1 MAKABAYO 6
6
Likhutsa lia Antioko wa Khane
(2 Mak 1:11-17; 9:1-29; 10:9-11)
1Lwa Mwami Antioko wa Khane yali nakhalakanyilanga mu shivala shia Mesopotamia, yahulila makhuva khulondokhana khu litaala lilala mu shivala shia Perisia lialaangwangwa Elimahisi liali ni liamanyikhana shichila liali liashila ifetsa nende itsahabu mu vunyishi. 2Litempeli lia Elimahisi liali liu vuhinda khushila muno, tsingavo tsialombwa khu itsahabu, inzu yiliihe nende viuchi viu khukwanila viali viarikwamu na Alekisanda mwana wu Mwami Filipu wamihanga Mekadonia, khandi wali niyaraanga khwamiha shivala shia Vaguriki. 3Antioko yitsa, nachelitsa khuvukula ni tsingulu litaala lienelo; navutswa yakhaywa khulivukula, shichila vandu vi litaala lienelo vali vamanyi khale makhuva keke. 4Yalaanga halala mukaanda kwa vasikali, nivaraanga khuvakwana. Nalwo lwa Antioko yakalukha Babilonia nu mwoyo mulitoho. 5Mundu yitsa khuye nali mu shivala shia Perisia, namuvoolela ndi mukaanda kwa vasikali vali nivatsia khukwana Yudeya vakuurwa; 6khandi Lisia nende vasikali veve va yali natsile navo vi tsingulu vamali khwilukha Vayahudi, shichila Vayahudi vali vanyoli tsingulu khurulana khu vindu viu khukwanila nende vindu via vali nivayaayi mukaanda kwa vasikali va vatsiku vavo; 7khandi ndi vali vasambulanyinya vwaali vu khusambilakhu vihanwa vi misango, vu Mwami Antioko yali niyumbakha mu Yerusalemu. Vavotokhana litaala likali lia Litempeli ni lisisi liraambi, shindu shishili khwikholekhakhu. Khali litaala lia Betsi-zuri, nilili litaala lilala khu mataala kali ku mwami mwene. 8Lwa mwami yahulila makhuva kenako, yikosa mu mwoyo, ma natsia khu shitali naraanga khulwala, shichila makhuva shikayikholekha khuli yenyanga tawe. 9Yakona mu shitali nalwalanga khumatukhu manyishi, shichila tsinganakani tsinyishi tsiatsililila khumukumila, namanya ndi atsitsanga khukhutsa. 10Khu, yalaanga valina veve, navavoolela, “Tsindolo tsikori mumoni mwanje, khandi ndi nu vuveleli mu mwoyo kwanje, shichila tsinganakani. 11Namanya ninzireeva, ‘Matiinyu kangwilili munjila shina, ninzi navetsanga mundu mulahi khandi nayanzwa nu mundu wosi mu vwamihi vwanje! 12Navutswa nunundi nzitsushitsanga vindu vitamanu via nakhola nindi mu Yerusalemi. Navukulayo vindu viosi vialombwa khu ifetsa nende itsahabu; khandi nahaana lilako liu khutivitsa vandu va Yuda, vuchila shivune shiosi. 13Manyi vulahi ndi matiinyu yaka kangwilile shichila kenako. Lolikhu, khuli ndivilanga mu shivala shia vandu vi tsimbia tsindi, ninyakhana mu mwoyo.’ ”
14Nalwo lwa yalaanga Filipu, wali mulala khu valina veve, namuha vunyali vu khwamiha shivala shieshie shiosi. 15Yamufwala itaachi, ikaanzu nende muhuuli ku vwami, khu atsililile khwimilila mwana wewe Antioko wa Kharanu, khutukha lwa aliitsa khwamiha. 16Mwami Antioko yakhutsilayo khumuhika kwi imia indala na makhomi kane na tisa.
17Lwa Lisia yavoolelwa ndi Mwami Antioko umali khukhutsa, yamihitsa mwana wa Antioko mwenoyo havukono ha tata wewe; manamukulikha lira Ehupatura. Lisia neye wa vilushitsa Antioko wa Kharanu, khuraanjila nashili mwana.
Khuli Antioko wa Kharanu nende Lisia Vakwana Tsimbia Tsindi
18Mumatukhu kenako, vandu vali nivivisa mu imbinga ya Yerusalemi, vali nivikalili Vaisraeli havundu handi himbi khu Litempeli. Vachelitsa mu tsinjila tsinyishi, khuli vanyala khusalilitsa Vayahudi nu khutsililila khukhonya vandu vi tsimbia tsindi. 19Nalwo lwa Yudasi yaviritsa nu mwoyo kwosi khuvativitsa. Yalaanga halala vandu voosi nivavotokhana imbinga yeneyo. 20Vandu vivunjelitsa halala nivavotokhana imbinga yeneyo khumuhika kwi imia indala na makhomi karanu. Vumbakha minaara nende milondi chindi chiu khulesela viuchi viliihe.
21Navutswa valala khu vatsiku venavo vali nivavotokhanilwi vamanya nivilukha; Vaisraeli vatamanu vakorwa Nyasaye valala viyunga navo. 22Vasimukha nivatsia khu Mwami Antioko nivavoola, “Nu luhono shina lwa uliitsa khuvukula khuvula khukhukholela ka khwenyanga nu khuvanzila vutamanu vwa vashieru vakholelwa? 23Khwali nu vuyaanzi lwa khwarumishilanga tata wowo, nu khumenya khulondokhana khuli yenyanga, khandi nu khulonda malako keke. 24Nashio shivune shiachila vashieru nivavukula ni tsingulu imbinga khandi nivakhululila khutsi. Khali ndio, vayiira vandu vanyishi khu khutsi khulondokhana khuli va vakumila; khandi vakhunuula miandu chieru. 25Navutswa shikali nu khutsi va vasalilitsa vonyene tawe; nikhali vaseera vareende vavo voosi. 26Vavotokhane nunundi imbinga ya Yerusalemi khuchivukula. Vamali khumbakha lisisi khulinda Litempeli nende litaala lia Betsi-zuri. 27Muvuli khuvikalila vwangu. Numukhola murio, vanyala khukhola vindu vinyishi vikali, mamuvuli khuvikalila khukhola.”
28Mwami Antioko yali nu vurima, lwa yahulila makhuva kenako. Yalaanga halala valina veve voosi, vimilili vi mikaanda chia vasikali veve halala na yavo vimililanga. 29Yasamulitsa khandi vasikali vu khurungwa khurula mu vivala vindi, khandi khurula mu visuulu via Guriki. 30Mukaanda kwa vasikali veve kwali na vasikali tsiheelefu makhomi kavili vi tsifarasi, tsinzeku makhomi kavaka na tsivili tsiu khukwana. 31Vavirila mu lusomo lwa Idumeha nivavotokhana litaala lia Betsi-zuri, ha vakwana khumatukhu manyishi. Vasikali vu Mwami Antioko vumbakha mutaalimbo ku khusiuvila viuchi, navutswa vali nu vucheli vu khukwana, nivarula ilwanyi khandi nivasamba mutaalimbo kwi liihe kwa vatsiku.
32Nalwo lwa Yudasi yasimukha, narula mu imbinga yeneyo, nasimiikha maheemo keke ku khumenyamu mu litaala lia Betsi Zakaria, khuluveka lundi lu mukaanda kwa vasikali vu Mwami Antioko vamenyanga. 33Khulitukhu lilondakhu mu mavwevwe, Mwami Antioko yasimukha navukula ni tsingulu mukaanda kwa vasikali veve, khuvanika khutsia khuvirila khu muhaanda kutsitsanga Betsi Zakaria; mukaanda kwa vasikali veve vakwana, manivakhuva visiliva. 34Vaha tsinzeku matunda ki misabibu nende vushelelu, khu tsirecheshitsa khu liihe. 35Vakavila mikaanda chia vasikali vakwanilanga khu vilenje tsinzeku tsienetso. Shia musikali wosi yaheelwa inzeku indala, matongolo ki shivia nende tsikofia tsialombwa khu mukasa. Vasikali tsimia tsiranu vitsifarasi vaheeleshitswa ni inzeku indala. 36Vasikali venavo vavukula vwiyangu vwavo shia havundu hosi hi inzeku yatsitsanga. Shiyavarikanga tawe. 37Minaara chialombwa khu misala chiachikhwa khu mikoongo chi tsinzeku. Vasikali vavaka vachendelelanga khu inzeku indala, khumeeta khu muhili wi inzeku. 38Mikaanda milala chia vasikali vi tsifarasi chiavikhwa khu shia khuluveka, khu tsimbeka tsivili tsia vasikali khusalilitsa vatsiku, vo nivalindwa na vasikali vakwananga nivarulila munyuma. 39Lwa liuva liasakha khu tsingavo tsialombwa khu itsahabu nende mukasa, vikulu vialolekhanga khuli viakhanga mulilu maniviloleshitsa manya khuli tsitoochi tsiakhanga. 40Mukaanda mulala kwa vasikali vu Mwami Antioko kwasalana mu vikulu viraambi, na kundi nu kutsia mu lwomera; vasikali visuunda imbeli khu vuloshitsi vulahi khandi nu mwiima mulahi. 41Vandu voosi vahulila liyooko li shituma shia vandu valaanjililanga, lichenda li shituma shia vandu khandi khukhuvakana khwi viuchi viavo, vatechela, shichila vasikali vali vanyishi khandi ni tsingulu tsinyishi.
42Navutswa Yudasi nende vasikali veve varoonjela nivatsia khukwana; vasikali tsimia sita vu Mwami Antioko viirwa. 43Navutswa lwa Eliazari wali ni lira lindi Avarani, yalola ndi indala khu tsinyama tsienetso ningali khuvira tsindi, khandi yali ya yachikhwakhu viuchi via vandu vi inzu yu vwami vakwanilanga, yakanakana mwami neye uchihilanga. 44Yirulitsa khukhutsa khwenya khuhonyinya vandu veve, khandi khwinyolela lira liu luyali lu mihika ni mihika. 45Yilukhaka ni ikholo natukha hakari hi tsinzeku; yiira vandu mu tsimbeka tsiosi tsivili, khuluveka lu mukhono musatsa nende mukhali, manivakhutsila khu tsimbeka tsivili tsienetso. 46Yinjilila mukari mwi inzeku, manachilivira nu vura khutukha lwa yakhutsa. Yakwa khuye nakhutsa. 47Lwa Vayahudi valola khuli vasikali vu vwami vali ni tsingulu, khandi khuli vali ni shinani shiu khukwana, vakomokha nivilukha.
48Mwami Antioko nende vasikali veve, varoonjela imbeli khutsia khuseera Vayahudi vamenyanga mu Yerusalemi. Mwami Antioko yatsililila khumenyayo khukwana shivala shia Yudeya nende Shikulu shia Sayoni. 49Mwami Antioko yakhola lilakano li milembe na vandu vi litaala lia Betsi zuri, navo nivarula mu litaala liavo lienelo; shichila shivalikhu ni shiukhulia shivatukha khumuhika kwi Lisabato, lwa viraakwa vikharaakwangwa mu milimi tawe. 50Nalwo lwa Mwami Antioko yavukula litaala lia Betsi zuri, navikhayo mukaanda kwa valindi khulilinda. 51Yavotokhana Litempeli khumatukhu manyishi. Yumbakha mitaalimbo chi minaara, mitaalimbo chiu khulesela mulilu mu liihe nende machina, nende mitaalimbo chindi chiu khulesela mivanu, halala ni tsifandili. 52Vayahudi valomba khandi mitaalimbo chi liihe chiu khukwanila vatsiku, ma liihe nilitsililila khuvaho khumatukhu manyishi. 53Navutswa shiukhwanyolakhu shiukhulia mu tsinzu tsia vavikhamu shiukhulia tawe, shichila kwali muhika kwi Lisabato. Vandu vilukha mu shivala shiavo, vali nivamali khutukha mu shivala shia Yudeya khurula mu vandu vi tsimbia tsindi, vali vamali shiukhulia shiali nishiarikala shiosi. 54Shiukhulia shiacheha muno, khali nikakhola vandu khusalana nivatsia ingo wavo vene, nivarika isavu indititi ya vandu mu Litempeli. 55Lisia yahulila ndi Filipu, wa Mwami Antioko wa Khane yali niyarovola nashili khukhutsa khutushitsa mwana wewe, nu khumwechitsa khuli anyala khwamiha khu shisoko shiu vwami, 56yali wakalukha khurula mu shivala shia Perisia, khandi mu litaala lia Media halala nu mukaanda kwa vasikali, vali nivatsiayo halala nu Mwami Antioko, nivali ni lienya liu khuvukula ni tsingulu vwamihi. 57Yahaana vwangu malako kukhukalukha inyuma, navoolela Mwami Antioko, mwimilili wimililanga mikaanda chia vasikali, vasikali, halala na vandu vali nivaliho, “Shia litukhu liosi khwamenya nu khuteteshelanga, shiukhulia shieru shiakhucheha, vasikali vakhukwananga navo vali ni tsingulu tsinyishi, khandi mihinzilu chiu vwami chikhuminanga muno. 58Leshi khuhulishitsane na vandu yava, khandi khukhole lilakano li milembe navo nende shivala shiavo. 59Leshi khuvahe vunyali vu khulonda malako kavo nende mwiima kwavo vene manya khuli vali nivamenya nivakholanga; shichila lwa khwarulitsaho malako kenako nende mwiima kwavo, nako kachila nivava vahingani khandi nu khukwa mu matiinyu.”
60Makhuva kenako kayaanzitsa Mwami Antioko nende vimilili vi mikaanda chia vasikali veve, khali nakhola lilakano li milembe na Vayahudi. Khulwa yako, Vayahudi vahuchilila. 61Nalwo lwa Mwami Antioko nende vimilili vi mikaanda chia vasikali veve visuuha khuvo. Vayahudi varula mu imbinga khulondokhana ni lilaaka lienelo. 62Navutswa lwa Mwami Antioko yinjila ha Shikulu shia Sayoni, manalola khuli havundu henaho hali ni imbinga yi tsingulu, yameneka lilaaka lienelo. Yavoolela vandu vapomolanyinyi lisisi lienelo. 63Nalwo lwa yarulaho vwangu, nakalukha mu litaala lia Antiokia. Yanyolayo Filipu niyimililanga litaala lienelo, navutswa yamukwana, manavukula ni tsingulu litaala lienelo.
Currently Selected:
1 MAKABAYO 6: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 MAKABAYO 6
6
Likhutsa lia Antioko wa Khane
(2 Mak 1:11-17; 9:1-29; 10:9-11)
1Lwa Mwami Antioko wa Khane yali nakhalakanyilanga mu shivala shia Mesopotamia, yahulila makhuva khulondokhana khu litaala lilala mu shivala shia Perisia lialaangwangwa Elimahisi liali ni liamanyikhana shichila liali liashila ifetsa nende itsahabu mu vunyishi. 2Litempeli lia Elimahisi liali liu vuhinda khushila muno, tsingavo tsialombwa khu itsahabu, inzu yiliihe nende viuchi viu khukwanila viali viarikwamu na Alekisanda mwana wu Mwami Filipu wamihanga Mekadonia, khandi wali niyaraanga khwamiha shivala shia Vaguriki. 3Antioko yitsa, nachelitsa khuvukula ni tsingulu litaala lienelo; navutswa yakhaywa khulivukula, shichila vandu vi litaala lienelo vali vamanyi khale makhuva keke. 4Yalaanga halala mukaanda kwa vasikali, nivaraanga khuvakwana. Nalwo lwa Antioko yakalukha Babilonia nu mwoyo mulitoho. 5Mundu yitsa khuye nali mu shivala shia Perisia, namuvoolela ndi mukaanda kwa vasikali vali nivatsia khukwana Yudeya vakuurwa; 6khandi Lisia nende vasikali veve va yali natsile navo vi tsingulu vamali khwilukha Vayahudi, shichila Vayahudi vali vanyoli tsingulu khurulana khu vindu viu khukwanila nende vindu via vali nivayaayi mukaanda kwa vasikali va vatsiku vavo; 7khandi ndi vali vasambulanyinya vwaali vu khusambilakhu vihanwa vi misango, vu Mwami Antioko yali niyumbakha mu Yerusalemu. Vavotokhana litaala likali lia Litempeli ni lisisi liraambi, shindu shishili khwikholekhakhu. Khali litaala lia Betsi-zuri, nilili litaala lilala khu mataala kali ku mwami mwene. 8Lwa mwami yahulila makhuva kenako, yikosa mu mwoyo, ma natsia khu shitali naraanga khulwala, shichila makhuva shikayikholekha khuli yenyanga tawe. 9Yakona mu shitali nalwalanga khumatukhu manyishi, shichila tsinganakani tsinyishi tsiatsililila khumukumila, namanya ndi atsitsanga khukhutsa. 10Khu, yalaanga valina veve, navavoolela, “Tsindolo tsikori mumoni mwanje, khandi ndi nu vuveleli mu mwoyo kwanje, shichila tsinganakani. 11Namanya ninzireeva, ‘Matiinyu kangwilili munjila shina, ninzi navetsanga mundu mulahi khandi nayanzwa nu mundu wosi mu vwamihi vwanje! 12Navutswa nunundi nzitsushitsanga vindu vitamanu via nakhola nindi mu Yerusalemi. Navukulayo vindu viosi vialombwa khu ifetsa nende itsahabu; khandi nahaana lilako liu khutivitsa vandu va Yuda, vuchila shivune shiosi. 13Manyi vulahi ndi matiinyu yaka kangwilile shichila kenako. Lolikhu, khuli ndivilanga mu shivala shia vandu vi tsimbia tsindi, ninyakhana mu mwoyo.’ ”
14Nalwo lwa yalaanga Filipu, wali mulala khu valina veve, namuha vunyali vu khwamiha shivala shieshie shiosi. 15Yamufwala itaachi, ikaanzu nende muhuuli ku vwami, khu atsililile khwimilila mwana wewe Antioko wa Kharanu, khutukha lwa aliitsa khwamiha. 16Mwami Antioko yakhutsilayo khumuhika kwi imia indala na makhomi kane na tisa.
17Lwa Lisia yavoolelwa ndi Mwami Antioko umali khukhutsa, yamihitsa mwana wa Antioko mwenoyo havukono ha tata wewe; manamukulikha lira Ehupatura. Lisia neye wa vilushitsa Antioko wa Kharanu, khuraanjila nashili mwana.
Khuli Antioko wa Kharanu nende Lisia Vakwana Tsimbia Tsindi
18Mumatukhu kenako, vandu vali nivivisa mu imbinga ya Yerusalemi, vali nivikalili Vaisraeli havundu handi himbi khu Litempeli. Vachelitsa mu tsinjila tsinyishi, khuli vanyala khusalilitsa Vayahudi nu khutsililila khukhonya vandu vi tsimbia tsindi. 19Nalwo lwa Yudasi yaviritsa nu mwoyo kwosi khuvativitsa. Yalaanga halala vandu voosi nivavotokhana imbinga yeneyo. 20Vandu vivunjelitsa halala nivavotokhana imbinga yeneyo khumuhika kwi imia indala na makhomi karanu. Vumbakha minaara nende milondi chindi chiu khulesela viuchi viliihe.
21Navutswa valala khu vatsiku venavo vali nivavotokhanilwi vamanya nivilukha; Vaisraeli vatamanu vakorwa Nyasaye valala viyunga navo. 22Vasimukha nivatsia khu Mwami Antioko nivavoola, “Nu luhono shina lwa uliitsa khuvukula khuvula khukhukholela ka khwenyanga nu khuvanzila vutamanu vwa vashieru vakholelwa? 23Khwali nu vuyaanzi lwa khwarumishilanga tata wowo, nu khumenya khulondokhana khuli yenyanga, khandi nu khulonda malako keke. 24Nashio shivune shiachila vashieru nivavukula ni tsingulu imbinga khandi nivakhululila khutsi. Khali ndio, vayiira vandu vanyishi khu khutsi khulondokhana khuli va vakumila; khandi vakhunuula miandu chieru. 25Navutswa shikali nu khutsi va vasalilitsa vonyene tawe; nikhali vaseera vareende vavo voosi. 26Vavotokhane nunundi imbinga ya Yerusalemi khuchivukula. Vamali khumbakha lisisi khulinda Litempeli nende litaala lia Betsi-zuri. 27Muvuli khuvikalila vwangu. Numukhola murio, vanyala khukhola vindu vinyishi vikali, mamuvuli khuvikalila khukhola.”
28Mwami Antioko yali nu vurima, lwa yahulila makhuva kenako. Yalaanga halala valina veve voosi, vimilili vi mikaanda chia vasikali veve halala na yavo vimililanga. 29Yasamulitsa khandi vasikali vu khurungwa khurula mu vivala vindi, khandi khurula mu visuulu via Guriki. 30Mukaanda kwa vasikali veve kwali na vasikali tsiheelefu makhomi kavili vi tsifarasi, tsinzeku makhomi kavaka na tsivili tsiu khukwana. 31Vavirila mu lusomo lwa Idumeha nivavotokhana litaala lia Betsi-zuri, ha vakwana khumatukhu manyishi. Vasikali vu Mwami Antioko vumbakha mutaalimbo ku khusiuvila viuchi, navutswa vali nu vucheli vu khukwana, nivarula ilwanyi khandi nivasamba mutaalimbo kwi liihe kwa vatsiku.
32Nalwo lwa Yudasi yasimukha, narula mu imbinga yeneyo, nasimiikha maheemo keke ku khumenyamu mu litaala lia Betsi Zakaria, khuluveka lundi lu mukaanda kwa vasikali vu Mwami Antioko vamenyanga. 33Khulitukhu lilondakhu mu mavwevwe, Mwami Antioko yasimukha navukula ni tsingulu mukaanda kwa vasikali veve, khuvanika khutsia khuvirila khu muhaanda kutsitsanga Betsi Zakaria; mukaanda kwa vasikali veve vakwana, manivakhuva visiliva. 34Vaha tsinzeku matunda ki misabibu nende vushelelu, khu tsirecheshitsa khu liihe. 35Vakavila mikaanda chia vasikali vakwanilanga khu vilenje tsinzeku tsienetso. Shia musikali wosi yaheelwa inzeku indala, matongolo ki shivia nende tsikofia tsialombwa khu mukasa. Vasikali tsimia tsiranu vitsifarasi vaheeleshitswa ni inzeku indala. 36Vasikali venavo vavukula vwiyangu vwavo shia havundu hosi hi inzeku yatsitsanga. Shiyavarikanga tawe. 37Minaara chialombwa khu misala chiachikhwa khu mikoongo chi tsinzeku. Vasikali vavaka vachendelelanga khu inzeku indala, khumeeta khu muhili wi inzeku. 38Mikaanda milala chia vasikali vi tsifarasi chiavikhwa khu shia khuluveka, khu tsimbeka tsivili tsia vasikali khusalilitsa vatsiku, vo nivalindwa na vasikali vakwananga nivarulila munyuma. 39Lwa liuva liasakha khu tsingavo tsialombwa khu itsahabu nende mukasa, vikulu vialolekhanga khuli viakhanga mulilu maniviloleshitsa manya khuli tsitoochi tsiakhanga. 40Mukaanda mulala kwa vasikali vu Mwami Antioko kwasalana mu vikulu viraambi, na kundi nu kutsia mu lwomera; vasikali visuunda imbeli khu vuloshitsi vulahi khandi nu mwiima mulahi. 41Vandu voosi vahulila liyooko li shituma shia vandu valaanjililanga, lichenda li shituma shia vandu khandi khukhuvakana khwi viuchi viavo, vatechela, shichila vasikali vali vanyishi khandi ni tsingulu tsinyishi.
42Navutswa Yudasi nende vasikali veve varoonjela nivatsia khukwana; vasikali tsimia sita vu Mwami Antioko viirwa. 43Navutswa lwa Eliazari wali ni lira lindi Avarani, yalola ndi indala khu tsinyama tsienetso ningali khuvira tsindi, khandi yali ya yachikhwakhu viuchi via vandu vi inzu yu vwami vakwanilanga, yakanakana mwami neye uchihilanga. 44Yirulitsa khukhutsa khwenya khuhonyinya vandu veve, khandi khwinyolela lira liu luyali lu mihika ni mihika. 45Yilukhaka ni ikholo natukha hakari hi tsinzeku; yiira vandu mu tsimbeka tsiosi tsivili, khuluveka lu mukhono musatsa nende mukhali, manivakhutsila khu tsimbeka tsivili tsienetso. 46Yinjilila mukari mwi inzeku, manachilivira nu vura khutukha lwa yakhutsa. Yakwa khuye nakhutsa. 47Lwa Vayahudi valola khuli vasikali vu vwami vali ni tsingulu, khandi khuli vali ni shinani shiu khukwana, vakomokha nivilukha.
48Mwami Antioko nende vasikali veve, varoonjela imbeli khutsia khuseera Vayahudi vamenyanga mu Yerusalemi. Mwami Antioko yatsililila khumenyayo khukwana shivala shia Yudeya nende Shikulu shia Sayoni. 49Mwami Antioko yakhola lilakano li milembe na vandu vi litaala lia Betsi zuri, navo nivarula mu litaala liavo lienelo; shichila shivalikhu ni shiukhulia shivatukha khumuhika kwi Lisabato, lwa viraakwa vikharaakwangwa mu milimi tawe. 50Nalwo lwa Mwami Antioko yavukula litaala lia Betsi zuri, navikhayo mukaanda kwa valindi khulilinda. 51Yavotokhana Litempeli khumatukhu manyishi. Yumbakha mitaalimbo chi minaara, mitaalimbo chiu khulesela mulilu mu liihe nende machina, nende mitaalimbo chindi chiu khulesela mivanu, halala ni tsifandili. 52Vayahudi valomba khandi mitaalimbo chi liihe chiu khukwanila vatsiku, ma liihe nilitsililila khuvaho khumatukhu manyishi. 53Navutswa shiukhwanyolakhu shiukhulia mu tsinzu tsia vavikhamu shiukhulia tawe, shichila kwali muhika kwi Lisabato. Vandu vilukha mu shivala shiavo, vali nivamali khutukha mu shivala shia Yudeya khurula mu vandu vi tsimbia tsindi, vali vamali shiukhulia shiali nishiarikala shiosi. 54Shiukhulia shiacheha muno, khali nikakhola vandu khusalana nivatsia ingo wavo vene, nivarika isavu indititi ya vandu mu Litempeli. 55Lisia yahulila ndi Filipu, wa Mwami Antioko wa Khane yali niyarovola nashili khukhutsa khutushitsa mwana wewe, nu khumwechitsa khuli anyala khwamiha khu shisoko shiu vwami, 56yali wakalukha khurula mu shivala shia Perisia, khandi mu litaala lia Media halala nu mukaanda kwa vasikali, vali nivatsiayo halala nu Mwami Antioko, nivali ni lienya liu khuvukula ni tsingulu vwamihi. 57Yahaana vwangu malako kukhukalukha inyuma, navoolela Mwami Antioko, mwimilili wimililanga mikaanda chia vasikali, vasikali, halala na vandu vali nivaliho, “Shia litukhu liosi khwamenya nu khuteteshelanga, shiukhulia shieru shiakhucheha, vasikali vakhukwananga navo vali ni tsingulu tsinyishi, khandi mihinzilu chiu vwami chikhuminanga muno. 58Leshi khuhulishitsane na vandu yava, khandi khukhole lilakano li milembe navo nende shivala shiavo. 59Leshi khuvahe vunyali vu khulonda malako kavo nende mwiima kwavo vene manya khuli vali nivamenya nivakholanga; shichila lwa khwarulitsaho malako kenako nende mwiima kwavo, nako kachila nivava vahingani khandi nu khukwa mu matiinyu.”
60Makhuva kenako kayaanzitsa Mwami Antioko nende vimilili vi mikaanda chia vasikali veve, khali nakhola lilakano li milembe na Vayahudi. Khulwa yako, Vayahudi vahuchilila. 61Nalwo lwa Mwami Antioko nende vimilili vi mikaanda chia vasikali veve visuuha khuvo. Vayahudi varula mu imbinga khulondokhana ni lilaaka lienelo. 62Navutswa lwa Mwami Antioko yinjila ha Shikulu shia Sayoni, manalola khuli havundu henaho hali ni imbinga yi tsingulu, yameneka lilaaka lienelo. Yavoolela vandu vapomolanyinyi lisisi lienelo. 63Nalwo lwa yarulaho vwangu, nakalukha mu litaala lia Antiokia. Yanyolayo Filipu niyimililanga litaala lienelo, navutswa yamukwana, manavukula ni tsingulu litaala lienelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013