KHURULA 23
23
Katoto Vuchila Khwihonela Vandi
1“Muvuli khulanditsa makhuva ku vuvehi. Muvuli khukhonyakhu mundu mutamanu, khulu khumukholela vushiahidi vu vuvehi. 2Muvuli khusanga khukhola vindu vitamanu via vandu vanyishi vakholanga, inoho lwa vahaananga vushiahidi khukoyanyinya likhola liu vulunji. 3Muvuli khwihonelakhu mundu mumanani lwa aliitsa khuva nayaalwangwa.
4“Niiva munyala khunyola ing'ombe inoho ipunda yu mutsiku wenyu nikutuli mukoye, muliitsa khukhoma mumukalushitsili. 5Niiva ipunda yeye iliitsa khukwa hasi, shichila ichinji musiko mulitoho, muliitsa khumukhonya khusinjilitsa; mukhachendikhu numuheenza iluveka tawe.
6“Muvuli khwihonelakhu mundu mumanani, lwa yitsanga mushiina. 7Muvuli khulomolomakhu makhuva ku vuvehi, lwa muyaalanga mundu; khandi muvuli khwiira mundu uvula vutamanu, shichila inzi mwene niitsa khukhalachila mundu wu kholanga vutamanu khuli vwenovo. 8Muvuli khuhuchililakhu khuheelwa asooya; shichila asooya ikoyanyinyanga vandu vavula khulola likhola liu vulunji, khandi ichila vandu vavula vutamanu vwosi vakhalachilwa.
9“Muvuli khutambitsakhu mundu mucheni; munyi vene mwamanya khuli vuli vutiinyu khuva mundu muviri, shichila khali munyi mwali vandu vaviri, lwa mwamenyanga mu shivala shia Misri.
Malako khu Muhika kwa Saba nende Litukhu li Lisabato
10“Raachi nu khuchesa viraakwa venyu khumihika sita, 11navutswa muvuli khulima milimi chienyu khumuhika kwa saba. Vandu vamanani valiitsa khulia viukhulia via venyanga khurula mu milimi chienyu, milimi chi misabibu, nende chi misayituni khumuhika kwenoko; khandi lwa valiitsa khuva nivanyoli viosi via venyanga khurula mu milimi chienyu, muleshele tsinyama tsiumbulimu tsilii virikale.
12“Kholi muhinzilu kwenyu khumatukhu sita; navutswa muvuli khukhola mihinzilu khulitukhu lia saba; khu varukwa venyu nende vandu vacheni, vamukholelanga mihinzilu vahulushi, halala ni miruku chienyu.
13“Muheenze mulole ndi mukholanga shia shindu shiosi, shia inzi Mwami Nyasaye muvoolele. Muvuli khusaalakhu khu vanyasaye vandi inoho khali khuralakhu mira kavo.
Milukha Mikali Chivaka
(Khur 34:18-26; Litsu 16:1-17)
14“Muliitsa khukhola milukha chiu khwikhoya hali khavaka khumuhika khumba luyali. 15Khumweli kwa Abibu, nukuli mweli kwa mwarula mu shivala shia Misri, muliitsa khwikhoyela Mulukha Kukhulia Mukati kwalombwa vuchila Mamela, khuli namuvoolela mukhole. Muliitsa khuvula khuliakhu mukati kwosi kwalombwa na mamela, khumatukhu saba ku mulukha kwenoko. Muvuli khutsiakhu khusaala, vuchila khulera shihanwa shiosi.
16“Mwikhoyele Mulukha kwi Lichesa, lwa muranganga khuchesa viraakwa vienyu.
“Mwikhoyele Mulukha kwa Matiili lwa muhika kwenyanga khuvwa, lwa muliitsa khuva numumali khuchesa viraakwa vienyu khurula mu milimi. 17Shia muhika, lwa muliitsa khuva numukholanga milukha chivaka chienecho, vandu venyu voosi valiitsa khusaala khwinzi, Mwami Nyasaye, uli Nyasaye wenyu.
18“Muvuli khuhaanakhu mukati kwalombwa na mamela, lwa mukholela musango ku khusinzila muruku. Shivana shi miruku chiakholelwa musango khwinzi, mumatukhu ki milukha chienecho, shilitsa khuvula khuvikhwa khutukha mu mavwevwe.
19“Shia muhika muliitsa khulera mu inzu yu Mwami Nyasaye, uli Nyasaye wenyu imu yu khuraanga ya muliitsa khuva numuchesi.
“Muvuli khuteekhakhu shimeme shi likondi, inoho shimeme shi imbuli mu maveele ka nyina yalio.
Injelosi ya Nyasaye Yalomba Injila
20“Niitsa khuruma injelosi imbeli wenyu khumulinda, lwa muliitsa khuva numuli khu luchendo khandi khumwimilila khumuhila havundu ha namulombela. 21Muchihulile khandi mulonde ka iliitsa khumuvoolela. Muvuli khuchihinganyinya; shichila ninzi wachiruma, khandi iliitsa khuvula khusemeha vandu vali na mahingani khuli kenako. 22Navutswa niiva muliitsa khuchilonda nu khukhola koosi ka muvoolele, niitsa khumukwanila vatsiku venyu voosi. 23Injelosi yanje iliitsa khumwimilila, nu khumuhila mu shivala shia Vaamori, Vaahitse, Vapeerizi, Vakanaani, Vaahivi nende Vayeebusi, ninzi niitsa khutivitsa vandu venavo voosi. 24Muvuli khwinamilakhu vanyasaye vavo inoho khusaala khuvo; khandi muvuli khulondakhu miima chiavo khulondokhana khu idini. Yononyinyi vanyasaye vavo khandi mwaraanyinyi machina kavo matakatifu ka vasimiikha. 25Niiva muliitsa khusaala khwinzi Mwami Nyasaye, uli Nyasaye wenyu, niitsa khumukasitsa muhe shiukhulia nende matsi. Niitsa khumuhonyinya khurula mu vulwale vwenyu vwosi. 26Mundu mukhali avulakhuho uliitsa khuhulukhakhu mwana mu shivala shienyu inoho khuva mukuumba. Niitsa khumuha matukhu manyishi ku khumenya mu shivala.
27“Niitsa khukhola vandu vahinganyinya munyi khumuria shichila inzi. Niitsa khukoyanyinya vandu vamukwananga, manombe vatsiku venyu voosi vakomoshe nu khwilukha. 28Niitsa khutechelitsa vatsiku venyu. Niitsa khukhunga Vaahivi, Vakanaani, nende Vaahitse, lwa muliitsa khuva numwisuundanga. 29Shinzitsanga khuvakhunga mu muhika mulala kwonyene vutswa tawe. Niiva niitsa khukhola kenako, shivala shiliitsa khuva shiele vuchila vandu; khandi tsinyama tsiumbulimu tsiliitsa khuva tsinyishi khuvira munyi. 30Nikhali, niitsa khuvakhunga shia vati, khutukha lwa muliitsa khwivulana khuva vandu vanyishi vu khumenya mu shivala shienesho. 31Niitsa khuvambalalitsa mipaka chi shivala shienyu, khurula khu Inyanza Imuuchi khutukha khu Inyanza ya Meditarenia; khandi khurula mu shiangalangwi khutsia khutukha khu Muchela kwa Efurate. Niitsa khumuha tsingulu tsiu khukuura vandu vamenyanga mu shivala shienesho, nu khuvakhunga lwa muliitsa khuva numwisuundanga. 32Muvuli khukholakhu navo lilakano liosi inoho na vanyasaye vavo. 33Muvuli khuvahuchililakhu khumenya mu shivala shienyu. Niiva muliitsa khukhola kenako, valiitsa khuchila mukholele vwoni. Niiva muliitsa khusaala khu vanyasaye vavo, ni kilikali kuliitsa khuva mureeko mutamanu khu munyi.”
Currently Selected:
KHURULA 23: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 23
23
Katoto Vuchila Khwihonela Vandi
1“Muvuli khulanditsa makhuva ku vuvehi. Muvuli khukhonyakhu mundu mutamanu, khulu khumukholela vushiahidi vu vuvehi. 2Muvuli khusanga khukhola vindu vitamanu via vandu vanyishi vakholanga, inoho lwa vahaananga vushiahidi khukoyanyinya likhola liu vulunji. 3Muvuli khwihonelakhu mundu mumanani lwa aliitsa khuva nayaalwangwa.
4“Niiva munyala khunyola ing'ombe inoho ipunda yu mutsiku wenyu nikutuli mukoye, muliitsa khukhoma mumukalushitsili. 5Niiva ipunda yeye iliitsa khukwa hasi, shichila ichinji musiko mulitoho, muliitsa khumukhonya khusinjilitsa; mukhachendikhu numuheenza iluveka tawe.
6“Muvuli khwihonelakhu mundu mumanani, lwa yitsanga mushiina. 7Muvuli khulomolomakhu makhuva ku vuvehi, lwa muyaalanga mundu; khandi muvuli khwiira mundu uvula vutamanu, shichila inzi mwene niitsa khukhalachila mundu wu kholanga vutamanu khuli vwenovo. 8Muvuli khuhuchililakhu khuheelwa asooya; shichila asooya ikoyanyinyanga vandu vavula khulola likhola liu vulunji, khandi ichila vandu vavula vutamanu vwosi vakhalachilwa.
9“Muvuli khutambitsakhu mundu mucheni; munyi vene mwamanya khuli vuli vutiinyu khuva mundu muviri, shichila khali munyi mwali vandu vaviri, lwa mwamenyanga mu shivala shia Misri.
Malako khu Muhika kwa Saba nende Litukhu li Lisabato
10“Raachi nu khuchesa viraakwa venyu khumihika sita, 11navutswa muvuli khulima milimi chienyu khumuhika kwa saba. Vandu vamanani valiitsa khulia viukhulia via venyanga khurula mu milimi chienyu, milimi chi misabibu, nende chi misayituni khumuhika kwenoko; khandi lwa valiitsa khuva nivanyoli viosi via venyanga khurula mu milimi chienyu, muleshele tsinyama tsiumbulimu tsilii virikale.
12“Kholi muhinzilu kwenyu khumatukhu sita; navutswa muvuli khukhola mihinzilu khulitukhu lia saba; khu varukwa venyu nende vandu vacheni, vamukholelanga mihinzilu vahulushi, halala ni miruku chienyu.
13“Muheenze mulole ndi mukholanga shia shindu shiosi, shia inzi Mwami Nyasaye muvoolele. Muvuli khusaalakhu khu vanyasaye vandi inoho khali khuralakhu mira kavo.
Milukha Mikali Chivaka
(Khur 34:18-26; Litsu 16:1-17)
14“Muliitsa khukhola milukha chiu khwikhoya hali khavaka khumuhika khumba luyali. 15Khumweli kwa Abibu, nukuli mweli kwa mwarula mu shivala shia Misri, muliitsa khwikhoyela Mulukha Kukhulia Mukati kwalombwa vuchila Mamela, khuli namuvoolela mukhole. Muliitsa khuvula khuliakhu mukati kwosi kwalombwa na mamela, khumatukhu saba ku mulukha kwenoko. Muvuli khutsiakhu khusaala, vuchila khulera shihanwa shiosi.
16“Mwikhoyele Mulukha kwi Lichesa, lwa muranganga khuchesa viraakwa vienyu.
“Mwikhoyele Mulukha kwa Matiili lwa muhika kwenyanga khuvwa, lwa muliitsa khuva numumali khuchesa viraakwa vienyu khurula mu milimi. 17Shia muhika, lwa muliitsa khuva numukholanga milukha chivaka chienecho, vandu venyu voosi valiitsa khusaala khwinzi, Mwami Nyasaye, uli Nyasaye wenyu.
18“Muvuli khuhaanakhu mukati kwalombwa na mamela, lwa mukholela musango ku khusinzila muruku. Shivana shi miruku chiakholelwa musango khwinzi, mumatukhu ki milukha chienecho, shilitsa khuvula khuvikhwa khutukha mu mavwevwe.
19“Shia muhika muliitsa khulera mu inzu yu Mwami Nyasaye, uli Nyasaye wenyu imu yu khuraanga ya muliitsa khuva numuchesi.
“Muvuli khuteekhakhu shimeme shi likondi, inoho shimeme shi imbuli mu maveele ka nyina yalio.
Injelosi ya Nyasaye Yalomba Injila
20“Niitsa khuruma injelosi imbeli wenyu khumulinda, lwa muliitsa khuva numuli khu luchendo khandi khumwimilila khumuhila havundu ha namulombela. 21Muchihulile khandi mulonde ka iliitsa khumuvoolela. Muvuli khuchihinganyinya; shichila ninzi wachiruma, khandi iliitsa khuvula khusemeha vandu vali na mahingani khuli kenako. 22Navutswa niiva muliitsa khuchilonda nu khukhola koosi ka muvoolele, niitsa khumukwanila vatsiku venyu voosi. 23Injelosi yanje iliitsa khumwimilila, nu khumuhila mu shivala shia Vaamori, Vaahitse, Vapeerizi, Vakanaani, Vaahivi nende Vayeebusi, ninzi niitsa khutivitsa vandu venavo voosi. 24Muvuli khwinamilakhu vanyasaye vavo inoho khusaala khuvo; khandi muvuli khulondakhu miima chiavo khulondokhana khu idini. Yononyinyi vanyasaye vavo khandi mwaraanyinyi machina kavo matakatifu ka vasimiikha. 25Niiva muliitsa khusaala khwinzi Mwami Nyasaye, uli Nyasaye wenyu, niitsa khumukasitsa muhe shiukhulia nende matsi. Niitsa khumuhonyinya khurula mu vulwale vwenyu vwosi. 26Mundu mukhali avulakhuho uliitsa khuhulukhakhu mwana mu shivala shienyu inoho khuva mukuumba. Niitsa khumuha matukhu manyishi ku khumenya mu shivala.
27“Niitsa khukhola vandu vahinganyinya munyi khumuria shichila inzi. Niitsa khukoyanyinya vandu vamukwananga, manombe vatsiku venyu voosi vakomoshe nu khwilukha. 28Niitsa khutechelitsa vatsiku venyu. Niitsa khukhunga Vaahivi, Vakanaani, nende Vaahitse, lwa muliitsa khuva numwisuundanga. 29Shinzitsanga khuvakhunga mu muhika mulala kwonyene vutswa tawe. Niiva niitsa khukhola kenako, shivala shiliitsa khuva shiele vuchila vandu; khandi tsinyama tsiumbulimu tsiliitsa khuva tsinyishi khuvira munyi. 30Nikhali, niitsa khuvakhunga shia vati, khutukha lwa muliitsa khwivulana khuva vandu vanyishi vu khumenya mu shivala shienesho. 31Niitsa khuvambalalitsa mipaka chi shivala shienyu, khurula khu Inyanza Imuuchi khutukha khu Inyanza ya Meditarenia; khandi khurula mu shiangalangwi khutsia khutukha khu Muchela kwa Efurate. Niitsa khumuha tsingulu tsiu khukuura vandu vamenyanga mu shivala shienesho, nu khuvakhunga lwa muliitsa khuva numwisuundanga. 32Muvuli khukholakhu navo lilakano liosi inoho na vanyasaye vavo. 33Muvuli khuvahuchililakhu khumenya mu shivala shienyu. Niiva muliitsa khukhola kenako, valiitsa khuchila mukholele vwoni. Niiva muliitsa khusaala khu vanyasaye vavo, ni kilikali kuliitsa khuva mureeko mutamanu khu munyi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013