MAKABAYO 4
4
Khuli Simoni Yayaala Oniasi
1Simoni, nali mundu wa khumali khulomolomakhu khale, wali niyavoolela Apolonia makhuva khulondokhana khu tsisenti, nu khulerela shivala shieshie matiinyu yalomoloma likhuva litamanu khulondokhana khu Oniasi, livoolanga ndi Oniasi neye wachila Helioduro nakwa mu matiinyu kali nikaliho. 2Yali nu mwoyo ku khuyaala Oniasi khulola ndi yali wa yikhalila khumunuula vwamihi vwevwe -- Oniasi yali mundu wu vukhonyi khu vandu vi litaala likali lia Yerusalemi, mundu wali nu mwoyo ku khulinda veshie, khandi yali wayihaana nu mwoyo kwosi khukwanila Malako keru koosi, khwenya khulola ndi kalondwangwa. 3Lwa Simoni yatsililila khuva nu vuhimwa vunyishi muno, valala khu varumishi veve varaanga khwiira vandu. 4Oniasi yamanya ndi liiva lienelo ni litamanu, khandi ndi Apolonia mwana wa Menesetsehu, wali nali gavana wa Siria Ingali nende Foenike, neye watsililila khunyitilitsa Simoni mu shia vutamanu vwosi vwa yakholanga. 5Oniasi mwene yasimukha natsia khulola Mwami Antioko, shikali khutsia khuyaala veshie tawe; navutswa khwenyela malahi Vayahudi voosi, mu limenya liavo mu vandu vandi khandi ingo wavo. 6Yali wamanya ndi Mwami Antioko nakhamuheele lilako, milembe shichiakhanyoleshe khandi Simoni shiyakhatsililile khuva muyiingwa tawe.
Khuli Yasoni Yinjilitswa mu Mulukha kwa Vaguriki
7Lwa Mwami Selehuko yakhutsa, khandi Antioko wi lira lindi Epifane yamiha havukono hehe, mundu Yasoni, nali amwavo wa Oniasi yavukula muhinzilu ku vusalisi munjila ingoyanu. 8Yasimukha natsia khulola Mwami Antioko, namuha ifetsa vitonye tsihe 12,000, namulaaka aliitsa khumuha ifetsa tsikilo 2,700, matukhu mati nikamali khuvirakhu. 9Khumeeta khu vindu vienevo, yalaaka aliitsa khuha Mwami Antioko ifetsa tsikilo 5,000 khulu khuheelwa vunyali vu khumbakha shikuri shi mivaayo shia vayayi vavukha vanyala khuvaayilamu, khandi khwenya khuhandika mira ka vandu va Yerusalemi khukalukhana khukwa vandu vi litaala lia Antiokia.
10Mwami Epifane yahuchila khukhola kenako, ma Yasoni naraanga muhinzilu kwekwe ku khuva Mukali wa vasalisi voosi. Yavoolela Vayahudi veshie valekhane nu mwiima kwavo valonde mwiima kwa Vaguriki. 11Yarulitsaho vulahi vwosi vwa vandu vi inzu yu vwami vakholelanga Vayahudi khuvirila khu mundu walaangwangwa Yohana, wali nali tata wa Ehupolema, mumatukhu kandi warula natsia khukhola lilakano liu vulina khandi lihaambana na Varoma. Yasoni yarulitsaho miima nende miima chindi chiosi chia Vayahudi, naraanjitsa miima chindi miyia, chiu khuhinganyinyanga malako keru. 12Yali muluvililu vuchila khwenya khumalakhu vwiyangu vwosi. Yumbakha shikuri shiyia himbi hi shikulu shi Litempeli liumbakhwakhu. Yavoolela vasatsa vavukha valonde mwiima kwa Vaguriki mu limenya liavo. 13Khurulana khu vutamanu vunyala khuvula khulekhanyinywa khu vu mundu wundi yali niyakhola vwa Yasoni yali niyakhola, mundu mutamanu woyo, wali niyakorwa Nyasaye, khandi wali niyivukulila muhinzilu ku Mukali wa vasalisi voosi munjila ingoyanu, liiva liu khwenya khumenya khulondokhana khu miima chia Vaguriki nu khwikomba miima chia vandu vi tsimbia tsindi, liatsililila khushila muno, 14khali vasalisi nivavula khuva ni lienya liu khwenya khukhola mihinzilu chiavo ha vwaali. Varanga khuchaya Havundu Hatakatifu khandi nivambakhana khukhola misango. Lwa vahulilanga ifilimbi yu khutsia khuraanga muvaayo, vatsitsanga vwangu mu shikuuri shiu khurulana minyiikha khutsia khurulana minyiikha, nishili shikholwa shiali ni shiakaywa khulondokhana khu malako. 15Vachaya shia shindu shiosi, shia vakuuka vavo va vali nivaha luyali, nivaraanga khwitsominya muno miima chia Vaguriki, vali nivayaanza khukhola khulu khunyola luyali. 16Khulondokhana ni shivune shienesho, matiinyu manyishi ka vakwila vululu muno; khandi yavo valolanga miima chiavo mu limenya, khandi nivalola nu vulahi khwikomba khuhiclonda, vamanya nivakwa vatsiku vavo, khandi ni vavasalilitsa. 17Khuchaya malako ka Nyasaye, shikali ni shindu shia mundu anyala khuvaayila tawe -- shikholwa shiliitsa khumanyikhana havulavu mumatukhu kaliitsa khuvaho.
Khuli Vasiria Vatambitsa Litaala Likali lia Yerusalemi
18Lwa Mwami Epifane yali naheenzanga mivaayo chia maliviri shia khumuhika chiranu nichiakhavira mu litaala lia Tiro, 19mundu muyiingwa Yasoni, yarumayo vandu vali nivarovolwa nivali valala khu vandu vi litaala lia Antiokia khurula mu Yerusalemi, khuhila vitonye vi ifetsa tsikilo 10,000 khuli murungu ku khurunga khurweshitsa musango khu nyasaye Herikule. Navutswa vandu venavo shivalolakhu shivune shiu khurumishila ifetsa yeneyo yosi, khulu khukhola musango kwenoko tawe; 20nikhali ifetsa yenyekhanga ive nihilwangwa khulu khurweshitsa musango khu Herikule, yarumishilwa khulomba tsimeli tsiu khukwanila mu liihe.
21Lwa Apolonia mwana wa Menesitsesi yarumwa mu shivala shia Misri khutsia mu mulukha ku khwamihitsa Filometori, Mwami Antioko yavoolelwa ndi Filometori umali khuhinganyinya vwamihi vwevwe. Mwami Antioko yali ni liheenda mwoyo shichila vulamu vwevwe mwene. Khulwa yako, lwa yali niyakhatukha mu litaala lia Yopa, yamanya natsia mu litaala likali lia Yerusalemi; 22wa Yasoni nende vandu vi litaala likali lienelo, vamwinjilitsa nu luyali lunyishi muno. Vandu vi litaala likali lienelo vavwana mililu, manivamwinjilitsa nivalaanjilila. Niyakharula mu litaala likali lia Yerusalemi, yasimukha nu mukaanda kwa vasikali veve nivatsia mu lusomo lwa Foenike.
Menelahu Yakwa Mukali wa Vasalisi Voosi
23Mihika chivaka nichiakhavira, Yasoni yaruma Menelahu, wali amwavo wundi wa Simoni khuhila tsisenti khu Mwami Antioko khandi khuhuchililwa khurweshitsa mihinzilu chiali nichitushili khurweshitswa. 24Navutswa lwa yali niyakhahilwa imbeli wu Mwami Antioko, Menelahu yichinjilila mwene khwikhola ali nu vunyali. Yivukulila mwene vukali vu khuva Mukali wa vasalisi voosi, lwa yahaana ifetsa 10,000 khuvira tsia Yasoni yali nahaani khu akwi Mukali wa vasalisi voosi. 25Yakalukha mu Yerusalemi ni lilako liu Mwami Antioko liu khumukhola khuva Mukali wa vasalisi voosi. Navutswa shiyali ni liiva liu khukholwa Mukali wa vasalisi voosi tawe; nikhali yali mundu mutamanu wu vurima vululu, khandi yali mululu muno khuli inyama yumbulimu. 26Yasoni, wali niyanuula amwavo wewe wa vivulwa naye vusalisi munjila ingoyanu, yanuulwa khandi vusalisi, niyilushila mu shivala shia Amoni. 27Menelahu yatsililila khuva Mukali wa vasalisi voosi, navutswa yambakhana khurunga tsisenti, tsia yali niyalaaka aliitsa khurunganga Mwami Antioko. 28Lwa Sositurata, wali nali mwimilili wimililanga imbinga ya Yerusalemi, yatsililila khwenya khurungwa, shichila khusolola vushuru nakwo kwali muhinzilu kwekwe, vo vavili valaangwa nu Mwami Antioko khulondokhana khu makhuva kenako. 29Menelahu yarovola amwavo wewe walaangwangwa Lisimako khuva mulondechili wu Mukali wa vasalisi voosi. Yarovola Sositurata havukono ha Kurate, wali nali mwimilili wu mukaanda kwa vasikali vi shivala shia Saipurasi.
Khuli Oniasi Yiirwa
30Mumatukhu kenako, vandu varulanga mu mataala ka Tarisa nende Malo vahingana shichila Mwami Antioko yali waha mukhali mumenyinywa wewe Antioki mataala kavo, manya khuli ni shihanwa. 31Khulwa yako, Mwami Antioko yarulaho vwangu natsia khukololoshitsa vutamanu vwali nuvurulili mu litaala lia Kilikia; yarichila Anduronika, mundu wali nu muhinzilu mukali mu vwamihi vwevwe muhinzilu ku khuva mulondechili wewe. 32Navutswa Menelahu yarumishila vwiyangu vwevwe vulahi vwene, lwa yahuuva vindu vilala viali ni vialombwa khu itsahabu, viali niviavikhwa mu Litempeli. Yavukula vindu vienevo, naha Anduronika. Yali wakuulitsa vindu vindi mu litaala lia Tiro, khandi mu mataala kandi ka hahimbi. 33Lwa Oniasi yahulila makhuva kenako, yilukha natsia khwivisa Havundu Hatakatifu halaangwangwa Dafune himbi mu litaala lia Antiokia. Oniasi yaraanga khuvoolela vandu makhuva matamanu kenako khulondokhana khu ka Menelahu yali niyakhola. 34Nalwo lwa Menelahu yasuunda Anduronika haluveka, namuvoolela yiiri Oniasi. Anduronika yisuunda himbi khu Oniasi, nu khumuveha na makhuva ku vulina nu khumulaaka khumenya mu vulindi vulahi. Khali niiva Oniasi yali ni lienya liu khumusalilitsa, Anduronika yamanya namurulitsa Havundu Hatakatifu henaho, manamwiira vuchila khwenya khulondelela vwatoto.
Khuli Anduronika Yasalilitswa
35Khurulana khu shivune shienesho, shiu khunyala khuvoola ni Vayahudi vonyene vutswa vali nu vuveleli mu mioyo, khandi vakhayaanzitswa ni likhutsa lia khenyekhanga liu mundu wi likhola liu vulunji tawe, navutswa khali vandu vi tsimbia tsindi. 36Lwa Mwami Antioko yakalukha narula mu lusomo lwa Kilikia, Vayahudi vamenyanga mu litaala lia Antiokia valomoloma naye khulondokhana khu likhutsa lia khenyekhanga lia Oniasi yakhutsa; khali Vaguriki vasanga mu vuhimwa vwavo vwenevo. 37Khulwa yako, Mwami Antioko yaheenda mwoyo khandi nalola tsimbavasi; yalila shichila mukhutsu mwenoyo yali mundu wi tsimbavasi nende mwiima mulahi; 38Lwa yali nali nu vurima vululu muno, Mwami Antioko yarandulanyinya ikaanzu ya sambarau ya Anduronika, namuchenditsa shia havundu hosi mu litaala lienelo khutukha havundu ha yali niyiirila Oniasi. Naho hayiirila Anduronika. Nindio khandi Mwami Nyasaye yativitsa Anduronika khulondokhana khuli yenyekhanga asalilitswi.
Khuli Lisimako Yiirwa
39Mumatukhu kenako, Lisimako yakhonywa na amwavo wewe, shichila Menelahu yali wakhola vindu vitamanu viu vuhuuvi khandi yali wavukula vindu vinyishi vialombwa khu itsahabu khurula mu Litempeli. Makhuva khulondokhana khu vindu via yali niyahuuva, kalanda shia havundu hosi mu vivala vindi. 40Lwa shituma shia vandu vitsula vurima khandi nivava valulu, Lisimako yaruma vandu tsiheelefu tsivaka khutsia khuvakwana. Mundu walaangwangwa Ahurana, mundu wali niyasakhula khandi mundu muyiingwa neye wali mwimilili wi shituma shia vandu venavo. 41Navutswa lwa Vayahudi vamanya nivamanya shindu khulondokhana khu Lisimako yali navakwani, valala khuvo vatola machina, valala visiikhi na vandi likooshe liali nililiho mu makhono, manivasiuvila Lisimako halala na vandu veve vali nivali mu vukoyanu. 42Khurulana khu kenako, valala khuvo viirwa na vandi nivilukha; viirila himbi ha livishilu munuuli wi Litempeli. 43Menelahu yayaalwa khulondokhana khu shikholwa shienesho. 44Lwa Mwami Antioko yatukha mu litaala lia Tiro, vandu vavaka va vasakhulu vi shikhaalo vali nivarumi vamuvoolela makhuva ka vali nivali nako. 45Navutswa Menelahu yalola ukhayilwi, yachelitsa khuha Putolemi, wali nali mwana wa Dorimene asooya inyishi muno, khu nikanyalikha akhole Mwami Antioko amuyaanze. 46Putolemi yasuunda haluveku Mwami Antioko, manya khuli atsitsanga khuhulukha, namusaya khukalukhanyinya inganakani yeye. 47Yavoola havulavu ndi Menelahu avula vutamanu vwosi. Khu, Menelahu yavohololwa, khali niiva neye wachila matiinyu nikakwa; navutswa vandu vavaka, va Sikatsia yali niyavoholola vakhalachilwa likhutsa. 48Khu, yavo valomolomanga khulu khushinga mataala nende michitsi nende vindu vitakatifu, vasalilitswa vutamanu muno, vuchila khukholelwa katoto. 49Khulwa yako, vandu vi litaala lia Tiro, khali niiva valolekha vali nu vuveleli mu mioyo chiavo, shichila vutamanu vwenevo, vamanyinya luyali lwavo lwa varweshitsa shia shindu shiosi shienyekhanga khulu khuyeveela mu shilindwa mivili chia vandu vali niviirwa venavo. 50Navutswa Menelahu, khulu khwikomba khuva mu vwimilili khuli vimilili vandi vimililanga vandu, yatsililila khuva mu vwiyangu vu vwimilili. Yatsililila shia khulitukhu khuva mundu mutamanu muno, khali nalolekha mwene khuva mutsiku mutamanu muno khu vandu vi shivala shieshie.
Currently Selected:
MAKABAYO 4: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 4
4
Khuli Simoni Yayaala Oniasi
1Simoni, nali mundu wa khumali khulomolomakhu khale, wali niyavoolela Apolonia makhuva khulondokhana khu tsisenti, nu khulerela shivala shieshie matiinyu yalomoloma likhuva litamanu khulondokhana khu Oniasi, livoolanga ndi Oniasi neye wachila Helioduro nakwa mu matiinyu kali nikaliho. 2Yali nu mwoyo ku khuyaala Oniasi khulola ndi yali wa yikhalila khumunuula vwamihi vwevwe -- Oniasi yali mundu wu vukhonyi khu vandu vi litaala likali lia Yerusalemi, mundu wali nu mwoyo ku khulinda veshie, khandi yali wayihaana nu mwoyo kwosi khukwanila Malako keru koosi, khwenya khulola ndi kalondwangwa. 3Lwa Simoni yatsililila khuva nu vuhimwa vunyishi muno, valala khu varumishi veve varaanga khwiira vandu. 4Oniasi yamanya ndi liiva lienelo ni litamanu, khandi ndi Apolonia mwana wa Menesetsehu, wali nali gavana wa Siria Ingali nende Foenike, neye watsililila khunyitilitsa Simoni mu shia vutamanu vwosi vwa yakholanga. 5Oniasi mwene yasimukha natsia khulola Mwami Antioko, shikali khutsia khuyaala veshie tawe; navutswa khwenyela malahi Vayahudi voosi, mu limenya liavo mu vandu vandi khandi ingo wavo. 6Yali wamanya ndi Mwami Antioko nakhamuheele lilako, milembe shichiakhanyoleshe khandi Simoni shiyakhatsililile khuva muyiingwa tawe.
Khuli Yasoni Yinjilitswa mu Mulukha kwa Vaguriki
7Lwa Mwami Selehuko yakhutsa, khandi Antioko wi lira lindi Epifane yamiha havukono hehe, mundu Yasoni, nali amwavo wa Oniasi yavukula muhinzilu ku vusalisi munjila ingoyanu. 8Yasimukha natsia khulola Mwami Antioko, namuha ifetsa vitonye tsihe 12,000, namulaaka aliitsa khumuha ifetsa tsikilo 2,700, matukhu mati nikamali khuvirakhu. 9Khumeeta khu vindu vienevo, yalaaka aliitsa khuha Mwami Antioko ifetsa tsikilo 5,000 khulu khuheelwa vunyali vu khumbakha shikuri shi mivaayo shia vayayi vavukha vanyala khuvaayilamu, khandi khwenya khuhandika mira ka vandu va Yerusalemi khukalukhana khukwa vandu vi litaala lia Antiokia.
10Mwami Epifane yahuchila khukhola kenako, ma Yasoni naraanga muhinzilu kwekwe ku khuva Mukali wa vasalisi voosi. Yavoolela Vayahudi veshie valekhane nu mwiima kwavo valonde mwiima kwa Vaguriki. 11Yarulitsaho vulahi vwosi vwa vandu vi inzu yu vwami vakholelanga Vayahudi khuvirila khu mundu walaangwangwa Yohana, wali nali tata wa Ehupolema, mumatukhu kandi warula natsia khukhola lilakano liu vulina khandi lihaambana na Varoma. Yasoni yarulitsaho miima nende miima chindi chiosi chia Vayahudi, naraanjitsa miima chindi miyia, chiu khuhinganyinyanga malako keru. 12Yali muluvililu vuchila khwenya khumalakhu vwiyangu vwosi. Yumbakha shikuri shiyia himbi hi shikulu shi Litempeli liumbakhwakhu. Yavoolela vasatsa vavukha valonde mwiima kwa Vaguriki mu limenya liavo. 13Khurulana khu vutamanu vunyala khuvula khulekhanyinywa khu vu mundu wundi yali niyakhola vwa Yasoni yali niyakhola, mundu mutamanu woyo, wali niyakorwa Nyasaye, khandi wali niyivukulila muhinzilu ku Mukali wa vasalisi voosi munjila ingoyanu, liiva liu khwenya khumenya khulondokhana khu miima chia Vaguriki nu khwikomba miima chia vandu vi tsimbia tsindi, liatsililila khushila muno, 14khali vasalisi nivavula khuva ni lienya liu khwenya khukhola mihinzilu chiavo ha vwaali. Varanga khuchaya Havundu Hatakatifu khandi nivambakhana khukhola misango. Lwa vahulilanga ifilimbi yu khutsia khuraanga muvaayo, vatsitsanga vwangu mu shikuuri shiu khurulana minyiikha khutsia khurulana minyiikha, nishili shikholwa shiali ni shiakaywa khulondokhana khu malako. 15Vachaya shia shindu shiosi, shia vakuuka vavo va vali nivaha luyali, nivaraanga khwitsominya muno miima chia Vaguriki, vali nivayaanza khukhola khulu khunyola luyali. 16Khulondokhana ni shivune shienesho, matiinyu manyishi ka vakwila vululu muno; khandi yavo valolanga miima chiavo mu limenya, khandi nivalola nu vulahi khwikomba khuhiclonda, vamanya nivakwa vatsiku vavo, khandi ni vavasalilitsa. 17Khuchaya malako ka Nyasaye, shikali ni shindu shia mundu anyala khuvaayila tawe -- shikholwa shiliitsa khumanyikhana havulavu mumatukhu kaliitsa khuvaho.
Khuli Vasiria Vatambitsa Litaala Likali lia Yerusalemi
18Lwa Mwami Epifane yali naheenzanga mivaayo chia maliviri shia khumuhika chiranu nichiakhavira mu litaala lia Tiro, 19mundu muyiingwa Yasoni, yarumayo vandu vali nivarovolwa nivali valala khu vandu vi litaala lia Antiokia khurula mu Yerusalemi, khuhila vitonye vi ifetsa tsikilo 10,000 khuli murungu ku khurunga khurweshitsa musango khu nyasaye Herikule. Navutswa vandu venavo shivalolakhu shivune shiu khurumishila ifetsa yeneyo yosi, khulu khukhola musango kwenoko tawe; 20nikhali ifetsa yenyekhanga ive nihilwangwa khulu khurweshitsa musango khu Herikule, yarumishilwa khulomba tsimeli tsiu khukwanila mu liihe.
21Lwa Apolonia mwana wa Menesitsesi yarumwa mu shivala shia Misri khutsia mu mulukha ku khwamihitsa Filometori, Mwami Antioko yavoolelwa ndi Filometori umali khuhinganyinya vwamihi vwevwe. Mwami Antioko yali ni liheenda mwoyo shichila vulamu vwevwe mwene. Khulwa yako, lwa yali niyakhatukha mu litaala lia Yopa, yamanya natsia mu litaala likali lia Yerusalemi; 22wa Yasoni nende vandu vi litaala likali lienelo, vamwinjilitsa nu luyali lunyishi muno. Vandu vi litaala likali lienelo vavwana mililu, manivamwinjilitsa nivalaanjilila. Niyakharula mu litaala likali lia Yerusalemi, yasimukha nu mukaanda kwa vasikali veve nivatsia mu lusomo lwa Foenike.
Menelahu Yakwa Mukali wa Vasalisi Voosi
23Mihika chivaka nichiakhavira, Yasoni yaruma Menelahu, wali amwavo wundi wa Simoni khuhila tsisenti khu Mwami Antioko khandi khuhuchililwa khurweshitsa mihinzilu chiali nichitushili khurweshitswa. 24Navutswa lwa yali niyakhahilwa imbeli wu Mwami Antioko, Menelahu yichinjilila mwene khwikhola ali nu vunyali. Yivukulila mwene vukali vu khuva Mukali wa vasalisi voosi, lwa yahaana ifetsa 10,000 khuvira tsia Yasoni yali nahaani khu akwi Mukali wa vasalisi voosi. 25Yakalukha mu Yerusalemi ni lilako liu Mwami Antioko liu khumukhola khuva Mukali wa vasalisi voosi. Navutswa shiyali ni liiva liu khukholwa Mukali wa vasalisi voosi tawe; nikhali yali mundu mutamanu wu vurima vululu, khandi yali mululu muno khuli inyama yumbulimu. 26Yasoni, wali niyanuula amwavo wewe wa vivulwa naye vusalisi munjila ingoyanu, yanuulwa khandi vusalisi, niyilushila mu shivala shia Amoni. 27Menelahu yatsililila khuva Mukali wa vasalisi voosi, navutswa yambakhana khurunga tsisenti, tsia yali niyalaaka aliitsa khurunganga Mwami Antioko. 28Lwa Sositurata, wali nali mwimilili wimililanga imbinga ya Yerusalemi, yatsililila khwenya khurungwa, shichila khusolola vushuru nakwo kwali muhinzilu kwekwe, vo vavili valaangwa nu Mwami Antioko khulondokhana khu makhuva kenako. 29Menelahu yarovola amwavo wewe walaangwangwa Lisimako khuva mulondechili wu Mukali wa vasalisi voosi. Yarovola Sositurata havukono ha Kurate, wali nali mwimilili wu mukaanda kwa vasikali vi shivala shia Saipurasi.
Khuli Oniasi Yiirwa
30Mumatukhu kenako, vandu varulanga mu mataala ka Tarisa nende Malo vahingana shichila Mwami Antioko yali waha mukhali mumenyinywa wewe Antioki mataala kavo, manya khuli ni shihanwa. 31Khulwa yako, Mwami Antioko yarulaho vwangu natsia khukololoshitsa vutamanu vwali nuvurulili mu litaala lia Kilikia; yarichila Anduronika, mundu wali nu muhinzilu mukali mu vwamihi vwevwe muhinzilu ku khuva mulondechili wewe. 32Navutswa Menelahu yarumishila vwiyangu vwevwe vulahi vwene, lwa yahuuva vindu vilala viali ni vialombwa khu itsahabu, viali niviavikhwa mu Litempeli. Yavukula vindu vienevo, naha Anduronika. Yali wakuulitsa vindu vindi mu litaala lia Tiro, khandi mu mataala kandi ka hahimbi. 33Lwa Oniasi yahulila makhuva kenako, yilukha natsia khwivisa Havundu Hatakatifu halaangwangwa Dafune himbi mu litaala lia Antiokia. Oniasi yaraanga khuvoolela vandu makhuva matamanu kenako khulondokhana khu ka Menelahu yali niyakhola. 34Nalwo lwa Menelahu yasuunda Anduronika haluveka, namuvoolela yiiri Oniasi. Anduronika yisuunda himbi khu Oniasi, nu khumuveha na makhuva ku vulina nu khumulaaka khumenya mu vulindi vulahi. Khali niiva Oniasi yali ni lienya liu khumusalilitsa, Anduronika yamanya namurulitsa Havundu Hatakatifu henaho, manamwiira vuchila khwenya khulondelela vwatoto.
Khuli Anduronika Yasalilitswa
35Khurulana khu shivune shienesho, shiu khunyala khuvoola ni Vayahudi vonyene vutswa vali nu vuveleli mu mioyo, khandi vakhayaanzitswa ni likhutsa lia khenyekhanga liu mundu wi likhola liu vulunji tawe, navutswa khali vandu vi tsimbia tsindi. 36Lwa Mwami Antioko yakalukha narula mu lusomo lwa Kilikia, Vayahudi vamenyanga mu litaala lia Antiokia valomoloma naye khulondokhana khu likhutsa lia khenyekhanga lia Oniasi yakhutsa; khali Vaguriki vasanga mu vuhimwa vwavo vwenevo. 37Khulwa yako, Mwami Antioko yaheenda mwoyo khandi nalola tsimbavasi; yalila shichila mukhutsu mwenoyo yali mundu wi tsimbavasi nende mwiima mulahi; 38Lwa yali nali nu vurima vululu muno, Mwami Antioko yarandulanyinya ikaanzu ya sambarau ya Anduronika, namuchenditsa shia havundu hosi mu litaala lienelo khutukha havundu ha yali niyiirila Oniasi. Naho hayiirila Anduronika. Nindio khandi Mwami Nyasaye yativitsa Anduronika khulondokhana khuli yenyekhanga asalilitswi.
Khuli Lisimako Yiirwa
39Mumatukhu kenako, Lisimako yakhonywa na amwavo wewe, shichila Menelahu yali wakhola vindu vitamanu viu vuhuuvi khandi yali wavukula vindu vinyishi vialombwa khu itsahabu khurula mu Litempeli. Makhuva khulondokhana khu vindu via yali niyahuuva, kalanda shia havundu hosi mu vivala vindi. 40Lwa shituma shia vandu vitsula vurima khandi nivava valulu, Lisimako yaruma vandu tsiheelefu tsivaka khutsia khuvakwana. Mundu walaangwangwa Ahurana, mundu wali niyasakhula khandi mundu muyiingwa neye wali mwimilili wi shituma shia vandu venavo. 41Navutswa lwa Vayahudi vamanya nivamanya shindu khulondokhana khu Lisimako yali navakwani, valala khuvo vatola machina, valala visiikhi na vandi likooshe liali nililiho mu makhono, manivasiuvila Lisimako halala na vandu veve vali nivali mu vukoyanu. 42Khurulana khu kenako, valala khuvo viirwa na vandi nivilukha; viirila himbi ha livishilu munuuli wi Litempeli. 43Menelahu yayaalwa khulondokhana khu shikholwa shienesho. 44Lwa Mwami Antioko yatukha mu litaala lia Tiro, vandu vavaka va vasakhulu vi shikhaalo vali nivarumi vamuvoolela makhuva ka vali nivali nako. 45Navutswa Menelahu yalola ukhayilwi, yachelitsa khuha Putolemi, wali nali mwana wa Dorimene asooya inyishi muno, khu nikanyalikha akhole Mwami Antioko amuyaanze. 46Putolemi yasuunda haluveku Mwami Antioko, manya khuli atsitsanga khuhulukha, namusaya khukalukhanyinya inganakani yeye. 47Yavoola havulavu ndi Menelahu avula vutamanu vwosi. Khu, Menelahu yavohololwa, khali niiva neye wachila matiinyu nikakwa; navutswa vandu vavaka, va Sikatsia yali niyavoholola vakhalachilwa likhutsa. 48Khu, yavo valomolomanga khulu khushinga mataala nende michitsi nende vindu vitakatifu, vasalilitswa vutamanu muno, vuchila khukholelwa katoto. 49Khulwa yako, vandu vi litaala lia Tiro, khali niiva valolekha vali nu vuveleli mu mioyo chiavo, shichila vutamanu vwenevo, vamanyinya luyali lwavo lwa varweshitsa shia shindu shiosi shienyekhanga khulu khuyeveela mu shilindwa mivili chia vandu vali niviirwa venavo. 50Navutswa Menelahu, khulu khwikomba khuva mu vwimilili khuli vimilili vandi vimililanga vandu, yatsililila khuva mu vwiyangu vu vwimilili. Yatsililila shia khulitukhu khuva mundu mutamanu muno, khali nalolekha mwene khuva mutsiku mutamanu muno khu vandu vi shivala shieshie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013