KHURULA 10
10
Tsisichi
1Mwami Nyasaye yavoolela Musa, “Simukha utsi khulola Mwami wa Misri. Mukholi ye mwene halala na varumishi va vandu veve, khuva vahaaka, khu khole viloleshitsu vianje yivi muvo, 2khandi khu ulivoolelakhu vaana vovo, halala na vaana va vaana vavo, khuli lwa inzi nalulila Vamisri, khandi khuli nakhola viloleshitsu viu khuchenyinya muvo; voosi vamanye ndi ninzi Mwami Nyasaye.”
3Musa nende Haruni vasimukha, nivatsia khu Mwami wa Misri, nivamuvoolela, “Mwami Nyasaye avoolelanga Vahebrania, ‘Nuluhono shina lwa mutsitsanga khwambakhana khunzichehitsila? Lekha vandu vaanje vatsi, khulu khundumishila. 4Niiva uliitsa khwambakhana khuhuchilila vandu vaanje khutsia, nzitsanga khulera tsisichi mu shivala shioshio khulitukhu lia mukamba. 5Tsiliitsa khusalana shia havundu hosi khulilova khu khali lilova lilivula khulolekhakhu. Tsiliitsa khunyanya shia shindu shiosi, shia imbula ya machina yivilila khwononyinya, khali misala chiarikala. 6Tsiliitsa khwitsula mu tsinzu tsiotsio khandi mu tsinzu tsia varumishi va vandu vovo, halala ni tsinzu tsia vandu vovo voosi. Tsiliitsa khuva tsindamanu muno khuvira shindu shiosi, shia vakuuka venyu vashili khulolakhu, khurula litukhu lia vitsa khumenya mu shivala shinu khutukha nunundi.’ ” Nalwo lwa Musa yasimukha narulaho.
7Vakali va vandu vu Mwami wa Misri vavoola, “Nu luhono shina lwa mundu uyu atsitsanga khuvukula khutsililila khukhusalilitsa? Lekha Vaisraeli vatsi, khurumishila Mwami Nyasaye, uli Nyasaye wavo. Unyala khuva ushili khumanyakhu ndi shivala shia Misri, shimali khutivitswa?”
8Musa nende Haruni vakalushitswa khu Mwami wa Misri, navavoolela, “Munyala khutsia khurumishila Mwami Nyasaye, uli Nyasaye wenyu. Navutswa ni vanga viina valiitsa khutsia?”
9Musa yamuvoolela, “Khuliitsa khutsia vandu voosi, khali vaana vatititi veru nende vandu veru vasakhula. Khuliitsa khuvukula vaana veru vi shiyayi nende vi shikhana, makondi keru nende tsimbuli, halala ni tsing'ombe tsieru, shichila khutsitsanga khukhola mulukha ku khuha Mwami Nyasaye luyali.”
10Mwami wa Misri yavoola, “Nzisuuhanga khu Mwami Nyasaye ndi shinzitsanga khumuhuchililakhu khutsia, halala na vakhali venyu nende vaana venyu tawe! Kali havulavu ndi mukanakananga khukhola shindu shitamanu. 11Shikali kario tawe! Lekha vandu vasatsa valiho vatsi, khurumishila Mwami Nyasaye, shichila nashio shindu shia wikombanga khukhola.” Musa nende Haruni vakhungwa imbeli wu Mwami wa Misri.
12Mwami Nyasaye yavoolela Musa, “Nyiila mukhono kwokwo khu shivala shia Misri, ulere tsisichi. Tsiliitsa khulia shia shindu shiosi shimeelanga, khandi shia shindu shiosi shiavula khwononyinywa ni imbula ya machina.” 13Musa yachinguula indovoshi yeye, ma Mwami Nyasaye nachila vushindu vurulanga khuluveka luli ivukwi, nuvuhuutsa khulilova mbasu nu vutukhu. Vwalera tsisichi mu mavwevwe. 14Tsisichi tsitsa mu vunyishi mu vituma, nitsiyeela shia havundu hosi mu shivala shia Misri. Shiali shituma shi tsisichi shikali muno, shishili khulolekhakhu inoho shilitsa khulolekhakhu khandi tawe. 15Tsiasalana shia havundu hosi, khutukha lwa havundu tsana hamwama ni tsisichi; tsianyanya vuli shindu shiosi, shia imbula ya machina yali niyalekha khwononyinya, khali matunda koosi khu misala. Masambu koosi ku vulimu vuvisi, shikarikala khu musala kwosi inoho khu viraakwa shia havundu hosi mu shivala shia Misri tawe.
16Mwami wa Misri yalaanga vwangu muno Musa nende Haruni, navoola, “Kholele Mwami Nyasaye, uli Nyasaye wenyu halala na munyi vwoni. 17Semehi vwoni vwanje vwakholi nunundi, khandi musaale khu Mwami Nyasaye, uli Nyasaye wenyu khurulitsaho lisalila litamanu muno yili.” 18Musa yalekha Mwami wa Misri, nasaala khu Mwami Nyasaye. 19Mwami Nyasaye yakalukhanyinya vushindu vwenovo, manuvuva vushindu vwi tsingulu tsinyishi vwi imbo, vwavukula tsisichi, manuvutsihila mu Inyanza Imuuchi. Ivulakhuho khali isichi yosi, yarikala shia havundu hosi mu shivala shia Misri. 20Navutswa Mwami Nyasaye yalomba Mwami wa Misri, khuva muhaaka, khali niyambakhana khuhuchilila Vaisraeli khutsia.
Shisuundii
21Mwami Nyasaye yavoolela Musa, “Chinguula ikulu mukhono kwokwo, khu shisuundi shimwamu tititi shive shia havundu hosi mu shivala shia Misri.” 22Musa yachinguula ikulu mukhono kwekwe ma shisuundi shimwamu tititi nishiva shia havundu hosi mu shivala shia Misri khumatukhu kavaka. 23Vamisri shivali vanyala khulolanakhu vene khuvene tawe; avulakhuho mundu warula munzu mwemwe mumatukhu kenako. Navutswa Vaisraeli vali nu vulavu havundu ha vamenyanga.
24Mwami wa Misri yalaanga Musa, namuvoolela, “Tsia usaale khu Mwami Nyasaye; khali vakhali vovo nende vaana vovo vanyala khutsia nivi. Navutswa makondi koko, tsimbuli tsiotsio, nende tsing'ombe tsiotsio khutukha virikale hanu.”
25Musa yamuvoolela, “Khutukha ukhuhe miruku chiu khukholela misango, khandi vihanwa viu khusambwa, viu khuha Mwami Nyasaye, uli Nyasaye weru. 26Khulatsia khali ni tsing'ombe tsieru; khali luhakayu shiulunyala khurikala inyuma tawe. Khuliitsa khurumishila tsindala khutsio, khulu khusaala Mwami Nyasaye, uli Nyasaye weru; khandi khushili khumanyakhu shindu shia khuliitsa khurumishila khusaala khu Mwami Nyasaye, nu khushili khutukhayo.”
27Navutswa Mwami Nyasaye yalomba Mwami wa Misri khuva muhaaka, niyambakhana khuhuchilila vatsi. 28Mwami wa Misri yavoolela Musa, “Rula imbeli wanje! Lekhana ninzi! Litukhu lia niitsa khukhulolakhu, nalio lia uliitsa khukhutsa!”
29Musa yamuvoolela, “Uvooli vulahi; shiuliitsa khundolakhu khandi tawe.”
Currently Selected:
KHURULA 10: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
KHURULA 10
10
Tsisichi
1Mwami Nyasaye yavoolela Musa, “Simukha utsi khulola Mwami wa Misri. Mukholi ye mwene halala na varumishi va vandu veve, khuva vahaaka, khu khole viloleshitsu vianje yivi muvo, 2khandi khu ulivoolelakhu vaana vovo, halala na vaana va vaana vavo, khuli lwa inzi nalulila Vamisri, khandi khuli nakhola viloleshitsu viu khuchenyinya muvo; voosi vamanye ndi ninzi Mwami Nyasaye.”
3Musa nende Haruni vasimukha, nivatsia khu Mwami wa Misri, nivamuvoolela, “Mwami Nyasaye avoolelanga Vahebrania, ‘Nuluhono shina lwa mutsitsanga khwambakhana khunzichehitsila? Lekha vandu vaanje vatsi, khulu khundumishila. 4Niiva uliitsa khwambakhana khuhuchilila vandu vaanje khutsia, nzitsanga khulera tsisichi mu shivala shioshio khulitukhu lia mukamba. 5Tsiliitsa khusalana shia havundu hosi khulilova khu khali lilova lilivula khulolekhakhu. Tsiliitsa khunyanya shia shindu shiosi, shia imbula ya machina yivilila khwononyinya, khali misala chiarikala. 6Tsiliitsa khwitsula mu tsinzu tsiotsio khandi mu tsinzu tsia varumishi va vandu vovo, halala ni tsinzu tsia vandu vovo voosi. Tsiliitsa khuva tsindamanu muno khuvira shindu shiosi, shia vakuuka venyu vashili khulolakhu, khurula litukhu lia vitsa khumenya mu shivala shinu khutukha nunundi.’ ” Nalwo lwa Musa yasimukha narulaho.
7Vakali va vandu vu Mwami wa Misri vavoola, “Nu luhono shina lwa mundu uyu atsitsanga khuvukula khutsililila khukhusalilitsa? Lekha Vaisraeli vatsi, khurumishila Mwami Nyasaye, uli Nyasaye wavo. Unyala khuva ushili khumanyakhu ndi shivala shia Misri, shimali khutivitswa?”
8Musa nende Haruni vakalushitswa khu Mwami wa Misri, navavoolela, “Munyala khutsia khurumishila Mwami Nyasaye, uli Nyasaye wenyu. Navutswa ni vanga viina valiitsa khutsia?”
9Musa yamuvoolela, “Khuliitsa khutsia vandu voosi, khali vaana vatititi veru nende vandu veru vasakhula. Khuliitsa khuvukula vaana veru vi shiyayi nende vi shikhana, makondi keru nende tsimbuli, halala ni tsing'ombe tsieru, shichila khutsitsanga khukhola mulukha ku khuha Mwami Nyasaye luyali.”
10Mwami wa Misri yavoola, “Nzisuuhanga khu Mwami Nyasaye ndi shinzitsanga khumuhuchililakhu khutsia, halala na vakhali venyu nende vaana venyu tawe! Kali havulavu ndi mukanakananga khukhola shindu shitamanu. 11Shikali kario tawe! Lekha vandu vasatsa valiho vatsi, khurumishila Mwami Nyasaye, shichila nashio shindu shia wikombanga khukhola.” Musa nende Haruni vakhungwa imbeli wu Mwami wa Misri.
12Mwami Nyasaye yavoolela Musa, “Nyiila mukhono kwokwo khu shivala shia Misri, ulere tsisichi. Tsiliitsa khulia shia shindu shiosi shimeelanga, khandi shia shindu shiosi shiavula khwononyinywa ni imbula ya machina.” 13Musa yachinguula indovoshi yeye, ma Mwami Nyasaye nachila vushindu vurulanga khuluveka luli ivukwi, nuvuhuutsa khulilova mbasu nu vutukhu. Vwalera tsisichi mu mavwevwe. 14Tsisichi tsitsa mu vunyishi mu vituma, nitsiyeela shia havundu hosi mu shivala shia Misri. Shiali shituma shi tsisichi shikali muno, shishili khulolekhakhu inoho shilitsa khulolekhakhu khandi tawe. 15Tsiasalana shia havundu hosi, khutukha lwa havundu tsana hamwama ni tsisichi; tsianyanya vuli shindu shiosi, shia imbula ya machina yali niyalekha khwononyinya, khali matunda koosi khu misala. Masambu koosi ku vulimu vuvisi, shikarikala khu musala kwosi inoho khu viraakwa shia havundu hosi mu shivala shia Misri tawe.
16Mwami wa Misri yalaanga vwangu muno Musa nende Haruni, navoola, “Kholele Mwami Nyasaye, uli Nyasaye wenyu halala na munyi vwoni. 17Semehi vwoni vwanje vwakholi nunundi, khandi musaale khu Mwami Nyasaye, uli Nyasaye wenyu khurulitsaho lisalila litamanu muno yili.” 18Musa yalekha Mwami wa Misri, nasaala khu Mwami Nyasaye. 19Mwami Nyasaye yakalukhanyinya vushindu vwenovo, manuvuva vushindu vwi tsingulu tsinyishi vwi imbo, vwavukula tsisichi, manuvutsihila mu Inyanza Imuuchi. Ivulakhuho khali isichi yosi, yarikala shia havundu hosi mu shivala shia Misri. 20Navutswa Mwami Nyasaye yalomba Mwami wa Misri, khuva muhaaka, khali niyambakhana khuhuchilila Vaisraeli khutsia.
Shisuundii
21Mwami Nyasaye yavoolela Musa, “Chinguula ikulu mukhono kwokwo, khu shisuundi shimwamu tititi shive shia havundu hosi mu shivala shia Misri.” 22Musa yachinguula ikulu mukhono kwekwe ma shisuundi shimwamu tititi nishiva shia havundu hosi mu shivala shia Misri khumatukhu kavaka. 23Vamisri shivali vanyala khulolanakhu vene khuvene tawe; avulakhuho mundu warula munzu mwemwe mumatukhu kenako. Navutswa Vaisraeli vali nu vulavu havundu ha vamenyanga.
24Mwami wa Misri yalaanga Musa, namuvoolela, “Tsia usaale khu Mwami Nyasaye; khali vakhali vovo nende vaana vovo vanyala khutsia nivi. Navutswa makondi koko, tsimbuli tsiotsio, nende tsing'ombe tsiotsio khutukha virikale hanu.”
25Musa yamuvoolela, “Khutukha ukhuhe miruku chiu khukholela misango, khandi vihanwa viu khusambwa, viu khuha Mwami Nyasaye, uli Nyasaye weru. 26Khulatsia khali ni tsing'ombe tsieru; khali luhakayu shiulunyala khurikala inyuma tawe. Khuliitsa khurumishila tsindala khutsio, khulu khusaala Mwami Nyasaye, uli Nyasaye weru; khandi khushili khumanyakhu shindu shia khuliitsa khurumishila khusaala khu Mwami Nyasaye, nu khushili khutukhayo.”
27Navutswa Mwami Nyasaye yalomba Mwami wa Misri khuva muhaaka, niyambakhana khuhuchilila vatsi. 28Mwami wa Misri yavoolela Musa, “Rula imbeli wanje! Lekhana ninzi! Litukhu lia niitsa khukhulolakhu, nalio lia uliitsa khukhutsa!”
29Musa yamuvoolela, “Uvooli vulahi; shiuliitsa khundolakhu khandi tawe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013