MAKABAYO 8
8
Yuda Makabayo Yakwanila Vayahudi
(1 Mak 3:1-26)
1Navutswa Yudasi Makabayo nende valina veve vinjila mu michitsi mu vwivisi; manalaanga veshie khandi narovola khurula muvo yavo vali nivamenya khulondokhana khu lisuuvila lia Vayahudi; yalaanga halala himbi vandu tsiheelefu sita. 2Vareeva Mwami Nyasaye nayaanza akhonye vandu veve, nivali yavo va vandu vi tsimbia tsindi vatambitsanga, khandi alolele tsimbavasi Litempeli liononyinywa na vandu vatamanu vakorwa Nyasaye; 3nu khulolela tsimbavasi litaala likali lia Yerusalemi, liali nilitivitswangwa nu khwililitswa khandi khulekhanyinywa. Vasaala khandi alolele tsimbavasi vandu vali niviirwa valilanga khuye avanzile. 4Vareeva khandi Mwami Nyasaye avanzile vandu viiranga vandu veve, nivasinza vaana vatoro vali nivavula vutamanu vwosi vuchila khuvavela tsimbavasi, khandi nivanyeka lira lielie. 5Lwa Yudasi Makabayo yali namali khwirecheshitsa mukaanda kwa vasikali veve, vandu vi tsimbia tsindi vakhaywa khumukuura, shichila vurima vwa Nyasaye vwakalukhana nuvukwa tsimbavasi.
6Makabayo yali wamenya naseeranga mataala nende michitsi, nu khukasamba nu mulilu vuchila mundu khumanyakhu shindu shiosi. Yakumila ni tsingulu havundu handi hali nihamanyikhana, manakhunganyinya vatsiku vanyishi. 7Yalola vutukhu navwo vulahi vwanyala khuseerelamu. Makhuva khulondokhana khu vucheli vwi tsingulu tsietsie tsiu khukwana vwalanda shia havundu hosi. 8Lwa Filipu yalola ndi Yudasi atsilililanga khunyola likuura khandi yali niyisuundanga imbeli nakuura liihe, yahandika ibarwa khu Putolemi, gavana wa Siria Ingali nende Foenike, khwitsa khukhonya Mwami Antioko. 9Putolemi yarovola Nikanori mwana wa Paturokula, wali mulala khu valina vu Mwami Antioko, namuha vunyali vu khusinjilila vandu vi tsimbia tsindi khurula mu vivala vindi vinyishi khuvira tsiheelefu makhomi kavili, ni lienya liu khutivitsa luhia lwa Vayahudi. Putolemi yarovola khandi Gorugia, wali nali mwimilili wu mukaanda kwa vasikali wali niyechela khukwana muliihe khutsia naye. 10Nikanori yavukula vwiyangu vwenovo havukono wu Mwami Antioko, khumurunjila likoovi lia yali nali nalio li ifetsa hasi hi ikilo 1 khuva khuli vushuru khu Varoma, lwa ya vakuulitsila Vayahudi, vali nivakumilwa khuli varukwa. 11Yaruma vandu khutsia mu mataala ka himbi khu inyanza, khuvalaanga khwitsa khukuula varukwa va Vayahudi, shia mulala khu vukuuli vwi ifetsa hasi hi ikilo 1, navutswa vuchila khumanyakhu ndi Mwami Nyasaye yali natsitsanga khumusalilitsa khu vwangu yuvu.
Khuli Yuda Yaseera Nikanori
(1 Mak 3:42-54)
12Lwa Yudasi yavoolelwa ndi Nikanori yitsanga khuvaseera, nalwo lwa yavoolela vandu veve ndi vatsiku vitsanga khuvakwana. 13Vandu valala vali nivaria khandi vavula lisuuvila mu katoto ka Nyasaye arweshitsanga, varulaho nivilukha. 14Navutswa vandu vali nivarikale vakuulitsa miandu chiavo chiali nichiarikala, nivasaala khu Mwami Nyasaye khuhavina yavo vu mundu mutamanu wali niyakorwa Nyasaye, mundu Nikanori yali niyakuulitsa muvuvohe, liihe nilishili khuraanga. 15Vasaala ndi niiva Nyasaye shiali ni lienya liu khukhola ndio shichila vo tawe; navutswa ave ni lienya liu khuvahonyinya shichila lilakano lia yakhola na vakuuka vavo; khandi shichila ye lwa ali ni tsingulu tsinyishi muno yali wa valaanga khuva vandu veve mwene. 16Navutswa Makabayo yalaanga halala vasikali veve, himbi vasikali tsiheelefu sita, navatinyilitsa khuvula khurishitswa nu mutsiku, khandi khuvula khuria vandu vi tsimbia tsindi, vali nivitsanga khuvakwana, navutswa vakwane ni tsingulu. 17Nivakanakananga vindu vitamanu via vandu vi tsimbia tsindi vakhola Havundu Hatakatifu, khandi khuli vatambitsa vandu mu litaala likali. Khumeeta khu kenako, khuli vanyala khutivitsa limenya liali lia vakuuka vavo. 18Navutswa yavoola, “Vo vali ni lisuuvilitsa mu viuchi nende vikholwa viu khurishitsa, navutswa lisuuvilitsa lieru lili mu Nyasaye Uli Ikulu khu Viosi, uli nu vunyali vu khutivitsa mu indukuta indala vandu vitsanga ni vakhukwana, khali vandu voosi mu shivala.” 19Khali ndio, yavavoolela makhuva khulondokhana khuli vakuuka vavo vanyolanga vukhonyi; khali mumatukhu ku Mwami Senakaribu, khulitukhu lia vasikali iheelefu indala makhomi munane na varanu vakhutsa, 20khandi makhuva khulondokhana khuli vakwana Vagalatia mu Babilonia, mumatukhu ka Vamakedonia tsiheelefu munane va vakhonya khuvirila khu vukhonyi vwarula mwikulu. Vativitsa vandu tsiheelefu imia indala na makhomi kavili, khandi nivayaayayo miandu minyishi muno. 21Makhuva ka Yuda yalomoloma kalomba vandu nivava ni ikholo indinyu khandi ni ka vakhola khwirechekha khukwanila malako kavo nende shivala shiavo. Yakavula vasikali mu mikaanda chine. 22Yarovola khandi vamwavo veve Simoni, Yosefu nende Yonatsani khwimilila shia mukaanda kwa vasikali likhomi na varanu. 23Khumeeta khu kenako, yarovola Eliazari khusoma ikulu shitonye shi Shitabu Shitakatifu; navoolela vandu veve likhuva liu khutsia khukwana mu liihe, “Nyasaye atsitsanga khukhukhonya!” Yuda neye wali wu khuraanga khuvukula mukaanda kwekwe, khutsia khukwana Nikanori.
24Nyasaye Uli Ikulu khu Viosi yavakhonya khukwana. Viira vasikali tsiheelefu tisa vu mutsiku, vasalilitsa vanyishi, khandi nivalomba vasikali va Nikonori khwilukha. 25Vanuula vandu vali nivitsi khuvakuula manya khuli varukwa tsisenti tsiavo. Nivakhavahitsanyinya khu tsisaa tsinditi, vanikwa khukalukha shichila isaa yali nivwele, 26khandi ltukhu li Lisabato liali nilili himbi khutukha, manivalekha khuvahitsanyinya. 27Lwa vali nivakhavukula viuchi viu Mutsiku, khandi nivakhavanuula vindu viavo, vakhola kenyekhanga khulitukhu li Lisabato. Vitsominya khandi nivasanditsa Mwami Nyasaye, wali navalindi khulitukhu lienelo, khandi yali navaheele shimanyilu shiukhuraanga shi tsimbavasi tsietsie. 28Lwa litukhu li Lisabato liali niliakhavwa, vavukula vindu vilala via vali nivayaayi vandi, nivaha vandu vatambitswa halala na vakhali vakhutsakhali nende vavisaandu. Vene vakavulana halala na vaana vavo vindu viali nivirikale. 29Lwa vali nivakhamala khukhola kenako, varaanga khusaala khu Mwami Nyasaye wi tsimbavasi tsinyishi, khuvahambanyinya halala na varumishi veve Vayahudi.
30Vayahudi viira vandu tsiheelefu makhomi kavili mu liihe, lia vakwana ni mikaanda chia Timoteo nende Bakide. Vakumila tsimbinga tsi tsingulu, manivakavulana miandu chia vali nivayaayayo. Vavukula miandu chienecho nivaha vandu vatambitswangwa, vakhutsakhali nende vavisandu. Vamanya nivahaakhu vandu vasakhula miandu milala miele, manya khuli vo vali nivanyoli. 31Vavukula viuchi viu mutsiku, khandi nivavikha havundu handi; vahila miandu chia vali nivayaaya mu Yerusalemi. 32Viira mwimilili wu mukaanda kwa vasikali va Timoteo, mundu wali mutamanu muno, khandi watambitsanga Vayahudi. 33Lwa vali ni vikhoyelanga likuura lia vali nivanyoli mu litaala likali lia vakuuka vavo, vasamba vandu vali nivahaambitse mulilu khu vilivwa vitakatifu. Valala khu vandu vasambwa ni Kalisetsene, halala na vandu vandi vilukha nivatsia khwivisa mu inzu inditi. Khu, vasalilitswa manya khuli kenyekhanga.
Khuli Nikanori Yitsominya Nyasaye
34Nikanori yali mundu mutamanu muno, shichila yali wavoolela makhuva ndi vandu iheelefu indala vamali khwitsa khukuula Vayahudi, manya khuli ni varukwa. 35Mwami Nyasaye yamukhonya vandu valala vene va yali niyalechelitsa muno, khumukuura. 36Khu, mundu wachelitsa khurunga likoovi lia Varoma lwa yakumila vandu va Yerusalemi yavoola ndi Vaisraeli vali nu mulindi. Khulwa yako, Vayahudi shivali va vandu vanyala khukwana tawe; shichila vamenyanga khulondokhana khu malako ka ye mwene yali niyaraanjitsa.
Currently Selected:
MAKABAYO 8: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 8
8
Yuda Makabayo Yakwanila Vayahudi
(1 Mak 3:1-26)
1Navutswa Yudasi Makabayo nende valina veve vinjila mu michitsi mu vwivisi; manalaanga veshie khandi narovola khurula muvo yavo vali nivamenya khulondokhana khu lisuuvila lia Vayahudi; yalaanga halala himbi vandu tsiheelefu sita. 2Vareeva Mwami Nyasaye nayaanza akhonye vandu veve, nivali yavo va vandu vi tsimbia tsindi vatambitsanga, khandi alolele tsimbavasi Litempeli liononyinywa na vandu vatamanu vakorwa Nyasaye; 3nu khulolela tsimbavasi litaala likali lia Yerusalemi, liali nilitivitswangwa nu khwililitswa khandi khulekhanyinywa. Vasaala khandi alolele tsimbavasi vandu vali niviirwa valilanga khuye avanzile. 4Vareeva khandi Mwami Nyasaye avanzile vandu viiranga vandu veve, nivasinza vaana vatoro vali nivavula vutamanu vwosi vuchila khuvavela tsimbavasi, khandi nivanyeka lira lielie. 5Lwa Yudasi Makabayo yali namali khwirecheshitsa mukaanda kwa vasikali veve, vandu vi tsimbia tsindi vakhaywa khumukuura, shichila vurima vwa Nyasaye vwakalukhana nuvukwa tsimbavasi.
6Makabayo yali wamenya naseeranga mataala nende michitsi, nu khukasamba nu mulilu vuchila mundu khumanyakhu shindu shiosi. Yakumila ni tsingulu havundu handi hali nihamanyikhana, manakhunganyinya vatsiku vanyishi. 7Yalola vutukhu navwo vulahi vwanyala khuseerelamu. Makhuva khulondokhana khu vucheli vwi tsingulu tsietsie tsiu khukwana vwalanda shia havundu hosi. 8Lwa Filipu yalola ndi Yudasi atsilililanga khunyola likuura khandi yali niyisuundanga imbeli nakuura liihe, yahandika ibarwa khu Putolemi, gavana wa Siria Ingali nende Foenike, khwitsa khukhonya Mwami Antioko. 9Putolemi yarovola Nikanori mwana wa Paturokula, wali mulala khu valina vu Mwami Antioko, namuha vunyali vu khusinjilila vandu vi tsimbia tsindi khurula mu vivala vindi vinyishi khuvira tsiheelefu makhomi kavili, ni lienya liu khutivitsa luhia lwa Vayahudi. Putolemi yarovola khandi Gorugia, wali nali mwimilili wu mukaanda kwa vasikali wali niyechela khukwana muliihe khutsia naye. 10Nikanori yavukula vwiyangu vwenovo havukono wu Mwami Antioko, khumurunjila likoovi lia yali nali nalio li ifetsa hasi hi ikilo 1 khuva khuli vushuru khu Varoma, lwa ya vakuulitsila Vayahudi, vali nivakumilwa khuli varukwa. 11Yaruma vandu khutsia mu mataala ka himbi khu inyanza, khuvalaanga khwitsa khukuula varukwa va Vayahudi, shia mulala khu vukuuli vwi ifetsa hasi hi ikilo 1, navutswa vuchila khumanyakhu ndi Mwami Nyasaye yali natsitsanga khumusalilitsa khu vwangu yuvu.
Khuli Yuda Yaseera Nikanori
(1 Mak 3:42-54)
12Lwa Yudasi yavoolelwa ndi Nikanori yitsanga khuvaseera, nalwo lwa yavoolela vandu veve ndi vatsiku vitsanga khuvakwana. 13Vandu valala vali nivaria khandi vavula lisuuvila mu katoto ka Nyasaye arweshitsanga, varulaho nivilukha. 14Navutswa vandu vali nivarikale vakuulitsa miandu chiavo chiali nichiarikala, nivasaala khu Mwami Nyasaye khuhavina yavo vu mundu mutamanu wali niyakorwa Nyasaye, mundu Nikanori yali niyakuulitsa muvuvohe, liihe nilishili khuraanga. 15Vasaala ndi niiva Nyasaye shiali ni lienya liu khukhola ndio shichila vo tawe; navutswa ave ni lienya liu khuvahonyinya shichila lilakano lia yakhola na vakuuka vavo; khandi shichila ye lwa ali ni tsingulu tsinyishi muno yali wa valaanga khuva vandu veve mwene. 16Navutswa Makabayo yalaanga halala vasikali veve, himbi vasikali tsiheelefu sita, navatinyilitsa khuvula khurishitswa nu mutsiku, khandi khuvula khuria vandu vi tsimbia tsindi, vali nivitsanga khuvakwana, navutswa vakwane ni tsingulu. 17Nivakanakananga vindu vitamanu via vandu vi tsimbia tsindi vakhola Havundu Hatakatifu, khandi khuli vatambitsa vandu mu litaala likali. Khumeeta khu kenako, khuli vanyala khutivitsa limenya liali lia vakuuka vavo. 18Navutswa yavoola, “Vo vali ni lisuuvilitsa mu viuchi nende vikholwa viu khurishitsa, navutswa lisuuvilitsa lieru lili mu Nyasaye Uli Ikulu khu Viosi, uli nu vunyali vu khutivitsa mu indukuta indala vandu vitsanga ni vakhukwana, khali vandu voosi mu shivala.” 19Khali ndio, yavavoolela makhuva khulondokhana khuli vakuuka vavo vanyolanga vukhonyi; khali mumatukhu ku Mwami Senakaribu, khulitukhu lia vasikali iheelefu indala makhomi munane na varanu vakhutsa, 20khandi makhuva khulondokhana khuli vakwana Vagalatia mu Babilonia, mumatukhu ka Vamakedonia tsiheelefu munane va vakhonya khuvirila khu vukhonyi vwarula mwikulu. Vativitsa vandu tsiheelefu imia indala na makhomi kavili, khandi nivayaayayo miandu minyishi muno. 21Makhuva ka Yuda yalomoloma kalomba vandu nivava ni ikholo indinyu khandi ni ka vakhola khwirechekha khukwanila malako kavo nende shivala shiavo. Yakavula vasikali mu mikaanda chine. 22Yarovola khandi vamwavo veve Simoni, Yosefu nende Yonatsani khwimilila shia mukaanda kwa vasikali likhomi na varanu. 23Khumeeta khu kenako, yarovola Eliazari khusoma ikulu shitonye shi Shitabu Shitakatifu; navoolela vandu veve likhuva liu khutsia khukwana mu liihe, “Nyasaye atsitsanga khukhukhonya!” Yuda neye wali wu khuraanga khuvukula mukaanda kwekwe, khutsia khukwana Nikanori.
24Nyasaye Uli Ikulu khu Viosi yavakhonya khukwana. Viira vasikali tsiheelefu tisa vu mutsiku, vasalilitsa vanyishi, khandi nivalomba vasikali va Nikonori khwilukha. 25Vanuula vandu vali nivitsi khuvakuula manya khuli varukwa tsisenti tsiavo. Nivakhavahitsanyinya khu tsisaa tsinditi, vanikwa khukalukha shichila isaa yali nivwele, 26khandi ltukhu li Lisabato liali nilili himbi khutukha, manivalekha khuvahitsanyinya. 27Lwa vali nivakhavukula viuchi viu Mutsiku, khandi nivakhavanuula vindu viavo, vakhola kenyekhanga khulitukhu li Lisabato. Vitsominya khandi nivasanditsa Mwami Nyasaye, wali navalindi khulitukhu lienelo, khandi yali navaheele shimanyilu shiukhuraanga shi tsimbavasi tsietsie. 28Lwa litukhu li Lisabato liali niliakhavwa, vavukula vindu vilala via vali nivayaayi vandi, nivaha vandu vatambitswa halala na vakhali vakhutsakhali nende vavisaandu. Vene vakavulana halala na vaana vavo vindu viali nivirikale. 29Lwa vali nivakhamala khukhola kenako, varaanga khusaala khu Mwami Nyasaye wi tsimbavasi tsinyishi, khuvahambanyinya halala na varumishi veve Vayahudi.
30Vayahudi viira vandu tsiheelefu makhomi kavili mu liihe, lia vakwana ni mikaanda chia Timoteo nende Bakide. Vakumila tsimbinga tsi tsingulu, manivakavulana miandu chia vali nivayaayayo. Vavukula miandu chienecho nivaha vandu vatambitswangwa, vakhutsakhali nende vavisandu. Vamanya nivahaakhu vandu vasakhula miandu milala miele, manya khuli vo vali nivanyoli. 31Vavukula viuchi viu mutsiku, khandi nivavikha havundu handi; vahila miandu chia vali nivayaaya mu Yerusalemi. 32Viira mwimilili wu mukaanda kwa vasikali va Timoteo, mundu wali mutamanu muno, khandi watambitsanga Vayahudi. 33Lwa vali ni vikhoyelanga likuura lia vali nivanyoli mu litaala likali lia vakuuka vavo, vasamba vandu vali nivahaambitse mulilu khu vilivwa vitakatifu. Valala khu vandu vasambwa ni Kalisetsene, halala na vandu vandi vilukha nivatsia khwivisa mu inzu inditi. Khu, vasalilitswa manya khuli kenyekhanga.
Khuli Nikanori Yitsominya Nyasaye
34Nikanori yali mundu mutamanu muno, shichila yali wavoolela makhuva ndi vandu iheelefu indala vamali khwitsa khukuula Vayahudi, manya khuli ni varukwa. 35Mwami Nyasaye yamukhonya vandu valala vene va yali niyalechelitsa muno, khumukuura. 36Khu, mundu wachelitsa khurunga likoovi lia Varoma lwa yakumila vandu va Yerusalemi yavoola ndi Vaisraeli vali nu mulindi. Khulwa yako, Vayahudi shivali va vandu vanyala khukwana tawe; shichila vamenyanga khulondokhana khu malako ka ye mwene yali niyaraanjitsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013