsikhanda, nende tsikofia tsia vaana va Haruni, khuvaha luyali nende likoondo lilahi. 41Uliitsa khufwala amwavo wowo Haruni nende vaana veve tsinguvu tsienetso, nu khuvakhola khuva vasalisi nu khuvakhola khuva vatakatifu, khuvavekha na makura, vandumishile khuli vasalisi. 42Uliitsa khuvalombela tsisulwali khurula khu machoro malahi, tsia valiitsa khufwala khurula mu shisiindi nu khutukha khu masikamo, vavuli khumanyinya vandu shekenye shiavo. 43Haruni nende vaana veve, valiitsa khwifwala shia khase khosi, lwa vinjilanga mu Liheemo Litakatifu inoho lwa vatsitsanga khu vwaali khukhola muhinzilu khuli vasalisi Havundu Hatakatifu, vavuli khwiirwa lwa vanyolekhana valiho. Yili liliitsa khuva lilako lia Haruni nende vitsukhulu veve, valiitsa khutsililila khulonda khumatukhu koosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013