1 VATESALONIKE 2
2
Muhinzilu kwa Paulu Yakhola Tesalonike
1Vasuuvili vashieru, khali munyi vene mwamanya ndi licheniha lieru khu munyi, shiliali li shikhaya tawe. 2Mwamanya khuli khwanyashitswa, khandi khuli khwanyekwa mu litaala lia Filipi nu khushili khwitsa khumucheniha mu litaala lia Tesalonike. Khali niiva khwavirila mu mahingani manyishi, Nyasaye weru ya khuha ikholo yu khwilwatsa khu munyi Ivanjeli yeye. 3Makhuva ka khuvoolelanga munyi, shikanyala khurulana khu vuvehi inoho khu tsinganakani tsindamanu, inoho khuchelitsanga khumukaatilitsa tawe. 4Khuluveka lundi, khulomolomanga shia khase khosi khuli Nyasaye mwene yenyanga khulomolome; shichila wa khulola khuva vandu vatushili khwilwatsa Ivanjeli. Shiukhunyala khuva khuchelitsanga khuyaanzitsa vandu tawe; navutswa khuyaanzitsa Nyasaye, uchelitsanga kali mu mioyo chieru. 5Mwamanya vulahi vwene ndi shikanyala khuva khwarumishila makhuva ku khumukaata khandi khumwitsominya, inoho makhuva ku khuvisa vwilili vweru khu munyi tawe -- Nyasaye neye mushiahidi weru! 6Shikanyala khuva khwenyanga khwitsominywa nu mundu, kave nu munyi inoho vandu vandi tawe. Khali niiva khwali nu vunyali vu khwenya khukhonywa, lwa khuli varumwa va Kristo. 7Navutswa khwali vahoma mu munyi, khuli mama alindanga vaana veve. 8Lwa khwali khwamuyaanza muno, khwali khwayirechekha khusanga shia shindu shiosi na munyi; shikanyala khuva Ivanjeli irulanga khu Nyasaye yonyene tawe; navutswa khali khumukhutsila khandi, shichila mwali mwakhuyaanzitsa muno! 9Vasuuvili vashieru, ni kilikali munyala khwitsushitsa khuli khwakhola muhinzilu ni tsingulu, nu khuchemulila! Khwakholanga muhinzilu mbasu nu vutukhu, khukhuvuli khumutiukha musiko mulitoho, lwa khwilwatsa khu munyi Ivanjeli irulanga khu Nyasaye.
10Muli vashiahidi veru, khali Nyasaye neye mushiahidi weru. Mwiima kweru khu munyi va mwasuuvila kwali ku vutakatifu, kwi likhola liu vulunji khandi kuvula vutamanu vwosi. 11Mwamanya ndi khwakholela shia mulala khu munyi, ka tata akholanga vaana veve mwene; 12nu khumutinyiilitsa, khumuleminya mioyo nu khumuvoolela mumenye limenya liyaanzitsanga Nyasaye, umulaanganga khusanga mu Vwami khandi mu vukhumi vwevwe.
13Khusanditsanga khandi Nyasaye shia khase khosi, shichila lwa mwahulila likhuva lia khwilwatsa khu munyi, mwalisuuvila shikanyala khuva khuli likhuva lirulanga khu vandu tawe; navutswa ni kilikali khuli kali, khuli likhuva lia Nyasaye likholanga muhinzilu mu munyi vandu vamuli ni lisuuvila. 14Vasuuvili vashieru, vindu vilala viele vikholekha khu munyi, khandi khu makanisa ka Nyasaye mu lusomo lwa Yudeya, viakholekha khandi khu vandu vamenyayo vali mu Yesu Kristo. Mwanyashitswa munjila indala yeneyo na vandu vi shivala shienyu vene, khuli vo vanyashitswa na Vayahudi, 15viira Mwami Yesu nende vaprofeti, khandi nivakhukhunga khurulayo. Vambakhana khuyaanzitsa Nyasaye, khandi nivahinganyinya shia mundu wosi! 16Vachelitsa khali khukhwikalila khwilwatsila vandu vi tsimbia tsindi likhuva linyala khuchila vahonyinywi. Munjila iyi, vamala khurweshitsa vwoni vwa vakholanga shia khase khosi. Nyasaye umali khuvavukulila vurima lukhumalilikha!
Paulu Yikomba Khandi Khuvacheniha
17Navutswa vasuuvili vashianje, lwa khwahulwa haluveka khurula khu munyi khumatukhu mati, shikanyala khuva mu tsinganakani tawe, navutswa mu mmbili. Khwali na mahulu khu munyi, khandi nu khuchelitsa khandi khuli khumulolakhu! 18Khwenyanga khukalukha khu munyi. Ni kilikali, inzi mwene nachelitsa hali khanyishi khumucheniha, navutswa Shetani yakhwikalila. 19Khali ndio, lwa Mwami Yesu aliitsa khukalukha, ni vanga viina nikakhali munyi valiitsa khukhuha lisuuvilitswa, vakhukhole khuva nu vuyaanzi khandi vave khuli itaachi yeru yu vukhumi! 20Ni kilikali, munyi navo vachilanga nu khuheelwa vukhumi khandi nu khuva nu vuyaanzi!
Currently Selected:
1 VATESALONIKE 2: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
1 VATESALONIKE 2
2
Muhinzilu kwa Paulu Yakhola Tesalonike
1Vasuuvili vashieru, khali munyi vene mwamanya ndi licheniha lieru khu munyi, shiliali li shikhaya tawe. 2Mwamanya khuli khwanyashitswa, khandi khuli khwanyekwa mu litaala lia Filipi nu khushili khwitsa khumucheniha mu litaala lia Tesalonike. Khali niiva khwavirila mu mahingani manyishi, Nyasaye weru ya khuha ikholo yu khwilwatsa khu munyi Ivanjeli yeye. 3Makhuva ka khuvoolelanga munyi, shikanyala khurulana khu vuvehi inoho khu tsinganakani tsindamanu, inoho khuchelitsanga khumukaatilitsa tawe. 4Khuluveka lundi, khulomolomanga shia khase khosi khuli Nyasaye mwene yenyanga khulomolome; shichila wa khulola khuva vandu vatushili khwilwatsa Ivanjeli. Shiukhunyala khuva khuchelitsanga khuyaanzitsa vandu tawe; navutswa khuyaanzitsa Nyasaye, uchelitsanga kali mu mioyo chieru. 5Mwamanya vulahi vwene ndi shikanyala khuva khwarumishila makhuva ku khumukaata khandi khumwitsominya, inoho makhuva ku khuvisa vwilili vweru khu munyi tawe -- Nyasaye neye mushiahidi weru! 6Shikanyala khuva khwenyanga khwitsominywa nu mundu, kave nu munyi inoho vandu vandi tawe. Khali niiva khwali nu vunyali vu khwenya khukhonywa, lwa khuli varumwa va Kristo. 7Navutswa khwali vahoma mu munyi, khuli mama alindanga vaana veve. 8Lwa khwali khwamuyaanza muno, khwali khwayirechekha khusanga shia shindu shiosi na munyi; shikanyala khuva Ivanjeli irulanga khu Nyasaye yonyene tawe; navutswa khali khumukhutsila khandi, shichila mwali mwakhuyaanzitsa muno! 9Vasuuvili vashieru, ni kilikali munyala khwitsushitsa khuli khwakhola muhinzilu ni tsingulu, nu khuchemulila! Khwakholanga muhinzilu mbasu nu vutukhu, khukhuvuli khumutiukha musiko mulitoho, lwa khwilwatsa khu munyi Ivanjeli irulanga khu Nyasaye.
10Muli vashiahidi veru, khali Nyasaye neye mushiahidi weru. Mwiima kweru khu munyi va mwasuuvila kwali ku vutakatifu, kwi likhola liu vulunji khandi kuvula vutamanu vwosi. 11Mwamanya ndi khwakholela shia mulala khu munyi, ka tata akholanga vaana veve mwene; 12nu khumutinyiilitsa, khumuleminya mioyo nu khumuvoolela mumenye limenya liyaanzitsanga Nyasaye, umulaanganga khusanga mu Vwami khandi mu vukhumi vwevwe.
13Khusanditsanga khandi Nyasaye shia khase khosi, shichila lwa mwahulila likhuva lia khwilwatsa khu munyi, mwalisuuvila shikanyala khuva khuli likhuva lirulanga khu vandu tawe; navutswa ni kilikali khuli kali, khuli likhuva lia Nyasaye likholanga muhinzilu mu munyi vandu vamuli ni lisuuvila. 14Vasuuvili vashieru, vindu vilala viele vikholekha khu munyi, khandi khu makanisa ka Nyasaye mu lusomo lwa Yudeya, viakholekha khandi khu vandu vamenyayo vali mu Yesu Kristo. Mwanyashitswa munjila indala yeneyo na vandu vi shivala shienyu vene, khuli vo vanyashitswa na Vayahudi, 15viira Mwami Yesu nende vaprofeti, khandi nivakhukhunga khurulayo. Vambakhana khuyaanzitsa Nyasaye, khandi nivahinganyinya shia mundu wosi! 16Vachelitsa khali khukhwikalila khwilwatsila vandu vi tsimbia tsindi likhuva linyala khuchila vahonyinywi. Munjila iyi, vamala khurweshitsa vwoni vwa vakholanga shia khase khosi. Nyasaye umali khuvavukulila vurima lukhumalilikha!
Paulu Yikomba Khandi Khuvacheniha
17Navutswa vasuuvili vashianje, lwa khwahulwa haluveka khurula khu munyi khumatukhu mati, shikanyala khuva mu tsinganakani tawe, navutswa mu mmbili. Khwali na mahulu khu munyi, khandi nu khuchelitsa khandi khuli khumulolakhu! 18Khwenyanga khukalukha khu munyi. Ni kilikali, inzi mwene nachelitsa hali khanyishi khumucheniha, navutswa Shetani yakhwikalila. 19Khali ndio, lwa Mwami Yesu aliitsa khukalukha, ni vanga viina nikakhali munyi valiitsa khukhuha lisuuvilitswa, vakhukhole khuva nu vuyaanzi khandi vave khuli itaachi yeru yu vukhumi! 20Ni kilikali, munyi navo vachilanga nu khuheelwa vukhumi khandi nu khuva nu vuyaanzi!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013