VAKOLOSAI 3
3
1Niiva mwayisimushitswa khurula mu likhutsa na Kristo, mure mioyo chienyu khu vindu viu mwikulu, wa Kristo yikhalanga khu shisoko shieshie shiu vwami, khuluveka lu mukhono musatsa kwa Nyasaye. 2Mure tsinganakani tsienyu khu vindu viu mwikulu; navutswa muvuli khutsira khu vindu vili khulilova khunu; 3shichila mwakhutsa khale, khandi vulamu vwenyu vwaviswa na Kristo mu Nyasaye. 4Vulamu vwenyu vwatoto ni Kristo. Lwa Kristo aliitsa khulolekha, nalwo lwa munyi khandi muliitsa khulolekha naye mu vukhumi vwevwe!
Limenya Liakhale nende Liyia mu Kristo
5Khulwa yako, mulekhane ni likomba liu mmbili liu mu shivala, likholanga muhinzilu mu munyi khuli mwiima mutamanu kwa mundu musatsa nende mukhali vakholanga lwa vakonanga halala nivashili khuhilana khuli musatsa nu mukhali, mwiima mutamanu kwi shifwavi, likomba li likhayilwa, likomba litamanu, nende vung'wang'wa (shichila vung'wang'wa, nakhwo khusaala khu misambwa). 6Nyasaye aliitsa khuvukulila vurima vandu vambakhananga khulonda malako keke, shichila vakholanga vindu khuli vienevo. 7Matukhu kandi, khali munyi vene mwamenyanga khulondokhana khu likomba khuli lienelo, lwa mwali nu mwayaanzilila khukhola vindu khuli vienevo mu limenya lienyu.
8Navutswa nunundi mulekhane ni vindu vienevo viosi: vurima, vululu, nende tsinganakani tsiu khuhimana. Muvuli khunyekanakhu inoho khulomoloma vindu vitamanu. 9Muleshe khuvehana vene khuvene; shichila mwalekhana ni limenya likhulu, halala ni miima chialio; 10khandi mumenyanga khulondokhana khu limenya liyia. Nalio likholwangwa khuva liyia mu vucheli khulondokhana khu likoondo liu Muloonji. 11Khulwa yako, vwavukhani vuvulakhuho hakari ha Vayahudi nende Vaguriki, vashevwa nende vakhashevwa, wasoma nende wakhasoma, vandu vacheliha nende vakhacheliha, varukwa nende vavoholole; navutswa Kristo neye wosi, khandi neye uli mu shia shindu shiosi.
12Khulwa yako, lwa muli vandu va Nyasaye yarovola, vamenyanga mu vutakatifu, khandi va yayaanza, muve nu mwoyo kwi tsimbavasi, mwoyo mulahi, nu vwichehitsi, vuhoma nende likhutsila. 13Mumanyinyi vwikhutsili khu shia mulala. Niiva mundu yilililanga shichila wundi, nu vulahi khusemehana. Musemehane vene khuvene khuli Mwami yamusemeha. 14Meeti khu vindu vienevo viosi vuyaanzi, vuhambanyinyanga shia shindu shiosi mu vulala vwatoto. 15Nu vulahi milembe chia Kristo ahaananga khumwimilila mu shia shindu shiosi shia mukanakananga khukhola. Milembe chienecho, nachio chiachila Nyasaye namulaanga halala khuva mmbili mulala. Nu vulahi khusanditsa. 16Nu vulahi likhuva lia Kristo khumenya mu munyi khuvirila mu vuhinda vwalio vwosi. Mwechitsi vandi khandi mwivaalilane vene khuvene mu vusitsa vwosi. Mwimbe tsitsabuli, tsinyimbo, nende tsinyimbo tsindakatifu, numusanditsa mu mioyo chienyu. 17Shia shindu shiosi shia mukholanga, kave mulilomoloma inoho mu vikholwa, mwenyekhanga mukhole khuvirila mu lira liu Mwami Yesu, numusanditsa Nyasaye, uli Tata khuvirila muye.
Khuli Vakristayo Vatushili Khumenya
18Munyi vakhali, muve vichehitsi khu vasatsa venyu, shichila nako ka yaanzitsanga Mwami.
19Munyi vasatsa, muyaanze vakhali venyu, khandi muleshe khuvalulila.
20Munyi vaana, muhulile vivuli venyu mu shia shindu shiosi shia mukholanga; shichila nako ka yaanzitsanga Nyasaye.
21Munyi vivuli, muleshe khulindula vaana venyu, shichila numukhola ndio, valiitsa khukhutsa mwoyo.
22Munyi varukwa, mulonde malako ka varuchi venyu vu mu shivala shinu mu shia shindu shiosi shia mukholanga; shikanyala khuva lwa vamusinjililanga, khulu khwenya vamuyaanze tawe; navutswa mukhole nu mwoyo mulala ku khuha Mwami luyali. 23Shia shindu shiosi shia mukholanga, mwenyekhanga mushikhole nu mwoyo kwosi, khuli mukholelanga Mwami; navutswa shikanyala khuva ni vandu vamukholelanga tawe. 24Mwitsushitse ndi Mwami aliitsa khumuha shia yamuvishila khuli shihanwa. Kristo neye Mwami watoto wamurumishilanga. 25Mundu wu kholanga vindu vitamanu, aliitsa khurungwa khulondokhana khu vindu vitamanu via ye mwene akholanga; shichila Nyasaye akhalachilanga shia mundu wosi shilala.
Currently Selected:
VAKOLOSAI 3: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
VAKOLOSAI 3
3
1Niiva mwayisimushitswa khurula mu likhutsa na Kristo, mure mioyo chienyu khu vindu viu mwikulu, wa Kristo yikhalanga khu shisoko shieshie shiu vwami, khuluveka lu mukhono musatsa kwa Nyasaye. 2Mure tsinganakani tsienyu khu vindu viu mwikulu; navutswa muvuli khutsira khu vindu vili khulilova khunu; 3shichila mwakhutsa khale, khandi vulamu vwenyu vwaviswa na Kristo mu Nyasaye. 4Vulamu vwenyu vwatoto ni Kristo. Lwa Kristo aliitsa khulolekha, nalwo lwa munyi khandi muliitsa khulolekha naye mu vukhumi vwevwe!
Limenya Liakhale nende Liyia mu Kristo
5Khulwa yako, mulekhane ni likomba liu mmbili liu mu shivala, likholanga muhinzilu mu munyi khuli mwiima mutamanu kwa mundu musatsa nende mukhali vakholanga lwa vakonanga halala nivashili khuhilana khuli musatsa nu mukhali, mwiima mutamanu kwi shifwavi, likomba li likhayilwa, likomba litamanu, nende vung'wang'wa (shichila vung'wang'wa, nakhwo khusaala khu misambwa). 6Nyasaye aliitsa khuvukulila vurima vandu vambakhananga khulonda malako keke, shichila vakholanga vindu khuli vienevo. 7Matukhu kandi, khali munyi vene mwamenyanga khulondokhana khu likomba khuli lienelo, lwa mwali nu mwayaanzilila khukhola vindu khuli vienevo mu limenya lienyu.
8Navutswa nunundi mulekhane ni vindu vienevo viosi: vurima, vululu, nende tsinganakani tsiu khuhimana. Muvuli khunyekanakhu inoho khulomoloma vindu vitamanu. 9Muleshe khuvehana vene khuvene; shichila mwalekhana ni limenya likhulu, halala ni miima chialio; 10khandi mumenyanga khulondokhana khu limenya liyia. Nalio likholwangwa khuva liyia mu vucheli khulondokhana khu likoondo liu Muloonji. 11Khulwa yako, vwavukhani vuvulakhuho hakari ha Vayahudi nende Vaguriki, vashevwa nende vakhashevwa, wasoma nende wakhasoma, vandu vacheliha nende vakhacheliha, varukwa nende vavoholole; navutswa Kristo neye wosi, khandi neye uli mu shia shindu shiosi.
12Khulwa yako, lwa muli vandu va Nyasaye yarovola, vamenyanga mu vutakatifu, khandi va yayaanza, muve nu mwoyo kwi tsimbavasi, mwoyo mulahi, nu vwichehitsi, vuhoma nende likhutsila. 13Mumanyinyi vwikhutsili khu shia mulala. Niiva mundu yilililanga shichila wundi, nu vulahi khusemehana. Musemehane vene khuvene khuli Mwami yamusemeha. 14Meeti khu vindu vienevo viosi vuyaanzi, vuhambanyinyanga shia shindu shiosi mu vulala vwatoto. 15Nu vulahi milembe chia Kristo ahaananga khumwimilila mu shia shindu shiosi shia mukanakananga khukhola. Milembe chienecho, nachio chiachila Nyasaye namulaanga halala khuva mmbili mulala. Nu vulahi khusanditsa. 16Nu vulahi likhuva lia Kristo khumenya mu munyi khuvirila mu vuhinda vwalio vwosi. Mwechitsi vandi khandi mwivaalilane vene khuvene mu vusitsa vwosi. Mwimbe tsitsabuli, tsinyimbo, nende tsinyimbo tsindakatifu, numusanditsa mu mioyo chienyu. 17Shia shindu shiosi shia mukholanga, kave mulilomoloma inoho mu vikholwa, mwenyekhanga mukhole khuvirila mu lira liu Mwami Yesu, numusanditsa Nyasaye, uli Tata khuvirila muye.
Khuli Vakristayo Vatushili Khumenya
18Munyi vakhali, muve vichehitsi khu vasatsa venyu, shichila nako ka yaanzitsanga Mwami.
19Munyi vasatsa, muyaanze vakhali venyu, khandi muleshe khuvalulila.
20Munyi vaana, muhulile vivuli venyu mu shia shindu shiosi shia mukholanga; shichila nako ka yaanzitsanga Nyasaye.
21Munyi vivuli, muleshe khulindula vaana venyu, shichila numukhola ndio, valiitsa khukhutsa mwoyo.
22Munyi varukwa, mulonde malako ka varuchi venyu vu mu shivala shinu mu shia shindu shiosi shia mukholanga; shikanyala khuva lwa vamusinjililanga, khulu khwenya vamuyaanze tawe; navutswa mukhole nu mwoyo mulala ku khuha Mwami luyali. 23Shia shindu shiosi shia mukholanga, mwenyekhanga mushikhole nu mwoyo kwosi, khuli mukholelanga Mwami; navutswa shikanyala khuva ni vandu vamukholelanga tawe. 24Mwitsushitse ndi Mwami aliitsa khumuha shia yamuvishila khuli shihanwa. Kristo neye Mwami watoto wamurumishilanga. 25Mundu wu kholanga vindu vitamanu, aliitsa khurungwa khulondokhana khu vindu vitamanu via ye mwene akholanga; shichila Nyasaye akhalachilanga shia mundu wosi shilala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013