MAKABAYO 1
1
Ibarwa khu Vayahudi Vamenyanga Misri
1Mbandikanga ibarwa iyi khu Vayahudi vamenyanga mu Yerusalemi, khandi khu yavo vamenyanga mu shivala shia Yuda, khand khu Vayahudi veshie vamenyanga mu shivala shia Misri. Nyoli milembe voosi.
2Nyasaye amukholele malahi, niyitsushitsa lilakano lielie lia yakhola na Aburahamu, Isaka, Yakobo, nivali varumishi veve vasuuvilwa. 3Amuhe tsingulu tsiu khusaala khuye, khandi khukhola lienya lielie nu mwoyo kwosi nende tsingulu tsiosi. 4Amuhe mwoyo ku khwenya khumanya Malako keke nende mechitso keke. Amulinde mumenye mu milembe, 5achipe lisaala lienyu, amusemehe vwoni vwenyu, nu khuvula khumwivilila mumatukhu ka muvirilanga mu matiinyu. 6Khumusaalilanga munyi khandi lwa khumenyi hanu mu lusomo lwa Yudeya.
7Khumuhika kwi imia indala nakhomi sita na tisa, mumatukhu ku Mwami Demeturio wa Siria yali niyamihanga, khwamuhandichila khwenya khumuvoolela makhuva khulondokhana khuli khwatambitswa nende matiinyu ka khwavirilamu mumatukhu ka Yasoni nende mukaanda kwa vandu veve, vali ni vahinganyinya vwamihi vwaliho mu Shivala Shitakatifu. 8Yasoni nende mukaanda kwa vandu veve vahaambitsa mulilu khu vilivwa vi Litempeli, khandi nivasinza vandu vanyishi vali nivavula vutamanu vwosi. Nalwo lwa khwasaala khu Mwami Nyasaye, manachipa lisaala lieru. Khwasinza miruku chi misango, nu khuhaana vihanwa vi imu, nu khuhaambitsa tsitaaha khandi nu khuhaana mikati mitakatifu. 9Nako kachilanga nu khumuvoolela ndi mutsililile khwikhoyela Mulukha kwa Matiili khu mweli kwa Kisilevu, manya khuli kali nikahandikwa khumuhika kwi imia indala makhomi munane na munane.
Ibarwa Yahandikwa khu Arisitobula
10Khutsi vandu va Yerusalemi, Yudeya, vandu vi shikhaalo shia Vayahudi, halala ninzi Yudasi, khuhandichilanga mundu ulaangwangwa Arisitobula, uli mulala khurula mu lwivulu lwa vasalisi vavekhwa makura, wali mwechitsi wu Mwami Putolemi, halala na Vayahudi vamenyanga mu shivala shia Misri. Nyoli milembe khandi muve valamu.
11“Khusanditsanga Nyasaye shichila neye wakhuhonyinya mu maraava makali muno. Khwalolekhanga khuli vandu virecheshe khukwana mwami; 12shichila Nyasaye yakhunganyinya vandu vakwananga litaala likali litakatifu. 13Lwa Mwami Antioko yali niyakhatukha mu shivala shia Perisia, halala nu mukaanda kwa vasikali veve valolekhanga vanyala khuvula khukuurwa, vareemakwa mu vitonye shichila vupeele vwa vasalisi vi litempeli lia nyasaye wi shikhali walaangwangwa Naneha. 14Mwami Antioko yali wayinjila havundu henaho halala na valina veve, nu vwikholi ndi ali ni lienya liu khumuhila ave mukhali wewe; navutswa yali ni inganakani yu khuvukula shia shindu shiosi khurula mu livishilu li litempeli manya khuli nu vukhwi. 15Lwa vasalisi varumikhanga mu litempeli lia Nineha vavikulila livishilu, Mwami Antioko nende vandu veve vandi vasimukha nivatsia khwinjila mu litempeli khuvukula vindu vienevo. Navutswa vasalisi venavo vamwikalila mukari, 16nivikula induhu yu khuvirilamu mukari mwi shisechese shi inzu. Valesa machina khali niviira mwimilili mwenoyo nende vandu veve. Vatonyanyinya mivili chiavo mu vitonye, vakutuula mirwi chiavo, nivasiuvila vandu ilwanyi. 17Mwitsominye Nyasaye weru mu shia injila yosi, shichila umali khusalilitsa vululu muno vandu vatamanu yavo.
Khuli Mulilu Kwalaalitsa Musango kwa Nehemia
18“Khulitukhu lia makhomi kavili na kharanu khu mweli wa Kisilevu, khuliitsa khwikhoyela Mulukha ku Khunihitswa khwi Litempeli, manya khuli khwikhoyelanga Mulukha kwa Matiili. Khulolanga nu vulahi khumwitsushitsa makhuva kenako, khu khali munyi mwikhoyele manya khuli mwikhoyelanga Mulukha kwa Matiili nende Mulukha ku Mulilu, mumatukhu ka Nehemia yakhola musango khu vwaali khulitukhu lia valomba vuyia Litempeli nende vwaali. 19Lwa vakuuka veru vakumilwa nivahilwa mu vuhaambe mu shivala shia Perisia, valala khu vasalisi vali nivihaana nu mwoyo kwosi khurumishila Nyasaye vavukula mandaa ku mulilu khurula khu vwaali vu musango, nivatsia khuvisa mu shisima shiali nishiakhaama matsi. Vavisa mulilu kwenoko, khali mundu avulakhuho wali wamanya wakuli. 20Navutswa mihika minyishi nichiakhavira, lwa Nyasaye yali nu vuyaanzi, Mwami wa Perisia yaruma Nehemia khukalukha Yerusalemi. Nalwo lwa Nehemia yavoolela vitsukhulu va vasalisi vali nivavisa mulilu khutsia khukuvukula. Vitsa nivakhuvoolela ndi vanyoli mulilu, navutswa mu liiva khuli lia matsi malitoho. Nehemia yavavoolela vatehekhu malala vamulerele. 21Lwa miruku chienyekhanga khukholelwa musango vialerwa imbeli, Nehemia yavoolela vasalisi vamitsi matsi kenako khu tsikhuyi halala ni vindu viali viarenjekhwa khutsio. 22Lwa makhuva kenako kikholekha, matukhu manyishi nikakhavira, liuva lialoleshela inyuma wa malesi, nonoho lwa shia shindu shiosi shiarekukha mulilu. Shia mundu wosi wali naliho, yachenyinywa na makhuva kenako. 23Lwa musango kwali nukulaalanga, vasalisi vasaala; shia musalisi wosi halala na vandu voosi valiho vasaala. Yonatsani neye wimililanga vandu khusaala; Nehemia nende vandu voosi navo vachipanga shia likhuva liosi, lia yavoolanga mu lisaala.”
Lisaala lia Nehemia
24Lisaala lia Nehemia liavoolanga, “Mwami Nyasaye, Muloonji waloonga shia shindu shiosi, nivi uli wu khuchenyinya khandi uli ni tsingulu. Uvelanga tsimbavasi vandu khandi urweshitsanga vwatoto. Nivi uli Mwami wamihanga wonyene, khandi wu kholelanga vandu kali malahi. 25Mundu avulakhuho wundi navutswa yivi wi tsimbavasi khandi urweshitsanga vwatoto. Uli ni tsingulu tsinyishi khandi uliho mihika ni mihika, khandi wayirechekha khuhonyinya Israeli khurula mu vutiinyu vwavo. Nivi warovola vakuuka veru khuva vandu vovo valahi. 26Uhuchilile musango kwa khukholanga havukono ha Vaisraeli yuku; linda vulahi vandu vovo va warovola khandi ukhukhole khuva vatakatifu. 27Lera halala vandu veru vali mu vurukwa vasalanyinywa. Uvoholole yavo vavohwa mu vandu vi tsimbia tsindi. Lolela tsimbavasi vandu veru, yavo voosi vatambitswangwa khandi vachaywa, khu vandu vi tsimbia tsindi tsiosi vamanye ndi nivi Nyasaye weru. 28Salilitsa vandu vakhutambitsanga khandi vi shileeche shiu vwiloli. 29Menyinya vandu vovo mu Shivala Shitakatifu, khuli Musa yali niyalaaka kaliitsa khwikholekha.”
Mwami wa Perisia Yahulila Makhuva Shichila Mulilu
30“Nalwo lwa vasalisi vimba tsinyimbo. 31Lwa shia shindu shiosi shiu khukholela musango, shiali nishimali khulaalitswa, Nehemia yahaana lilako matsi kali nikarikale kasuundulwi khu machina makali kene. 32Kenako nikamali khwikholekha, mulilu kwarekukha; navutswa lwa vulavu vwarulanga khu vwaali vwalolekha, mulilu kwenoko kwatsima. 33Lwa makhuva khulondokhana khu kenako kamanyikhana, khandi Mwami wa Perisia namali khuvoolelwa ndi matsi kanyolekhane havundu ha vasalisi vali ni vavisa mulilu ku musango, nivashili khuhilwa mu vuhaambe; yahulila makhuva kandi ndi Nehemia nende vandu veve vali vakholi musango khu vwaali, nivarumishilanga matsi kenako. 34Lwa Mwami wa Perisia yarunishitsa makhuva kenako, manikanyolekha khuva katoto, yahaana lilako havundu henaho khwevwa ni lisisi, nu khukholwa khuva hatakatifu. 35Mwami wa Perisia yarumishila havundu henaho khunyola tsisenti khurula khu vandu. Yarumishilanga tsisenti tsienetso khuyaanzitsa valina veve. 36Nehemia nende vandu veve vakulikha matsi kenako lira ‘Nefutsari’ munjila yindi kavoolanga khunihitswa, navutswa vandu vanyishi valaanganga matsi kenako lira ‘Nafutsa.’
Currently Selected:
MAKABAYO 1: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MAKABAYO 1
1
Ibarwa khu Vayahudi Vamenyanga Misri
1Mbandikanga ibarwa iyi khu Vayahudi vamenyanga mu Yerusalemi, khandi khu yavo vamenyanga mu shivala shia Yuda, khand khu Vayahudi veshie vamenyanga mu shivala shia Misri. Nyoli milembe voosi.
2Nyasaye amukholele malahi, niyitsushitsa lilakano lielie lia yakhola na Aburahamu, Isaka, Yakobo, nivali varumishi veve vasuuvilwa. 3Amuhe tsingulu tsiu khusaala khuye, khandi khukhola lienya lielie nu mwoyo kwosi nende tsingulu tsiosi. 4Amuhe mwoyo ku khwenya khumanya Malako keke nende mechitso keke. Amulinde mumenye mu milembe, 5achipe lisaala lienyu, amusemehe vwoni vwenyu, nu khuvula khumwivilila mumatukhu ka muvirilanga mu matiinyu. 6Khumusaalilanga munyi khandi lwa khumenyi hanu mu lusomo lwa Yudeya.
7Khumuhika kwi imia indala nakhomi sita na tisa, mumatukhu ku Mwami Demeturio wa Siria yali niyamihanga, khwamuhandichila khwenya khumuvoolela makhuva khulondokhana khuli khwatambitswa nende matiinyu ka khwavirilamu mumatukhu ka Yasoni nende mukaanda kwa vandu veve, vali ni vahinganyinya vwamihi vwaliho mu Shivala Shitakatifu. 8Yasoni nende mukaanda kwa vandu veve vahaambitsa mulilu khu vilivwa vi Litempeli, khandi nivasinza vandu vanyishi vali nivavula vutamanu vwosi. Nalwo lwa khwasaala khu Mwami Nyasaye, manachipa lisaala lieru. Khwasinza miruku chi misango, nu khuhaana vihanwa vi imu, nu khuhaambitsa tsitaaha khandi nu khuhaana mikati mitakatifu. 9Nako kachilanga nu khumuvoolela ndi mutsililile khwikhoyela Mulukha kwa Matiili khu mweli kwa Kisilevu, manya khuli kali nikahandikwa khumuhika kwi imia indala makhomi munane na munane.
Ibarwa Yahandikwa khu Arisitobula
10Khutsi vandu va Yerusalemi, Yudeya, vandu vi shikhaalo shia Vayahudi, halala ninzi Yudasi, khuhandichilanga mundu ulaangwangwa Arisitobula, uli mulala khurula mu lwivulu lwa vasalisi vavekhwa makura, wali mwechitsi wu Mwami Putolemi, halala na Vayahudi vamenyanga mu shivala shia Misri. Nyoli milembe khandi muve valamu.
11“Khusanditsanga Nyasaye shichila neye wakhuhonyinya mu maraava makali muno. Khwalolekhanga khuli vandu virecheshe khukwana mwami; 12shichila Nyasaye yakhunganyinya vandu vakwananga litaala likali litakatifu. 13Lwa Mwami Antioko yali niyakhatukha mu shivala shia Perisia, halala nu mukaanda kwa vasikali veve valolekhanga vanyala khuvula khukuurwa, vareemakwa mu vitonye shichila vupeele vwa vasalisi vi litempeli lia nyasaye wi shikhali walaangwangwa Naneha. 14Mwami Antioko yali wayinjila havundu henaho halala na valina veve, nu vwikholi ndi ali ni lienya liu khumuhila ave mukhali wewe; navutswa yali ni inganakani yu khuvukula shia shindu shiosi khurula mu livishilu li litempeli manya khuli nu vukhwi. 15Lwa vasalisi varumikhanga mu litempeli lia Nineha vavikulila livishilu, Mwami Antioko nende vandu veve vandi vasimukha nivatsia khwinjila mu litempeli khuvukula vindu vienevo. Navutswa vasalisi venavo vamwikalila mukari, 16nivikula induhu yu khuvirilamu mukari mwi shisechese shi inzu. Valesa machina khali niviira mwimilili mwenoyo nende vandu veve. Vatonyanyinya mivili chiavo mu vitonye, vakutuula mirwi chiavo, nivasiuvila vandu ilwanyi. 17Mwitsominye Nyasaye weru mu shia injila yosi, shichila umali khusalilitsa vululu muno vandu vatamanu yavo.
Khuli Mulilu Kwalaalitsa Musango kwa Nehemia
18“Khulitukhu lia makhomi kavili na kharanu khu mweli wa Kisilevu, khuliitsa khwikhoyela Mulukha ku Khunihitswa khwi Litempeli, manya khuli khwikhoyelanga Mulukha kwa Matiili. Khulolanga nu vulahi khumwitsushitsa makhuva kenako, khu khali munyi mwikhoyele manya khuli mwikhoyelanga Mulukha kwa Matiili nende Mulukha ku Mulilu, mumatukhu ka Nehemia yakhola musango khu vwaali khulitukhu lia valomba vuyia Litempeli nende vwaali. 19Lwa vakuuka veru vakumilwa nivahilwa mu vuhaambe mu shivala shia Perisia, valala khu vasalisi vali nivihaana nu mwoyo kwosi khurumishila Nyasaye vavukula mandaa ku mulilu khurula khu vwaali vu musango, nivatsia khuvisa mu shisima shiali nishiakhaama matsi. Vavisa mulilu kwenoko, khali mundu avulakhuho wali wamanya wakuli. 20Navutswa mihika minyishi nichiakhavira, lwa Nyasaye yali nu vuyaanzi, Mwami wa Perisia yaruma Nehemia khukalukha Yerusalemi. Nalwo lwa Nehemia yavoolela vitsukhulu va vasalisi vali nivavisa mulilu khutsia khukuvukula. Vitsa nivakhuvoolela ndi vanyoli mulilu, navutswa mu liiva khuli lia matsi malitoho. Nehemia yavavoolela vatehekhu malala vamulerele. 21Lwa miruku chienyekhanga khukholelwa musango vialerwa imbeli, Nehemia yavoolela vasalisi vamitsi matsi kenako khu tsikhuyi halala ni vindu viali viarenjekhwa khutsio. 22Lwa makhuva kenako kikholekha, matukhu manyishi nikakhavira, liuva lialoleshela inyuma wa malesi, nonoho lwa shia shindu shiosi shiarekukha mulilu. Shia mundu wosi wali naliho, yachenyinywa na makhuva kenako. 23Lwa musango kwali nukulaalanga, vasalisi vasaala; shia musalisi wosi halala na vandu voosi valiho vasaala. Yonatsani neye wimililanga vandu khusaala; Nehemia nende vandu voosi navo vachipanga shia likhuva liosi, lia yavoolanga mu lisaala.”
Lisaala lia Nehemia
24Lisaala lia Nehemia liavoolanga, “Mwami Nyasaye, Muloonji waloonga shia shindu shiosi, nivi uli wu khuchenyinya khandi uli ni tsingulu. Uvelanga tsimbavasi vandu khandi urweshitsanga vwatoto. Nivi uli Mwami wamihanga wonyene, khandi wu kholelanga vandu kali malahi. 25Mundu avulakhuho wundi navutswa yivi wi tsimbavasi khandi urweshitsanga vwatoto. Uli ni tsingulu tsinyishi khandi uliho mihika ni mihika, khandi wayirechekha khuhonyinya Israeli khurula mu vutiinyu vwavo. Nivi warovola vakuuka veru khuva vandu vovo valahi. 26Uhuchilile musango kwa khukholanga havukono ha Vaisraeli yuku; linda vulahi vandu vovo va warovola khandi ukhukhole khuva vatakatifu. 27Lera halala vandu veru vali mu vurukwa vasalanyinywa. Uvoholole yavo vavohwa mu vandu vi tsimbia tsindi. Lolela tsimbavasi vandu veru, yavo voosi vatambitswangwa khandi vachaywa, khu vandu vi tsimbia tsindi tsiosi vamanye ndi nivi Nyasaye weru. 28Salilitsa vandu vakhutambitsanga khandi vi shileeche shiu vwiloli. 29Menyinya vandu vovo mu Shivala Shitakatifu, khuli Musa yali niyalaaka kaliitsa khwikholekha.”
Mwami wa Perisia Yahulila Makhuva Shichila Mulilu
30“Nalwo lwa vasalisi vimba tsinyimbo. 31Lwa shia shindu shiosi shiu khukholela musango, shiali nishimali khulaalitswa, Nehemia yahaana lilako matsi kali nikarikale kasuundulwi khu machina makali kene. 32Kenako nikamali khwikholekha, mulilu kwarekukha; navutswa lwa vulavu vwarulanga khu vwaali vwalolekha, mulilu kwenoko kwatsima. 33Lwa makhuva khulondokhana khu kenako kamanyikhana, khandi Mwami wa Perisia namali khuvoolelwa ndi matsi kanyolekhane havundu ha vasalisi vali ni vavisa mulilu ku musango, nivashili khuhilwa mu vuhaambe; yahulila makhuva kandi ndi Nehemia nende vandu veve vali vakholi musango khu vwaali, nivarumishilanga matsi kenako. 34Lwa Mwami wa Perisia yarunishitsa makhuva kenako, manikanyolekha khuva katoto, yahaana lilako havundu henaho khwevwa ni lisisi, nu khukholwa khuva hatakatifu. 35Mwami wa Perisia yarumishila havundu henaho khunyola tsisenti khurula khu vandu. Yarumishilanga tsisenti tsienetso khuyaanzitsa valina veve. 36Nehemia nende vandu veve vakulikha matsi kenako lira ‘Nefutsari’ munjila yindi kavoolanga khunihitswa, navutswa vandu vanyishi valaanganga matsi kenako lira ‘Nafutsa.’
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013