1 VAKORINZO 4
4
Varumwa va Kristo Yalaanga
1Nu vulahi mundu nakhuvukule khuli varumishi va Kristo; khandi vandu vaheelwa vunyali vu khumanya vindu vwaviswa via Nyasaye. 2Khali ndio, shindu shilala shitushili khurula khu vandu vaheelwa muhinzilu khuli kwenoko, nu khwenya ndi vave vasuuvilwa mu shia shindu shiosi. 3Navutswa mbulakhu shimbenditsanga mwoyo, niiva munyala khukhalachila inoho vandu khukhalachila mushiina. Khali inzi mwene shinyala khwikhalachila tawe. 4Khali shinyala khuva namanyakhu shindu shimbenditsanga mwoyo tawe; navutswa shikanyala khukhola khuvula khuva nu vutamanu vwosi tawe. Mwami Nyasaye akhalachilanga inzi. 5Khulwa yako, muvuli khukhalachilakhu mundu litukhu lienyekhanga nilishili khutukha. Lindilili khutukha lu Mwami Nyasaye aliitsa khwitsa, lwa aliitsa khuvikha mu vulavu shia shindu shiosi shiaviswa mu shisuundi, nu khumanyinya havulavu kali mu mioyo chia vandu. Khulitukhu lienelo, Nyasaye aliitsa khwitsominya shia mundu wosi khuli kenyekhanga.
6Vasuuvili vashianje, mali khurumishila Apolo nende inzi mwene khuli shimanyilu shinyala khumukhonya khumanya shivune shi livoola, “Mulonde malako kahandikwa.” Numukhola ndio, khuvuli khwichinjilila shichila mulala khuvira wundi. 7Ni viina wamukhola khuva nu vunyali khuvira vandi? Ni shina shia muli nashio shia mwakhaheelwa? Nikava mwaheelwa, shichila shina mwichinjililanga khuli ni shihanwa shia mwakhaheelwa tawe?
8Khali mwanyola khale shia shiosi shia mwenyanga mu vunyishi! Mwamala khukwa vahinda! Mwamala khukwa vami, khali niiva shiukhuli vami tawe! Nu vulahi, nakhikombi muve numuli vami, khu khwamihi na munyi. 9Kalolekhanga ndi Nyasaye wakhukhola khutsi varumwa khuva vandu vukhumalilikha mu voosi, khuli vandu vakhalachilwa likhutsa; shichila khwakwa khuli vandu vu khukholelwa shihenye henye mu shivala, khu tsinjelosi, khali khu vandu. 10Khutsi khwakwa khuli vandu vayiingwa shichila Kristo; navutswa munyi muli nu vusitsa mu Kristo! Khutsi khuli vateteshele, navutswa munyi muli ni tsingulu! Munyi mwaheelwa luyali, navutswa khutsi khulechelitswangwa! 11Khali nunundi inzala yakhuleka nu vuluhu; khuvula shia khwifwala shilahi, khandi khushutwangwa vululu. Khuhuya huyanga lwa khuvula hango ha khunyala khumenya. 12Khunyakhananga nu khukhola mihinzilu ni tsingulu tsinyishi. Lwa khulaamwangwa, khuvasaalilanga tsikhaavi. Lwa khutambitswangwa, khwikhutsilanga. 13Lwa khunyekwangwa, khukholanga malahi. Khali khutukha nunundi, khuli manya vuchiafu mu shivala, vwa vandu vu mu shivala vambakhana!
14Shikali muhandichilanga makhuva yaka khulu khumuha tsisoni tawe; navutswa khumuchelihitsa, lwa muli vaana vaanje va nayaanza. 15Khali niiva muli na vivuli vanyishi vamwivula mu tsihelefu mu limenya lienyu mu Kristo, muli na tata mulala wonyene. Inzi nakwa khuli tata wenyu mu Yesu Kristo khuvirila mu Ivanjeli. 16Khulwa yako, musayanga numuyaanza mulonde mwiima kwanje. 17Murumilanga Timoteo, uli mwana wanje wa nayaanza, nali musuuvilwa mu Mwami. Alamwitsushitsa shia shindu shiosi khulondokhana khuli menyanga mu Kristo, nikali malala mele ka veechitsanga shia havundu hosi mu shia likanisa.
18Valala khu munyi vali nu vwiloli, lwa vali ninganakani shinyala khukalukha khumucheniha tawe. 19Navutswa niiva ni lienya liu Mwami, nyala khwitsa khumucheniha vwangu yuvu; shinzitsanga khurunishitsa manye ka vandu vilola venavo vavoolanga konyene tawe, navutswa narunishitsa tsingulu tsiavo. 20Vwami vwa Nyasaye, shikali vutswa lilomoloma lionyene tawe; navutswa nu vwi tsingulu. 21Ni shina shia mwikombanga khurovola? Mwenyanga nzitsi khumucheniha ni shivoko, inoho mu vuyaanzi khuvirila mu mwoyo ku vuhoma?
Currently Selected:
1 VAKORINZO 4: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
1 VAKORINZO 4
4
Varumwa va Kristo Yalaanga
1Nu vulahi mundu nakhuvukule khuli varumishi va Kristo; khandi vandu vaheelwa vunyali vu khumanya vindu vwaviswa via Nyasaye. 2Khali ndio, shindu shilala shitushili khurula khu vandu vaheelwa muhinzilu khuli kwenoko, nu khwenya ndi vave vasuuvilwa mu shia shindu shiosi. 3Navutswa mbulakhu shimbenditsanga mwoyo, niiva munyala khukhalachila inoho vandu khukhalachila mushiina. Khali inzi mwene shinyala khwikhalachila tawe. 4Khali shinyala khuva namanyakhu shindu shimbenditsanga mwoyo tawe; navutswa shikanyala khukhola khuvula khuva nu vutamanu vwosi tawe. Mwami Nyasaye akhalachilanga inzi. 5Khulwa yako, muvuli khukhalachilakhu mundu litukhu lienyekhanga nilishili khutukha. Lindilili khutukha lu Mwami Nyasaye aliitsa khwitsa, lwa aliitsa khuvikha mu vulavu shia shindu shiosi shiaviswa mu shisuundi, nu khumanyinya havulavu kali mu mioyo chia vandu. Khulitukhu lienelo, Nyasaye aliitsa khwitsominya shia mundu wosi khuli kenyekhanga.
6Vasuuvili vashianje, mali khurumishila Apolo nende inzi mwene khuli shimanyilu shinyala khumukhonya khumanya shivune shi livoola, “Mulonde malako kahandikwa.” Numukhola ndio, khuvuli khwichinjilila shichila mulala khuvira wundi. 7Ni viina wamukhola khuva nu vunyali khuvira vandi? Ni shina shia muli nashio shia mwakhaheelwa? Nikava mwaheelwa, shichila shina mwichinjililanga khuli ni shihanwa shia mwakhaheelwa tawe?
8Khali mwanyola khale shia shiosi shia mwenyanga mu vunyishi! Mwamala khukwa vahinda! Mwamala khukwa vami, khali niiva shiukhuli vami tawe! Nu vulahi, nakhikombi muve numuli vami, khu khwamihi na munyi. 9Kalolekhanga ndi Nyasaye wakhukhola khutsi varumwa khuva vandu vukhumalilikha mu voosi, khuli vandu vakhalachilwa likhutsa; shichila khwakwa khuli vandu vu khukholelwa shihenye henye mu shivala, khu tsinjelosi, khali khu vandu. 10Khutsi khwakwa khuli vandu vayiingwa shichila Kristo; navutswa munyi muli nu vusitsa mu Kristo! Khutsi khuli vateteshele, navutswa munyi muli ni tsingulu! Munyi mwaheelwa luyali, navutswa khutsi khulechelitswangwa! 11Khali nunundi inzala yakhuleka nu vuluhu; khuvula shia khwifwala shilahi, khandi khushutwangwa vululu. Khuhuya huyanga lwa khuvula hango ha khunyala khumenya. 12Khunyakhananga nu khukhola mihinzilu ni tsingulu tsinyishi. Lwa khulaamwangwa, khuvasaalilanga tsikhaavi. Lwa khutambitswangwa, khwikhutsilanga. 13Lwa khunyekwangwa, khukholanga malahi. Khali khutukha nunundi, khuli manya vuchiafu mu shivala, vwa vandu vu mu shivala vambakhana!
14Shikali muhandichilanga makhuva yaka khulu khumuha tsisoni tawe; navutswa khumuchelihitsa, lwa muli vaana vaanje va nayaanza. 15Khali niiva muli na vivuli vanyishi vamwivula mu tsihelefu mu limenya lienyu mu Kristo, muli na tata mulala wonyene. Inzi nakwa khuli tata wenyu mu Yesu Kristo khuvirila mu Ivanjeli. 16Khulwa yako, musayanga numuyaanza mulonde mwiima kwanje. 17Murumilanga Timoteo, uli mwana wanje wa nayaanza, nali musuuvilwa mu Mwami. Alamwitsushitsa shia shindu shiosi khulondokhana khuli menyanga mu Kristo, nikali malala mele ka veechitsanga shia havundu hosi mu shia likanisa.
18Valala khu munyi vali nu vwiloli, lwa vali ninganakani shinyala khukalukha khumucheniha tawe. 19Navutswa niiva ni lienya liu Mwami, nyala khwitsa khumucheniha vwangu yuvu; shinzitsanga khurunishitsa manye ka vandu vilola venavo vavoolanga konyene tawe, navutswa narunishitsa tsingulu tsiavo. 20Vwami vwa Nyasaye, shikali vutswa lilomoloma lionyene tawe; navutswa nu vwi tsingulu. 21Ni shina shia mwikombanga khurovola? Mwenyanga nzitsi khumucheniha ni shivoko, inoho mu vuyaanzi khuvirila mu mwoyo ku vuhoma?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013