MAKABAYO 15
15
1Lwa Nikanori yahulila ndi Yudasi nende vandu veve vali mu lusomo lwa Samaria, yaloshitsa khuli anyala khuvakwana khulitukhu li Lisabato, lwa vali nivahulukhanga. 2Vayahudi vali nivanikwa khumulonda vavoola, “Uvuli khuvativitsila mu vurima, navutswa ahaane luyali khulitukhu lia Nyasaye ulolanga shia shindu shiosi yali waliha luyali nu khulikhola khuva litakatifu khuvira matukhu kandi koosi.” 3Nalwo lwa Nikanori, wali shilombe shivula vunyali khulilova yareeva niiva khulikhuho nu mwami mwikulu wali niyavavoolela vahe litukhu li Lisabato luyali. 4Vayahudi vachipa, “Ni kilikali; Mwami Nyasaye uli mwoyo, wamihanga mwikulu, neye wa khuvoolela khuhe litukhu li Lisabato luyali.”
5Navutswa Nikanori yachipa, “Ninzi mwami wamihanga khulilova, khandi khuheetsanga lilako liu khwiyavaala viuchi viovio, ma ukhole ku mwami yenyanga ukhole.” Khali ndio, shiyarweshitsa vutamanu vwa yali nali namali khuloshitsa khukhola tawe.
Yudasi Yarecheshitsa Mukaanda kwa Vasikali Veve Khukwana
6Khuvirila mu vwichinjililu vwevwe nende shileeche, Nikanori yali wayilola anyala khumbakha munaara ku khwitsushilakhu, khuli yali niyakuura Yudasi nende mukaanda kwa vandu veve. 7Navutswa Yudasi yali ni lisuuvilitswa liatoto ndi Mwami Nyasaye ali nu vunyali vu khumukhonya. 8Yatinyilitsa mukaanda kwa vasikali veve khuvula khuria vandu vi tsimbia tsindi va vakwananga, navutswa khwitsushitsa matukhu kali kakhale, lwa vanyola vukhonyi khurula khu Nyasaye, khandi valindilile vukhonyi vwa Nyasaye Uli Ikulu khu Viosi yali natsitsanga khuvakhonya. 9Yavatinyilitsa khuvirila khu malako nende mechitso ka vaprofeti, nu khuvitsushitsa khuli vanyakhananga nivakuura. Yachila nivasuuvilila muye. 10Lwa yatsuvishitsa vandu veve nivava ni ikholo, yavaha lilako liu khulonda, manavavoolela ndi vandu vi tsimbia tsindi vavuli khusuuvililwa, shichila vakhaywa khurweshitsa lilakano liavo. 11Yaha vandu veve voosi viuchi viu khukwanila, lwa ya vatinyilitsa khuvula khura lisuuvilitsa liavo mu tsingavo nende marimu na makhuva ku khuyaanzitsa ku khuvaha ikholo. Yavatsuvishitsa mu mioyo chiavo, lwa yavavoolela malooro keke, nikali khuli malolo ka vanyala khusuuvililamu.
12Yavavoolela ndi yali uloli mu malooro Oniasi, wali Mukali wa vasalisi voosi mumatukhu kakhale. Yali mundu wi tsingulu mulahi khandi wu khuchenyinya, mwikhutsili khandi mwichehitsi, khandi mundu walomolomanga vulahi khurula nashili mwana khuli anyala khumenya limenya lilahi. Oniasi yali wamenya nasaalilanga vandu vi shivala shia Vayahudi. 13Nalwo lwa Yudasi yalola mundu mulahi, wali niyameela tsimbutse khandi wayaanzitsanga. 14Oniasi yamuvoolela, “Uyu ni Yeremia, Muprofeti wa Nyasaye, nali mundu wayaanza veshie, khandi wamenya nasaalilanga vandu veve nende litaala likali litakatifu.”
15Yeremia yanyiila mukhono kwekwe manaha Yudasi shivavi shiali ni shialombwa khu itsahabu. Yamuvoolela, 16“Vukula shivavi shitakatifu yishi, nishili khuli shihanwa khurula khu Nyasaye. Nashio shia uliitsa khurumishila khwiira vatsiku vovo.”
17Makhuva malahi kene ka Yudasi yalomoloma katinyilitsa shia mundu wosi khuva ni tsingulu, khandi nikavatsuvishitsa khukwana shisatsa. Litaala likali liavo, idini yavo nende Litempeli liavo liali khu vutiinyu vu khutivitswa. Nalwo lwa Vayahudi vaviritsa khuvula khumala vwiyangu vwosi, navutswa khukwana vatsiku vavo, nu khuhulishitsana khuli vanyala khukholanga mutsiku navakwani shia khase khosi. 18Vali ni liheenda mwoyo, shichila vakhali vavo, vaana vavo nende viikho vavo. Vaheendela mwoyo khandi Havundu Hatakatifu hali ni hatakaswa. 19Vandu vali nivamenya mu litaala likali lia Yerusalemi vaheendela mwoyo khushila muno khuli vanyala khukwanila mu shikuri.
Khuli Nikanori Yakuurwa khandi Nakhutsa
20Shia mundu wosi yalindililanga khulola ni viina unyala khukuura muliihe. Mukaanda kwa vasikali kwa vatsiku kwisuundanga imbeli, halala na vahili vi tsifarasi khuluveka lu mukhono musatsa nende mukhali, khandi tsinzeku tsiavo nivamali khutsivikha havundu handi ha vanyala khukwanila. 21Yudasi Makabayo yalola khuli mukaanda kwa vasikali vali vanyishi, viuchi viu khukwanila vinyishi lukanu, nende tsinzeku tsiavo tsindulu. Nalwo lwa yachinguula makhono keke mwikulu nasaala khu Mwami Nyasaye, wamanyikhana khukhola viloleshitsu, shichila yali wamanya ndi Mwami Nyasaye neye uchilanga vandu vasuuvilwa nivanyola likuura, navutswa shianyala khuhaana likuura khu vandu vali nu mukaanda kwa vasikali vi tsingulu vanyishi tawe. 22Yudasi yavoola, “Mwami Nyasaye, lwa Mwami Hezekia yali nali Mwami wa Yuda, nivi waruma injelosi yoyo khwiira vandu iheelefu indala ni tsimia munane na varanu vu Mwami Senakeribu. 23Litukhu lindi, Mwami Nyasaye wu mwikulu yaruma injelosi yeye indahi khwitsa khutechelitsa nu khurishitsa vatsiku veru. 24Tivitsa vandu vakhunyekanga vitsi khukwana vandu vatakatifu vovo, khuvirila khu tsingulu tsiotsio tsiu vunyali.” Yamalila lisaala lielie khuvirila khu makhuva kenako.
25Nikanori nende mukaanda kwa vasikali veve varoonjela, nivakhuvanga visiliva nu khwimba tsinyimbo tsiu khukwana. 26Yudasi nende vandu veve vakwana nu mutsiku nivasaala lisaala liavo khu Nyasaye, avakhonye. 27Viira vandu tsiheelefu makhomi kavaka na varanu, khandi nivasangala lwa vali nivanyoli tsingulu tsia Nyasaye. Vakwana ni tsingulu tsiavo, khandi nivasaala nu mwoyo kwosi khu Nyasaye.
28Lwa vali nivamali khukwana, nivakalukhanga nu vuyaanzi, valola Nikanori umali khulakaalal umali khukhutsa, niyiyavaale viuchi vievie. 29Nalwo lwa valaanjilila liyooko nivaraanga khwitsominya Mwami Nyasaye khuvirila mu tsinomolomo tsiavo.
30Yudasi Makabayo, wali niyakwana muliihe nu mwoyo kwekwe nende tsingulu tsietsie tsiosi neye wakwanila vandu veve Vayahudi. Yali mundu mulahi khurula nashili muvukha khu vandu vi shivala shieshie. Yahaana lilako khu vandu veve khutsia khukutuula murwi kwa Nikanori nende makhono keke, nu khuvihila mu Yerusalemi. 31Lwa yatukhayo, yalaanga halala vandu vi shivala shieshie, navoolela vasalisi vasinjile imbeli wu vwaali. Yaruma mundu khutsia khulaanga yavo vali nivivisa mu imbinga. 32Yavamanyinya murwi ku mundu mutamanu mwenoyo, nende mukhono kwa Nikanori wali mwononyinyi, wali niyichinjilila anyala khutivitsa Litempeli litakatifu lia Nyasaye Uli Ikulu khu Viosi. 33Nalwo lwa yakutuula lulimi lu mundu mutamanu wakorwa Nyasaye, navoola aliitsa khuha manyonyi khukuvootsa. Yavoola khandi ndi atsitsanga khukwelelitsa khuluveka lundi lwi Litempeli, khuli shimanyilu khulondokhana khu vikholwa viu uyiingwa via Nikanori yali niyakhola. 34Shia mundu wosi yaheenza mwikulu, maniyitsominya Mwami Nyasaye, wali namumanyinye tsingulu tsietsie, khandi wali niyikalila Litempeli lielie khuvula khwononyinywa. 35Yudasi yasunga murwi kwa Nikanori khu lisisi li imbinga, khumanyinya ndi ni kilikali, Mwami Nyasaye neye wali navakhonyi. 36Vandu voosi vahuchilila ndi litukhu lienelo livuli khwivililwakhu, navutswa khwikhoyela shia khumuhika litukhu lili imbeli wi litukhu lia Modekai, nakhwo khuvoola, litukhu li likhomi na kavaka liu mweli kwi likhomi na chivili lilaangwangwa Adari, mululomolomo lwa Vasiria.
Limalila lia Makhuva
37Nindi vindu vienevo viakholekha khu Nikanori. Khurula khulitukhu lienelo, Vahebrania navo vashimenyanga mu litaala lienelo. Khali lukanu lwanje lumalishilanga hanu. 38Niiva lunyala khuvoolwa vulahi vwene munjila inunji, nakhavele nu vuyaanzi vunyishi muno. Niiva lwa khavele nu lwahandikwakhu munjila yu vukoyanu, vuchila khuyaanzitsa mundu, khali njelitsi khukhola malahi. 39Khwamanya vulahi ndi vulamu vuvulakhuho khu vandu vang'wetsanga idivai inoho matsi konyene, navutswa idivai yatsukanyinywamu matsi ilombanga shiu khung'wa khuva shinuulu. Khali ndio, lukanu lulahi nu lwahandikwa munjila indahi yene luyaanzitsanga vandu valusomanga. Nindio malilanga makhuva kaanje.
Currently Selected:
MAKABAYO 15: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 15
15
1Lwa Nikanori yahulila ndi Yudasi nende vandu veve vali mu lusomo lwa Samaria, yaloshitsa khuli anyala khuvakwana khulitukhu li Lisabato, lwa vali nivahulukhanga. 2Vayahudi vali nivanikwa khumulonda vavoola, “Uvuli khuvativitsila mu vurima, navutswa ahaane luyali khulitukhu lia Nyasaye ulolanga shia shindu shiosi yali waliha luyali nu khulikhola khuva litakatifu khuvira matukhu kandi koosi.” 3Nalwo lwa Nikanori, wali shilombe shivula vunyali khulilova yareeva niiva khulikhuho nu mwami mwikulu wali niyavavoolela vahe litukhu li Lisabato luyali. 4Vayahudi vachipa, “Ni kilikali; Mwami Nyasaye uli mwoyo, wamihanga mwikulu, neye wa khuvoolela khuhe litukhu li Lisabato luyali.”
5Navutswa Nikanori yachipa, “Ninzi mwami wamihanga khulilova, khandi khuheetsanga lilako liu khwiyavaala viuchi viovio, ma ukhole ku mwami yenyanga ukhole.” Khali ndio, shiyarweshitsa vutamanu vwa yali nali namali khuloshitsa khukhola tawe.
Yudasi Yarecheshitsa Mukaanda kwa Vasikali Veve Khukwana
6Khuvirila mu vwichinjililu vwevwe nende shileeche, Nikanori yali wayilola anyala khumbakha munaara ku khwitsushilakhu, khuli yali niyakuura Yudasi nende mukaanda kwa vandu veve. 7Navutswa Yudasi yali ni lisuuvilitswa liatoto ndi Mwami Nyasaye ali nu vunyali vu khumukhonya. 8Yatinyilitsa mukaanda kwa vasikali veve khuvula khuria vandu vi tsimbia tsindi va vakwananga, navutswa khwitsushitsa matukhu kali kakhale, lwa vanyola vukhonyi khurula khu Nyasaye, khandi valindilile vukhonyi vwa Nyasaye Uli Ikulu khu Viosi yali natsitsanga khuvakhonya. 9Yavatinyilitsa khuvirila khu malako nende mechitso ka vaprofeti, nu khuvitsushitsa khuli vanyakhananga nivakuura. Yachila nivasuuvilila muye. 10Lwa yatsuvishitsa vandu veve nivava ni ikholo, yavaha lilako liu khulonda, manavavoolela ndi vandu vi tsimbia tsindi vavuli khusuuvililwa, shichila vakhaywa khurweshitsa lilakano liavo. 11Yaha vandu veve voosi viuchi viu khukwanila, lwa ya vatinyilitsa khuvula khura lisuuvilitsa liavo mu tsingavo nende marimu na makhuva ku khuyaanzitsa ku khuvaha ikholo. Yavatsuvishitsa mu mioyo chiavo, lwa yavavoolela malooro keke, nikali khuli malolo ka vanyala khusuuvililamu.
12Yavavoolela ndi yali uloli mu malooro Oniasi, wali Mukali wa vasalisi voosi mumatukhu kakhale. Yali mundu wi tsingulu mulahi khandi wu khuchenyinya, mwikhutsili khandi mwichehitsi, khandi mundu walomolomanga vulahi khurula nashili mwana khuli anyala khumenya limenya lilahi. Oniasi yali wamenya nasaalilanga vandu vi shivala shia Vayahudi. 13Nalwo lwa Yudasi yalola mundu mulahi, wali niyameela tsimbutse khandi wayaanzitsanga. 14Oniasi yamuvoolela, “Uyu ni Yeremia, Muprofeti wa Nyasaye, nali mundu wayaanza veshie, khandi wamenya nasaalilanga vandu veve nende litaala likali litakatifu.”
15Yeremia yanyiila mukhono kwekwe manaha Yudasi shivavi shiali ni shialombwa khu itsahabu. Yamuvoolela, 16“Vukula shivavi shitakatifu yishi, nishili khuli shihanwa khurula khu Nyasaye. Nashio shia uliitsa khurumishila khwiira vatsiku vovo.”
17Makhuva malahi kene ka Yudasi yalomoloma katinyilitsa shia mundu wosi khuva ni tsingulu, khandi nikavatsuvishitsa khukwana shisatsa. Litaala likali liavo, idini yavo nende Litempeli liavo liali khu vutiinyu vu khutivitswa. Nalwo lwa Vayahudi vaviritsa khuvula khumala vwiyangu vwosi, navutswa khukwana vatsiku vavo, nu khuhulishitsana khuli vanyala khukholanga mutsiku navakwani shia khase khosi. 18Vali ni liheenda mwoyo, shichila vakhali vavo, vaana vavo nende viikho vavo. Vaheendela mwoyo khandi Havundu Hatakatifu hali ni hatakaswa. 19Vandu vali nivamenya mu litaala likali lia Yerusalemi vaheendela mwoyo khushila muno khuli vanyala khukwanila mu shikuri.
Khuli Nikanori Yakuurwa khandi Nakhutsa
20Shia mundu wosi yalindililanga khulola ni viina unyala khukuura muliihe. Mukaanda kwa vasikali kwa vatsiku kwisuundanga imbeli, halala na vahili vi tsifarasi khuluveka lu mukhono musatsa nende mukhali, khandi tsinzeku tsiavo nivamali khutsivikha havundu handi ha vanyala khukwanila. 21Yudasi Makabayo yalola khuli mukaanda kwa vasikali vali vanyishi, viuchi viu khukwanila vinyishi lukanu, nende tsinzeku tsiavo tsindulu. Nalwo lwa yachinguula makhono keke mwikulu nasaala khu Mwami Nyasaye, wamanyikhana khukhola viloleshitsu, shichila yali wamanya ndi Mwami Nyasaye neye uchilanga vandu vasuuvilwa nivanyola likuura, navutswa shianyala khuhaana likuura khu vandu vali nu mukaanda kwa vasikali vi tsingulu vanyishi tawe. 22Yudasi yavoola, “Mwami Nyasaye, lwa Mwami Hezekia yali nali Mwami wa Yuda, nivi waruma injelosi yoyo khwiira vandu iheelefu indala ni tsimia munane na varanu vu Mwami Senakeribu. 23Litukhu lindi, Mwami Nyasaye wu mwikulu yaruma injelosi yeye indahi khwitsa khutechelitsa nu khurishitsa vatsiku veru. 24Tivitsa vandu vakhunyekanga vitsi khukwana vandu vatakatifu vovo, khuvirila khu tsingulu tsiotsio tsiu vunyali.” Yamalila lisaala lielie khuvirila khu makhuva kenako.
25Nikanori nende mukaanda kwa vasikali veve varoonjela, nivakhuvanga visiliva nu khwimba tsinyimbo tsiu khukwana. 26Yudasi nende vandu veve vakwana nu mutsiku nivasaala lisaala liavo khu Nyasaye, avakhonye. 27Viira vandu tsiheelefu makhomi kavaka na varanu, khandi nivasangala lwa vali nivanyoli tsingulu tsia Nyasaye. Vakwana ni tsingulu tsiavo, khandi nivasaala nu mwoyo kwosi khu Nyasaye.
28Lwa vali nivamali khukwana, nivakalukhanga nu vuyaanzi, valola Nikanori umali khulakaalal umali khukhutsa, niyiyavaale viuchi vievie. 29Nalwo lwa valaanjilila liyooko nivaraanga khwitsominya Mwami Nyasaye khuvirila mu tsinomolomo tsiavo.
30Yudasi Makabayo, wali niyakwana muliihe nu mwoyo kwekwe nende tsingulu tsietsie tsiosi neye wakwanila vandu veve Vayahudi. Yali mundu mulahi khurula nashili muvukha khu vandu vi shivala shieshie. Yahaana lilako khu vandu veve khutsia khukutuula murwi kwa Nikanori nende makhono keke, nu khuvihila mu Yerusalemi. 31Lwa yatukhayo, yalaanga halala vandu vi shivala shieshie, navoolela vasalisi vasinjile imbeli wu vwaali. Yaruma mundu khutsia khulaanga yavo vali nivivisa mu imbinga. 32Yavamanyinya murwi ku mundu mutamanu mwenoyo, nende mukhono kwa Nikanori wali mwononyinyi, wali niyichinjilila anyala khutivitsa Litempeli litakatifu lia Nyasaye Uli Ikulu khu Viosi. 33Nalwo lwa yakutuula lulimi lu mundu mutamanu wakorwa Nyasaye, navoola aliitsa khuha manyonyi khukuvootsa. Yavoola khandi ndi atsitsanga khukwelelitsa khuluveka lundi lwi Litempeli, khuli shimanyilu khulondokhana khu vikholwa viu uyiingwa via Nikanori yali niyakhola. 34Shia mundu wosi yaheenza mwikulu, maniyitsominya Mwami Nyasaye, wali namumanyinye tsingulu tsietsie, khandi wali niyikalila Litempeli lielie khuvula khwononyinywa. 35Yudasi yasunga murwi kwa Nikanori khu lisisi li imbinga, khumanyinya ndi ni kilikali, Mwami Nyasaye neye wali navakhonyi. 36Vandu voosi vahuchilila ndi litukhu lienelo livuli khwivililwakhu, navutswa khwikhoyela shia khumuhika litukhu lili imbeli wi litukhu lia Modekai, nakhwo khuvoola, litukhu li likhomi na kavaka liu mweli kwi likhomi na chivili lilaangwangwa Adari, mululomolomo lwa Vasiria.
Limalila lia Makhuva
37Nindi vindu vienevo viakholekha khu Nikanori. Khurula khulitukhu lienelo, Vahebrania navo vashimenyanga mu litaala lienelo. Khali lukanu lwanje lumalishilanga hanu. 38Niiva lunyala khuvoolwa vulahi vwene munjila inunji, nakhavele nu vuyaanzi vunyishi muno. Niiva lwa khavele nu lwahandikwakhu munjila yu vukoyanu, vuchila khuyaanzitsa mundu, khali njelitsi khukhola malahi. 39Khwamanya vulahi ndi vulamu vuvulakhuho khu vandu vang'wetsanga idivai inoho matsi konyene, navutswa idivai yatsukanyinywamu matsi ilombanga shiu khung'wa khuva shinuulu. Khali ndio, lukanu lulahi nu lwahandikwa munjila indahi yene luyaanzitsanga vandu valusomanga. Nindio malilanga makhuva kaanje.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013